KHILAFAT E RASHIDA (MUKAMMAL 4 PART) ROMAN

✭﷽✭

*✭ KHILAFAT E RASHIDA .✭*

*✿_ खिलाफते राशिदा _✿*

▪•═════••════•▪

*┱ ✿- Khilafat Ka Masla -,*

★_ Aan Hazrat ﷺ ki tadfeen ki Taiyariya'n ho rahi thi k Ek Shakhs ne Hazrat Umar Raziyllahu Anhu ke paas aa Kar Kaha :- Ey Umar ! Ansari Hazraat Saqifa bani Sa'adah me Jama Hai'n aur khilafat ke Masle per baat Kar rahe Hai'n _,"

Ye Sunte hi Hazrat Umar Raziyllahu Anhu Rasulullah ﷺ ke Darwaze per Tashreef laye, Hazrat Abu Bakar Siddiq Raziyllahu Anhu us Waqt andar they , Unhe bahar bulwaya , Wo Andar Kafan Dafan ki Taiyariyo'n me masroof they Lihaza kehla bheja k Mai'n is Waqt masroof Hu'n _,

★_ Hazrat Umar Raziyllahu Anhu ne andar fir Paigaam bheja k Ek Khaas Baat pesh aayi hai isliye bahar aa Kar sun Le'n _,

Hazrat Abu Bakar Raziyllahu Anhu bahar Tashreef laye, Hazrat Umar Raziyllahu Anhu ne Kaha :- Kya Aapko Maloom hai Saqifa bani Sa'adah me Ansar Jana Hai'n aur khilafat ke Masle per baat Kar rahe Hai'n aur sunne me Aaya hai k woh Hazrat Sa'ad bin ubada Raziyllahu Anhu ko khalifa banana chahte Hai'n ya Fir unka kehna hai k Ek Ameer Muhajireen me se ho aur Ek Ansar me se _,"

★_ Ye Sunte hi Hazrat Abu Bakar Siddiq Raziyllahu Anhu ne Hazrat Umar Raziyllahu Anhu ko Saath liya aur tezi se Saqifa bani Sa'adah ki taraf chal pade, Raaste me Hazrat Abu Ubaida bin Jarrah Raziyllahu Anhu mil gaye, Wo bhi unke Saath ho Liye ,

★_ Saqifa bani Sa'adah Ansari Sahabi Hazrat Sa'ad bin Ubada Raziyllahu Anhu ki milkiyat thi aur bethak Ka Kaam deti thi, Ansari Hazraat waha'n Jama ho Kar Aapas ke faisle Kiya Karte they, Aaj waha'n is Silsile me taqareer ho rahi thi, Hazrat Sa'ad bin Ubada Raziyllahu Anhu Taqreer me keh rahe they :-

"_ Ey giroh Ansar ! Deen me Tumhe wo bartari haasil hai aur Islam me Tumhe Fazilat haasil hai Jo Arab me Kisi Ko nahi.. Tumne Mushkil tareen Waqt me Rasulullah ﷺ Ka Saath diya Jab unke Apne log unse dushmani Kar rahe they, Tumne Muhajireen ki madad ki , islam ke Dushmano ke Saath jihaad Kiya , Ab Allah Ta'ala ne Apne Rasool ﷺ ko Apne Paas bula liya , is haal me k wo Tumse bahut Khush they Lihaza khilafat Tumhara haq hai.. aur Kisi Ka nahi _,"

★_ Hazrat Sa'ad bin Ubada Raziyllahu ki is Taqreer ko Ansar ne Pasand Kiya Taham ek do ne ye Sawal Kiya :- Agar Muhajireen ne is Baat ko Pasand na Kiya ho ?

Ansari Hazraat me se Chand ne iska ye Jawab diya :- Tab hum ye Tajveez pesh karenge k Ek Ameer humme se ho aur Ek Ameer tumme se ho _,"

★_Hazrat Sa'ad bin Ubada Raziyllahu Anhu ne is Tajveez ko na Pasand farmaya... itne me ye Dono Hazraat waha'n pahunch gaye, Hazrat Umar Raziyllahu Anhu farmate hai'n k Mai'n Raaste me ye sochta Aaya tha k waha'n ja Kar kya kahunga Apni Taqreer Ka mazmoon Maine Soch liya tha.. waha'n pahunch Kar Maine chaha Apni Taqreer shuru Karu'n... Mera iraada bhaanp Kar Hazrat Abu Bakar Raziyllahu Anhu bole :- Zara sabr Karo Pehle mujhe keh Lene do fir Jo Tumhara ji Chahe kehna _,"

★_ Fir Unhone Taqreer shuru ki to Wo esi thi k Jo Kuchh Mai'n kehna Chahta tha usse bhi zyada Behtar Unhone keh diya, Hazrat Abu Bakar Raziyllahu Anhu ne is nazuk moqe per Jo Taqreer ki wo ye thi :-

"_ Allah Ta'ala ne Apni Makhlooqaat ke paas Muhammad ﷺ ko Apna aur Apni Ummat Ka nigraa muqarrar Kar ke isliye mabous farmaya tha k Sirf uski parastish ho uski wehdaniyat ho , Halanki isse Pehle log Allah Ta'ala ke Siva Mukhtalif Ma'aboodo ki ibaadat Karte they, Daava Karte they ye Ma'abood Allah Ke Yaha'n unki sifarish Karne wale aur nafa Pahunchane wale Hai'n Halanki Wo Patthar se tarashe aur Lakdi se banaye Jaye they , Allah Ta'ala farmata hai :-

"_ ( Tarjuma ) .. aur Allah Ke Siva eso ki parasti Karte Hai'n Jo na unki nafa pahuncha sakte Hai'n aur na nuqsaan aur Wo Kehte Hai'n ye Hamare Ma'abood Allah Ke Yaha'n Hamare sifarishi Hai'n _," ( Surah Yunus -10 ) _,"

"_ Rasulullah ﷺ Ka ye payaam Arbo'n ko nagawaar hua aur Wo Apne Aaba'i Deen ke tark Karne per amaada na hue , Allah Ta'ala ne Aapki tasdeeq ke liye Muhajireen Avvaleen ko Makhsoos farmaya, Wo Aap ﷺ per imaan laye , Unhone Aap ﷺ ke Saath har haal me rehne ke liye Bayt Ka vaada Kiya aur bavjood Apni Qaum ki iyza rasaa'i aur takzeeb ke Unhone Rasulullah ﷺ Ka Saath diya , Halanki Tamaam log unke Mukhtalif they aur un per zulm Karte they , Magar Tamaam logo ke zulm aur Unki Sazisho ke bavjood Apni Kam tadaad se Kabhi mutassir aur Khaa'if nahi hue , is Tarah Wo Pehle log Hai'n Jinhone is Zameen me Allah Ta'ala ki ibaadat ki aur Allah Ta'ala aur Uske Rasool ﷺ per imaan laye , Wo Rasulullah ﷺ ke wali aur khandaan wale Hai'n aur Unke baad is mansabe imaarat ke sabke muqable me Wohi zyada mustahiq Hai'n aur Mai'n samajhta Hu'n k unke is Haq me Sivaye Zaalim ke aur koi unse Jhagda nahi karega _,"

"_ Ab rahe Tum Ansar ! Koi Shakhs Deen me Tumhari Fazilat aur ibtidayi shirkat aur khidmat Ka inkaar nahi Kar Sakta, Allah Ta'ala ne Apne Deen aur Apne Rasool ki himayat ke liye tumhe Pasand Kiya aur isliye Rasulullah ﷺ Tumhare paas Hijrat Kar Ke Aaye , is Waqt bhi unki Azwaaj aur Ashaab Tumhare Yaha'n rehte Hai'n, Beshak Muhajireen ke baad Tumhare muqable me Hamari Nazar me Kisi aur ki qadro manzilat nahi hai , Lihaza munasib hoga k Ameer hum Ho'n aur tum Wazeer , Har maamle me Tumse Mashwara Kiya Jayega aur bager Tumhare ittefaaqe raay ke hum koi Kaam nahi karenge _,"

★_Hazrat Abu Bakar Siddiq Raziyllahu Anhu ki Taqreer Khatm hui to Hazrat Sa'ad bin Ubada Raziyllahu Anhu ne un logo se Kaha :-

"_ Ey giroh Ansar ! Tum Wo log ho jinhone Sabse Pehle Deen ki himayat ki , Ab esa na Karo k tum hi Deen me bigaad paida Karo _,"

Hazrat Basheer bin Sa'ad Ansari Raziyllahu Anhu ne bhi isi qism ke Alfaz kahe , Ese me Hazrat Abu Bakar Siddiq Raziyllahu Anhu bol uthe :-

"_ Ye Umar Hai'n aur Ye Abu Ubaida Hai'n , Tum inme Se jise chaho Ameer Bana lo _,"

Ye Dono Hazraat foran bol uthe :-

"_ Aapke Hote hue hum hargiz is mansab ko qubool nahi karenge , Kyunki Aap Muhajireen me Sabse Buzurg Hai'n , Gaar me Rasulullah ﷺ ke rafeeq rahe , aur Namaz ki imaamat me Rasulullah ﷺ ke Jaa'naaheen ban chuke Hai'n ... aur Namaz Hamare Deen Ka Sabse Bada rukn hai , isliye Aapke Hote hue ye Baat Kisi Ko zaib nahi deti hai k Wo Ameer bane , Aap Apna Haath Bayt ke liye badhaye'n _,"

★_ Ab Jo'nhi Hazrat Umar Farooq Raziyllahu Anhu aur Hazrat Abu Ubaida Raziyllahu Anhum bayt ke liye aage bade, Unse bhi Pehle Hazrat Basheer bin Sa'ad Raziyllahu Anhu ne Aage bad Kar Hazrat Abu Bakar Siddiq Raziyllahu Anhu se Bayt Kar li , Fir sab hi bayt ke liye uth Aaye , Har taraf se log aa aa Kar Hazrat Abu Bakar Siddiq Raziyllahu Anhu ki Bayt Karne lage ,

★_ Bayt ke baad Hazrat Abu Bakar Siddiq Raziyllahu Anhu aur doosre Hazraat waapas lote, Aan Hazrat ﷺ ki tadfeen me Shareek hue , Dafan ke Waqt ye ikhtilaaf paida hua k Aan Hazrat ﷺ ko Dafan Kaha'n Kiya Jaye ? Hazrat Abu Bakar Siddiq Raziyllahu Anhu ne is moqe per farmaya :-

"_ Maine Rasulullah ﷺ se ek Hadees suni hai aur Mai'n use bhoola nahi aur wo ye Hai k Allah Kisi Nabi ki Rooh usi Jagah qabz karta Hai Jaha'n use dafan hona Pasand hota hai, Lihaza tum bhi Aan Hazrat ﷺ ko Yahi'n dafan Karo _,"

Chunache esa hi kiya gaya ,

★_ Pehle Din Jo Bayt hui thi wi Khaas logo ke majme me hui thi Lihaza doosre Din Masjide Nabvi me Aam Bayt Ka intezam Kiya gaya, Sab Musalman Jama hue , is moqe per Hazrat Umar Raziyllahu Anhu ne Mimbar per Beth Kar khutba diya aur farmaya :-

"_ Mai'n Ummeed karta Hu'n k Rasulullah ﷺ hum logo ke baad tak zinda rahenge, Lekin ab Wo wafaat pa gaye Hai'n, bahar haal Allah Ta'ala ne Tumhare Saamne ek esa Noor rakh diya hai Jisse tum Wohi hidayat haasil Kar sakte ho Jo Rasulullah ﷺ se haasil karte they , bila shub'ha Abu Bakar Siddiq Raziyllahu Anhu Rasulullah ﷺ ke Saathi aur Gaar ke rafeeq Hai'n , Musalmano ki sarbarahi ke liye tumme Sabse Behtar Yahi'n Hai'n... Bas khade ho jao aur inse Bayt Karo _,"

★_ Ye Kehne ke baad Hazrat Umar Raziyllahu Anhu ne Hazrat Abu Bakar Siddiq Raziyllahu Anhu se arz Kiya :-

"_ Aap Mimbar per aa Jaye'n _,"

Hazrat Abu Bakar Raziyllahu Anhu ke Jism me koi Harkat na hui , unse Ka'i baar Kaha gaya Tab Wo khade hue aur Musalmano ne unse Bayt ki , iske baad Unhone logo ko khutba diya, Khalifa banne ke baad ye unka pehla khutba tha ,

★_ Tabqaat ibne Sa'ad me hai k esa khutba fir Kisi Zubaan Se sunne me nahi Aaya , Hazrat Abu Bakar Siddiq Raziyllahu Anhu ne Pehle to Allah ki Hamd v Sana Bayan ki fir farmaya :-

"_ Logo ! Mai'n Tumhara Ameer banaya gaya Hu'n Halanki Mai'n Tumse Behtar Nahi , Pas agar Mai'n Achchha Karu'n to Meri madad Karo aur Mai'n agar Bura Karu'n to mujhe sidha Karo , Sachchayi Ek Amanat hai aur Jhoot Khayanat, Tumme Jo Kamzor hai Wo mere Nazdeek Taaqatwar hai Jab tak k Mai'n uski Shikayat door na Kar du'n aur tumme Jo Taaqatwar hai Wo mere Nazdeek Kamzor hai jab tak k usse haq wasool na Kar Lu'n, Jo Qaum jihaad Chhod deti hai Allah Ta'ala us per zillat musallat Kar deta hai aur Jis Qaum me behayai aam ho Jati Hai Allah Ta'ala un per Musibat Naazil Kar deta hai, Mai'n jab tak Allah aur Uske Rasool ki ita'at Karu'n tum Meri ita'at Karo aur Jab Mai'n Allah Ta'ala aur Uske Rasool ki nafarmani Karu'n to tum per Meri koi ita'at Farz nahi , Ab Namaz Ke liye utho Allah Ta'ala tum per Raham farmaye _,"

★_ Seerat aur Tareekh ki Kitaabo me ye Zikr milta hai k Kuchh logo ne us Din Hazrat Abu Bakar Siddiq Raziyllahu anhu se Bayt nahi ki thi, Unme Ek Naam Hazrat Ali Raziyllahu Anhu Ka liya jata hai , Aam tor per Kaha jata hai k Unhone 6 maah tak Yani Hazrat Fatima Raziyllahu Anha ki wafaat tak Bayt nahi ki aur Ghar me Bethe rahe , Fir 6 maah baad Bayt ki .. Lekin ye Baat Durust nahi,

★_ Mustadrak Haakim ne Hazrat Abu Saied khudri Raziyllahu Anhu se rivayat ki hai :-

"_ Kabhi Abu Bakar Mimbar per Beth gaye to Unhone logo per Nazar daali , Hazrat Ali Raziyllahu Anhu Nazar na Aaye to unke bare me Puchha, is per Kuchh Ansari uthe aur Hazrat Ali Raziyllahu Anhu ko le Aaye, Uske baad Hazrat Ali Raziyllahu Anhu ne Hazrat Abu Bakar Siddiq Raziyllahu Anhu se Bayt Kar li , imaam Haakim farmate hai'n k ye Hadees Sahih hai _," *( Mustadrak Haakim)*

★_ Ye Theek hai k Hazrat Ali Raziyllahu Anhu ne Hazrat Fatima Raziyllahu Anha ki wafaat ke baad Ek Baar fir Hazrat Abu Bakar ki Bayt ki thi Magar ye Doosri Bayt is vajah thi k Virasat ke maamle me Jo ilmi ishkaal Hazrat Ali ko tha Wo bhi jata raha tha , Matlab ye k Khilafat ke Silsile ki Bayt to usi Din Kar li thi , ye Doosri Bayt Tajdeede Bayt thi aur ilmi ishkaal ke Khatm hone Ka khula elaan Kar thi ,

★_ Hazrat Zuber bin Awaam Raziyllahu Anhu ke bare me bhi isi qism ki baat Kahi Jati Hai, Lekin ye bhi Durust nahi, Hazrat Zuber Raziyllahu Anhu ne bhi Hazrat Ali Raziyllahu Anhu ke Saath hi Bayt ki thi, *( Mustadrak Haakim - Jild -3 Safa -66 )*

★_ Isi Tarah Hazrat Sa'ad bin Ubada Raziyllahu Anhu ke bare me bhi Kaha jata hai k Unhone bhi Bayt nahi ki thi... Ye bhi galat hai , Kyunki Musnad imaam Ahmad me hai k Hazrat Sa'ad bin Ubada Raziyllahu Anhu ne Khushi se Bayt ki thi, Maloom hua m Islam ke Dushman log esi baate mash'hoor Karte Hai'n, unki taraf kaan nahi dharna Chahiye ,

★_ Jis Waqt Hazrat Abu Bakar Siddiq Raziyllahu Anhu Khalifa bane wo Musalmano ke liye Nihayat naazuk Waqt tha , Sabse Bada Sadma to Huzoor Nabi Kareem ﷺ ki wafaat Ka tha , iske alawa Madina Munavvara me munafiqo Ka Ek giroh mojood tha , Ye log Musalmano ko nuqsaan Pahunchane Ka koi moqa Haath se Jane Nahi dete they, Aan Hazrat ﷺ ki Hayaat mubarak me bhi inhone Baar Baar Munafqat dikhayi thi , Aan Hazrat ﷺ ki wafaat ke baad Unhone khul Kar Kaam Karne ki thaan li ,

★_ Hazrat Abdullah bin Masoud Raziyllahu Anhu us Waqt Ke Halaat Ka naqsha in Alfaz me Bayan karte Hai'n :-

"_ Rasulullah ﷺ ki wafaat ke baad hum Musalmano ko ese Halaat Ka saamna Karna pada k Agar Allah Ta'ala Abu Bakar Siddiq Raziyllahu ko ata farma Kar hum per Ahsaan na Karte to hum Halaak ho jate _,"

★_ Isi Tarah Ayesha Siddiqa Raziyllahu Anha Farmati Hai'n :-

"_ Rasulullah ﷺ ki wafaat ke baad mere Waalid per Musibato ke pahaad toot pade , Ek taraf Madina Munavvara me munafiq mojood they Doosri Taraf Arab murtad ho rahe they _,"

★' _ in Halaat me Ek Aham masla ye tha k Aan Hazrat ﷺ ne Apni Zindgi ke Aakhri Dino me Hazrat Osama bin Zaid Raziyllahu Anhu ki qayadat me Ek Lashkar rawana farmaya tha , Wo Aan Hazrat ﷺ ki wafaat ki vajah se Ruk gaya tha , Hazrat Abu Bakar Siddiq Raziyllahu Anhu ke Saamne Sabse Bada Sawal ye tha k wo us lashkar ko rawana Kare'n ya Pehle murtad ho Jane Walo ki taraf Tavajjoh de'n , us Waqt Tamaam Sahaba Bahut ghabraye hue they,

╨─────────────────────❥

*★_ Lashkare Osama Raziyllahu Anhu Ki Rawangi _,"*

★_ Sahaba kiraam Raziyallahu Anhum ne in Halaat me Hazrat Abu Bakar Siddiq Raziyllahu Anhu ko ye mashwara diya:-

"_ Aap dekh rahe Hai'n Halaat kya Hai'n , le de Kar ab Yahi Musalman Hai'n Jo Aapke Saamne Hai'n , Aap dekh hi rahe Hai'n k Arab Ka Kya haal hai .... isliye munasib nahi k Aap is Waqt us Lashkar ko rawana farmaye'n _,"

★_ Allah Ta'ala ne Rasulullah ﷺ Ka khalifa bhi to Kisi Aam insaan Ko nahi banaya tha , Wo Pahaado se bhi Zyada mazboot they , Sabki Raay sun Kar bole :-

"_ Qasam hai us zaat ki Jiske qabze me Meri Jaan hai ... Us Lashkar ko bhejne ke Silsile me agar Madina is Tarah Khaali ho Jaye k Mai'n hi Akela reh jau'n aur Darinde aur Kutte mujhe faad khaye'n to bhi Mai'n Osama ko Aan Hazrat ﷺ ke hukm ke mutabiq us muhim per rawana karunga _,"

★_ Ab Jab Sahaba kiraam Raziyallahu Anhum ko Hazrat Abu Bakar Siddiq Ka Faisla Maloom ho gaya aur Unhone jaan liya k Khalifa e Rasool esa Kar Ke rahenge to Hazrat Umar Raziyllahu Anhu ne is moqe per ye mashwara diya :-

"_ Ey Khalifa e Rasool ! Is lashkar me Umar Raseeda aur Tajurbe Kaar Sahaba Shamil Hai'n .. Jabki Osama Nojawan Hai'n, isliye Behtar ye rahega k Kisi Umar Raseeda aur Tajurbe Kaar Aadmi ko Lashkar Ka Ameer muqarrar farma de'n _,"

★_ Ye Raay Sunte hi Hazrat Abu Bakar Siddiq Raziyllahu Anhu Shadeed Gusse me aa gaye aur farmaya :-

"_ Ey Khattab Ke bete ! Rasulullah ﷺ ne Osama ko Lashkar Ka Ameer muqarrar farmaya hai aur tum Kehte ho Mai'n unki Jagah Kisi aur ki Ameer muqarrar Karu'n, Esa hargiz nahi Hoga _,"

★_ Ye Mashwara dar asal Hazrat Umar Raziyllahu Anhu ko Kuchh doosre Sahaba kiraam ne diya tha , Hazrat Umar Raziyllahu Anhu Hazrat Abu Bakar Siddiq Raziyllahu Anhu Ka Faisla sun Kar unke paas waapas Aaye aur Unhe Bura bhala Kaha k unki vajah se Unhe Khalifa e Rasool ki Naraazgi Ka saamna Karna pada _,

★_ Ab Hazrat Abu Bakar Siddiq Raziyllahu Anhu ne Elaan farmaya :-

"_ Jin logo ko Osama ke lashkar me Shamil Kiya gaya tha Jane ke liye Taiyaar ho Jaye'n, Unme se koi bhi Pichhe na rahe ... Sab log muqame Harf me pahunch Jaye'n _,"

★_ Sahaba kiraam Raziyallahu Anhum Taiyaar ho Kar waha'n pahunch gaye, Ab Hazrat Abu Bakar Siddiq Raziyllahu Anhu waha'n Tashreef laye , Hazrat Osama bin Zaid Raziyllahu Anhu ko rawangi Ka hukm farmaya, Lashkar rawana hua to Hazrat Abu Bakar Siddiq Raziyllahu Anhu unke Ghode ki lagaam thaame Paidal chal rahe Hai'n .. is Soorate Haal se Hazrat Osama Raziyllahu Anhu pareshan hue , Chunache Unhone arz Kiya :-

"_ Ey Khalifa e Rasool ! Ya to Aap bhi sawaar ho Jaye'n ya Mai'n ghode se utar jata Hu'n _,

Us Waqt Hazrat Abu Bakar Siddiq Raziyllahu Anhu ne Jawab diya, is per insaan jitna bhi jhoome Kam hai , ... Aapne farmaya :-

"_ Allah ki qasam ! Na tum utroge na Mai'n sawaar hunga , Kya hua agar Allah Ta'ala ke Raaste me Kuchh dayr ke liye mere Paanv gubaar Aalood ho gaye, Gaazi ke har har qadam ke badle saat so (700) nekiya'n likhi Jati Hai _,"

★_ iske baad Hazrat Abu Bakar Siddiq Raziyllahu Anhu ne Hazrat Osama Raziyllahu Anhu se farmaya :-

"_ Agar tum na- munasib na samjho to Umar ko mere paas Chhod Ja'o, Mujhe unke Mashware ki zarurat hogi _,"

Hazrat Osama Raziyllahu Anhu ne ye Baat Khushi se maan li, Ab Hazrat Abu Bakar Siddiq Raziyllahu Anhu ne Lashkar ko rok Kar Nihayat aham aur Qeemti hidayat di ,

★_ Rukhsati ke Waqt Hazrat Abu Bakar Siddiq Raziyllahu Anhu Hazrat Osama Raziyllahu Anhu se ye bhi farmaya :-

"_ Rasulullah ﷺ ne tumhe Jese Hukm diya tha, Wese hi Karna .. uski tameel me zarra barabar kotahi na ho _,"

Aur Aan Hazrat ﷺ ne Apne Aakhri Ayyam me unse farmaya tha :-

"_ Filisteen Ki Sarzameen me Balqa aur Daroom ke Jo ilaaqe Hai'n islami Lashkar unko Fatah Kar Ke Aaye _,"

Ye Lashkar Teen Hazaar Muhajireen Aur Ansar per mushtamil tha , isme se ek Hazaar Sawaar Fauj thi ,

★_ Jab ye Lashkar iysaiyo'n ke Lashkar ke Saamne Aaya to Hazrat Osama Raziyllahu Anhu ne unse farmaya :-

"_ Ey Mujahideen e islam ! Hamle ke liye Taiyaar ho jao , Dushman agar bhaag nikle to Uska Puchha na Karna , Aapas me muttahid raho aur ittefaaq se raho .... Halki Awaaz se bolo , Allah ko Apne Dilo me Yaad Karo aur Talwaar jab ek Baar niyaam se bahar nikaalo to fir jab tak tum Apne Dushman Ke sar qalam na Kar do unko niyaamo me na rakhna _,"

★_ is Taqreer ke baad Hamla shuru hua , us Waqt Hazrat Osama Raziyllahu Anhu Apne Waalid ke ghode per sawaar they Jis per Jung Karte hue Wo Shaheed hue they , Shadeed ladayi ke baad Aakhir Dushman bhaag nikla , Unme se beshumaar qatl hue aur Lashkare Osama kamyaab raha , is Jung me Ek bhi Musalman Shaheed nahi hua tha ,

★_ Hazrat Osama Raziyllahu Anhu ne Kamyaabi ki khabar Madina Munavvara rawana farmayi , Madina Munavvara me is khabar se Khushi ki Lehar daud gayi , Jab Lashkar Madina me dakhil hua to Hazrat Abu Bakar Siddiq Raziyllahu Anhu aur doosre Sahaba Samet Madina ke logo ne Uska Zabardast istaqbaal Kiya, Hazrat Osama Raziyllahu Anhu us Waqt bhi Apne Waalid ke ghode per sawaar they aur Unke Ghode ke aage Hazrat Bureda Raziyllahu Anhu Parcham uthaye chal rahe they aur ye Wohi Parcham tha Jo Aan Hazrat ﷺ ne Apni wafaat se Chand Roz Pehle Hazrat Osama Raziyllahu Anhu ke Supurd Kiya tha,

★_ Jab Kuchh logo ne Hazrat Osama Raziyllahu Anhu ko Ameer banane per aitraaz Kiya tha , Hazrat Abu Bakar Siddiq Raziyllahu Anhu ne farmaya tha :-

"_ Jis Parcham ko Rasulullah ﷺ ne khud khola tha , Mai'n use kis Tarah lapet du'n _,"

★_ Us Waqt Musalmano ki Khushi bepaya thi , Is muhim Ka Sabse Achchha natija ye Saamne Aaya k Qaisar Rom bad hawaas ho gaya, Wo us Waqt Hims me tha , Usne Apne logo se Kaha :-

"_ Dekho ye Wohi log Hai'n Jinse Maine tumhe Khabardaar Kiya tha Lekin tumne Meri baat per dhyan nahi diya ... Ab Zara un Arbo ki hummat aur Jurr'at dekho, Ek Maah ke Faasle per aa Kar tum per Hamla Kar dete Hai'n aur Sahi Salamat waapas chale jate Hai'n _,"

★_ Arab aur Shaam ki Sarhado per Jo Qaba'il Abaad they Wo Aan Hazrat ﷺ ki wafaat ki khabar sun Kar Baagi ho gaye they, is Fatah se Unhe Yaqeen ho gaya k Madina Munavvara me Musalmano ki Bahut badi tadaad mojood hai , Varna is qadar Faasle per lashkar hargiz rawana nahi Kar Sakte they , is khayal ne un per Musalmano ki dhaak bitha di ,

★_ Ye muhim Maah Rabiul Awwal 11 Hijri me rawana ki gayi Thi aur Rawana hone ke baad waapas Aane tak do Maah lage they , is Zabardast Kamyaabi Ke baad Hazrat Abu Bakar Siddiq Raziyllahu Anhu ne un logo ke khilaf Kaarwayi Ka Faisla farmaya Jo Zakaat Ka inkaar Kar bethe they ,

╨─────────────────────❥

★_ Munkireen Zakaat Se Elaan E Jung _,*

★_ Aan Hazrat ﷺ ki wafaat ke baad Madina ke Aas Paas Abaad Qaba'il ne elaan Kar diya k hum Zakaat nahi denge , Jinme Banu Kanana , Banu Gatfaan , Banu Qararah , Banu Abas aur Zibaan Shamil they , Inhone elaan Kiya :- Hum Namaz to padhenge Lekin Zakaat nahi denge _,"

Ab Hazrat Abu Bakar Siddiq Raziyllahu Anhu ne in Qaba'il ke khilaf Elaan E Jung Kiya to Ek Baar Sahaba kiraam Raziyallahu Anhum Pareshan hue bager na reh sake _,,

★_ Hazrat Umar Raziyllahu Anhu ne is Faisle per aitraaz Karte hue arz Kiya :- Aap in logo se kis Tarah Jihaad karenge , Aan Hazrat ﷺ ne to farmaya hai - mujhe Hukm diya gaya hai k logo se us Waqt tak qitaal Karu'n jab tak k wo .... Laa ilaaha illallahu Muhammadur Rasulullah .. na kahe'n , Lekin jab wo Kalma padh lenge to Unki jaane aur Unke Maal mehfooz ho Jayenge _,"

★_ is Baat ke Jawab me Hazrat Abu Bakar Siddiq Raziyllahu Anhu ne farmaya :- Namaz aur Zakaat me Farz hone ke aitbaar se koi farq nahi , Chunache Qurane Majeed me aksar maqamaat per Namaz aur Zakaat Ka Zikr Ek Saath hai , iske alawa Qur'an me irshad Hai .. Pas agar ye log Tauba Kar Le'n aur Namaz padhe aur Zakaat Ada Kare'n to unhe Kuchh na kaho _,"

★_ Iske alawa ek Daleel ye Hai k Aan Hazrat ﷺ ki khidmat me Taa'if Ka Ek wafad aaya tha , Usne Kaha tha k Hum islam qubool Karne Ke liye Taiyaar Hai'n Lekin hum Namaz nahi padhenge, Aan Hazrat ﷺ ne Bahut Sakhti se unki Baat Radd farmayi thi aur farmaya tha , Bhala Wo Deen hi kya Jisme Namaz nahi ho _,"

So jab Namaz Ke bager Deen nahi to Zakaat Ke bager bhi Deen nahi _,"

★_ Ye Jawab sun Kar Hazrat Umar Raziyllahu Anhu ne is Baat ko durust tasleem Kar liya , Hazrat Umar Raziyllahu Anhu ne is moqe per farmaya :- Thodi hi dayr hui thi k Maine Dekh liya , Allah Ta'ala ne Abu Bakar Ka Seena Khol diya tha _,"

★_ Jo log ye Baat Karne ke liye Aaye they k hum Zakaat nahi denge, wo Mayoos ho Kar lot gaye , Madina Munavvara se rukhsat Hote Waqt un logo ne ye Baat saaf Mehsoos Kar li thi k Madina Munavvara me is Waqt thode Musalman baqi Hai'n, Zyadatar to Hazrat Osama Raziyllahu Anhu ke Lashkar ke Saath ja chuke Hai'n, Unhone Apne Qabilo ko Jama Kiya , Saari Soorate Haal Unhone batayi k is moqe se faayda uthana Chahiye ... Is Waqt Madina Munavvara per Qabza Karna Bahut Asaan Kaam Hoga _,"

★_ idhar ye log ye mansooba bana rahe they, udhar Hazrat Abu Bakar Siddiq Raziyllahu Anhu ne Waqt ki nazakat ko Mehsoos Kar liya aur Madina Munavvara ki Hifazat me lag gaye, Pehla kaam Unhone ye Kiya k bade bade Sahaba Hazrat Ali , Hazrat Abdur Rahman bin Auf, Hazrat Zuber bin Awaam, Hazrat Abdullah bin Masoud, Hazrat Talha bin Abdullah Raziyllahu Anhum ki sarkardi me Madina Munavvara ke Mukhtalif Raasto per hifazati daste muqarrar farma diye ,

★_ Baqi Jo log Madina Munavvara me they un per Masjid ki haazri Zaroori qaraar di Taki hangami Haalat me foran sabko khabar ho Jaye , Saath hi Aapne sab logo ko Khabardaar Karte hue farmaya :- "_ Musalmano ! Ye Jo wafad Yaha'n se gaya hai Ye Tumhari tadaad ki Kami ko dekh Kar gaya .. ye log Kisi bhi Waqt hum per hamla Kar sakte Hai'n, Ye Hai'n bhi Aas paas ke , Unhe Madina Munavvara tak pahunchne me dayr nahi lagegi , Humne unki Baat nahi maani Lihaza ye Hamla Zaroor karenge _,"

★_ Hazrat Abu Bakar Raziyllahu Anhu Ka khayal bilkul Durust Saabit hua , Zakaat Ka inkaar Karne wale Qaba'il ne Madina Munavvara per hamla Kar diya, Hazrat Abu Bakar Siddiq Raziyllahu Anhu ne Pehle hi hifazati daste muqarrar farma diye they , Unhone hamle ki ittela Aapko bhej di, Aapne Unhe Paigaam bheja k Apni Jagah date raho , Mai'n aa raha Hu'n , Fir Aapne Musalmano ko saath liya aur Baagiyo ke muqable me aaye , Zordaar Jung hui ... Baagi hamle ki taab na la sake aur bhaag nikle ,

★_ Musalmano ne unka Puchha Kiya , Baagiyo ne Zohasi ke Muqaam per pahunch Kar panaah li , Waha'n unke Saath doosre Baagi Shamil ho gaye, Ek Baar fir ye log Madina Munavvara per hamla ke liye rawana hue , in Hamla Karne walo me Qabila Abas , Zibyan , Banu murrah aur Banu Kanana vagera ke log Shamil they ,

: ★_ Doosri Taraf Hazrat Abu Bakar Siddiq Raziyllahu Anhu bhi Jaan chuke they k ye log fir hamla karenge, Lihaza Unhone Jung ki taiyari jaari rakhi, Fauj ba qaaida Tarbiyat ki, Fir isse Pehle k Dushman Madina Munavvara ke Nazdeek pahunchta Hazrat Abu Bakar Siddiq Raziyllahu Anhu unki taraf bade , Abhi Subeh nahi hui thi k un per ja pade , Wo abhi soye pade they , Musalmano ne Unhe maarna shuru Kiya to bad hawaas ho Kar bhaagna shuru Kiya , Hazrat Abu Bakar Siddiq Raziyllahu Anhu ne zu'alqasa ke Muqaam per pahunch Kar dam liya ... Lekin Baagiyo me ab muqable ki Himmat nahi rahi thi ,

★_ Aapne Hazrat Nomaan bin Maqran ko waha'n chhoda aur Foran Madina Munavvara lot aaye , islami Lashkar ki is shandaar Kamyaabi se Musalmano me Khushi ki Lehar daud gayi, iska Shandaar Natija ye nikla k Mukhtalif Qabilo ke Sardaar Apne Apne Qabile ki Zakaat le Kar Aane lage , ... Yani Pehle Zakaat Ke inkaari they , Ab khud le Kar aa gaye, isse Musalmano ki maali Haalat mazboot ho gayi ,

★_ Is dauraan Ek Waqia aur hua , Hazrat Abu Bakar Siddiq Raziyllahu Anhu jab zu'alqasa se waapas lot aaye to Qabila Abs aur Zibyan ne waha'n mojood those se Musalmano per Hamla Kar diya aur Unhe dhoke se qatl Kar diya , Siddiqe Akbar ko ye khabar Mili to qasam Khayi :- "_ Jab tak hum in Qabilo se Musalmano ke na - Haq Khoon Ka badla nahi lenge , Chain se nahi bethenge _,"

★_ Is dauraan Hazrat Osama bin Zaid Raziyllahu Anhu Ka lashkar Shandaar Fatah haasil Karne Ke baad Madina Munavvara pahunch gaya , isse Abu Bakar Siddiq Raziyllahu Anhu ko aur zyada itminan Naseeb ho gaya, Aapne Hazrat Osama Raziyllahu Anhu ko Madina Munavvara me Apna qaaim Muqaam banate hue unse farmaya :- Tum log ab Araam Kar lo _,"

Fir Aapne khud Ek fauj le Kar zu'alqasa ki taraf rawana hone Ka iraada farmaya Taki Gaddaar Qabilo ko saza de'n aur Musalmano Ka inteqam le sake,

★_ Is per Chand bade sahaba kiraam Raziyallahu Anhum ne unse arz Kiya :- Ey Khalifa e Rasool ! Aap na Jaye'n, Agar Khuda na Khwasta Aapko Kuchh hua ya Aap zakhmi ho gaye to hum logo Ka nizaam baqi nahi rahega, Jabki agar Aap Yaha'n rahenge to isse Dushman per roab rahega , Aap Apne Bajaye Kisi aur ko bhej de'n _,"

★_ is moqe per Hazrat Ali Raziyllahu Anhu ne Aapse arz Kiya :- Ey Khalifa e Rasool ! Aap Kaha'n ja rahe Hai'n... Apni Jaan ko khatre me na daale _,"

Hazrat Abu Bakar Siddiq Raziyllahu anhu ne Sahaba kiraam ke israar ke bavjood khud hi Jana Pasand farmaya aur Zu'alqasa ki taraf rawana ho gaye , Muqame Abraq me pahunch Kar logo per hamla Kiya , Unke Sardaar Haaris aur Auf they , un Dono ko shikasht di , Banu Abs aur Banu Bakar khofzada ho Kar bhaage , Aapne Chand Din Abraq me Araam farmaya, Fir Aage bade aur Banu Zibyan ko shikasht di aur Unke ilaaqe per Qabza Kar liya , is Tarah Qabila Abs aur Zibyan ne Jin Musalmano ko Shaheed Kiya tha , unse inteqam le liya , Fir fatah Ka Parcham lehrate hue Waapas Aaye ,

★_ Banu Zibyan, Abs , Gatfaan aur Unke alawa doosre qabilo ki ye Hazrat Abu Bakar Siddiq Raziyllahu Anhu ke Saath Aakhri Jung thi , Ye Qabile Madina Munavvara ke qareeb Abaad they aur Araabe Madina kehlate they , Chahiye to ye tha k Ab ye log Hazrat Abu Bakar Siddiq Raziyllahu Anhu ki ita'at qubool Kar Lete , Zakaat ki farziyat ke bhi qaa'il ho jate aur Pakke Sachche Musalman ban jate, Lekin ab ye Musalmano ke muqable me Jin logo ne Nabuwat Ka Daava Kiya tha unki safo me Shamil ho gaye,

★_ Hazrat Osama bin Zaid Raziyllahu Anhu Ka lashkar Kuchh Dino Araam Karne Ke baad fir se taza dam ho chuka tha , isliye Hazrat Abu Bakar Siddiq Raziyllahu Anhu ne Nabuwat Ka jhoota Daava Karne walo ki taraf Tavajjoh farmayi , Aapne islami fauj ko 11 hisso me Taqseem farmaya, Har hisse Ka Ek Salaar muqarrar farmaya, in Lashkaro ko rawana Karne se Pehle Hazrat Siddiqe Akbar Raziyllahu Anhu ne unse khitaab farmaya ,

★_ In 11 Lashkaro me Sabse Pehla lashkar Hazrat Khalid bin Waleed Raziyllahu Anhu Ka tha , Hazrat Khalid bin Waleed Raziyllahu Anhu aur Unke Lashkar ko Talhiya Asadi aur Maalik bin Nuwerah ki taraf rawana farmaya, Talhiya ne Nabuwat Ka Daava Kiya tha, Jabki Maalik bin Nuwerah Zakaat Ka munkir tha ,

★_ Talhiya Bazakha me thehra hua tha , wo idhar udhar ke Qabilo ko Mila Kar Musalmano ke khilaf ek badi Jung ki taiyari me masroof tha , isliye Hazrat Abu Bakar Siddiq Raziyllahu Anhu ne Sabse Pehla Lashkar uski taraf rawana Kiya , Hazrat Abu Bakar Siddiq Raziyllahu Anhu ne lashkar rawana karte Waqt Hazrat Khalid bin Waleed Raziyllahu Anhu se farmaya :- "_ Tum Pehle Qabila Banu Tay ki taraf jao , fir Bazakha Ka rukh Karna , Waha'n se Faarig ho jao to fir Batah ki taraf rukh Karna aur jab tum is muhim se Faarig ho jao to Mera doosra Hukm Aane tak wahi'n theharna _,"

★_ Hazrat Khalid bin Waleed Raziyllahu Anhu Qabila Banu Tay ki taraf rawana hue, Aapne Apni rawangi se Pehle Hazrat Adi bin Haatim Raziyllahu Anhu ko Qabila Banu Tay ki taraf rawana Kiya , Ye Musalman ho chuke they aur us Qabile ke Mo'zij Aadmi they , Unhone Qabila ke logo se Kaha :- "_ Dekho ! Khalid bin Waleed ek lashkar Jaraar le Kar tum logo ki taraf rawana ho chuke Hai'n, isliye Behtar Yahi hai k tum islam qubool Kar lo aur Talhiya Ka Saath Chhod do , Varna islami Fauj tumko tabaah v barbaad kar degi _,"

★_ Ye sun Kar wo log mazaaq udane lage , Tab Hazrat Adi bin Haatim Raziyllahu Anhu ne sakht lehje me Kaha :- Tum ho kis khayal me .. Jo Shakhs Tumhari taraf lashkar le Kar aa raha Hai .. Wo Behatreen jungju hai , Maine tumhe samjha diya , Ab tum Jano Tumhara Kaam Jane _,"

Tab un logo ne Kaha :- Achchha Aap Zara Hazrat Khalid ke lashkar ko Humse roke rakhe ..Hamare Jo Bhai Talhiya ke paas Bazakha chale gaye Hai'n, hum Unhe bula Le'n Varna Hamare Musalman hone ki khabar sun Kar Talhiya Unhe qatl Kara dega _,"

★_ Hazrat Adi bin Haatim Raziyllahu Anhu ne ye Baat maan li aur muqame Sanah me Aaye , Yaha'n Hazrat Khalid bin Waleed Raziyllahu Anhu Apne Lashkar ke Saath thehre hue they , Unhone aa Kar Kaha :- Aap Zara teen din tak thehre rahe'n , is dauraan bade bade jungju aa Kar Aapke Saath mil Jayenge _,"

Aur fir Yahi hua , Qabila Bani Tay ke Wo Afraad Jo Talhiya ke paas Bazakha chale gaye they waapas bula liye gaye , Fir Hazrat Adi Raziyllahu Anhu Unhe le Kar Hazrat Khalid Raziyllahu Anhu ki khidmat me Haazir hue aur Unhone islam qubool Kar liya , Saath hi wo islami Lashkar me Shamil ho gaye,

★_ is Tarah Hazrat Khalid bin Waleed Raziyllahu Anhu ki Fauj me Ek Hazaar Jungju logo Ka izaafa ho gaya, is Tarah Qabila Jadila bhi Hazrat Adi Raziyllahu Anhu ki Koshish se Musalman ho gaya aur Hazrat Khalid Raziyllahu Anhu ki Fauj me Ek Hazaar Ka aur izaafa ho gaya, is per Hazrat Adi Raziyllahu Anhu ki khoob Tareef hui ,

★_ Is Waqie se pata chalta hai k Hazrat Abu Bakar Siddiq Raziyllahu Anhu kis qadar basirat ke Maalik they , Ye unhi ki hidayat thi k Pehle Qabila Banu Tay ki taraf Jana, .. Sirf is hidayat ki vajah se do Hazaar Afraad na Sirf ye k Musalman ho gaye balki lashkar me Shamil bhi ho gaye ,

Ab Khaalid bin Waleed Raziyllahu Anhu Bazakha ki taraf bade , Jaha'n Dushman muqable ki Zabardast Taiyariya'n Kar raha tha ,

╨─────────────────────❥

*★_ Talhiya se muqabla _,*

★_ Hazrat Khalid bin Waleed Raziyllahu Anhu ne lashkar se Aage Jasoosi ki garz se Akaasa bin Mohsin aur Hazrat Saabit bin Arqam Ansari Raziyllahu Anhum Ko rawana Kiya tha , Raaste me in dono ko Talhiya Ka Bhai Hibaal mil gaya, inhone usko qatl Kar diya, Talhiya ko iski ittela mili to Wo Apne Saathiyo'n ko le Kar inki talaah me nikla aur in dono Hazraat ko Shaheed Kar diya, Hazrat Khalid bin Waleed Raziyllahu Anhu jab us Muqaam per pahunche to Apne Dono Saathiyo'n ki laasho ko dekh Kar Sakht ranjida hue , Ab Aage Bazakha Ka Maidaan tha , Talhiya ke Saath us Waqt Ainiya bin Mohsin Fazari Apne Qabile ke Saat So bahaduro ke Saath tha , Unke alawa Qabila Banu Qais aur Banu Asad bhi uske Saath they ,

★_ Aakhir dono lashkar Aamne Saamne aa gaye, Hazrat Khalid bin Waleed Raziyllahu Anhu ne Pehle Unhe islam ki Dawat di, Wo na maane to Jung shuru kar di , Zabardast Jung hui , Talhiya us Waqt Apne Kheme me tha , Ainiya Uske paas aaya aur bola :- Jung ke bare me koi Wahi aayi hai ya Nahi ?

Jawab me Usne Kaha - Abhi koi Wahi nahi aayi , tum Jung Karo , Mai'n wahi Ka intezar Kar raha Hu'n _,"

Ainiya fir Maidane Jung ki taraf lot gaya , Apne Saathiyo'n ko ladata raha , baqi lashkar bhi Jung ki Aag me kood chuka tha , Musalman poore Josh v Jazbe se ladte rahe , Ese me Ainiya ek baar fir Talhiya ke paas Uske Kheme me Aaya , :- Haa'n ! Kya khabar hai , Jibraiyl Aaye ya nahi ?

"_Abhi nahi Aaye Jung jaari rakho _,"

Wo fir Maidane Jung me lot gaya , Aakhir Lashkar me Shikasht ke Asaar Zaahir hone lage , Wo pareshan ho Kar Teesri baar fir Talhiya ke kheme me Aaya aur Puchha - Wahi aayi ya Nahi ?

"_ Haa'n Jibraiyl Aaye they, Talhiya ne foran Kaha ,

"_Tab fir Unhone kya Kaha ?"

"_ Unhone Kaha hai , Ye ladayi Tumhare liye Chakki Ka paat Saabit hogi , Ainiya ke liye ye ek esa Waqia Hoga Jise wo Kabhi Faramosh nahi karega _,"

★_ Us Waqt Ainiya ko Ahsaas ho gaya k ye Shakhs Jhoota hai , Usne Maidane Jung me ja Kar Apne Qabile ke logo se Kaha - Ey Bani Fazara .. .. Talhiya jhoota hai , isliye bhaag chalo _,"

Apne Sardaar Ka Hukm Sunte hi wo bhaag nikle, Unke bhaag nikalte hi ladayi Ka rang badal gaya, Baqi murtad Pehle hi Hosla haar chuke they, Wo bhaagte hue Talhiya ke kheme tak Aaye aur usse Kaha - Ab kya Hukm hai ?

Wo foran Apne ghode per sawaar hua , Apni Bivi ko bhi Sawaar karaya , ghode ko Aid laga Kar Bola - Tum log bhi bhaag chalo _,"

★_ Is Tarah Murtad dum daba Kar bhaage , Maidaan Musalmano ke haath raha, Talhiya Waha'n se bhaag Kar sidha Shaam pahuncha , Kuchh dino baad use Maloom hua k Qabila Asad aur Gatfaan dono Musalman ho gaye Hai'n, To Wo bhi Musalman ho gaya , Wo Banu Kalb me aa Kar rehne laga , Kisi ne Uske bare me Hazrat Abu Bakar Siddiq Raziyllahu Anhu ko bataya , Unhone farmaya k Ab Uske khilaf Kuchh nahi Kiya ja Sakta, Wo Musalman ho gaya hai _,

Hazrat Umar Raziyllahu Anhu ki khilafat me ye Aapki khidmat me Haazir hua aur Aapke Haath per bayt ki ,

★_ Talhiya ki shikasht ke baad Qabila Banu Asad Banu Qais aur Banu Fazara ne islam qubool Kar liya, Qabila Banu Aamir Hazrat Khalid bin Waleed Raziyllahu Anhu ki khidmat me Haazir hue aur bole :- Ab hum Namaz bhi padhenge aur Zakaat bhi denge _,"

Goya un logo ne bhi ita'at qubool Kar li,

Ainiya bin Mohsin Fazari aur Uske khaas Saathiyo'n ko giraftaar Kar Ke Madina Munavvara bhej diya gaya, Murtado ko ibratnaak saza di gayi, Fateh ki khabar Hazrat Abu Bakar Siddiq Raziyllahu Anhu ko bheji gayi,

★_ Hazrat Khalid bin Waleed Raziyllahu Anhu Bazakha me Ek Maah tak thehre rahe , Udhar Maidane Jung se bhaage hue log Ek Aurat " Umme Zamal " ke gird Jama ho gaye, Umme Zamal ki Maa'n " Umme Qarfa " Aan Hazrat ﷺ ke zamane me Ek ladayi me giraftaar hone ke baad qatl Kar di gayi Thi, Umme Zamal Musalmano se Apni Maa'n Ka badla Lene per tuli hui thi, Usne Musalmano se inteqam ke Naam per logo ko Apne gird Jama Kar liya tha, Un Baagiyo ko le Kar ye Aurat Hazrat Khalid bin Waleed Raziyllahu Anhu ke muqable per nikli , us Waqt ye Apni Maa'n ke Ount per bethi thi aur bahut Fakhro Guroor Ka Aalam us per taari tha ,

★_ Hazrat Khalid ko Uske Kooch Ka ilm hua to khud Uske muqable per nikle , Jung shuru hui to Musalmano ne Umme Zamal ke Ount ko ghair liya , is Tarah Wo maari gayi , Uske ount ki Hifazat ke liye So Sawaar muqarrar they , Wo bhi is ladayi me maare gaye, is Fatah ki khabar bhi Hazrat Abu Bakar Siddiq Raziyllahu Anhu ko bheji gayi,

★_ Aas Paas Kuchh aur log bhi Musalmano ke khilaf Sazishe Kar rahe they, Hazrat Khalid bin Waleed Raziyllahu Anhu ne Unki Sazisho ko bhi Khatm Kiya , In ladaiyo'n me Jo bade bade Sardaar pakde gaye Hazrat Khalid bin Waleed Raziyllahu Anhu ne Unhe Madina Munavvara bhej diya, Hazrat Abu Bakar Siddiq Raziyllahu Anhu ne unke Saath narmi Ka Sulook Kiya , Yaha'n tak k Ainiya ne islam qubool Kar liya to use riha Kar diya gaya, Talhiya bhi Musalman ho gaya tha Use bhi Maaf Kar diya gaya,

: ★_ Aan Hazrat ﷺ ne Apne Aakhri Dino me Kuchh logo ko Zakaat wasool Karne ki garz se bheja tha , Ye log Qabila Banu Tameem me Mojood they aur Zakaat wasool Kar rahe they k Aan Hazrat ﷺ Ka inteqal ho gaya, Ab in Hazraat me Ek ikhtilaaf paida ho gaya , Aan Hazrat ﷺ ki wafaat ke baad Zakaat ki raqam Ka kya Kare'n, Hazrat Abu Bakar Raziyllahu Anhu ke paas Madina Munavvara bheje ya Yahi'n ke logo me Taqseem Kar de'n ,

★_ Us Qabile Banu tameem Ka Ek Shakhs Maalik bin Nuwerah tha , Wo unka Aham Aadmi tha , Usne Zakaat ki raqam ko Madina bhejne se inkaar Kar diya, Aan Hazrat ﷺ ne Jin logo ko bheja tha unka kehna tha k Zakaat ki raqam Madina Munavvara bheji jayegi , Bas is Baat per ye Shakhs Musalmano ke khilaf ho gaya ,

★_ Abhi ye ikhtilaafi Masla hal nahi hua tha k iraaq ke Ek ilaaqe Al Jazeera ki ek Aurat Sujah bint Haaris waha'n pahunch gayi , Ye Nabuwat Ka Daava Kar chuki thi, Uske Saath Ek bada Lashkar tha , Us Lashkar me iraaq ke Banu Tagallub Shamil they, Unke alawa Qabila Rabiya, Namr, Aayaad , aur Shibaan ke Tajurbe Kaar log Shamil they, Khud Sujah Banu Tameem se thi Yani Jis Qabile Ka Maalik bin Nuwerah tha, Sujah Ka Talluq Banu Tameem ke Saath Saath Banu Tagallub se bhi tha aur ye sab log iysaai they , Ab Chunki Isaaiyo aur Yahoodiyo'n ko islam se Dushmani thi isliye ye chalak Aurat un logo ko islam ke khilaf ubhaar Kar le aayi thi, Ye Aurat Pehle se hi Moqe ki Talash me thi , Jo'nhi Usne Aan Hazrat ﷺ ki wafaat ki khabar suni Apna lashkar le Kar Madina ki taraf chal padi , Kaha jata hai k iraan ke Kuchh log bhi Uske Saath they ,

★_ Ab ye sidhi Maalik bin Nuwerah ke paas pahunchi thi , Waha'n Pehle hi Zakaat ki raqam ke maamle me ikhtilaaf ho chuka tha, Lihaza Maalik bin Nuwerah Apne Qabile ke logo ke Saath Sujah ke lashkar me Shamil ho gaya , Dono Ek ho gaye, Maalik bin Nuwerah ne Sujah ko mashwara diya k Abhi Madina Munavvara per hamle Ka Waqt nahi hai Balki abhi Aas Paas ke logo ko Apni Nabuwat ka qaa'il kare , Unhe Saath laye, is Tarah hamari Taaqat aur badh jayegi , Sujah ne Maalik bin Nuwerah Ka mashwara maan liya ,

╨─────────────────────❥

*★_ Muselma Kazzaab Se Muqabla _,*

★_ Udhar Yamama ke Muselma Kazzaab ne bhi Nabuwat Ka Daava Kiya tha, Uske Saathiyo'n me Kasrat ese logo ki thi Jo use Jhoota samajhte they , Lekin Daulat aur iqtedaar ke liye Uske Saath Shamil ho gaye they, _ Sujaah ke bare me Muselma Kazzaab ko Maloom hua tha, wo fikrmand ho gaya, Usne Socha agar Sujaah mere Saath Shamil ho Jaye to Taaqat me Bahut Zyada izaafa ho Jayega ,

★_ Udhar Sujaah Ko bhi Yahi Baat Soojhi , Chunache dono me mulaqaat hui , is Tarah Dono ne Shadi kar li , Ab Sujaah ki Fauj bhi Muselma ki Fauj me Shamil ho gayi , Uske Jhande tale 40 Hazaar fauji Jama ho gaye, Shadi ke baad Sujaah Apni Qaum me Kuchh Zaroori mamlaat nimtane ke liye Chali gayi, Lekin fir waapas na aa saki , Ye baad me Musalman ho gayi Thi,

★_ Idhar Hazrat Khaalid bin Waleed Raziyllahu Anhu Talhiya ko shikasht de chuke they, Unhe Hazrat Abu Bakar Siddiq Raziyllahu Anhu ki taraf se hukm mila k Ab tum Yamama ja Kar Muselma Ka muqabla Karo _,

★_ Hazrat Khaalid bin Waleed Raziyllahu Anhu ye Hukm pa Kar Aage badhe to Zakaat Ke Kuchh Munkireen Apni Apni Zakaat le Kar unki khidmat me Haazir hue aur Unhone naye sire se islam qubool Kar liya, Albatta Maalik bin Nuwerah na aaya, Wo abhi tak koi Faisla na Kar paya tha, Hazrat Khaalid bin Waleed Raziyllahu Anhu se muqabla Karne ki Himmat bhi usme nahi thi , Isliye Usne Apne logo ko muntasir Kar diya, Hazrat Khaalid bin Waleed Raziyllahu Anhu waha'n pahunche to Maidaan saaf tha , Unhone elaan Kar diya k Jo log Namaz padhe'n, Zakaat de'n, Unhe Kuchh na Kaha Jaye , Jo esa na Kare'n Unhe Saza di Jaye , islami Lashkar ke Kuchh log Jab Maalik bin Nuwerah ke ilaaqe me pahunche to unhone use qatl Kar diya Kyunki abhi tak Usne Zakaat Ke bare me koi elaan nahi Kiya tha, Na Zakaat le Kar Hazrat Khaalid Raziyllahu Anhu ke paas Aaya tha ,

★_ Ab islami Lashkar Yamama ki taraf bada , Hazrat Abu Bakar Siddiq Raziyllahu Anhu ne Hazrat Khaalid Raziyllahu Anhu se Pehle ek lashkar Ikrama Raziyllahu Anhu ki qayadat me Muselma ki taraf rawana Kiya tha , Lekin Unhe hidayat Di thi k Ja Kar abhi hamla na Kare'n, Unki madad ke liye Aapne doosra lashkar Sar Habeel bin Hasna ki qayadat me rawana farmaya tha,

★_ Hazrat Ikrama Raziyllahu Anhu ne jate hi Muselma ke lashkar per hamla Kar diya, Sar Habeel Raziyllahu Anhu ke Lashkar Ka intezar na Kiya , is Tarah Unhone Muselma ke lashkar ke Haatho shikasht Khayi , Kyunki Muselma to us Waqt tak bahut Taaqat Pakad chuka tha , Hazrat Abu Bakar Siddiq Raziyllahu Anhu ko ye ittela mili to Aap Hazrat Ikrama Raziyllahu Anhu per bahut Naraaz hue aur Unhe Ek doosre muhaaj per Jane Ka hukm farmaya aur Hazrat Sar Habeel Raziyllahu Anhu ko hukm diya k wahi'n thehre aur Hazrat Khalid bin Waleed Raziyllahu Anhu Ka intezar kare,

★_ Hazrat Abu Bakar Siddiq Raziyllahu Anhu Ka Hukm pa Kar Hazrat Khaalid bin Waleed Raziyllahu Anhu Yamama ki taraf bade , Yaha'n tak k Hazrat Sar Habeel Raziyllahu Anhu aa mile , Muselma Kazzaab us Waqt Yamama ke ilaaqe Uqarba me dere daale hue tha, Tareekh ki Kitaabo me uski Fauj ki tadaad 40 Hazaar se 60 Hazaar tak likhi hai ,

★_ Aakhir dono lashkar Ek doosre ki taraf bade , Zabardast Jung shuru ho gayi, Mo'rkheen ne Likha hai k islam me ye Sabse Pehli Shadeed Tareen ladayi thi aur isme Murtado ne Hairat angez had tak bahaduri dikhayi , Musalmano ko Pichhe hat te dekh kar unka hausla aur bad gaya , lekin jald hi Musalmano ne khud ko sambhal liya , Ab Jung ghamasaan hone lagi , Hazrat Khaalid Raziyllahu Anhu ne Apni Fauj ko Hukm diya - Har dasta alag alag ho Kar lade ,

★_Muselma ko Uske Muhafizo ne Charo taraf se ghair rakha tha aur Wo Poori Tarah uski Hifazat Kar rahe they, Us Waqt Hazrat Khalid bin Waleed Raziyllahu Anhu ne Mehsoos Kar liya k jab tak Muselma aur Uska Hifazati dasta salamat hai , un logo ko shikasht nahi di ja Sakti, Chunache Unhone ek Zordaar naara lagaya aur us daste per toot pade , Unki Talwaar bijli ki tarah Harkat Kar rahi thi, aur Muselma bhaagne laga , Uske daste me se Kisi ne Kaha - ye kya Muselma to bhaag raha hai ... Tu to Humse Fateh aur Kaamraani Ka vaada karta tha, Wo Fateh Kaha'n hai ?

Ye sun Kar bhi Wo na ruka , khud to bhaag raha tha Lekin Apni Fauj se keh raha tha - Apne Hasab Nasab ke liye lado _,"

Uski Baat Ka un per Kaha'n asar hota Jabki khud bhaag raha tha, Natija ye k Fauj ke Paa'nv ukhad gaye , Unke Pichhe ek bahut bada Qila numa baag tha , Muselma aur Uski Saari Fauj us Baag me dakhil ho gayi aur Darwaza band Kar liya ,

[ ★_ Us Baag ke gird Bahut mazboot chaardiwari thi , Ye baag dar asal Muselma Ka qila tha , Muselma khud ko Yamama Ka Rehman Kehta tha , isi Tarah us Baag Ka Naam bhi "Rehman Baag " tha , Us qile numa baag Ka Darwaza band hone ke baad Musalmano Ka lashkar waha'n pahunchna , Unhone baag ko ghaire me le liya, Ab Sawal ye paida hua k Baag ke andar kis Tarah dakhil ho , Us Waqt Hazrat Bar'a bin Maalik Raziyllahu Anhu ne Ek Anokhi Tajveez pesh ki , Unhone Kaha :- Musalmano tum Yu'n Karo k mujhe mil Kar utha'o aur Jhoola de Kar qile ki diwaar se ouncha uchhal do , Mai'n Doosri Taraf ja Kar girunga aur in sha Allah Darwaza khol dunga _,"

★_ Musalmano ne Baar Baar inkaar Kiya aur Unhone israar Kiya , Aakhir majboor ho Kar Musalmano ne Unhe Apne nezo per uthaya aur Ouper ki taraf uchhal diya, Ye Diwaar ke Ouper se Hote hue baag ke andar ayn Darwaze ke paas gire, Waha'n Anginat Dushman mojood they, Ye Jo unke Ouper gire , Wo bad hawaas ho gaye, Unhone khayal Kiya k na Jane un per kya Bala aa giri , Lihaza ghabra Kar idhar udhar ho gaye, Hazrat Bar'a bin Maalik Raziyllahu Anhu ke liye itna moqa hi kaafi tha , Unhone foran uth Kar Darwaza khol diya, Musalman baag ke andar dakhil ho gaye, is Tarah Ek Baar fir ghamasaan ki Jung chhid gayi , laasho ke baar lag gaye ,

★_ Ese me Hazrat Wehshi Raziyllahu Anhu ne dam dikhaya, Ye Hazrat Juber bin Mut'am Raziyllahu Anhu ke Gulaam they , Gazwa Uhad me inke Haatho Aan Hazrat ﷺ ke Chacha Hazrat Hamza Raziyllahu Anhu Shaheed hue they, Uske baad ye Musalman ho gaye they, Ye neze Fai'nkne me bahut Maahir they aur Apni Saari maharat se Kaam le Kar inhone taak Kar Hazrat Hamza Raziyllahu Anhu ko neza maara tha , Aaj usi maharat se Kaam le Kar inhone Muselma per neza Fai'nka, Us waar se Muselma Jahannam Raseed ho gaya aur Uske Lashkar me bhag dad mach gayi , Wo Sar per Paanv Rakh Kar bhaage ,

★_ Hazrat Khaalid bin Waleed Raziyllahu Anhu ne Maidane Jung Ka muayna Kiya aur laasho ke dher me padi Muselma ki laash ko dekh Kar itminan Zaahir Kiya , Us Roz se us Baag Ka Naam " Maut Ka Baag " mash'hoor ho gaya, Muselma ke lashkar ke das Hazaar se zyada Aadmi maare gaye Jabki Musalmano me se barah so Shaheed hue ,

★_ Murtado ke Saath jitni ladaiya'n ladi gayi ye un sab me badi aur sakht Jung thi , is Jung me bade bade namoor Sahaba Shaheed hue , Lekin Chunki Muselma us Waqt islam Ka Sabse bada Dushman tha aur Uske khilaf ye Faisla kun Jung thi , isliye us Jung ke baad Musalmano ke qadam Jaziratul Arab me jam gaye,

★_ Hazrat Abu Bakar Siddiq Raziyllahu Anhu ne Jo 11 lashkar Tarteeb diye they , Unme se ek lashkar Ka Salaar Hazrat Ala bin Hazrami Raziyllahu Anhu ko muqarrar Kiya tha, Unhe Aapne Behrain ki taraf rawana farmaya tha, Behrain iraani Hukumat Ka ilaaqa tha , Ye ek Registani ilaaqa tha , Aan Hazrat ﷺ ne Apni Zindgi me Behrain ke Sardaar Manzar bin Saadi ko khat ke zariye islam ki Dawat di thi , Us Dawat ke Natije me Manzar aur Behrain ke Safar Muqaam Hijr Ka governor Marzaban Musalman ho gaye they, Unke Saath Jitne Qabile Abaad they , Un Sabne bhi islam qubool Kar liya tha, Ye Waqia 8 Hijri Ka hai ,

★_ Aan Hazrat ﷺ ki wafaat ke foran baad Manzar bin Saadi Ka bhi inteqal ho gaya, Ab doosre logo ki dekha dekhi Behrain ke log bhi islam se fir gaye , Waha'n Ek Sahabi Hazrat Jarood bin Basar Raziyllahu Anhu they , Ye Kuchh muddat Aan Hazrat ﷺ ki Sohbat me rahe they, Unhone Qabila Abde Qais ko fir se islam qubool Kar Lene ki Dawat di to Abde Qais ne islam qubool Kar liya, baqi log Banu Bakar vagera murtad hi rahe ,Yahi vajah thi k Hazrat Abu Bakar Siddiq Raziyllahu Anhu ne Hazrat Ala bin Hazrami Raziyllahu Anhu ko unki taraf rawana farmaya,

★_ Ye un Dino ki Baat hai jab Hazrat Khaalid bin Waleed Raziyllahu Anhu Yamama ki Jung se Faarig hue they, Hazrat Ala bin Hazrami Raziyllahu Anhu Apne Lashkar ko liye Ek Sehra se guzar rahe they k Shaam ho gayi, Unhone wahi'n theharne Ka program banaya Taki Raat ke Waqt Sehra me Raasta na Bhool Jaye'n, Ab waha'n Ajeeb ittefaaq hua , Jin Ounto'n per khane pine Ka Samaan lada hya tha , wo bidak Kar bhaag nikle aur Musalmano ke paas khane pine ko Kuchh na raha, Ab to lashkar bahut pareshan hua , Sehra me khuraak na ho to Jaan per ban jati hai, Unhe Apni maut Ka Yaqeen sa ho gaya, Ek doosre ko wasiyate Karne lage , Taaham Hazrat Ala bin Hazrami Raziyllahu Anhu ne Unhe Tasalli di aur farmaya :- "_ Ey logo ! Kya tum Allah Ke Raaste me nahi ho , Yaqeen Karo Allah tum jese logo ko ruswa aur Zaleel nahi karega _,"

★_ Islami Fauj jab Subeh ki Namaz se Faarig hui to door se Unhe Pani ki chamak Nazar aayi , Registan me jab esi chamak Nazar aaye to Yahi khayal Kiya jata hai k waha'n Pani hai , Lekin waha'n Jane per pata chalta hai k Ret ki chamak thi Pani ki nahi , unhone bhi Yahi khayal Kiya , Taaham Fauj ke har Awwal daste ne aage ja Kar dekhne Ka Faisla Kiya , Waha'n pahunche to Wo Pani hi tha , Ab to sab ke sab bahut Khush hue , Sab ne Pani piya, gisl Kiya aur Apne Mashkizo me bhar liya , Suraj Zara Buland hua to ount bhi idhar udhar se unke paas aa gaye, Musalmano ki Khushi ki inteha na rahi , Ab lashkar taza dam ho Kar Aage rawana hua aur Behrain ke Muqaam per pahunch gaya,

★_Behrain Ki Fauj Ke Salaar Ka Naam " Mut'am bin Juber " tha , Behrain ke Lashkar ki tadaad bahut zyada thi , Ek Raat us lashkar me shorgul ki Awaaz sunayi di , Hazrat Ala bin Hazrami Raziyllahu Anhu ne malumaat haasil Karne Ke liye Apne Chand Fauji rawana kiye , Unhone aa Kar bataya k iraani Sipahi Sharaab pi Kar Nashe me shor macha rahe Hai'n, Ye Sunte hi Hazrat Ala Raziyllahu Anhu Apni Fauj le Kar un per toot pade, Behrain Ka lashkar bad hawaas ho gaya, Bahut se qatl hue , Be shumaar giraftaar hue aur bahut se bhaag nikle , Mut'am bhi maara gaya , Bhaagne wale Kashtiyo me sawaar ho Kar Daaren pahunch gaye,

★_ Daaren Ek Jazira tha , Yaha'n iysaai Abaad they , Hazrat Ala Raziyllahu Anhu ne unka Pichha Karna chaha lekin Musalmano ke paas Kashtiya nahi thi , Tab Hazrat Ala bin Hazrami Raziyllahu Anhu ne Apne Mujahideen se Kaha -, "_Musalmano ! Kuchh Khof na Karo , Jis Allah ne Tumhari khushki me madad ki hai , Wohi Samandar me bhi Tumhari madad karega _,"

★_ in Alfaz ke baad Tamaam Lashkar ne Allah se Dua ki , Nihayat Aajizi se gidgidaye aur Apne ghode , Khachchar, Ount Yaha'n tak k gadhe tak Samandar me daal diye , is Tarah islami Lashkar ne Samandar Paar Kar liya aur Jazira Daaren ke Saahil per pahunch gaye, Allama Iqbal ne Shayad ese hi Kisi moqe ke liye ye Shayr Kaha tha :-

*"_ Dast to Dast Dariya bhi na chhode Humne ,*

*"_ Behre Zilmaat me dauda diye ghode Humne _,*

★_ Ab Yaha'n bhaagne walo ko bhi Kisi aur taraf se bhaagne Ka Raasta nahi tha , Isliye Wo Ek Baar fir Musalmano ke muqable me jam gaye, Aakhir Musalmano ko Fateh hui , Is Jung me behad maale ganimat Haath Aaya , Hazrat Abu Bakar Siddiq Raziyllahu Anhu ko Fatah ki Khush khabri Ka Paigaam pahuncha diya gaya,

★_ Nata'ij ke aitbaar se ye Jung Yamama ki Jung se zyada aham thi , iski vajah ye thi k Yamama me Sirf Ek qaum se Jung thi , Jabki Behrain Chunki Khaleej Faaras per waqe tha aur Iraan ki Hukumat ke maathat tha , isliye ye Jung Kisi ek qaum se nahi thi , bahut si Qaume yaha thi , un logo me Yahoodi , iysaai, Aatish Parast bhi they , is Jung Ka ye Natija nikla k iraaq ki Fateh ki Raah hamwaar ho gayi,

╨─────────────────────❥

★_ Iraaq Ki Taraf islami Lashkar_,*

★_Hazrar Abu Bakar Siddiq Raziyllahu Anhu Mukammal tor per Murtado ke khilaf Kamyaabi haasil Kar chuke to Aapne Bairooni Dushmano ki taraf Tavajjoh di , Us Waqt Do badi taaqate Rom aur iraan islam ki Dushman thi, Rom ke log iysaai they Jabki iraani log Aag ko poojte they , Ye Majoosi kehlate they , Us Waqt Poora Shaam Romi Hukumat me Shamil tha aur iraaq iraani Hukumat Ka hissa tha , in dono Hukumato ki Sarhade Arab me mil Jati thi , Ye Hazrat Abu Bakar Siddiq Raziyllahu Anhu hi ki Himmat aur Jurr'at thi k Ek hi Waqt me in dono ke khilaf Kaarwayi shuru ki ,

★_ Iraaniyi ko Apni Taaqat per bahut naaz tha , Unka khayal tha k Unhe koi shikasht nahi de Sakta, Musalmano ko to Wo Kuchh samajhte hi nahi they, Huzoor Nabi Kareem ﷺ ne Apni Zindgi ke Aakhir hisse me Aas paas ke mulko ke Badshaaho ko khutoot me zariye islam Ka Paigaam bheja tha , Ek khat Aapne Iraan ke Badshaah" Khusro Parvez " ko bhi irsaal farmaya tha,

★_ Us Bad Bakht ne Aap ﷺ Ka khat padhe bager faad diya tha aur Gusse me aa Kar Yaman ke governor ko ye ye Paigaam bheja tha :- Jis Shakhs me mujhe ye khat Likha hai, Use giraftaar Kar Ke mere paas bhej do _,"

Jab Huzoor Nabi Kareem ﷺ ko ye ittela mili k Usne Aapka khat tukde tukde Kar diya hai to irshad farmaya :- Allah Uske Mulk ko bhi tukde tukde Kar dega _,"

★_ Fir hua ye k Khusro Parvez ko Uske bete ne Hukumat ke lalach me qatl Kar diya, Uske baad iraani Aapas me ladne lage , unki Sarhado per Arab Qabile Abaad they , Ye un per bhi zulm aur zyadtiya Karte they, Jab Hazrat Abu Bakar Siddiq Raziyllahu Anhu Murtado ke Fitne ko kuchalne me Kamyaab ho gaye to Hazrat Musna bin Haarisa unki khidmat me Haazir hue, Unhone khalifa e Rasool ki Iraan ke Halaat bataye , Jo zulm v sitam Wo Tod rahe they uski Tafsilaat batayi aur Khud Unhone Iraan ke khilaf ho Kaarwayi ab tak ki thi Unki tafseel bhi sunayi aur Aakhir me madad ki darkhwast ki ,

★_ Hazrat Abu Bakar Siddiq Ka iraada Pehle hi ye tha k islam Dushman taaqato ke khilaf ladayi shuru ki Jaye Chunache Aapne Hazrat Musna bin Haarisa se farmaya :- Tum waapas jao aur Sarhad ke qareeb Abaad saare Arab Qabilo ko Apne Saath milane ki Koshish Karo , Hum Tumhari madad ke liye jald fauj bhej rahe Hai'n _,"

: ★_ Hazrat Abu Bakar Siddiq Raziyllahu Anhu ne Hazrat Khalid bin Waleed Raziyllahu Anhu ko hukm bheja :- Foran iraaq ki taraf rawana ho jao aur Musna ko Saath mila Kar Iraan ke zalim Majoosiyo ke khilaf ladayi shuru karo _,"

Hazrat Khalid bin Waleed Raziyllahu Anhu us Waqt Yamama me they , Hazrat Abu Bakar Siddiq Raziyllahu Anhu ka Hukm milte hi wo das Hazaar Muhajireen ke Saath iraaq ki taraf bade ,Ye Waqia 12 Hijri Ka hai ,

★_ is moqe per Hazrat Abu Bakar Siddiq Raziyllahu Anhu ne Hazrat Khalid bin Waleed Raziyllahu Anhu ko ye hidayaat di :-

1_ Iraaq ki sarzameen per pahunch Kar logo ki diljoi Kare'n, Allah ki taraf Unhe Dawat de'n, Agar us Dawat ko qubool Kar Le'n to Theek Varna unse jizya talab Kare'n, Jizya dene se bhi inkaar kare'n to fir unse Jung Kare'n,

2_ Jo log Saath Jane ke liye Taiyaar na ho un per jabar na Kare'n,

3_ Jo log murtad ho gaye they Lekin fir Musalman ho gaye, Unse Kisi qism ki madad talab na Kare'n,

4_ Jo Musalman paas se guzre Unhe Saath Mila Le'n,

5_ Apni Jung Ka Agaaz "Ubla " se Kare'n ,

★_ ye Aakhir hum Hazrat Abu Bakar Siddiq Raziyllahu Anhu ne isliye diya tha k us zamane me Shaahe Iraan Ka Saara Jungi Samaan Ubla me Mojood tha , Goya uski Fauji chhawni thi , Ye Shehar Bandargaah bhi tha , Iske zariye Arab aur Hindustan ke darmiyaan tijarati Talluqaat qaa'im they ,

★_ Islami lashkar iraaq ki taraf bada , Us Waqt iraaq Ka governor " Hurmuz " Iraan ke bahut bade Pehalwano me Shamil tha , ye Bahut zalim bhi tha , Uske zulm se tang aa Kar Hazrat Musna Raziyllahu Anhu ne iraani Sarhado per gorilla Kaarwayi shuru ki thi ,

: ★_ Hazrat Khalid bin Waleed Raziyllahu Anhu iraaq ki Hudood me dakhil hue to Hazrat Musna bin Haarisa Raziyllahu Anhu Aath Hazaar Fauj ke Saath unse aa mile , Ab Hazrat Khalid Raziyllahu Anhu ne Fauj ko Teen hisso me Taqseem Kiya , Ek hisse Ka Sardaar Hazrat Musna bin Haarisa Raziyllahu Anhu ko muqarrar Kiya , Doosre hisse Ka Salaar Hazrat Adi bin Haatim Taa'i Raziyllahu Anhu ko muqarrar Kiya aur Teesra hissa khud Apne Paas rakha , Sabse Aage Hazrat Musna Raziyllahu Anhu Ka lashkar rawana hua, Uske do din baad Hazrat Adi bin Haatim Raziyllahu Anhu Ka aur Teen din baad Hazrat Khalid Raziyllahu Anhu Ka lashkar rawana hua ,

★_ Hazrat Khalid bin Waleed Raziyllahu Anhu ne Hurmuz ke Naam Ek khat bhi Likha , Jisme farmaya :- Tu islam le aa , Mehfooz rahega , Varna jizya Ada Kar , Ye bhi Manzoor nahi to Jung ke liye Taiyaar ho ja , Mai'n Teri taraf un logo ko le Aaya Hu'n Jo Maut Ko itna Mehboob rakhte Hai'n Jitna Tum Zindgi Ko _,"

★_ Hurmuz ko khat Mila , Saath hi use Musalmani fauj ki Kaarwayi ki ittelaat mili to Usne Iraan ke Badshaah Yazdgard ko ye Tamaam Halaat likh bheje , Fir Apna lashkar le Kar Tezi se Huzer ke Muqaam ki taraf bada , Waha'n pahunch Kar Usne Pani ke paas Padaav daal diya, Hazrat Khalid Raziyllahu Anhu Ka lashkar waha'n pahunchna to unhe ye pareshan kun khabar mili k Hurmuz ne Pani per Qabza Kar liya aur Hamare paas Pani nahi hai ,

★_ Hazrat Khalid Raziyllahu Anhu ne Apne lashkar ke Saath mil Kar Allah se Dua ki , Bas fir Kya tha Baarish shuru ho gayi aur Jal thal ho gaya, Dono Fauje Aamne Saamne hui ,Zabardast Jung hui, Musalmano ko Fateh hui, Hurmuz maara gaya, Hurmuz ke maare jate hi iraani Hosla haar bethe, Wo bhaag khade hue aur Dariya e Faraat ke bade pul per pahunch Kar dam liya , Us Muqaam per baad me Shehar Basra Abaad hua , Be tahash maale ganimat Haath Aaya, Unme Ek Haathi bhi tha , Madina Munavvara ke logo ne Zindgi me Kabhi Haathi Nahi dekha tha , Ye unke liye Ajeeb Jaanwar tha ,

: ★_ Is Jung se Faarig ho Kar Hazrat Khalid bin Waleed Raziyllahu Anhu Hira ki taraf badhe , Ye Khaleej Faaras aur Mada'in ke darmiyaan waqe hai, Udhar Yazdgard ko iraaniyo ki ibratnaak shikasht ki khabar mili to usne ek lashkar rawana Kiya , fir uski madad ke liye Uske Pichhe ek aur Lashkar rawana Kiya , Unhone Raaste me milne wale Qaba'il ko bhi Saath mila liya , is Tarah un Dono Lashkaro me Musalmano ke khilaf bahut se iysaai Shamil ho gaye, Un sabne mil kar " Dalja " ke Muqaam per Padaav daala, Dalja Dariya Dajla aur Faraat ke milne ki Jagah per waqe tha ,

★_ Hazrat Khalid bin Waleed Raziyllahu Anhu ko iraaniyo ki taiyariyo ki ittela mili to poore Saazo Samaan ke Saath rawana hue, Ye Jung Asaan nahi thi , Aakhir Jung shuru hui aur islami Lashkar ko Fateh hui,

★_ Jung ke baad Hazrat Khalid bin Waleed Raziyllahu Anhu ne us ilaaqe ke logo ke Saath Bahut naram Sulook Kiya, Un sabko Amaan de di,

★_ Us Waqt iraani Hukumat ki taraf se Hira Ka governor Aazaziya tha , Use islami Lashkar ki Aamad Ka pata Chala to Apna lashkar le Kar Aage bada , Saath hi Usne Apne bete ko hukm diya - islami Lashkar Dariya Paar Kar Ke is Taraf aayega tum Dariya Ka Pani kaat do _,"

★_ Is Tarah Dariya Ka Pani khushk hota Chala gaya aur islami Lashkar ki Kashtiya Zameen se lag gayi , Hazrat Khalid Raziyllahu Anhu Apna ek dasta le Kar Kashtiyo se utre aur Aazaziya ke ladke ko maar qatl Kar diya,

★_Ese me Aazaziya ko Iraan ke Shehanshah ke Marne ki khabar Mili , Uske Haath Paa'nv fool gaye , Wo bhaag nikla , Hira ke log qila band ho gaye, Islami lashkar ne Hira Shehar ko ghair liya, Aakhir Hira ke log Suleh per majboor ho gaye, Hazrat Khalid bin Waleed Raziyllahu Anhu ne Ek Laakh Nabbe Hazaar Dirham salana Jizya per Suleh ki , aur Fateh ki khabar Madina Munavvara bhej di ,

★_ Aan Hazrat ﷺ ko Apni Zindgi ek Baar ittela mili thi k Domta Aljundul me Dushmano ki ek badi fauj Jama ho rahi hai, Yaha'n Akidar naami Shakhs ko Qaisar ki taraf se Domta Aljundul Ka Haakim muqarrar Kiya gaya tha, Ye ek Arbi Sardaar tha , Aan Hazrat ﷺ ne 9 Hijri maah Shawwal me Uske muqable me Hazrat Khalid bin Waleed Raziyllahu Anhu ko rawana farmaya tha ,

★_ Hazrat Khalid bin Waleed Raziyllahu Anhu use giraftaar Kar Ke Madina Munavvara le Aaye they aur Ye Musalman ho gaya tha , Aan Hazrat ﷺ ne use Domta Aljundul ke logo per muqarrar farma diya tha , Aap ﷺ ki wafaat ke baad ye murtad ho gaya tha,

★_ Hazrat Abu Bakar Siddiq Raziyllahu Anhu ne Uski taraf Hazrat Ayaaz bin Ganam Raziyllahu Anhu ko rawana farmaya tha , Yaha'n tak k us muhim me Ek Saal guzar gaya lekin Fateh na Kar sake , Ab Unhone Khalid bin Waleed Raziyllahu Anhu ko Madad ka Paigaam bheja, Paigaam milte hi Hazrat Khalid Raziyllahu Anhu ne Domta Aljundul Ka rukh Kiya , Unhone Teeen so Meel Ka Safar Das din se bhi Kam muddat me Tay Kiya aur Domta Aljundul pahunch gaye,

: ★_ Akeer Chunki Pehle hi Hazrat Khalid bin Waleed Raziyllahu Anhu ki Jungi Salahiyato se waqif tha , isliye Usne doosre Qaba'il ko Suleh Ka mashwara diya, Unhone inkaar Kiya to ye unse alag ho Kar Nikal bhaaga, Hazrat Khalid bin Waleed Raziyllahu Anhu ko Uske faraar hone ki ittela mili to Uske Pichhe ek Dasta rawana farmaya, Mujahideen use giraftaar Kar laye ,

★_ Ab Dushman Fauj ki Sipahsalaari Jodi naami Sardaar ke Haath me thi , Usne Apni Fauj ko do Hisso me Taqseem Kiya , Ek Hazrat Khalid Raziyllahu Anhu ki taraf bada to doosra Hazrat Ayaaz bin Ganam Raziyllahu Anhu ki taraf , Zabardast Jung hui , Aakhir Musalmano ko fatah hui ,

★_ Khalid bin Waleed Raziyllahu Anhu abhi Domta Aljundul hi me they k iraaq ke Arab Qaba'il ne Unki gair mojoodgi me bagawat Kar di , Shikasht khaye hue log bhi unke Saath Shamil ho gaye, Hazrat Qa'aqa'a Raziyllahu Anhu Agarche waha'n mojood they Lekin unke Saath bahut thodi Fauj thi isliye Unhone Jung Karna munasib na samjha aur Hazrat Khalid Raziyllahu Anhu Ka intezar Karne lage , Hazrat Khalid Raziyllahu Anhu bhi ittela milte hi us taraf rawana hue, Hira Pahunch Kar Unhone bagawat Karne walo ke khilaf Hazrat Qa'aqa'a Raziyllahu Anhu ko Fauj de Kar bheja , Us Jung me iraani Sardaar Rozmahar aur Roziya maare gaye, Bagawat ki Aag bhadkane me ye Dono aage they , Ye Jung Haseed Ke Muqaam per ladi gayi,

★_ Us Muqaam se bhaag Kar iraani khanafas ke Muqaam per Jama hue , islami Lashkar us taraf bada to ye log waha'n se bhaag nikle , Ab ye log Ek aur muqaam per Jama ho gaye, Us Jagah Ka Sardaar Hazeel tha , islami fauj ne un sab per Kaarwayi shuru Kar di,

★_ Ye Saara Fitna barpa Karne wale log dar asal banu Tuglub ke they, Yahi log Doosro ko Jung per ubhaar rahe they, isliye Hazrat Khalid bin Waleed Raziyllahu Anhu ne Unhe sabaq sikhane Ka pakka iraada Kar liya , Unhone Hazrat Qa'aqa'a aur Abu Laila Raziyllahu Anhum Ko Fauj de Kar Mukhtalif Raasto per Banu Tuglub ki taraf rawana Kiya aur Dono ko Hamle Ka Waqt bata diya , Fir khud bhi rawana hue, is Tarah Banu Tuglub per ek hi Waqt me Achanak teen taraf se hamla Kiya gaya , Is Achanak hamle se Wo Ek doosre ko khabar bhi na de sake ,

★_ in Tamaam Muhimaat se Faarig ho Kar Hazrat Khalid bin Waleed Raziyllahu Anhu ne Faraaz Ka rukh Kiya , Ye Romiyo Ka ilaaqa tha , Romiyo ne islami Lashkar ko dekha to unke gusse ki had na rahi ,

╨─────────────────────❥

*Hazrat Khalid bin Waleed Raziyllahu Anhu Ki Kaamyaabi _,*

★_ Faraaz iraaq aur Shaam Ki Sarhad per Dariya Faraat ke Shumali hisse me waqe tha, Hazrat Khalid bin Waleed Raziyllahu Anhu iraaq ki bagawat kuchalne ke baad Faraaz pahunche, Aapne islami Lashkar ko Dariya Faraat ke kinaare Padaav daalne Ka Hukm diya, Ab Ramzan Ka Mahina shuru ho gaya, Ye Poora Mahina unka wahi'n guzra , Fir 15 Ziqa'adah 12 Hijri tak dono Fauje isi Tarah Aamne Saamne padi rahi , Dono Faujo ke darmiyaan me Dariya haa'il tha ,

★_ Aakhir Romiyo ne pehal ki aur Dariya Paar Kar Ke us taraf aa gaye aur Jung shuru ho gayi, Hazrat Khalid bin Waleed Raziyllahu Anhu ne lashkar ko Hukm diya- Dushman ki Fauj muntashir na hone de'n balki Unhe chaaro taraf se ghair Kar lado _,"

_ Musalmano ne is per Amal Kiya aur Romiyo aur iysaaiyo ke Azeem Lashkar darham barham ho gaye,

★_ Hazrat Khalid bin Waleed Raziyllahu Anhu ki in Jungo Ka Zamana Muharram 12 Hijri se Safar 13 Hijri tak ek Saal Ek Maah banta hai , is Mukhtasar muddat me Unke Haath per jo Futuhaat hui Wo Jungo ki tareekh me Ek Ajooba Waqia hai ,in Jungo ka daayra Khaleej Faaras se le Kar Shaam Ki Sarhad tak wasi hai ,

★_ Fir ye Junge Kisi Ek Qaum se nahi ladi Balki unme iraani , Romi aur Arab ke Qaba'il sab hi Shamil they, Har moqe per tadaad aur Aslahe ki zyadti Unhe haasil thi aur islami Lashkar ki tadaad har moqe per unke muqable per bahut Kam rahi aur Saazo Samaan bhi Bahut Kam tha , in Tamaam Baato ke bavjood Allah Ta'ala ne Hazrat Khalid bin Waleed Raziyllahu Anhu ke Haath per islami Lashkar ko Azeemush shaan Futuhaat se nawaza , In Tamaam morko me Kisi ek me bhi Musalmano ko shikasht nahi hui ,

★_ Lutf ki Baat ye Hai k Hazrat Khalid bin Waleed Raziyllahu Anhu Kisi ilaaqe ko Fatah Karte hi aage nahi chal dete they Balki Fatah kiye hue ilaaqo Ka ba qaaida bandobast Karte they, waha'n Ka Haakim muqarrar farmate they, Logo ke Saath Nihayat Achcha Sulook Kiya jata tha, islami Talimaat se Unhe roshnaash karaya jata tha aur Wo islami Talimaat aur Khoobiyo ke bahut jald dildada ho Jaye they ,

★_ is lihaaz se Hazrat Khalid bin Waleed Raziyllahu Anhu Duniya ke naqshe per ek Azeem Taren Faateh ban Kar Saamne Aaye aur Un jesi misaal for koi pesh na Kar saka , Musalmano per Allah ne Futuhaat ke Darwaze Khol diye they , Unke hosle Bahut Buland they , Unke liye Shaam ki taraf badna Bahut Asaan ho gaya tha ,

★_ Hazrat Abu Bakar Siddiq Raziyllahu Anhu ne Qaisar ke khilaf Elaane Jung se Pehle Uske Naam Ek khat rawana farmaya, Us khat me zariye Aapne Sabse Pehle use islam qubool Karne ki Dawat di , Us Paigaam ke Jawab me Qaisar Rom ne Islam qubool Karne se inkaar Kiya ,

★_ Tamaam Taiyariya'n Mukammal ho gayi to Fauj ki rawangi Ka Waqt aa gaya , Hazrat Abu Bakar Siddiq Raziyllahu Anhu ne saare Lashkar ko Chaar hisso me Taqseem farmaya, Un Chaar Lashkaro me Sabse bada Lashkar Hazrat Yazeed bin Abi Sufiyaan Raziyllahu Anhu ka tha , Doosre lashkar ke Salaar Hazrat Abu Ubaida bin Jarrah Raziyllahu Anhu they , Teesra lashkar Hazrat Amru bin Aas Raziyllahu Anhu Ka aur Chotha lashkar Hazrat Sharjeel Raziyllahu Anhu Ka tha,

।

╨─────────────────────❥

*★_ Shaam Ki Muhimaat _,*

★_Hazrar Abu Bakar Siddiq Raziyllahu Anhu ne Yazeed bin Abi Sufiyaan Raziyllahu Anhu Ko Hukm farmaya- Tum Tabook ke Raaste Damishq pahuncho _,"

Hazrat Amru bin Aas Raziyllahu Anhu ko Filisteen ke liye muqarrar Kiya, Unhe Hukm diya - Tum iyla ke Raaste Filisteen jao _,

Baqi lashkar bhi Aapne unke Pichhe hi rawana farma diye ,

★_ Shaam ke Muhaaz per 12 Hazaar Ka Lashkar kaafi nahi ho Sakta tha , Qaisar ne Bahut bade paimane per Taiyariya'n ki thi , isliye Hazrat Abu Bakar Siddiq Raziyllahu Anhu ne bhi islami Lashkar ke aage pichhe lashkar rawana Karne Ka Silsila jari rakha , Is Tarah islami Lashkar ki tadaad 30 Hazaar ho gayi ,

★_is Islami lashkar se Pehle Hazrat Abu Bakar Siddiq Raziyllahu Anhu ko Qaisar ki Taiyariyo'n ke Silsile me ittelaat mili to Aapne Hazrat Khalid bin Saied Raziyllahu Anhu ko Tayma ki taraf rawana farmaya tha,Tayma Shaam ki sarhad per waqe tha , Hazrat Abu Bakar Siddiq Raziyllahu Anhu ne Unhe rawana Karte Waqt ye hidayat di thi :- Tum waha'n pahunch Kar Aas Paas ke logo ko Saath milane ki Koshish Karo.. aur Jab tak Mera Hukm na pahunche , Us Waqt tak Jung na Karo _,"

★_ Hazrat Abu Bakar Siddiq Raziyllahu Anhu ne dar asal Unhe Sarhad ki Hifazat ke liye pahunchaya tha k Qaisar ki taraf se hamla ho Jaye to rok thaam ki ja sake , Unhone Qaisar ki Faujo Ka itna bada ijtima dekha to Hazrat Abu Bakar Siddiq Raziyllahu Anhu ko Tafsilaat likh bheji , Abhi islami Lashkar waha'n nahi pahuncha tha aur Hazrat Khalid bin Saied Raziyllahu Anhu itne bade lashkar ko rok nahi sakte they , Chunache Hazrat Abu Bakar Siddiq Raziyllahu Anhu ne Hukm bheja - Aage bado Lekin Dushman se ladte Waqt andar tak na ghuste chale Jana ,Esa na ho k Dushman tumhe Pichhe se daba le _," Hazrat Khalid bin Saied Raziyllahu Anhu ne is Hukm per Tavajjoh na di aur Josh me aage badte chale gaye ,

।★_ Romi Fauj Ka Afsar Bahaan tha ,Usne islami Lashkar ko badte dekha to foran Apne lashkar Ka rukh Tabdeel Kar diya, Ye uski Jungi chaal thi ,Hazrat Khalid bin Saied Raziyllahu Anhu aage badte chale gaye aur Bahaan ne Pichhe se unko ghair liya , Unke liye Pichhe hatna bhi Mumkin na raha , Maidane Jung se unke Paanv ukhad gaye , Maidane Jung se paspa ho gaye aur Madina Munavvara ke qareeb Ek Muqaam Zawaulmaruh per pahunch gaye,

★_ Hazrat Abu Bakar Siddiq Raziyllahu Anhu ko ye ittela mili to unhe bahut ranj pahuncha , Ye Waqia us Waqt pesh Aaya jab Hazrat Abu Bakar Siddiq Raziyllahu Anhu ne Tees Hazaar Ka Lashkar Sarhado ki taraf rawana farma diya tha , Chaaro Lashkar alag alag they lekin unke Salaaro ke Aapas me Raabte they , Aapas me mashwaro Ka Silsila barabar jaari tha , Qaisar ko in Charo Lashkaro Ka ilm ho chuka tha, Uske paas Fauj beshumaar thi isliye use Poori Tarah Yaqeen tha k Musalman Uska muqabla nahi Kar sakenge ,

★_ Taiyariyo'n Ke Silsile me Qaisar khud Hims Aaya , Ye Shehar Shaam ki bahut badi fauji Chhavni thi , Usne bhi Yaha'n pahunch Kar Apne Lashkar ke Chaar hisse kiye , Ek Lashkar Ka Salaar Apne Bhai ko muqarrar Kiya , us lashkar ki tadaad 90 Hazaar thi , Uske muqable me Hazrat Amru bin Aas Raziyllahu Anhu Ka lashkar tha , Jinki tadaad Saade Saat Hazaar ke qareeb thi,

★_ Qaisar ke doosre lashkar ki tadaad 60 Hazaar thi, Uske muqable me Hazrat Abu Ubaida bin Jarrah Raziyllahu Anhu Ka lashkar tha , Jinki tadaad bhi Saade Saat Hazaar ke qareeb thi, Teesre lashkar ki tadaad 90 Hazaar thi, Ye lashkar Hazrat Yazeed bin Abi Sufiyaan Raziyllahu Anhu ke muqable me Aaya , Jinki tadaad bhi Saade Saat Hazaar thi, Qaisar ne Chotha lashkar Hazrat Sharjeel Raziyllahu Anhu ke muqable per bheja ,

★_ Musalmano ko Romiyo ki in Zabardast Taiyariyo'n Ka ilm hua aur Apni Kam tadaad Ka Andaza hua to fikrmand ho gaye, in Halaat ki tafseel Madina Munavvara bheji gayi , Waha'n se Hazrat Abu Bakar Siddiq Raziyllahu Anhu Ka Hukm Aaya :- Ab tum sab alag alag na lado , Balki Ek jagah Jama ho jao .. Yani Chaar ki bajaay Apna ek lashkar bana lo .. Apni Kam tadaad Ka gam Na Karo , Tum Allah Ke Deen ke madadgaar ho , Wo Zaroor Tumhari madad karega , Tum sab mil Kar Yarmook me Jama ho jao _,"

★_ Yarmook dar asal ek Dariya Ka Naam hai, Ye Dariya Joraan ke pahaado se nikalta hai , Yarmook Ka Dariya Jaha'n Urdun ke Dariya se milta hai , Waha'n se 30-40 meel ke Faasle per Waaqusa naami Muqaam hai , Ye Bahut wasi ilaaqa hai , Teen taraf se Pahaado se ghira hua hai , Qaisar ki Fauj ne isi Muqaam per Padaav daal diya tha , Musalman bhi Dariya Yarmook ko paar Kar Ke Romiyo ke muqabil pahunch gaye , Goya Ab Romi Teen taraf se Pahaado me ghire hue they ,aur Unke Saamne Jo Raasta tha waha'n islami Lashkar Padaav daal chuka tha ,is Tarah Romi Lashkar Pahaado ki is Vaadi me ghir Kar reh gaya,

★_ Ye Qudrati Soorate Haal Dekh Kar Hazrat Amru bin Aas Raziyllahu Anhu Khush hue aur farmaya :- Musalmano ! Tumhe mubarak ho .. Romi Lashkar ghaire me aa gaya _,"

★_ Dono Lashkar do Maah tak ek doosre ke Aamne Saamne pade rahe , is dauraan mamooli jhadpe Hoti rahe, Poori Tarah Jung shuru na ho saki ,Hazrat Abu Bakar Siddiq Raziyllahu Anhu ko in Halaat ki khabar Mili to Aapne Hazrat Khalid bin Waleed Raziyllahu Anhu ko hukm bheja k iraaq me Hazrat Musna bin Haarisa Raziyllahu Anhu ko Apna qaaim Muqaam muqarrar Kar ke Yarmook pahunche ,

★_ Us Waqt Hazrat Khalid bin Waleed Raziyllahu Anhu Iraan ke Darul Hukumat Mada'in per hamle ki Taiyari Kar rahe they, Khalifa e Rasool Ka Hukm pa Kar Aap foran Yarmook ki taraf rawana ho gaye,

★_ Hazrat Abu Bakar Siddiq Raziyllahu Anhu ne Hazrat Khalid bin Waleed Raziyllahu Anhu ko Jo Hukm bheja Uske Alfaz ye they :- Tum rawana ho jao , Yaha'n tak k Yarmook me Jo Musalman Jama Hai'n unse ja milo , Kyu'nki Wo gamzada Hai'n aur Jab Tum waha'n pahunch jao to fir Lashkar ki Kamaan tum hi Sambhalo _,"

★_ Hazrat Khalid bin Waleed Raziyllahu Anhu ne Poori islami fauj Ka jaayza liya aur uski Safbandi ki , Ek Ek daste ke paas khud gaye , unke Saamne Purjosh Taqreere ki , Is Jung me Musalman Aurte'n bhi Shamil thi , Unhe Mardo ki Safo ke Pichhe khada Kiya tha , Hazrat Khalid Raziyllahu Anhu ne un Aurto'n se farmaya :- Agar Kuchh Musalman Maidaan Chhod Kar bhaage to unhe gairat dilana .. Sharminda Karna _,"

★_ Hazrat Khalid bin Waleed Raziyllahu Anhu Zuhar ki Namaz ke baad Jung Shuru Karna Chahte they , Kyunki Aan Hazrat ﷺ Ka Yahi mamool tha , Lekin Romiyo ne Aage bad Kar un hamla Kar diya, Hazrat Khalid bin Waleed Raziyllahu Anhu ne khud Apna ghoda aage badaya aur Hamla shuru Kiya, Poori islami fauj Ek Jaan ho Kar Aage badi aur is qadar Zabardast Jawabi hamla Kiya k Romiyo ke andar tak ghuste chale gaye ,

★_ Jung jaari rahi , Dono lashkar Jaan tod Kar ladte rahe , Aakhir Romiyo ke Paanv ukhad gaye, Wo Bad Hawaas ho Kar bhaage , Musalmano ne unka Pichha Kiya , Allahu Akbar ke naaro se Maidane Jung goonj utha , Fateh ki khabar Hazrat Abu Bakar Siddiq Raziyllahu Anhu ko bheji gayi, Hazrat Abu Bakar Siddiq Raziyllahu Anhu Bahut Khush hue aur farmaya :- Tamaam Tareefe us Allah Ke liye Hai'n Jisne Musalmano ki madad ki aur Meri Aankho'n ko Fateh ki Khush khabri se Thanda Kar diya _," Ye waqia Hazrat Abu Bakar Siddiq Raziyllahu Anhu ki wafaat se 24 din Pehle Ka Hai ,

╨─────────────────────❥

*★_ Siidiqe Akbar ki Jaa'naaheeni _,*

★_ Hazrat Abu Bakar Siddiq Raziyllahu Anhu ke daur Ki Futuhaat Ka Silsila Yahi'n tak hai , Iske baad Jo Futuhaat hui Unka Talluq Hazrat Umar Raziyllahu Anhu ki khilafat se hai ,

★_Jab Siddiqe Akbar Raziyllahu Anhu ki Bimaari ki shiddat aayi to Aapke Saamne Sabse Aham masla ye tha k Khalifa kise muqarrar Kiya Jaye , is Silsile me mashware ke liye Aapne bade bade Sahaba ko bulaya aur Hazrat Umar Raziyllahu Anhu ke bare me Unki Raay Maloom ki ,

★_ Hazrat Talha bin Abdullah Raziyllahu Anhu Aaye to unhone Kaha - Ey Abu Bakar ! Aapko Maloom hai k Umar ke mizaaj me Sakhti hai , iske bavjood Aap Unhe Apna Jaa'naaheen bana rahe Hai'n, Kal Apne Parwardigaar ko kya Jawab denge ?

Us Waqt Hazrat Abu Bakar Siddiq Raziyllahu Anhu Lete hue they, Hazrat Talha Raziyllahu Anhu ki Zubaan se ye Alfaz sun Kar Aapko Gussa aa gaya, bole - mujhe bitha do ,

★_Logo ne Aapko bitha diya, Tab Aapne farmaya :- Kya mujhe mere Parwardigaar se darate ho , Mai'n Jab Apne Rab se milunga aur wo is Silsile me mujhse Sawal karega to Mai'n kahunga , Ey Allah ! Maine Tere Bando per ek ese Shakhs ko muqarrar Kiya hai Jo Behatreen hai _,"

★_ Fir Jab sab chale gaye to Hazrat Abu Bakar Siddiq Raziyllahu Anhu ne Hazrat Usman Raziyllahu anhu se farmaya - Umar ki Jaa'naaheeni Ka parwana likhe'n _," Wo Kalam Dawaat le Kar beth gaye to Hazrat Abu Bakar Siddiq Raziyllahu Anhu ne farmaya :- Likho , Bismillahirrahman nirraheem ... Ye Wo Ahad Naama hai Jo Abu Bakar bin Abi Qahafa ne Musalmano ke liye likhwaya _,"

Abhi itna likhwaya tha k Aap per gashi taari ho gayi,

★_ Hazrat Usman Raziyllahu anhu ko Pehle se Maloom tha , Unhone socha agar behoshi Taveel ho gayi aur isi Aalam me Hazrat Abu Bakar Siddiq Raziyllahu Anhu ki wafaat ho gayi to ye parwana Na-Mukammal na reh Jaye aur mukl me koi Fitna na khada ho Jaye , Chunache khud hi likh diya :- Maine tum per Umar bin Khattab ko Khalifa muqarrar Kar diya hai aur Maine is maamle me Tumhari Khair khwahi me koi Kami nahi ki _,"

★_ itne me Hazrat Abu Bakar Siddiq Raziyllahu Anhu hosh me aa gaye, Aapne Puchha - Kya Likha ? Unhone ibaarat padh Kar sunayi to Hazrat Abu Bakar Siddiq Raziyllahu Anhu Khush ho Kar bol uthe :- Allahu Akbar ! Allah tumhe jaza ata farmaye, Ab ye logo ke darmiyaan Suna do _,"

★_ Hazrat Usman Raziyllahu anhu ki Dawat per sab log Jama ho gaye, Hazrat Usman Raziyllahu Anhu ne khalifa e Rasool ka Hukm padh Kar sunaya , Sabne is farmaan ko Khushi se qubool Kiya, itne me Hazrat Abu Bakar Siddiq Raziyllahu Anhu khud Chhat per Tashreef le Aaye aur farmaya :- Logo Maine Jis Shakhs ko khalifa muqarrar Kiya hai , Mera koi Rishtedar nahi hai ...Balki Umar hai ..Kya tum Unhe qubool Karte ho ?

Sabne ek Awaaz ho kar Kaha - Humne Suna aur ita'at ki _,"

★_ Iske baad Hazrat Umar Raziyllahu Anhu ko bulaya aur unhe Nasihat farmayi, Nasihat ke baad farmaya - Musna bin Haarisa Raziyllahu Anhu ki madad ke liye sab kaam Chhod Kar Mazeed Fauj iraaq rawana Karna _,"

Fir Puchha - Jabse Mai'n khalifa bana Hu'n, Us Waqt se ab tak mujhe Kitna Wazifa Mila hai ? Hisaab Kar Ke Unhe bataya gaya- 6 Hazaar Dirham , Aapne farmaya - Meri Fala Zameen Farokht Kar Ke ye raqam Baitul Maal me Jama Karwa di Jaye _,"

★_ Uske baad farmaya - Mere khalifa banne ke baad se le Kar ab tak mere Maal me Kitna izafa hua hai ? Aapko bataya gaya - Ek jinsi Gulam hai Jo Bachcho ko khilaya hai aur Talwaare tez karta Hai, Ek ountni hai Jis per Pani laya jata hai, Ek Chaadar hai Jiski Qeemat Sawa Rupiya ke qareeb hai , Ye sun Kar irshad farmaya - Meri wafaat ke baad ye cheeze Khalifa e Waqt ko bhej di jaye_,"

★_ Jab ye cheeze Hazrat Umar Raziyllahu Anhu ki khidmat me pesh ki gayi to Wo ro pade ... Rote jate aur Kehte jate - Ey Abu Bakar ! Aap Apne Jaa'naaheeno ko Bahut Mushkil me mubtila Kar gaye,

★_ Fir Aapne Apne Gharelu mamlaat ke zimmedar Hazrat Mu'iqeeb Raziyllahu Anhu se farmaya- Ey Mu'iqeeb ! Tum mere Ghar ke muntazim ho , bata'o Mera aur Tumhara kya hisaab hai ? Unhone Jawab diya- Mere 25 Dirham Aapke Zimme Hai'n, Wo Maine Aapko Maaf kiye _," ye sun kar farmaya - Chup raho , mere Tosha e Aakhirat me Qarz Shamil na Karo _,"

Fir Ayesha Siddiqa Raziyllahu Anha ko bulaya aur unhe Hukm farmaya- Mu'iqeeb ko 25 Dirham Ada Kar diye Jaye'n _,'

★_ Fir Aapne Hazrat Ayesha Raziyllahu Anha se Puchha - Rasulullah ﷺ ko kitne Kapdo me kafan diya gaya tha ? Aapko bataya gaya- Teen kapdo me , Hazrat Abu Bakar Raziyllahu Anhu us Waqt do fate Purane Kapde pehne hue they, Unki taraf ishara kar ke farmaya- bas to fir mere ye Do Kapde to Hai'n hi ... Teesra Kapda bazaar se Khareed kar mujhe Kafan de dena _,

Ye sun Kar Hazrat Ayesha Raziyllahu Anha ne arz Kiya- Abba Jaan ! Hum Aapke liye Teeno Naye Kapde Khareed sakte Hai'n_," Aapne farmaya- Beti ! Naye Kapdo ko zarurat Murdo'n ki nisbat Zindo'n ko zyada hai ...?

★_ Ab Apni Bivi Hazrat Ama Raziyllahu Anha ko Wasiyat ki - Mujhe Gusl tum dena _," Wo ro Kar Kehne lagi - Ye mujhse nahi Hoga , Aapne farmaya- Tumhara Beta Aburrahmaan Tumhari madad karega _,"

Iske baad Puchha - Aaj Konsa Din hai ? Logo ne bataya- Aaj Peer Ka din hai _," Aapne Puchha - Rasulullah ﷺ ki wafaat konse din hui thi ? Aapko bataya gaya - Peer ke din, Aapne farmaya - Tab Mai'n Ummeed karta Hu'n k Meri wafaat bhi Aaj hi ke din hogi ... Meri Qabr Rasulullah ﷺ ki Qabr ke Saath banayi Jaye _,"

★_ Uske baad farmaya - Mere khalifa banne ke baad se le Kar ab tak mere Maal me Kitna izafa hua hai ? Aapko bataya gaya - Ek jinsi Gulam hai Jo Bachcho ko khilata hai aur Talwaare tez karta Hai, Ek ountni hai Jis per Pani laya jata hai, Ek Chaadar hai Jiski Qeemat Sawa Rupiya ke qareeb hai , Ye sun Kar irshad farmaya - Meri wafaat ke baad ye cheeze Khalifa e Waqt ko bhej di jaye_,"

★_ Jab ye cheeze Hazrat Umar Raziyllahu Anhu ki khidmat me pesh ki gayi to Wo ro pade ... Rote jate aur Kehte jate - Ey Abu Bakar ! Aap Apne Jaa'naaheeno ko Bahut Mushkil me mubtila Kar gaye,

Fir Ayesha Siddiqa Raziyllahu Anha ko bulaya aur unhe Hukm farmaya- Mu'iqeeb ko 25 Dirham Ada Kar diye Jaye'n _,'

★_ Ab Apni Bivi Hazrat Asma Raziyllahu Anha ko Wasiyat ki - Mujhe Gusl tum dena _," Wo ro Kar Kehne lagi - Ye mujhse nahi Hoga , Aapne farmaya- Tumhara Beta Aburrahmaan Tumhari madad karega _,"

★_ in Vasiyato se Faarig hue hi they k Aap per Maut ke Asaar taari ho gaye, Hazrat Ayesha Siddiqa Raziyllahu Anha us Waqt Hasrat bhare Andaz me ye Shayr padhne lagi :- Wo Pur Noor Soorat Jiske Chehre Ka Sadqa de Kar Baadlo se Baarish maangi gayi ... Jo Yateemo per Meharban ho aur Faqeero ki Panaah ho _,"

_ Hazrat Abu Bakar Siddiq Raziyllahu Anhu ke kaano me ye Shayr pada to cho'nk uthe ... Kyunki ye Shayr Shayar ne Aan Hazrat ﷺ ki shaan me Kaha tha, Chunache foran bole :- Ye Shaan To Sirf Rasulullah ﷺ ke liye thi _,"

★_Aakhir maut ki ghadi Aa gayi , Ek bijli aayi aur Khilafat v Amarat ka ye Aaftaab Duniya se ruposh ho gaya, Aapke Aakhri Alfaz ye they :- Ey Rab Tu mujhe Musalman utha aur Saleheen ke Saath Mera Hashr Kar _,"

★_ Aapki Wafaat 22 Jamadius Saani 13 Hijri ba Roz Peer Magrib aur ishaa ke darmiyaan hui , Raat hi me Aapki Ahliya Hazrat Asma bint Umes Raziyllahu Anha ne Wasiyat ke mutabiq Aapko gusl diya, Hazrat Umar Raziyllahu Anhu ne Namaze Janaza padhayi , Hazrat Umar , Hazrat Usman , Hazrat Talha aur Abdurrahman bin Abi Bakar Raziyllahu Anhum Qabr me utre aur Aapko Nabi Kareem ﷺ ki Qabr ke Pehlu me Lita diya , is Tarah k Aapka Sar Huzoor Aqdasﷺ ke Shaana Mubarak tak Aa gaya tha , Allahu Akbar ! Marne ke baad bhi Huzoor ﷺ ka ye Ahatraam k Aapke barabar nahi Lete _,

★_ Wafaat ke Waqt Aapki Umar 63 Baras thi , Aan Hazrat ﷺ ki Umar bhi wafaat ke Waqt 63 Baras thi , Aapki khilafat ki muddat 2 Baras 3 Mahine aur 11 din hai , Raziyllahu Anhu wa Arzahu ,

╨─────────────────────❥

*★_ Khilafate Siddiqi _,*

★_ Aan Hazrat ﷺ ke Parda farmane ke baad Musalmano ke liye Siddiqe Akbar Raziyllahu Anhu ki wafaat pehla bada Sadma tha , Is Sadme me Madina Munavvara ke Daro Diwaar hila kar rakh diye , Ek larza chha gaya, Poore Jazira e Arab per gam taari ho gaya , Jo Shakhs Abu Bakar Siddiq Raziyllahu Anhu ke Jitna qareeb tha , utna hi zyada gamzada tha , Hazrat Ali Raziyllahu Anhu ne Aapki Wafaat ki khabar sunne per ye Alfaz farmaye :- Aaj Khilafate Nabuwat Khatm ho gayi _,"

★_ Fir waha'n Aaye Jaha'n Hazrat Abu Bakar Siddiq Raziyllahu Anhu ki Mayyat mojood thi , Us Makaan ke Darwaze per khade ho Kar Aapne farmaya :- Ey Abu Bakar ! Allah tum per Raham kare , Aap Nabi Akram ﷺ ke Mehboob they aur Qabile Aitmaad Saathi they , Aap ﷺ ke Musheer aur Raazdaar they , Aap Sabse Pehle Islam laye , Aap Sabse zyada mukhlis momin they , Aap Ka Yaqeen Sabse zyada mazboot tha ,

★_ Aap Sabse zyada Allah Ka Khof Karne wale they , Allah Ke Deen ke bare me Sabse zyada beniyaaz Yani Doosro ki Parwaah Karne wale Nahi they , Rasulullah ﷺ ke Nazdeek Sabse zyada ba Barkat Saath dene me un Sabse Behtar , Fazilat me Sabse badh Kar , pesh qadmiyo me Sabse afzal aur bar tar darje me Sabse ounche aur qurb ke aitbaar se Aan Hazrat ﷺ se Sabse zyada qareeb , Aan Hazrat ﷺ ke Sabse zyada mushaba , Seerat aur Adaat me Sabse Meharban aur fazal me Sabse Zyada ounche martabe wale aur Huzoor ﷺ ke Nazdeek Sabse zyada mukarram aur Mu'atmad they , Pas Allah jal shanhu islam aur Apne Rasool ki taraf se Aapko jaza e Khayr ata farmaye .,

★_ Aapne Aan Hazrat ﷺ ki tasdeeq us Waqt ki jab Logo ne Aap ﷺ ko Jhutlaya , isliye Allah jal shanhu ne Aapko Apne Kalaam me Siddiq farmaya , Yani Yu'n farmaya , Sachchayi lane wale Muhammad ﷺ hai'n aur Unki Tasdeeq Karne wale ( Abu Bakar) Hai'n , ( Ye Surah Zumar ki Aayat 33 ki taraf ishara hai ) , Aapne Huzoor ﷺ ke Saath us Waqt Gamkhwari ki jab logo ne Aap ﷺ se bukhl Kiya , Aap nagawaar Baato me Aap ﷺ ke Saath us Waqt bhi khade rahe Jab log Aap ﷺ se alag ho gaye, Aapne Sakhtiyo me bhi Huzoor ﷺ ke Saath Sohbat aur Rafaqat ka Haq Ada Kiya ...,

★_( Hazrat Ali Raziyllahu Anhu ne Aage farmaya ) Aap Saani Isneen ( 2 ) aur Rafeeqe gaar they aur Aap per Sakinat Naazil hui , Aap Hijrat me Aan Hazrat ﷺ ke Saathi they , Aap Aan Hazrat ﷺ ke ese khalifa bane k Khilafat Ka Haq Ada Kar diya, Us Waqt Khalifa bane Jab log murtad ho gaye , Aapne Khalifa Ka Wo Haq Ada Kiya Jo Kisi paigambar ke khalifa ne nahi Kiya tha , Aapne us Waqt Chusti dikhayi Jabki doosre sust ho gaye, Aapne us Waqt jung ki jab doosre Aajiz aa gaye, Aapne Rasulullah ﷺ ke Raaste Ko us Waqt thaame rakha jab log Pichhe hat gaye they,

★_ Aap bila naza aur bila tafaruqa ( bager jhagde ke ) khalifa e Haq they, Agarche is Baat se munafiqo ko Gussa tha , Kuffaar ko Rani tha aur Haasid karahat me mubtila they aur Baagiyo ko Gussa tha ( Yani log Aapki khilafat se Raazi nahi they ) Aap us Waqt Haq Baat per ade rahe jab log Buzdil ho gaye, Aap us Waqt Saabit qadam rahe jab log dagmaga gaye , Aap Allah Ta'ala ke Noor ( Qur'an ) ko liye aage badte rahe Yaha'n tak k Aapki Pervi me logo ne hidayat payi ,

★_ Aapki Awaaz un Sabse nichi thi Magar Aapka martaba Sabse ouncha tha , Aapka Kalam Sabse zyada sanjeeda tha , Aapki Guftgu Sabse zyada Durust thi , Aap Sabse zyada Khamosh rehne wale they , Shuja'at me Sabse Zyada badhe hue they, Ma'mlaat ko Sabse zyada samajhne wale they ... Aur Allah ki qasam ! Deen Ke Sabse Pehle Sardaar they , Aap Momineen ke liye Raheem Baap they aur Jis cheez Ka logo ko Andaza bhi nahi tha , Wo Unhone payi , Aap Kafiro ke liye Aag ki maanind they, Momineen ke liye Rehmat aur Unsiyat aur Panaah ki Jagah they , Aap Kisi se Zara nahi dare , Pahaad ki maanind they,

★_ Rasulullah ﷺ ne Aapke bare me farmaya k Aap Dosti aur Maali khidmaat ke aitbaar se Sabse zyada Ahsaan Karne wale they , Aap Jismani aitbaar se Agarche Kamzor they Lekin Allah Ke maamle me qavi they , Aapme Aajizi Bahut thi , Aapme koi Laalach nahi tha , na maamlaat me Aap Kisi ki ri'ayat Karte they, Taaqatwaro se kamzoro ko unka Haq dilate they , Aap Duniya se us Waqt rukhsat hue Jabki Raasta hamwaar ho gaya , Mushkil Asaan ho gayi, Mukhalifeen Shikasht kha gaye , Deen mazboot ho gaya, Musalman Saabit qadam ho gaye, Aapne Apne baad me Aane walo ko thaka diya , Aap Khayr se Kamyaab hue ,

★_ ( Hazrat Ali Raziyllahu Anhu ne Aage farmaya ) _, Aap isse Buland v Baala Hai'n k Aap per roya peeta Jaye , Aapki maut ko to Asmaan me Mehsoos Kiya ja raha Hai, Hum Sab Allah Ke Liye Hai'n, Usi ki taraf lot Kar Jane wale Hai'n, Allah ki qaza per hum Raazi hai'n , Humne Apna maamla Uske Supurd Kar diya hai, Allah ki qasam Rasulullah ﷺ ki wafaat ke baad Aapki maut jesa koi haadsa Musalmano per Kabhi naazil nahi hua , Aap Deen ki izzat , jaa'e Panaah aur Hifazat gaah they , Allah Aapko Apne Nabi se mila de aur Hume Aapke baad Aapke Ajar se Mehroom aur Gumrah na kare , inna lillahi wa inna ilaihi Raji'uon _,"

*( Ref- Riyazul Nazra, Kanzul Ummaal , Musnad Ahmad bin Hanbal )*

★_ Jab tak Hazrat Ali Raziyllahu Anhu Ka ye Khutba jaari raha, Log Sunte rahe , Jab Aap Khamosh hue to log be tahasha rone lage , Khoob roye , fir Sabne Kaha :- Ey Ali ! Aapne sach Kaha _,"

★_ Hazrat Ali Raziyllahu Anhu ke is Khutbe me un logo ke liye badi ibrat Ka Samaan Hai Jo Hazrat Ali Raziyllahu Anhu aur Hazrat Abu Bakar Siddiq Raziyllahu Anhu ke darmiyaan ikhtilaaf Ka jhoota prchaar Karte Hai'n, Kya koi Apne Mukhalif ke bare me itni Zabardast Tareefi baate keh Sakta Hai ?

★_ Sayyada Ayesha Siddiqa Raziyllahu Anha ne is moqe per farmaya :- Ey Abba Jaan ! Allah Aapko sabz v shadaab rakhe , Aapko Aapki Behtreen Koshisho Ka badla de , Rasulullah ﷺ ki wafaat ke baad Aapki Wafaat haadsa Sabse bada haadsa hai , Lekin Allah ki Kitaab Hume Sabr Ka Hukm Karti hai, Ye Sabr hi Aapki Wafaat Ka Sabse Achchha badla hai aur Mai'n Ummeed Karti Hu'n, Wo mujhe mere Sabr Ka badla dega , Ey Abba Jaan ! Aap Apne beti Ka Aakhri Salam qubool kijiye, Jisne Aapki Zindgi me Kabhi Aapke Saath per khaash Nahi rakhi aur wafaat per Wo Ro peet nahi rahi _,"

।*★_ Hazrat Umar Raziyllahu Anhu andar aaye to Hazrat Abu Bakar Siddiq Raziyllahu Anhu ki na'ash ko mukhatib Kar Ke farmaya :-

"_ Ey Khalifa e Rasool ! Aapne Duniya se rukhsat ho Kar Qaum ko sakht Mashakkat me daal diya , Aapka Saamna karna to dar kinaar , Ab to koi esa bhi nahi k Aapki gird hi ko pahunch sake _,"

★_ Ye Sab to is Duniya me ho raha tha aur Doosri Duniya me us Waqt kya ho raha tha , iska Andaza lagane ke liye Khud Hazrat Abu Bakar Siddiq Raziyllahu Anhu ki rivayat ye Hai k Maine Ek martaba Nabi Kareem ﷺ ke Saamne Qur'an kareem ki ye Aayat tilawat ki -

"_ ( Tarjuma) _ Ey nafse mutma'ina Tu Apne Parwardigaar ki taraf ha'nsi Khushi Chali aa _," ( Surah Al Fajr )

Fir arz Kiya - Ey Allah ke Rasool ! Ye bhi kya khoob irshade Baari Ta'ala Hai _,"

Aan Hazrat ﷺ ne irshad farmaya :-

"_ Haa'n ! Ey Abu Bakar ! Jab tumhe maut aayegi to us Waqt Jibraiyl Ameem Tumse Yahi kahenge _,"

╨─────────────────────❥

*★_ Jama Qur'an aur Fidk Ka Masla _,*

★_ Hazrat Abu Bakar Siddiq Raziyllahu Anhu ke daur me Jo Sabse Aham Kaam hua , Wo hai Qurane Kareem Ka Jama Kiya Jana, iski tafseel bhi bahut Dilchasp hai , Junge Yamama me Taqriban 1200 Musalman Shaheed ho gaye they, Ye Jung Muselma Kazzaab Yani Nabuwat Ka jhoota Daava Karne wale Ke khilaf ladi gayi Thi, Usme 39 bade Sahaba aur Hafize Qur'an bhi Shamil they,

★_ Ye Sirf ek Jung ki tadaad hai , Doosri Jungo me bhi Sahaba kiraam aur Qurane Kareem ke Hafiz Shaheed hue, is Baat ko shiddat se Mehsoos karte hue Hazrat Umar Raziyllahu Anhu Hazrat Abu Bakar Siddiq Raziyllahu Anhu ki khidmat me Haazir hue aur Arz Kiya :- Ey khulfa e Rasool ! Yamama ki Jung me Qur'an ke Qari aur Hafiz bahut Shaheed hue Hai'n, isliye Agar Aapne Qur'an Jama Karne Ka intezam na Kiya to dar hai Qur'an Ka bada hissa zaaya na ho Jaye _,"

★_ Hazrat Abu Bakar Siddiq Raziyllahu Anhu Ka Apna ek Khaas mizaaj tha aur Wo ye tha k Jo Kaam Huzoor ﷺ ne nahi Kiya , Wo esa koi Kaam nahi karte they.... Apne is mizaaj ki buniyad per Unhone farmaya :- Jis Kaam ko Aan Hazrat ﷺ ne nahi farmaya, Mai'n Wo Kaam kese Kar Sakta Hu'n _,"

Hazrat Umar Raziyllahu Anhu bole - Ye Kaam to Khayr Ka Hai _," Unhone Baar Kaha , Hazrat Abu Bakar Siddiq Raziyllahu Anhu bhi Baar Wohi Jawab dete rahe ,

★_ Aakhir Allah Ta'ala ne Hazrat Abu Bakar Siddiq Raziyllahu Anhu ke Dil me ye Baat daali k ye Kaam Kiya Jaye , Us Waqt Aapne Hazrat Zaid bin Saabit Raziyllahu Anhu ko bulaya aur unse farmaya :- Tum Jawan aur Samajhdaar Aadmi ho , Rasulullah ﷺ ke Kaatib Wahi they , isliye Qur'an ko ek jagah Jama Kar do _,"

★_ Hazrat Zaid bin Saabit Raziyllahu Anhu farmate hai'n :- Agar Hazrat Abu Bakar Siddiq Raziyllahu Anhu mujhe Ek pahaad ko uski Jagah se hatane Ka Hukm dete to Wo Hukm bhi is Hukm se Mushkil Mehsoos na hota _," Yani Unhone is Kaam ko Pahaad Apni Jagah hatane se bhi Zyada Mushkil Mehsoos Kiya ,

fir arz Kiya:- Ey Khalifa e Rasool ! Mai'n Wo Kaam kese Kar Sakta Hu'n Jo Nabi Kareem ﷺ ne nahi Kiya _,"

★_ Aakhir Allah Ta'ala ne unke Dil me bhi ye Baat daali k ye Kaam Karo , is Tarah Unhone is Mushkil tareen Kaam ko shuru Kiya ,

★_ Qurane Kareem ke Mukhtalif hisse Kapdo per , Khajoor ki chhalo per , Patto per likhe hue Mukhtalif Sahaba kiraam ke paas mojood they, Qur'an Majeed bahut se Sahaba Ke Seeno me bhi mojood tha , Unhone Poori ahatyaat se Tamaam Ayaat Jama ki, Jis Jiske Paas Ayaat mehfooz thi haasil ki aur ye Saara Qur'an Hazrat Abu Bakar Siddiq Raziyllahu Anhu ke paas Jama karwaya ,

★_ is Tarah Hazrat Abu Bakar Siddiq Raziyllahu Anhu ke daur me Qur'an Majeed Jama hua , Hazrat Ali Raziyllahu Anhu ne Ek martaba farmaya :- Allah Abu Bakar per Rehmate Naazil kare , Qur'an Majeed Jama Karane me unka Ajar Sabse zyada hai , Kyunki is Kaam ki pehal Unhone hi ki _,"

★_ Yaha'n is Baat ki Wazahat bhi zaruri hai k Soorto ke Naam Huzoor Nabi Kareem ﷺ ki Zindgi mubarak me hi Tay ho gaye they, Is Baat ke Saboot me Bahut se Sahi Ahadees Hai'n, Baaz Awqaat Ka'i Ka'i Ayaat Ek Saath Naazil hui thi , Aap ﷺ us Waqt Hukm dete they k Fala Aayat Fala Soorat me Likho , Fala Aayat Fala Soorat me Likho ,

★_ Hazrat Abu Bakar Siddiq Raziyllahu Anhu ke baad Qur'an Majeed Ka Kaam Hazrat Usman Raziyllahu Anhu ke daur me hua , Aapne Qurane Kareem ke bahut SE nuskhe Taiyaar karaye .. Yani Hazrat Umar Raziyllahu Anhu ke daur me Wohi Ek nuskha tha Jo Hazrat Abu Bakar Siddiq Raziyllahu Anhu ne Jama karaya tha , Jab Bahut Sare nuskhe Taiyaar Kar liye gaye to Hazrat Usman Raziyllahu Anhu ne Ek Ek nuskha Ek Ek soobe me bhej diya,

★_ Matlab ye k buniyadi tor per Hazrat Abu Bakar Siddiq Raziyllahu Anhu ne Jo Qur'an Majeed Jama karaya tha Usse Majeed nuskhe Taiyaar karaye gaye they, Fir ye nuskhe Mulk ke doosre Soobo me bheje gaye they, iske Saath hi Qurane Kareem ki Saat Qira'ate ( Lehje ) muqarrar kiye gaye, is Tarah Ummat ko Saat Qira'ato per Jama Kar diya gaya, Ye Wo Qira'ate thi Jo Aan Hazrat ﷺ se Saabit thi , Unke alawa Jo Qira'ate thi unko tark Kar diya gaya,

Jab tak Duniya me Qurane Majeed Padhne wale Kalmago mojood Hai'n, Wo is Azeem Kaam per Hazrat Abu Bakar Siddiq Raziyllahu Anhu ke Ahsanmand rahenge .. ye unka esa karnaama hai ,

★_ Hazrat Abu Bakar Siddiq Raziyllahu Anhu Ka Ek mamool ye tha k jab koi masla Unhe pesh aata to Wo Allah ki Kitaab se Faisla Karte , Usme Masle Ka hal na milta to Sunnate Rasool me Masle Ka hal talaah Karte , Agar isme bhi Kamyaabi na Hoti to Sahaba ko Jama Kar ke unse puchhte k kya tumme se Kisi Ko iske mutalliq Aan Hazrat ﷺ Ka koi Amal Maloom hai , Agar Kisi Ko Maloom hota to bata deta , Hazrat Abu Bakar Raziyllahu Anhu Allah Ka shukr Ada karte , Agar na milta to fir Sahaba se is bare me mashwara liya jata , Jis Baat per sabka ittefaaq ho jata usko qubool Kar Lete ... Aur usi ke mutabiq Karne Ka Hukm farmate,

★_ Hazrat Abu Bakar Siddiq Raziyllahu Anhu ke daur me Ek masla Fidk Ka pesh Aaya, is bare me Aaj tak Kuchh Hazraat baate Karte Hai'n, Lihaza munasib hoga k Yaha'n is masle per bhi Roshni daal di Jaye Taki Baat zehno me waaze ho Jaye ,

★_ Khaybar ki Fateh ke baad Aan Hazrat ﷺ ne Uske maale ganimat ko 36 hisso me Taqseem Kiya , Unme 18 hisse Apne liye Khaas farma liye aur baqi hisse doosre logo me Taqseem kar diye , is Kaam se Faarig hone ke baad Aan Hazrat ﷺ ne Hazrat Mahisa bin Masoud Ansari Raziyllahu Anhu ko Dawate islam ki garz se Fidk ki taraf rawana Kiya, Fidk Ke logo Ka Sardaar Yoosha bin Noon tha , Un logo ne Suleh ki darkhwast ki aur nisf Zameen deni Manzoor ki ,Aan Hazrat ﷺ ne isko qubool farma liya ,

★_ Us Waqt ye Zameen Aap ﷺ ke liye Makhsoos ho gayi, Aap ﷺ usse haasil Aamdani se guzar Basar Karte they, Ummahatul Momineen Raziyllahu Anhum Ka kharcha isse Poora hota tha,

★_ Aap ﷺ ki wafaat ke baad Hazrat Fatima Raziyllahu Anha aur Hazrat Abbaas Raziyllahu Anhu Hazrat Abu Bakar Siddiq Raziyllahu Anhu ki khidmat me Haazir hue, Unhone Khaybar aur Fidk ki zameeno me Aan Hazrat ﷺ Ka Jo hissa tha , Uski Virasat Ka mutalba Kiya, Yani ye Kaha k ye Unka Haq hai , Lekin Hazrat Abu Bakar Siddiq Raziyllahu Anhu ne farmaya :- Maine Aan Hazrat ﷺ ko farmate hue Suna Hai k Hamara Koi Vaaris nahi Hoga , Jo Kuchh hum Chhod Jayenge, Sadqa Hoga _,"

★_ Iske alawa Aapne unse ye bhi farmaya :- Aan Hazrat ﷺ Jis Kaam ko Jis Tarah Karte they, Mai'n use usi Tarah karunga _,"

Hazrat Abu Bakar Siddiq Raziyllahu Anhu ke baad ye maamla fir Hazrat Umar Raziyllahu Anhu ki khidmat me pesh Kiya , Unhone farmaya - Khaybar aur Fidk ki Jaaydaade Dono Rasulullah ﷺ ke liye waqf thi , Ye Dono Aap ﷺ ki zarurato ke liye thi , Ab unka maamla Uske Supurd hai Jo Khalifa ho aur ye Dono Aaj tak usi Haalat aur Haisiyat me hai'n _,"

★_ Yani Hazrat Umar Raziyllahu Anhu Ka Faisla bhi Wohi tha Jo Hazrat Abu Bakar Siddiq Raziyllahu Anhu Ka tha, Apni Khilafat ke Dauraan Hazrat Abu Bakar Siddiq Raziyllahu Anhu ko ye haq haasil tha k Khaybar aur Fidk ki Aamdani ko Apni Zaat aur Apne Baal Bachcho ke liye Makhsoos Kar Le'n , Lekin Unhone usme se Kuchh na liya ... Aapko Aan Hazrat ﷺ Ka behad Ahatraam tha aur Ahle Bayt se Muhabbat thi , Lihaza Unhone us Aamdani se unhi ke Akhrajaat poore kiye , Apne ya Apni Aulaad ke liye Kuchh nahi liya ,

★_ Aan Hazrat ﷺ usme se Saal Bhar Ka kharch Apne aur Ahlo Ayaal ke liye liya Karte they, Hazrat Abu Bakar Siddiq Raziyllahu Anhu ne bhi ye mamool barqaraar rakha , Aapne ye Farmaya - Jiske Haath me Meri Jaan hai Uski qasam ! Rasulullah ﷺ ke rishtedar mujhe isse zyada Azeez Hai'n k Apne Rishtedaro ke Saath Silah Rehmi Karu'n _,"

★_ Aapne Ye bhi farmaya :- Maine Suna hai, Nabi Ka koi Vaaris nahi hota , Lekin iske bavjood Mai'n un sabki Sar Parasti karunga Jinki Sar Parasti Aan Hazrat ﷺ Kiya Karte they aur un sab per Kharch karunga Jin per Aap kharch Kiya Karte they _,"

*( Musnad Ahmed bin Hanbal, Sahi Bukhari-2, Kitabul Fara'iz )*

★_ Baaz log kehte Hai'n k Hazrat Fatima Raziyllahu Anha Fidk ke Masle per Aakhir Umar tak Hazrat Abu Bakar Siddiq Raziyllahu Anhu se Naraaz hi rahi , is bare me Allama ibne Kaseer ne Likha hai k esi Rivayaat Sahi nahi hai _,"

*( Al bidaya An Nihaya -5/ 289)*

★_ Is Sare Jhagde ko Hazrat Umar bin Abdul Azeez Reh. Ki ye rivayat Khatm Karti hai , Aap farmate hai'n :-

"_ Fidk Rasulullah ﷺ ke liye tha , Aap usme kharch Karte they aur usi me se Banu Haashim ke Fuqra per Kharch Karte they, Unki bin Byaahi Ladkiyo ke Nikaah Karte they, Hazrat Fatima Raziyllahu Anha ne Ek martaba darkhwast ki k Aap Fidk unke Naam Kar de'n to Aap ﷺ ne inkaar farma diya _,"

*( Sunan Abi Daowd Kitabul Fara'iz )*

★_ Matlab ye k Hazrat Abu Bakar Siddiq Raziyllahu Anhu ne to Wohi Kiya tha Jo Khud Huzoor Nabi Kareem ﷺ ne Kiya tha , Is per aitraaz kesa ?

★_ Ab is waqie me ye aitraaz Kiya jata hai k Agar Hazrat Fatima Raziyllahu Anha ko Abu Bakar Siddiq Raziyllahu ki Zubaan se irshade Nabvi sunne ke baad itminan ho gaya tha to kya Vajah hai k Hazrat Ali aur Hazrat Abbaas Raziyllahu Anhum fir bhi mutalba Karte rahe ? is Sawal Ka Jawab ye hai k Jaha'n tak Vaaris Ka maamla hai, in dono Hazraat ko bhi itminan tha aur is Baat Ka Yaqeen aa gaya tha k Khaybar aur Fidk waqf Hai'n, Lekin Wo is Baat ko zaruri khayal nahi karte they k Khulfa e Waqt hi Uska mutawalli ho , Unka Zaati khayal tha k Aan Hazrat ﷺ ke qareebi Rishtedaro ko Uska mutawalli Hona Chahiye, iske alawa in Hazraat Ka khayal ye bhi tha k Ye Sirf Aan Hazrat ﷺ ke qareebi Rishtedaro ke liye waqf Hai'n, na k Tamaam Musalmano ke liye , ( Ye wazahat Bukhari me milti hai )

★_ Hazrat Umar Raziyllahu Anhu ne Apne Daur me is Shart per in dono Hazraat ko Uska mutawalli muqarrar farma diya tha, Fir Hazrat Ali Raziyllahu Anhu ke daur me bhi Fidk Musalmano ke liye waqf tha , ( Ye Abu Daowd ki rivayat hai )

*"_Seerate Siddiqi Ke Chand Goshe _,*

★_ Is Duniya me Ambiya Alaihissalam ke baad Aapka Muqaam hai , Aap Mardo me Sabse Pehle islam laye , Aan Hazrat ﷺ ne Apne Aakhri Ayyam me Hazrat Abu Bakar Siddiq Raziyllahu Anhu ko Namaz padhane Ka Hukm diya aur Baar Baar Yahi Hukm farmaya k Abu Bakar hi Namaz padhaye'n,

★_ Islam me Sabse Pehle Masjid Hazrat Abu Bakar Siddiq Raziyllahu Anhu ne banayi , Aap Sabse Pehle Khalifa e Rasool Hai'n, Aan Hazrat ﷺ ne Sabse Pehle Aapko Dozakh se nijaat ki Khush khabri sunayi , Aap Khalifa e Rasool to they hi , Aashiqe Rasool bhi they, Aan Hazrat ﷺ ki wafaat ke baad Aapne elaan farmaya - Jis Shakhs se Aan Hazrat ﷺ ne koi vaada Kiya ho ya jis kisi Ka Aapke Zimme koi Qarz ho, Wo mere paas Aaye _,"

★_ Aap Nabi Kareem ﷺ ke Rishtedaro Ka Apne Rishtedaro se zyada khayal rakhte they, Aan Hazrat ﷺ ki wafaat ko abhi Chand din hi guzre they k Hazrat Abu Bakar Siddiq Raziyllahu Anhu Namaz padha Kar Masjid se nikle to Hazrat Hasan Raziyllahu Anhu Nazar Aa gaye , Wo Bachcho ke Saath khel rahe they, Aapne Unhe Kandhe per utha liya ,

★_ Ek martaba Hazrat Khalid bin Waleed Raziyllahu Anhu ne Maale ganimat Madina Munavvara bheja , Usme Hazrat Abu Bakar Siddiq Raziyllahu Anhu ke liye ek Khoobsurat Tohfa bhi bheja , Aapne Wo Tohfa Hazrat Husain bin Ali Raziyllahu Anhu ko de diya, Aap Khud hi unka khayal nahi rakhte they Balki Doosro se bhi Kehte they, Unka khayal rakho ,

★_ Hazrat Fatima Raziyllahu Anha ki wafaat hui to Hazrat Abu Bakar Siddiq Raziyllahu Anhu ne Hazrat Ali Raziyllahu Anhu se Kaha - Chaliye ! Namaze Janaza padhaye'n _,"

Is per Hazrat Ali Raziyllahu Anhu ne arz Kiya - Aap Rasulullah ﷺ ke Khalifa Hai'n , Aage badhe'n aur Namaz Padhaye'n _,"

Chunache Hazrat Fatima Raziyllahu Anha ki Namaze Janaza Hazrat Abu Bakar Siddiq Raziyllahu Anhu ne padhayi , ( Kanzul Ummaal )

★_ Zamana Jaahiliyat me bhi Aapne Kabhi Kisi But ko Sajda nahi Kiya , Jabki us Waqt Har taraf But Parasti ho rahi thi, Aap Had Darje Pakiza they aur Paak Maal hi Khana Pasand Karte they, Aapka Gulaam Ek martaba khane ki koi cheez laya , Aap us Waqt Bhook ki Haalat me they , Lihaza us cheez ko kha liya , Lekin foran hi khayal Aaya k Gulaam se is bare me Puchha hi nahi,

★_ Gulaam ne bataya k Mai'n Jhoot moot Chhaad Fook Ka Kaam karta tha.. Kisi zamane me us jhaad Fook ke bahane Kisi Ko shifa ho gayi thi .. Uska mu'awza Unhone Aaj diya tha, Ye Sunna tha k Aapne us cheez ko Qay Kar diya, Qay Karne me Aapne Bahut Takleef uthayi Kyunki Bhook ki Haalat me Haalat me Khayi hui Thodi si cheez Asaani se qay nahi ho Sakti thi , Aapne Pani pi Kar usko qay Kiya aur farmaya - Isko nikaalne me Meri Jaan Chali Jati to bhi isko nikaal Kar rehta _,"

★_ Aapne Ek martaba Ek Chidiya ko Darakht per Bethe dekha to farmaya - Waah Waah ! Ey Chidiya, Tu Kitni Khush Naseeb Hai .. Ey kaash .. Mai'n bhi tujh jesa hota , Tu Darakht per bethti hai Phal khati hai aur fir ud Jati Hai.. tujhse na koi hisaab hai aur na Kitaab _,"

Kabhi farmate - Kaash Mai'n Ek Tinka hota ,

Kabhi farmate - Kaash Mai'n Ek Darakht hota , Ount mere paas se guzarta aur Mujhe chaba jata _,"

★_ Yani esa Allah Ke Khof se farmate , Kisi Ko Kabhi Sakht lafz keh bethte to jab tak usse Maafi naaang Lete Chain se na bethte ,Ek martaba Apni Zubaan Pakad Kar kheench rahe they, Hazrat Umar Raziyllahu Anhu ne esa Karte hue dekh liya , Hairaan ho Kar Puchha - Ye Aap kya Kar rahe Hai'n ? Jawab me farmaya - isi Zubaan ne mujhe Tabaah Kiya hai _,"

★_ Ek martaba Aapne pine ke liye Pani maanga , Logo ne Pani me Shehad Mila Kar pesh Kar diya , Aapne pyaala moonh se lagaya to rone lage , Jo log paas mojood they Wo bhi rone lag gaye, .. thodi dayr tak rote rahe , Fir chup ho gaye, Lekin Kuchh hi dayr baad fir rone lage, Logo ne vajah puchhi to farmaya -

"_ Mai'n Ek din Aan Hazrat ﷺ ke Saath tha, Dekha k Aap ﷺ Kisi cheez ko dhutkaar rahe Hai'n, Maine Puchha - Ey Allah ke Rasool ! Aap kis cheez ko dhutkaar rahe Hai'n, Mujhe to Yaha'n koi cheez Nazar nahi aa rahi ..? Aan Hazrat ﷺ ne irshad farmaya, "_ Duniya mere Saamne Jism ki Haalat me aa gayi Thi, Maine usse Kaha k mere Saamne se hat ja , Lekin Wo fir aa gayi , aur Kehne lagi Aap mujhse Bach Kar Nikal Jaye'n to Nikal Jaye'n Lekin Aapke baad Jo log aayenge Wo Bach Kar nahi ja sakenge _,"

Ye Waqia Bayan Kar Ke Hazrat Abu Bakar Siddiq Raziyllahu Anhu ne farmaya :- Us Waqt mujhe Yahi Baat Yaad aa gayi Thi ... Mujhe Mehsoos hua k Kahi'n ye mujhse chimat na Jaye ,

★_ Khalifa banne se Pehle Aap mohalle ki Bachchiyo ki Bakriyo'n Ka Doodh doh dete they, Aap khalifa ban gaye to Ek chhoti si ladki pareshan ho gayi k Ab uski Bakri Ka Doodh kon Doha karega , Hazrat Abu Bakar Siddiq Raziyllahu Anhu tak uski Baat pahunchi to usse farmaya - Mai'n Khalifa ban gaya to kya hua , Mai'n ab bhi Tumhari Bakriyo'n ka Doodh Doha karunga , Khilafat mujhe khidmate Khalq se baaz nahi rakh sakegi _,"

★_ Madina Munavvara me Ek Nabina Aurat thi , Hazrat Umar Raziyllahu Anhu ko iske bare me pata Chala to unhone socha Subeh Savere ja Kar Uske Ghar ke Kaam Kar Aaya karenge, Lekin jab Aap Subeh Savere waha'n pahunche to dekha , Ghar ki safayi ho chuki thi aur Pani ke Bartan me pani bhara hua tha, Yaha'n tak k Baitul Khala ki safayi bhi ki gayi Thi, Yani koi Aa Kar unse Pehle ye sab kaam Kar gaya tha ,

★_ Hazrat Umar Raziyllahu Anhu doosre din us Waqt se Bhi Pehle us Ghar pahunch gaye Lekin us Roz bhi Saare Kaam ho chuke they, Ab to Hazrat Umar Raziyllahu Anhu Bahut hairan hue , Aakhir ye kaun Shakhs Hai Jo itne moonh Andhere ye sab kaam Kar jata hai, Teesre Din Aap ibtedayi Raat hi se chhup Kar Beth gaye, Taki dekhe kaun aata hai ? Unki Hairat ki us Waqt inteha na rahi jab Aapne Hazrat Abu Bakar Siddiq Raziyllahu Anhu ko aate dekha,.. aur us Waqt Wo Musalmano ke Khalifa they ,

★_ Khilafat Milne se Pehle Aap Kapde ki tijarat Kiya Karte they, Khalifa bane to doosre din Kapde ke thaan Kandhe per rakh Kar Bazaar ki taraf chal pade, Raaste me Hazrat Umar aur Hazrat Abu Ubaida Raziyllahu Anhum mil gaye, Unhone hairan ho Kar Kaha :- Ey Khalifa e Rasool ! Aap Kaha'n ja rahe Hai'n ?

Aapne Jawab me farmaya - Bazaar ja raha Hu'n ,

Unhone arz Kiya - Ab Aap Musalmano ke Khalifa Hai'n, Ye Kaam karenge to khilafat Ka Kaam kese Kar sakenge , Hum Aapke liye Wazifa muqarrar Kar dete Hai'n_,"

Sahaba kiraam ne mashwara Kiya aur Aapka Wazifa muqarrar Kar diya, Ye Wazifa Ek Aam Aadmi Ke mutabiq tha,

★_ Koi Aapki Tareef karta to Dil me Kehte - Ey Allah ! Tu mujhe un logo ke khayalaat ke mutabiq bana de , Mere Gunaaho ko Maaf Kar de aur un logo ki beja Tareef per Meri Pakad na Kar _,"

★_ Aap Doosro Ka to mamooli se mamooli Kaam bhi Kar dete they, Lekin khud Doosro se Zara Kaam Lena bhi Pasand nahi karte they,

Ount per sawaar ja rahe Hote aur ount ki nakel gir padti to use bitha Kar niche utarte aur Nakel uthate, Kisi Guzarne wale se ye na Kehte k Bhai Zara ye utha do , Log Aapse Kehte bhi k Aap itni zehmat kyu gawara Karte Hai'n, Yani Aap ount ko bithate Hai'n, fir cheez uthate Hai'n, Aap Humse keh diya kare ,

Iske Jawab me Aap farmate :- mere Habeeb Muhammad ﷺ ne mujhe Hukm diya hai k Mai'n logo se Kisi cheez Ka Sawal na Karu'n _,"

╨─────────────────────❥

*Fikre Siddiqi _,*

★_ Aap Baitul Maal se Apne liye Wazifa Lete they , Lekin uski miqdaar Kitni thi , iska Andaza is Baat se ho Sakta Hai k Ek martaba unki Zoja Mohatrama Ka Ji chaha k halwa khaye'n, Aapse farma'ish ki to farmaya, Gunzaish nahi ,

Ab Unhone kya Kiya , Rozana Ka Jo kharch milta hai Usme se Kuchh bachane lagi , Yaha'n tak k itne paise Jama ho gaye Jinse Halwa Taiyaar ho Sakta Hai, Unse Halwa Taiyaar Kiya gaya , Jab is Baat Ka pata Aapko Chala to farmaya - Hamara Roz marra Ka kharch itne paise Kam Kar dene se bhi Poora ho Sakta Hai_," Chunache Ghar Ka Wazifa itna Kam Kara liya,

★_ Islam qubool Karne Ke baad Aapke pass 40 Hazaar Dirham they, Hijrat ke Safar Ke baad Jab Aap Madina Munavvara pahunche to unme se sirf 5 Hazaar reh gaye, Wo bhi sab Allah Ke Raaste me Kharch Kar diye, Madina Munavvara me aa Kar Tijarat shuru ki , Lekin is Tijarat se Jo kamaya Wo Sabka Sab Gazwa Tabook ke moqe per Allah Ke Raaste me de diya, Khilafat Mili to Tijarat Khatm ho gayi, Ab Nihayat mamooli Wazifa per guzara Karne lage,

★_ Wafaat se Pehle Sayyada Ayesha Siddiqa Raziyllahu Anha se farmaya - Jabse Mai'n Khalifa hua Hu'n , Us Waqt se ab tak Maine Musalmano Ka koi Ek Dirham bhi nahi khaya ,.. Musalman Jo mota jhota khate Hai'n, Wo hi Maine khaya aur pehna , Ab mere paas Jo kul Asasa hai, Wo Ek ount , Ek Gulaam aur ek ye Chaadar hai,_,"

★_ Yani is Haalat me Apni Zindgi Basar ki ,.. Lekin Garibo Ka itna khayal Karte they k Sardi ke Mausam me Kapde Taqseem Karte they,

*★_ Shuja'at Bardasht aur Akhlaaq _,*

★_ Aap Shuja'at me bhi Sabse Aage they, Makki Zindgi me Kuffaar Nabi Kareem ﷺ per Zulm dhaate to Hazrat Abu Bakar Siddiq Raziyllahu Anhu foran aage badte , Aap ﷺ ke liye dhaal ban jate , Gazwa Badar me Aap ﷺ ke liye ek Chhappar banaya gaya tha, Aap ﷺ ki Hifazat ke liye Hazrat Abu Bakar Siddiq Raziyllahu Anhu Chhappar ke paas mojood rahe aur Jisne bhi Aap ﷺ ki taraf badna chaha Hazrat Abu Bakar Siddiq Raziyllahu Anhu ne Uska Dat Kar muqabla Kiya _,

★_ Hazrat Abu Bakar Siddiq Raziyllahu Anhu me Bardasht Ka maadda bhi Bahut tha , Ek Shakhs ne Aapko moonh per Bura Kaha , Aap us Waqt Khalifa they, Chahte to Uske Khilaf Kaarwayi Kar sakte they, Lekin Uske khilaf Kuchh na Kiya, Us Waqt Aapke Ek Saathi ne chaha k Us Shakhs ki gardan uda de'n, Lekin Aapne use bhi rok diya,

★_ Aap Akhlaaq me bhi Doosro se badh Chadh Kar they, Salam Karne me Pehal Karte they, Apne Saathiyo'n ko bhi Talkeen Kiya Karte they k Salam me Pehal Karne wale bane, Ek martaba dekha k log Hazrat Abdullah bin Umar Raziyllahu Anhu ko Salam Karne me Pehal Kar rahe Hai'n, is per Hazrat Abu Bakar Siddiq Raziyllahu Anhu ne unse farmaya - Log tumhe Salam Karne me Pehal Kar rahe Hai'n... tum kyu Pehal nahi karte Taki tumhe Sawab zyada mile _,"

Uske baad Hazrat Abdullah bin Umar Raziyllahu Anhu Ka mamool ban gaya k har Kisi ko Salam me Pehal Kiya Karte they,

*"_ ita'at aur Huliya Mubarak _,*

★_ Deen Ke Ahkamaat Ke maamle me Aap bahut sakht bhi they, Ek martaba Kisi Janaze me Bahut se log Aahista Aahista ja rahe they, Hazrat Abu Bakar Siddiq Raziyllahu Anhu ne logo ko itna Aahista chalte dekha to Koda utha liya aur Farmaya :- Hum log Aan Hazrat ﷺ ke Saath Janaze me tez raftaar se Jaya Karte they _,"

★_ Hazrat Ayesha Siddiqa Raziyllahu Anha se Kisi ne Aapka Huliya Puchha to Unhone farmaya :- Abu Bakar Gore chitte, Duble Patle Aadmi they , Dono rukhsaar Sute hue ( yani hamwaar ) they , Kamar Zara Khamdaar thi , Jabde Ki haddiya'n ubhri hui thi, Peshani Buland thi , Ungliyo'n ke Jod Gosht se Khali they , Pindliya'n aur Raane Pur Gosht thi, Qad Mozu tha ,Mehndi Ka khizaab Kiya Karte they, Nihayat Saadgi Pasand they , Kapde Mote Jhote pehante they , Khana Saada khate they , Baaz Awqaat Faaqe ki Nobat aa Jati thi _,"

★_ Ek martaba Aan Hazrat ﷺ ne Unhe aur Hazrat Umar Raziyllahu Anhum Ko Masjid me dekha k Bhook se beqaraar hai'n , Aapne farmaya - Mai'n bhi Tumhari Tarah Bhooka Hu'n,

Ek Sahabi Abu Lahisam Raziyllahu Anhu ko ilm hua to unhone khane Ka intezam Kiya ,

★_ Namaz me Aapki Haalat ye Hoti thi k esa Mehsoos hota tha Jese Zameen me Lakdi gaad di ho , Huqooqullah ke Saath Logo Ke Haq Ka had darje Khayal rakhte they, Ek martaba Aan Hazrat ﷺ ne puchha- Aaj tumme se Rozadaar kon hai ? Hazrat Abu Bakar Siddiq Raziyllahu Anhu bole - Allah Ke Rasool, Mai'n Roze se Hu'n ,

Aan Hazrat ﷺ ne Puchha - Tumme se Aaj kisne Janaze me shirkat ki hai ? Jawab me Hazrat Abu Bakar Siddiq Raziyllahu Anhu bole - Maine Ey Allah ke Rasool _,"

Aapne Puchha - Aaj kisne Muskeen ko Khana khilaya hai ? Fir Hazrat Abu Bakar Siddiq Raziyllahu Anhu bole - Maine Allah ke Rasool _,"

Aapne Puchha - Kisi ne Kisi Mareez ki Ayadat ki jai ? Hazrat Abu Bakar Siddiq Raziyllahu Anhu bole - Ey Allah ke Rasool Maine ki hai _,"

Is per Huzoor Nabi Kareem ﷺ ne farmaya :- Jisne Ek Din me itni nekiya'n ki hai'n, Wo Yaqeenan Jannat me Jayega _,"

╨─────────────────────❥

*_ Khandaan E Abu Bakar Siddiq Raziyllahu Anhu _,*

★_ Aap Dil ke Bahut naram they, Qurane Kareem Padhte to Aansuo'n ki jhadi lag Jati , Is Tarah bilak bilak Kar rote k Dekhne wale bhi rone lagte, 12 Hijri me jab Hajj ke liye Tashreef le gaye to Makka me Hazrat Ikrama Raziyllahu Anhu aur Kuchh log Aan Hazrat ﷺ ki ta'aziyat ke liye Aapke paas Aaye , Aapka Haal ye tha k ye Hazraat Ta'aziyat Karte jate they aur Hazrat Abu Bakar Siddiq Raziyllahu Anhu rote jate they, Baar Baar Sard Aah bharte, is qadar Sard Aa'nhe bharne ki vajah se Aapka Naam hi " Sard Aah bharne wale " mash'hoor ho gaya tha ,

★_ Aapne Chaar Nikaah kiye, Do islam se Pehle , Do islam ke baad , Islam se Pehle Qutaylah binte Abd Al Uzza aur Umme Rumaan Raziyllahu Anha se Shadi ki , Islam ke baad Asma binte Umays aur Habiba binte Kharija Raziyllahu Anha se Shadi ki , Inme Qutaylah ke bare me Maloom nahi k Musalman thi ya nahi, Umme Rumaan Raziyllahu Anha Musalman ho gayi thi aur Hazrat Asma binte Umays aur Hazrat Habiba binte Kharija Raziyllahu Anhuma se jab Nikaah hua to usse pehle hi ye Dono islam qubool Kar chuki thi,

★_ Aapke Yaha'n Teen ladke aur Teen Ladaiya'n hui , Ladko ke Naam Abdurrahman, Abdullah aur Muhammad Hai'n , Jabki Betiyo'n ke Naam Asma , Ayesha aur Umme Kulsoom Hai'n , inme Hazrat Ayesha Siddiqa Raziyllahu Anha ko ye Azeem Sharf Haasil hua k Huzoor Nabi Kareem ﷺ ke Nikaah me aayi'n ,

★_ Hazrat Asma Raziyllahu Anha wo Hasti Hai'n Jinhone Hijrat ke moqe per " Kamale Jurr'at " Saboot de Kar Huzoor Nabi Kareem ﷺ aur Apne Waalid ke Safar Ka intezam Kiya, Unki Shadi Mash'hoor Sahabi Hazrat Zuber bin Awaam Raziyllahu Anhu se hui , Hijrat ke moqe per hi inse Hazrat Abdullah bin Zuber Raziyllahu Anhu paida hue ,

★_ Umme Kulsoom Aapki Teesri Beti beti thi, Ye Aan Hazrat ﷺ ki wafaat ke baad paida hui ,

*"_ Khandaan E Hazrat Abu Bakar Siddiq Raziyllahu Anhu_2,*

★_ Abdurrahman bin Abi Bakar Raziyllahu Anhu Aapke Bade Sahabzaade Hai'n, Hazrat Umme Rumaan Raziyllahu Anha inki Walida Hai'n , Gazwa Badar me Kuffaar ke lashkar me Shamil they, Maidane Jung me ye aage bade aur Kisi Musalman ko muqable per Aane ki Dawat di , Hazrat Abu Bakar Siddiq Raziyllahu Anhu ne Aan Hazrat ﷺ se unke muqable per Jane ki ijazat talab ki, Aap ﷺ ne ijazat na di , Iske baad Gazwa Uhad me bhi ye Kuffaar ke lashkar me Shamil they , Ye Suleh Hudebiya ke moqe per islam laye aur Madina Munavvara me aa Kar Apne Waalid ke Saath rehne lage ,

★_ Suleh Hudebiya ke baad Jitne Gazwaat pesh Aaye , Unme bararbar Shareek hote rahe , Hazrat Ayesha Siddiqa Raziyllahu Anha aur Ye Sage Behan Bhai they, Dono ko ek doosre se bahut Muhabbat thi , 53 Hijri me inka inteqal hua , Hazrat Ayesha Raziyllahu Anha ne inki wafaat per bade dardnaak Ash'aar padhe they ,

★_ Aapke Doosre Bete Abdullah Raziyllahu Anhu they , Qutaylah inki Walida thi , Ye aur Hazrat Asma Raziyllahu Anha Dono Sage Behan Bhai they, inhone Hazrat Abu Bakar Siddiq Raziyllahu Anhu ke imaan lane ke baad hi islam qubool Kar liya tha, Jab Aan Hazrat ﷺ ne Hijrat ki aur Gaare Saur me qayaam farmaya to Yahi they Jo Quresh ki khabre Khufiya tor per Aap ﷺ tak pahunchate rahe , Jab Aan Hazrat ﷺ Hazrat Abu Bakar Siddiq Raziyllahu Anhu ke Saath Madina Munavvara pahunch gaye tab inhone bhi Hazrat Umme Rumaan, Hazrat Ayesha aur Hazrat Asma Raziyllahu Anhum ko Saath le Kar Hijrat ki ,

★_ Fateh Makka , Taa'if, Hunain ke Gazwaat me Shareek rahe , Taa'if ke moqe per inhe ek Teer laga , usse Shadeed zakhmi ho gaye, ilaaj ke baad zakhm Theek to ho gaya tha lekin Taqriban dhaa'i Saal baad dobara hara ho gaya, Aan Hazrat ﷺ ki wafaat ke 40 roz baad ye isi zakhm se wafaat pa gaye,

*"_Khandaan E Hazrat Abu Bakar Siddiq Raziyllahu Anhu-3,*

★_ Muhammad bin Abu Bakar Hazrat Abu Bakar Siddiq Raziyllahu Anhu ke Sabse chhote bete they , Ye Asma binte Umays Raziyllahu Anha ke Batan se paida hue , Hazrat Abu Bakar Siddiq Raziyllahu Anhu ki wafaat ke baad inki Walida ne Hazrat Ali Raziyllahu Anhu se Shadi kar li thi , is Tarah Muhammad bin Abi Bakar Hazrat Ali Raziyllahu Anhu ki Agosh me pale ,

★_ Kuchh Morkho'n ne Likha hai k Hazrat Usman Gani Raziyllahu Anhu ke qatilo me ye bhi Shareek they , Lekin mash'hoor Muhaddis aur Morkh Hafiz ibne Abdul Bar Undlusi ne iska inkaar Kiya hai aur Likha hai k Hazrat Usman ke Khoon se Muhammad bin Abi Bakar Ka Zara bhi Talluq nahi hai ,

★_ Hazrat Ali Raziyllahu Anhu ne Apne daure khilafat me inhe Misr Ka waali muqarrar farmaya, Jab ye Misr pahunche to Ek Jung me Shaheed ho gaye, Hazrat Ayesha Siddiqa Raziyllahu Anha ko ye khabar mili to Bahut Ranj hua , Unke Bete Qasim ko Apni Tarbiyat me le liya, Qasim bin Muhammad Reh. ne Chunki Hazrat Ayesha Siddiqa Raziyllahu Anha se tarbiyat haasil ki thi isliye ye Faqeeh bane , Madina Munavvara ke Saat Mash'hoor Fuqha me inka Shumaar hua ,

★_ Khulfa e Raahideen me Dekha Jaye to Sabse zyada Futuhaat Hazrat Umar Raziyllahu Anhu ke Daur me hui , aur Ka'i Lihaaz se Aslahaat bhi Sabse zyada inhi ke Daur me hue , Lekin ye Baat bhi zehan me rehni Chahiye k Hazrat Abu Bakar Siddiq Raziyllahu Anhu ki khilafat Sirf Sava Do Saal tak rahi Jabki Hazrat Umar Raziyllahu Anhu ko Das Baras ke qareeb Waqt mila.. Lihaza Hazrat Umar Raziyllahu Anhu ke Daur me Jo Kuchh hua Uski buniyad dar asal Hazrat Abu Bakar Siddiq Raziyllahu Anhu ne hi rakhi thi,

★_ Allah Ta'ala ne Unhe Wo Salahiyate aur Jurr'ate ata farmayi thi k Kamzor Hote hue bhi un Sabke khilaf mazboot Chattan ki Tarah dat gaye aur Wo Kaam Kar dikhaye k Aaj bhi bog Hairatzada hai'n aur Rehti Duniya tak Hairatzada rahenge , Allah ki un per Karodo Rehmate Naazil Ho'n , Aameen.

╨─────────────────────❥

✭﷽✭

*✭ KHILAFAT E RASHIDA .✭*

*✿_ खिलाफते राशिदा _✿*

▪•═════••════•▪

*┱ ✿- Khilafat Ka Masla -,*

*"_ Daure Farooqi Ka Agaaz _,*

★_ Hazrat Umar Raziyllahu Anhu Jab Khalifa bane to Aapke Saamne Iraan aur Rom se Junge Ho rahi thi, Khilafat ke Pehle Din se hi Log Bayt ke liye Aane lage , Silsila Teen din tak jaari raha, Aapne moqa pa Kar Musalmano ke Saamne khutba diya Jisme Allah Ke Raaste me Fazail Bayan farmaye,

★_ Rom aur Iraan ke Hukmraan Qaisar v Kisra kehlate they, Ye Dono Bahut badi Saltnate thi , Yani us Waqt Khud ko Super Taaqat samajhne Wali Yahi Do Taaqate thi , Hazrat Abu Bakar Siddiq Raziyllahu Anhu ke daur me Hazrat Khalid bin Waleed Raziyllahu Anhu Iraaq ke Tamaam Sarhadi ilaaqe Fateh Kar chuke they aur Kuchh hi Dino me Poora Iraaq Fateh Kar sakte they, Lekin unhi Dino Shaam Ki muhim pesh aa gayi , Isliye Hazrat Abu Bakar Siddiq Raziyllahu Anhu ne Hazrat Khalid bin Waleed Raziyllahu Anhu ko hukm bheja k foran Shaam ki taraf rawana Ho'n aur Musna bin Haarisa Raziyllahu Anhu ko Apna Jaa'naaheen muqarrar Kar Jaye'n, Chunache Hazrat Khalid bin Waleed Raziyllahu Anhu Shaam ki taraf rawana ho gaye, is Tarah Iraaq me Futuhaat Ka Silsila Ruk gaya,

★_ Iraan ki Malka in Dino " Puraan dukht " thi, Usne Apne Mulk ke Ek bahadur Jarneel Rustam ko Apna Wazeer bana liya tha, Usne Rustam ko hukm diya k Musalmano ko iraaq se nikaal de , Rustam ne Jung ki Taiyariya'n shuru kar di , Usne Apne Lashkar ke Do hisse kiye , Ek hisse Ka Salaar" Jabaan " ko muqarrar Kiya , Jabki doosre hisse Ka Salaar" Shehzada Narsi " ko banaya ,

★_ Idhar Musna bin Haarisa Raziyllahu Anhu aur Abu Ubaida Reh. Hira tak pahunch chuke they, Dono Fauje Aamne Saamne hui, Musalmano me Gazab Ka Jazba dekhne me Aaya , Aakhir unke Jazbe ke aage iraani Lashkar ke Paa'nv ukhad gaye, Dono Salaar moqe per hi giraftaar ho gaye,

Abu Ubaida Reh. Ne is morqe ke baad Kaskar Kar rukh Kiya , Yaha'n Shehzada Narsi Fauj liye khada tha, Maqatiya me Dono lashkar Aamne Saamne hue, Narsi me Saath bahut bada Lashkar tha, Narsi abhi Jung shuru Karne Ke Haq me Nahi tha , Use khabar Mili thi k Uski madad ke liye Mazeed iraani Fauje rawana ho chuki Hai'n, Wo un Faujo Ka intezar Kar raha tha aur Unki Aamad se Pehle ladayi shuru nahi Karna Chahta tha ,

★_ Doosri Taraf Hazrat Abu Ubaida Reh. Ko bhi ye ittelaat mil gayi Unhone dayr karna munasib na samjha aur Hamla Kar diya, Bahut bada morqa hua aur Aakhir Narsi ko shikasht hui , Abu Ubaida Reh. Khud wahi'n thehre aur fauj ke chhote Chhote daste Charo taraf rawana Kar diye , Taki bhaagne wale iraaniyo Ka Pichha Kiya ja sake aur Unka Jaha'n tak ho sake safaya Kiya ja sake ,

★_ Is Shikasht ki khabar sun Kar Rustam Bahut Chiraag pa hua , Usne Bahman ko ek lashkar de Kar rawana Kiya , Dono Lashkar Maruha ke Muqaam per Aamne Saamne aa gaya, Dono Lashkar ke darmiyaan Dariya Faraat tha , Bahman ne Musalmano ko Paigaam bheja k Tum is Tarah aate ho ya hum Aaye'n ? Abu Ubaida Reh ke Salaaro ne Unhe mashwara diya k Bahman ko Apne Lashkar ke Saath is Aane ki Dawat di Jaye , Magar Hazrat Abu Ubaida Reh ne Kaha - Ye to Buzdili hogi , Udhar Bahman ke Qaasid ne un Musalmano ki baate sun Kar ye Kaha - Hum logo Ka bhi Yahi khayal tha k Arab marde Maidaan nahi Hai'n _,"

★_ Usne ye Baat Musalmano ko Josh dilane ke liye Kahi thi aur waqa'i Hazrat Abu Ubaida Reh Josh me aa gaye , Unhone Fauj ko Taiyari Ka Hukm de diya, Hazrat Musna bin Haarisa Raziyllahu Anhu aur Bade bade Sardaar ab bhi is qadam ke khilaf they , Hazrat Musna bin Haarisa Raziyllahu Anhu ne Abu Ubaida Reh se farmaya- Agarche Hume yaqeen hai k Dariya Paar Karne se Fauj ko Shadeed nuqsaan pahunchega Lekin Chunki Sipe Salaar is Waqt Aap Hai'n aur Afsar ki Hukm uduli Hamara tareeqa Nahi , isliye hum Taiyaar Hai'n _,"

★_ Ab Kashtiyo Ka Pul baandha gaya aur Tamaam Fauj us pul ke zariye Dariya paar Kar gayi , Lekin waha'n iraaniyo ne islami fauj ke liye Jagah bahut tang chhodi thi , Islami fauj ko Safbandi ki Jagah bhi na mil saki , Doosri Taraf iraani Fauj ke Saath Khofnaak Haathi bhi they aur un per bade bade ghante latkaye gaye they, Jab ye Haathi chalte to ghante zor zor se bajne lagte ,

★_ Musalmano ke Arbi Ghodo ne ese Haathi aur Samoor ki topiyo wale fauji Pehle nahi dekhe they , Ghode unko Dekh kar bidak Kar Pichhe hat gaye , Jab Abu Ubaida Reh ne dekha k Haathiyo ke muqable me ghode nakara Saabit ho rahe Hai'n to ghode se kood pade aur Lalkaar Kar Apne Saathiyo'n se Kaha - Jaa'nbaazo ! Haathiyo ko darmiyaan me le lo aur Hodajo ko sawaar samet ulat do _,"

★_ Is elaan ke Saath sab Musalman Ghodo se kood pade aur Hodajo ki raasiya'n kaat kaat Kar haathi sawaaro ko niche girane lage ,..iske bavjood Haathiyo ki vajah se Musalmano Ka Bahut nuqsaan ho raha tha , Ye Soorate Haal Dekh Kar Hazrat Abu Ubaida Reh ne Safed Haathi per hamla Kiya , Ye Sab Haathiyo Ka Sardaar tha, Unhone Haathi ke Soond per Talwaar maari ,Soond kat gayi , udhar Haathi Gusse me aage bada aur Unhe Zameen per gira Kar Apna Paa'nv unke Seene per rakh diya, aur Wo Shaheed ho gaye,

★_ Unki Shahadat ke baad unke Bhai Hakam ne Alam Haath me le liya aur Purjosh Andaz me Haathi per hamla aawar hue, Usne Hazrat Abu Ubaida Reh ki Tarah Unhe bhi Paanv ke niche kuchal diya, is Tarah Saat Aadmiyo'n ne Baari Baari Alam Haath me liya aur maare gaye, Ye Saato Khandane Saqeef se they ,

★_ Aakhir Hazrat Musana bin Haarisa Raziyllahu Anhu ne Alam Haath me liya , Us Waqt tak Jung Ka naqsha palat chuka tha aur iraani Musalmano ko Dariya ki taraf dhakel rahe they, Ese me Kisi ne Pul bhi Tod diya, Musalman is qadar bad hawaas hue k Toota pul dekh Kar Dariya me kood pade, Ese me Hazrat Musna bin Haarisa Raziyllahu Anhu ne Fauj ko sambhala , Pul bandhwaya aur Sawaaro ke daste ke zimme lagaya k Pul paar Karte logo ki madad kare, Khud Ek daste ko Saath le Kar Dushman Ke muqable per date rahe , is qadar jawa'n Mardi se lade k Dushman Jo barabar badhta Chala aa raha tha Uska badhna Ruk gaya,

★_ Us Waqt tak 9 Hazaar Sipahiyo me se sirf 3 Hazaar Apni jaane bacha Kar doosre kinaare tak pahunch sake , Un 3 Hazaar Ka bachaav bhi Hazrat Musna bin Haarisa Raziyllahu Anhu ki Hikmat Amli se hua ,

▪•═════••════•▪

*"_ Boyab Ka Morqa _,*

★_ Islam ki tareekh me Maidane Jung se bhaagne ki misale bahut kam milti Hai'n , Is ladayi me Jin Musalmano ki Paspayi ki vajah se islami Lashkar ko shikasht hui thi, Wo maare Sharm ke Apne gharo me na gaye, idhar udhar junglo me Firte rehte they aur Rote rehte they, Madina Munavvara me ye khabar pahunchi to Musalmano ko Bahut Ranj hua, Hazrat Umar Raziyllahu Anhu bhi behad gamgeen hue, fir bhi Doosro ko tasalli dete rahe Lekin Unhe khud tasalli nahi Hoti thi ,

★_ Musalmano ki is shikasht ne Hazrat Umar Raziyllahu Anhu per ek iztraab taari Kar diya, Aapne zor shor se Jung ki Taiyariya'n shuru kar di, Saare Arab me Purjosh Taqreere Karne wale Hazraat bheje gaye , unki taqreero ne Jaziratul Arab me Aag laga di, Har taraf se Arab ke Qaba'il Aane lage , Udhar Hazrat Musna bin Haarisa Raziyllahu Anhu ne Tamaam Sarhadi maqamaat ki taraf Paigaam bhej diye aur is Tarah Ek badi Fauj Jama Kar li ,

★_ Islami lashkar Boyab ke Muqaam per aa Kar ruka , Boyab Kufa ke qareeb waqe tha, Udhar Mehraan Apni Fauj ke Saath rawana hua , Boyab ke Muqaam per pahunch Kar Mehraan ne Dariya Faraat ke kinaare Padaav Kiya , Subeh Hote hi Usne Dariya Paar Kiya aur Musalmano ke lashkar ke Saamne Safbandi shuru Kar di ,

★_ Hazrat Musna bin Haarisa Raziyllahu Anhu ne Nihayat Tarteeb se islami Lashkar ki Safbandi ki , Islami fauj Ka Jung shuru Karne Ka Tareeqa ye tha k Sipeh Salaar teen martaba Allahu Akbar Kehta tha, Pehli Takbeer per Fauj hamla Karne Ke liye Taiyaar ho Jati thi, Doosri Takbeer per Fauj Hathiyar sambhal leti thi aur Teesri Takbeer per Hamla Kar diya jata tha,

★_ Hazrat Musna Raziyllahu Anhu ne abhi Doosri Takbeer bhi nahi Kahi thi k iraaniyo ne hamla Kar diya, Zabardast Jung shuru hui , Musalmano ke bade bade Afsar Shaheed hue , Lekin Hazrat Musna Raziyllahu Anhu Saabit qadam rahe , Unki Saabit qadmi ki vajah se Musalmano ko Fateh hui , Mehraan qatl hua , Mehraan ke qatl ki khabar ne iraaniyo ke Hausle Khatm Kar diye, Wo Bad Hawaas ho Kar bhaage, Hazrat Musna Raziyllahu Anhu ne foran Apne Daste ke Saath pul per pahunch gaye Taki iraani bhaag na sake , Us Jagah itne iraani qatl hue k Laasho Ka ambaar lag gaya, Morkho'n ne Likha hai k Kisi ladayi me itni Laashe nahi giri Jitni Boyab ki ladayi me giri , Muddato baad Musalmano Ka udhar se guzar hua to us Waqt bhi waha'n haddiyo ke Ambaar Nazar aaye,

▪•═════••════•▪

*"_ Qaadsiya Ki Taraf Lashkare Islam _,*

*★_ Is morqe ke baad Musalman Tamaam iraaq me Fayl gaye , Aaj Jaha'n Bagdaad hai Waha'n Us Zamane me bahut bada Bazaar Lagta tha , Hazrat Musna bin Haarisa Raziyllahu Anhu ne waha'n us Din hamla Kiya Jis Din Bazaar laga tha , Sab log Jaan bachane ke liye bhaage , Musalmano ke Haath betahasha Maal Aaya ,

★_ Iraan ke Darul Hukumat me ye khabar pahunchi to waha'n khalbali Mach gayi , Iraan ki Malka Poran Dukht ko na Ahal qaraar diya aur Takht se utaar Kar Yazdgard ko bitha diya, Yazdgard 16 Saala Nojawan tha , Kisra ke khandaan me Yahi reh gaya tha , Is Tarah Yazdgard ki Takht nasheeni se iraani Hukumat ke Paanv Ek Baar fir jam gaye,

★_ Hazrat Umar Raziyllahu Anhu ko khabar Mili to Aapne Hazrat Musna Raziyllahu Anhu ko hukm bheja - Faujo ko har taraf se samet Kar Arab ki sarhad ki taraf hat Aao , Rabi'a aur MuZir ke Qabilo ko bhi talab Kar lo _,"

Iske alawa Umar Farooq Raziyllahu Anhu ne har taraf Qasid daudaye , Har taraf se logo ko bulaya gaya , Hajj Ka Zamana tha , Khud bhi Makka Mukarrama pahunche , Abhi Aap Hajj se Faarig bhi nahi hue they k Har taraf se Qabilo ke Qafile umad Aaye , Hazrat Umar Raziyllahu Anhu Hajj Kar Ke waapas Aaye to badi tadaad me Mujahideen Madina Munavvara me Jama ho chuke they, Aapne Hukm diya :- Lashkar ko Tarteeb diya Jaye , Mai'n Khud Sipeh Salaar ban Kar Saath Jaunga _,"

★_ Jab Lashkar Tarteeb diya ja chuka to khud Madina Munavvara se Nikal Aaye aur iraaq ki taraf rawana hue, Hazrat Umar Raziyllahu Anhu ke is Tarah Saath chal padne se Musalmano me betahasha Josh paida ho gaya, Madina Munavvara se Teen meel ke Faasle per lashkar ne Padaav Kiya , Us Waqt bade bade Sahaba ne Mashwara Kar Ke Hazrat Umar Raziyllahu Anhu se arz Kiya - Ey Amirul Momineen ! Aap lashkar ke Saath na Jaye'n.. Khuda na Khwasta Aapko Kuchh ho gaya to ye Islam ke liye Bahut bada Saanha Hoga _," Hazrat Umar Raziyllahu Anhu ne Unki Raay qabool farma Kar Hazrat Sa'ad bin Abi Waqaas Raziyallahu Anhu ko Lashkar Ka Sipeh Salaar banaya gaya ,,

★_ Hazrat Sa'ad bin Abi Waqaas Raziyallahu Anhu Lashkar ko le kar rawana hue , 17 ya 18 manzile Tay kar ke Aap Saalba pahunche , Yaha'n pahunch Kar qayaam Kiya, Saalba Koofa se Teen manzil per hai , Hazrat Musna bin Haarisa Raziyllahu Anhu 8 Hazaar ke Lashkar ke Saath Ziqaar ke Muqaam per thehre hue they , Unhe Hazrat Sa'ad bin Abi Waqaas Raziyallahu Anhu ke Lashkar ka intezar tha ,

★_ Wo Chahte they k Lashkar Koofa ki taraf bade to Uske Saath Shamil ho Jaye'n , Unhe pul ki ladayi me Shadeed zakhm aaye they aur zakhm abhi Theek Nahi hue they aur is Muqaam per un Zakhmo ki taab na la Kar wafaat payi , ye itne bade Salaar they k Sadiyo baad ese log paida Hote Hai'n, Jihaad me Zindgi Khatm Kar di aur Aakhri dam tak iraaniyo ko naako chane chabwate rahe , Allah un per Reham farmaye , unke darjaat Buland farmaye, Aammen.

★_ Hazrat Sa'ad Raziyllahu Anhu abhi Sharaaf ke Muqaam per they k Hazrat Umar Raziyllahu Anhu ki taraf se hukm Aaya - Sharaaf se Aage badh kar Qaadsiya me qayaam Kari ... Aur is tarah morche banao k Saamne Ajam ki Zameen ho aur Kamar per Arab ke pahaad Ho'n ... Taki Fateh ho to Jaha'n tak chaho badte chale jao aur Khuda na Khwasta Doosri Soorat pesh Aaye to hat kar Pahaado ki panaah le sako _,

★_ Qaadsiya Ek bahut mehfooz Muqaam tha, Ye Shadaab ilaaqa tha , isme Nehre aur Pul bhi they , Hazrat Umar Raziyllahu Anhu Islam se Pehle Tijaarat vagera ke liye in ilaaqo se guzra Karte they, Lihaza in ilaaqo se khoob waaqif they , Iske baad Hazrat Sa'ad Raziyllahu Anhu Sharaaf se chale to Uzaib pahunche , Yaha'n Ajmiyo ka Aslaha Khana mojood tha, Wo islami Lashkar ke Haath laga , Aakhir Qaadsiya pahunch gaye,

★_ Iraani Lashkar Ka Sipeh Salaar Rustam ko muqarrar Kiya gaya tha , Ye Mada'in se rawana ho Kar Sabaat me thehra tha , Hazrat Sa'ad Raziyllahu Anhu ne Hazrat Umar Raziyllahu Anhu ko ittela bheji , Waha'n se Jawab Aaya - Jung se Pehle Kuchh Safeer iraaniyo ki taraf bheje Jaye'n .. Unhe islam ki Dawat di Jaye _,"

Hazrat Sa'ad Raziyllahu Anhu ne 14 Qabil Tareen Saathiyo'n ko muntakhab Kiya , Jinme Aasim bin Umar, Amru bin Ma'adi Karb, Mugira bin Shoba, Muin bin Haarisa aur No'maan bin Maqran Raziyllahu Anhum zyada mash'hoor Hai'n , Ye Hazraat Aqal , Tadbeer aur Siyasat me Apna Jawab Nahi rakhte they,

★_ Ye Safeer Ghodo per sawaar Mada'in pahunche , Raaste me jidhar se guzarte logo ki bheed lag Jati , Unki Zaahiri Soorat ye thi k Ghodo per Zeen nahi thi , Haatho me Hathiyar nahi they , Magar be baaki aur Dileri unke Chehro se tapakti thi , Dekhne Wale Foran mutassir ho jate they, Unki Sawaari me Jo ghode they Wo khoob Sehatmanad aur Chaako Choband they , Unki Zordaar Taapo ki Awaaz Yazdgard tak pahunchi to Usne Puchha - Ye kesi Awaaz hai ? Use bataya gaya - islami Lashkar ke Safeer Aaye Hai'n _,"

★_ Ye ittela Milne per Usne Apna Darbaar sajaya , Khoob Saazo Samaan se usko Araasta kiya Taki Musalman Safeero per Uski Dhaak beth Jaye , Raaste Ke Dono taraf Apne Jungju khade kiye ... Unke Darmiyaan se guzar Kar islami Safeero ko us tak Jana tha , Ye Tamaam intezamaat Karne Ke baad Usne un Safeero ko talab Kiya ,

★_ Islami Safeer Arbi Jubbe pehne , Kaandho per Chhadre daale , Haatho me Kode liye Darbaar me dakhil hue ... Musalmano ki musalsal Futuhaat ne iraaniyo per Pehle hi dhaak Jama di thi ,.. Yazdgard ne Safeero ki ye shaan dekhi to us per Haybat taari ho gayi ,

*★( Ye thi Kisi zamane me Musalmano ki shaan k Duniya ki Super Power kehlane wali Mumlikato ke Hukmraan unse darte they ,... Aaj ke Musalman Yahoodo Nasara se darte Hai'n aur Muslim Hukmraan unke Aage Haath jodte Hai'n , Sad Afsos )

★_ Yazdgard ne unse pehla Sawaal Kiya - tum is Mulk me kyu Aaye ho ?

Hazrat No'maan bin Maqran Raziyllahu Anhu us Jama'at ke Ameer they , Unhone Unhe Pehle to islam ke bare me bataya .. fir farmaya - Hum Tamaam Duniya ke Saamne ye Cheeze pesh Karte Hai'n .. Islam qubool Kar lo , Ya Jaziya dena qubool Kar lo , Varna fir Talwaar Hamare aur Tumhare darmiyaan Faisla karegi _,"

★_ Unki Baat sun Kar Yazdgard ne Kaha - Kya tumhe Yaad nahi k Tamaam Duniya me Tumse zyada Kamzor aur Bad Bakht Qaum koi nahi thi , Tum jab Kabhi humse bagawat Karte they to hum Sarhad ke Zameendaaro ko bech dete they, Wo tumhe Sidha Kar dete they _,"

★_ Uski ye Baat Hazrat Mugira bin Zarrah Raziyllahu Anhu se zabt na ho saki , Unhone Apne Saathiyo'n ki taraf ishara Karte hue Kaha - Ye Arab ke Ra'iso me se Hai'n ...Apni burdbari aur waqaar ki vajah se zyada Baat Nahi Karte they, Inhone Jo Kaha Wohi munasib tha , Lekin Kuchh Baate reh gayi , Wo baate Mai'n Bayan Kar Deta Hu'n , Ey Badshaah ! Ye sach hai k hum Bad Bakht aur Gumrah they , Aapas me ladte Marte rehte they, Apni Ladkiyo ko zinda dafan Kar dete they, Lekin Allah Ta'ala ne Humme Ek Paigambar bheja , Wo Hasab Nasab me Humse Aala tha , Shuru Shuru me Humne unki Mukhalfat ki , Lekin fir rafta rafta uski Baato ne Dilo per Asar Kiya ,

"_ Wo Jo Kehta tha Allah Ke Hukm se Kehta tha aur Jo Kuchh karta tha Allah Ke Hukm se karta tha, Usne Hume Hukm diya k is Mazhab ko tamaam Duniya ke Saamne pesh Karo , Jo Islam le aaye'n Wo Tamaam huqooq me Tumhare barabar Hai'n , Jinhe islam se inkaar hua aur Jizye per razamand Ho'n Wo islam ki himayat me rahe'n aur Jin logo ko in dono Baato se inkaar ho , unke liye Talwaar hai _,"

★_ Yazdgard tesh me aa gaya, Usne Kaha - Agar Qasid ki qatl Jaa'iz hota to tum me se koi zinda Bach Kar nahi jata _," Ab Usne Hukm diya - Ek mitti Ka tokra laya Jaye _," Jald hi Mitti Ka tokra laya gaya, Usne Hukm diya, Tokra inme se Kisi ke Sar per rakh do _,"

Wo Tokra Hazrat Aasim bin Umar Raziyllahu Anhu ke Sar per rakha gayq , Usne isi Haalat me Unhe waapas lot Jane Ko Kaha , Ye log waapas rawana hue aur Aakhir Apne Lashkar me pahunch gaye , Hazrat Sa'ad bin Waqaas Raziyallahu Anhu ki khidmat me pahunch Kar Unhone Kaha - Fateh mubarak ho , Dushman ne Apni Zameen khud hi Hume de di _,"

★_ Rustam 60 Hazaar Ka lashkar le Kar Sabaat se nikla aur Qaadsiya ke Maidaan me ja pahuncha , Rustam Ka lashkar Jaha'n se bhi guzra , Waha'n ke logo ke Saath Bura sulook karta aaya, Yaha'n tak k logo me ye khayal Aam ho gaya k Ab Ajam ki Saltnat ke Zawaal Ka Waqt qareeb hai ,

★_ Ka'i Maah tak dono Lashkar Aamne Saamne pade rahe , Rustam ab tak ladne se ji churata raha tha , Shayad use Apni shikasht Ka Pehle hi Andaza ho gaya tha, Usne Ek martaba fir Suleh ki Koshish ki , Usne Hazrat Sa'ad Raziyllahu Anhu ke paas Paigaam bheja- Apna koi Qaasid mere paas bhejo .. Mai'n Suleh ki Baat Karna Chahta Hu'n _,"

★_ Hazrat Sa'ad bin Abi Waqaas Raziyallahu Anhu ne Hazrat Rabi bin Aamir Raziyllahu Anhu ko bheja , Wo is Andaz me rawana hue k Talwaar ke daste per chamde lapet rakhe they aur Libaas bilkul Saada tha , Kamar me Rassi Ka patka tha , Talwaar usse latak rahi thi,

★_ Udhar iraaniyo ne Unhe Apni shaan v Shokat dikhane ke liye khoob Taiyariya'n ki , Darbaar ko khoob sajaya , Diba Ka Farah bichhaya , Resham ke parde latkaye , Shaahi Takht ko sajaya banaya , Raaste Ke Dono taraf Sipahi khade kiye , Hazrat Rabi bin Aamir Raziyllahu Anhu unke Darmiyaan me chalte Darbaar tak Aaye , Diba ke Farsh ke paas ghode se utre , uski baag ko gaav takiye se latkaya , Darbariyo ne bahar Hathiyar le Lene ki Koshish ki , Lekin Unhone Hathiyar utaarne se inkaar Kar diya aur Kaha - Tum logo ne bulaya hai to Mai'n Aaya Hu'n ...Agar Tumhe is Haalat me Mera Darbaar tak Jana Manzoor nahi to Mai'n lot jata Hu'n _,"

★_ Darbariyo ne ye Baat Rustam ko batayi , Usne ijazat de di , Rabi bin Aamir Raziyllahu Anhu Nihayat laparwahi ki Haalat me aage bade , Haath me neza tha , Us Neze ko qaleen me gho'npte gaye, is Tarah Wo Qaleen Jagah Jagah se Kar gaya , Takht ke Nazdeek pahunch Kar Unhone Apna neza Zameen me maara , Neza Zameen me gad gaya,

★_ Ab Baat Cheet shuru hui , Rustam ne Puchha - is Mulk me kyu Aaye ho ?

"_ Hum isliye Aaye Hai'n ki Makhlooq ki ibaadat Ke bajaye Khaaliq ki ibaadat ki Jaye _,

Is per Rustam ne Kaha - Mai'n Arkaane Saltnat se Mashwara Kar Ke Jawab dunga _,"

Is dauraan darbaari Baar Baar uth Kar Hazrat Rabi bin Aamir Raziyllahu Anhu ke paas Aane lage , Unke Hathiyar dekhne lage , Unme se ek ne tanziya Andaz me Kaha - Kya in Hathiyaro se Iraan Fateh Karne Ka iraada hai ?

★_ Ye Sunte hi Hazrat Rabi bin Aamir Raziyllahu Anhu ne Talwaar miyan se nikaali , Uski Chamak unki Aankho ko khairah Kar gayi , Bijli si kondh gayi Thi, Unhone Kaha - Agar Meri Talwaar ki kaat dekhna chahte ho to dhaal aage Karo _,"

Ek Sipahi ne dhaal aage Kar di, Hazrat Rabi bin Aamir Raziyllahu Anhu ne us per Talwaar maari , Dhaal do tukde ho gayi ,

★_ Hazrat Rabi bin Aamir Raziyllahu Anhu se Suleh ki Baat Cheet nakaam rahi , Aakhir me Hazrat Mugira bin Shoba Raziyllahu Anhu gaye, Hazrat Mugira bin Shoba Raziyllahu Anhu ghode se utar Kar Sidhe Rustam ki taraf gaye. Uske zaanu se zaanu Mila Kar Beth gaye, Unke Nazdeek ye gustakhi thi , Chobdaaro ne Unhe Baazu Pakad Kar Takht se utaar diya, Ab Hazrat Mugira bin Shoba Raziyllahu Anhu ne Kaha - Mai'n Khud nahi Aaya Hu'n , Tumne bulaya hai , Mehmaan ke Saath ye sulook Theek nahi _," Unke Alfaz sun Kar Unhe Sharm Mehsoos hui , Rustam bhi Sharminda ho kar bol utha - Ye mulazmeen ki galti thi , mere Hukm se esa nahi hua _,"

★_ Ab Rustam ne be takallufi ke Andaz me Hazrat Mugira bin Shoba Raziyllahu Anhu ke Tarkash se Teer nikale aur unko Haatho me le Kar Kaha - in Taklo se kya Hoga ? Hazrat Mugira Raziyllahu Anhu Jawab me bole - Aag ki lo Agarche chhoti Hoti Hai , Lekin fir bhi Aag hai _,"

Rustam ne Unki Talwaar ke niyaam ko dekh Kar Kaha - Ye kis qadar bosida hai _," Jawab me Unhone Kaha - Haa'n, Lekin Talwaar ki dhaar abhi tez ki gayi hai _,"

★_ Ab Rustam ne Kaha - Mai'n tumhe mashwara Deta Hu'n, Ab bhi Waqt hai , Waapas chale jao , Hum tumhe nahi rokenge , Balki Kuchh ina'am v ikraam de Kar rukhsat karenge _,"

Hazrat Mugira Raziyllahu Anhu ne Talwaar ke daste per Haath rakhte hue farmaya - Hamari bas Teen Baate Hai'n, Islam qubool Karo , Ya Jizya dena Manzoor Karo , Varna is Talwaar se Faisla Hoga _,"

★_ Ye Sun Kar Rustam gusse me bhadak utha , Usne Cheekh Kar Kaha - Surah ki qasam ! Mai'n kal Saare Arab ko barbaad Kar dunga _,"

Is tarah ye Baat Cheet bhi nakaam ho gayi , Rustam Ab tak ladayi ko barabar taalta raha tha , Lekin is Baat Cheet ke baad is qadar tesh me Aaya k Usne usi Waqt faujo ko Taiyari Ka Hukm de diya, Darmiyaan me Ek nehar thi , Usne Hukm diya - Subeh hone se Pehle pehle Nehar ko paat Diya Jaye Taki Raasta Saaf ho Jaye _,"

★_ Subeh tak Nehar ko paata ja chuka tha aur Lashkar ke Guzarne ke liye sadak bana di gayi Thi , Dopahar tak Tamaam Fauj Nehar ke Doosri Taraf ja chuki thi, Ab Rustam ne dohri zira pehni , Sar per Khod rakha , Hathiyar lagaye , Fir Apna Khaas ghoda talab Kiya , Us per Sawaar ho Kar Purjosh lehje me Bola - Mai'n Saare Arab ko Chalna choor Kar dunga _,"

Kisi Sipahi ke moonh se ye Alfaz Nikal gaye - Haa'n , Agar Khuda ne chaha _,"

ye Sun Kar Usne Kaha - Agar Khuda ne na chaha to Mai'n Tab bhi Arab ko barbaad Kar dunga _,"

▪•═════••════•▪

*★_ Rustam Ke Darbaar me Sahaba kiraam Raziyallahu Anhum_,*

★_ Udhar iraaniyo ne Unhe Apni shaan v Shokat dikhane ke liye khoob Taiyariya'n ki , Darbaar ko khoob sajaya , Diba Ka Farsh bichhaya , Resham ke parde latkaye , Shaahi Takht ko sajaya banaya , Raaste Ke Dono taraf Sipahi khade kiye , Hazrat Rabi bin Aamir Raziyllahu Anhu unke Darmiyaan me chalte Darbaar tak Aaye , Diba ke Farsh ke paas ghode se utre , uski baag ko gaav takiye se latkaya , Darbariyo ne bahar Hathiyar le Lene ki Koshish ki , Lekin Unhone Hathiyar utaarne se inkaar Kar diya aur Kaha - Tum logo ne bulaya hai to Mai'n Aaya Hu'n ...Agar Tumhe is Haalat me Mera Darbaar tak Jana Manzoor nahi to Mai'n lot jata Hu'n _,"