0
🌸🍀🌸
    ▁▁▁▂▂▂▃▃▄▄⚀▄▄▃▃▂▂▂▁▁▁
     *вɪѕмɪʟʟαнɪʀʀαнмαռɪʀʀαнɪм*
          ▔▔▔▔▔▔▔▔▔▔▔▔▔▔▔▔ *☝🏻_ KAAR GUZARIYA'N _☝🏻*  
           *(DAWAT TABLEEG KI)*       
        ─┄┅━═══ ✦═══━┅┄─
                   *✧_ PART-01 _✧*

✦✧✦✧✦✧✦✧✦✧✦✧✦✧✦✧✦
*❈__Hazrat Maulana Ilyas Sahab Reh. Ki fikr E Ummat -1,*

*★_ Allah Ta'ala ne Maulana Ilyas reh. Ke Zariya Ek Hazaar Saal se Zyada Taveel Muddat guzarne ke baad ijtimayi tor per is Dawat wale kaam Ko Shuru Karaya, iske Saboot Sahaba, Tabaien, Taba Tabaien aur Haroon Rasheed Tak milte Hai'n, inke baad infiradi tor per Auliya Allah aate rahe aur Deen Ki khidmat karte rahe _,"*

*★_ Maulana Ilyas reh. ke bare me Kitaabo me likha hai k pehle pehal Maulana Ilyas reh ne Deen ki Tadap ki Vajah se Madarse ki buniyad daali, Waha'n Ye Natija nikla k baad me Haafiz bhi Daadhiya'n mundwate hai'n, is Waqi'e se Maulana ke seene me jo ummat ka Dard v Gam tha wo aur badh gaya, Fir Maulana ne Khanqah kholi lekin usse bhi ek makhsoos tabqa faizaab hua,*

*★_ Maulana Mustaqil is fikr me lage rahe k kis tarah Saare Jaha'n me Deen E islam ka bolbala ho jaye, Allah Ta'ala ko Maulana ki ye Fikr Pasand aayi, Chunache Jab Aap Madina Munavvara pahu'nche to Khwab me Daurane Dua Aapse kaha gaya, Ey Molvi Ilyas ! Hum Tumse ( Deen ka ) kaam lenge, Chunache Maulana bade bade Muftiyo'n ke paas gaye, Unhone kaha jab Aapse kaha gaya hai k Hum Aapse Kaam lenge to kehne wala khud le lega, Aapko Fikr karne ki zarurat nahi, Chunache Aapke Zariye Allah Ta'ala ne jama'ato ko Sahaba ki tarah dar dar firne ku Sunnat dobara jaari karwayi _,"*

*★_ Maulana Ilyas reh ne Dawat ka Kaam jo Shuru kiya tha usko Shuru karne se pehle Aapne Madeena Munavvara me Hazrat Sayyada Fatima Batool Raziyallahu Anha ke Hujra Mubarak istakhara farmaya, Teen din tak Hujre me rahe, Wahi'n ro ro kar Duae'n ki, To Huzoor ï·º ki Ziyarat hui, Aaqa ï·º ne farmaya - Ilyas ! Ja kar Mewatiyo'n me aur Gareebo me kaam kar, in Sha Allah poori Ummat is kaam me lag jayegi, Ilyas ! Teri ye Mehnat Qayamat tak jaari rahegi _,"*
       
        ─┄┅━═══ ✦═══━┅┄─
                   *✧_ PART-02 _✧*

✦✧✦✧✦✧✦✧✦✧✦✧✦✧✦✧✦
*❈… Hazrat Maulana Ilyas Sahab Reh. Ki Fikre Ummat -2,*

*★_ Maulana Ilyas reh ne farmaya - Maine Shuru me madarsa padhaya ( yani Madarse me Dars diya) to Talba ka Hujoom hua, Achchhe Achchhe Sahibe istedaad Talba kasrat se aane lage, maine Socha k inke saath meri mehnat ka Natija iske siva kya hoga k Jo log Aalim banne hi ke liye Madarso me aate hai'n, Mujhse padhne ke baad bhi Molvi hi ban jayenge aur fir unke mashagil bhi wahi honge jo Aaj kal aam tor se Akhtyar kiye jate hai'n, Koi Tib padh kar mutlab karega, koi University ka imtehan de kar School College me Nokri karega, koi Madarse me beth kar padhata hi rahega, isse zyada aur kuchh na hoga, Ye Soch kar Madarse me padhane se mera Dil hat gaya,*

*★_ iske baad ek waqt aaya jab mere Hazrat ne mujhko ijazat de di thi To Maine Talibeen ko Zikr ki Talqeen shuru ki aur idhar meri Tavajjo zyada hui, Allah Ka karna, aane walo per itni jaldi Kaifiyaat aur Ahwaal ka Warood shuru hua aur itni tezi se Halaat me Taraqqi hui k Khud mujhe hairat hui aur Mai'n Sochne laga k ye kya ho raha hai aur is kaam me lage rehne ka Natija kya niklega ? Zyada se zyada yahi k kuchh Ashabe Ahwaal aur Zaakir aur Shaagil log paida ho jayenge,*
.
*★_ Fir Logo'n me inki Shohrat ho jayegi to koi muqadma jeetne ki dua ke liye aaye, Koi Aulaad ke liye Taveez ki Darkhwast kare, koi Tijarat aur karobaar me Taraqqi ki Dua karaye aur zyada se zyada ye k unke Zariye bhi aage ko Chand Talibeen me zikr v Talqeen ka Silsila chale,*

*★_ Ye Soch kar idhar se bhi meri Tavajjo hat gayi aur Maine Tay kiya k Allah Ta'ala ne Zaahir v Baatin ki Jo Quwwate ata farmayi hai'n unka Sahi masraf ye hai k inko usi kaam me lagaya jaye jisme Huzoor ï·º ne Apni Quwwate sarf farmayi, aur Wo kaam hai Allah ke Bando ko aur khaas kar Gaafilo aur be Talbo ko Allah ki taraf Lana aur Allah ki Baato ko Farog dene ke liye jaan ko be Qeemat karne ka Rivaaj dena _,"*

*★_ Bas Yahi hamari Tehreek hai aur yahi hum sabse kehte hai'n ye kaam agar hone lage to ab se Hazaaro Guna zyada Madarse aur Hazaaro Guna zyada khanqahe qaa'im ho jaye'n balki har musalman madarsa aur khanqah ho jaye _,"* 
        ─┄┅━═══ ✦═══━┅┄─
                   *✧_ PART-03 _✧*

✦✧✦✧✦✧✦✧✦✧✦✧✦✧✦✧✦
*❈_ Sabse Pehle Nikalne Wali Jama'at:-*

*★_ Sabse pehle 8 Aadmiyo'n ne badi mushkil se 3 din Ya 8 Din Ke Liye Apna Naam diya aur Maulana Muhammad Ilyas Sahab khud uske Ameer aur Muallim Bane,*.

*★_ Apne Saath Aapne ek Qari bhi le liya aur Saare Raaste Maulana Apne Hamrahiyo'n Ko Adaabe Masjid batlate hue aur Kalma imaan ki baate Sikhlate hue aur 24 ghante ki imaani v islami Zindgi Samjhate hue Masjid me le gaye,*

*★_ Waha'n Aapne gasht ka Amal karwaya aur be Namaziyo Ko badi khushamad dar Aamad aur badi mannat Samajat ke saath yaha'n tak k Apni Pagdiya'n unke Paa'nv me rakh kar Masjid me le kar aaye*

*★"_ Is Tarah Aapne Ye Dawat Wala Kaam Shuru Kiya _,"*
  
        ─┄┅━═══ ✦═══━┅┄─
                   *✧_ PART-04 _✧*

✦✧✦✧✦✧✦✧✦✧✦✧✦✧✦✧✦
*❈_ Hazrat ji Maulana Yusuf Kandhalvi Reh. Ki Tabligi Mehnat:-*

*★_ Hazrat ji Maulana Muhammad Yusuf Kandhalvi Reh. Ke ek Rafeeq E Khaas Bayan karte hai'n k Hazrat Ji "Bhopal" Tashreef laye aur Aadaat ke mutabiq ijtima me Taqreere bhi farmayi'n, Aapke Zakhm tha Jiski Takleef kaafi badh gayi thi,*

*★_ Bhopal se faarig hone ke baad Waha'n se 40-50 meel ke faasle per ek aur ijtima Tay tha, Hazrat Maulana waha'n bhi Tashreef le gaye lekin Tay ye hua k Maulana Taqreer nahi farmayenge balki Fala'n Saathi ki Taqreer hogi, Magar Saathi ki Taqreer ke baad Maulana ko Ahsaas hua k Dawat Quwwat ke saath nahi di ja saki, Lihaza Apne Androoni Jazbe se magloob ho kar Khud Taqreer ke liye israar farmaya,*

*★_ Haalat Ye thi k bethne ke layaq bhi nahi they, Chunache Let kar bolna shuru kiya, idhar Zakhm ki ye haalat hui k usme se khoon jaari ho gaya, Ek Kapda laga diya jata Jab wo bilkul tar ho jata to doosra kapda laga diya jata, is tarah Ka'i kapde khoon se bhar gaye aur Maulana ne Aadat ke mutabiq poori Taqreer farmayi _,"*

*★_ Andaza ye hai k us Taqreer ke dauran Aadha Ser khoon Hazrat ji ke Jism se nikal gaya hoga magar Allah ke Us bande ko kuchh pata na tha k kya ho raha hai _,"*

        ─┄┅━═══ ✦═══━┅┄─
                   *✧_ PART-05 _✧*

✦✧✦✧✦✧✦✧✦✧✦✧✦✧✦✧✦
*❈_ Ek Doosre Bhai ne Ek Jalse Ki Ruedaad is tarah bayan ki k- Barsaat ka Mosam tha, Pandaal basti se bahar laga hua tha, Ek Zordaar Jhoka aaya jisse Saare Shamyane ukhad kar reh gaye, Hazrat Ji Maulana Yusuf Reh. Ki Taqreer hone wali thi aur Majma Sunne ke liye betaab tha, Hazrat Ji Maulana Tashreef laye aur khutba shuru kiya, Yakayak Ek taraf se baadal utha aur zor se Baarish shuru ho gayi, Baarish Toofan ki tarah aayi aur Toofan ki tarah barsi, Logo'n Ka theharna mushkil ho gaya,*

*★_ Magar Maulana Pahaad Ki tarah Apni jagah per jama rahe aur Logo'n ko Pukaar Pukaar kar bulate aur Apne Makhsoos Andaz me farmate k Kaagaz ke nahi ho k gal jaoge aur Mitti ke nahi ho k pighal jaoge, Hazrat ji Maulana in'amul Hasan Sahab Chhatri le kar aaye To Hazrat Ji Maulana ne rok diya aur farmaya k Kya hum Apne Kaamo ke liye Rozana laa'in me khade ho kar ya khaito me hal chalate hue nahi bheegte hai'n ? Apne liye nahi bheeg raha hu'n Allah ke liye bheeg raha hu'n, Mera ye bheegna kal Qayamat me kaam aayega _,"*

*★_ Hazrat Ji Maulana ka ye Sabr v istaqlaal aur Dawat ke liye ye Qurbani dekh kar Makhlooqe Khuda dhaadhe maar maar kar rone lagi aur Aapas me log kehne lage :- Batao Bhai is Shakhs ko kya laalach hai ? Aur Majme ka ye haal tha k aur chala aa raha tha, Jism aur kapde Baarish se Tar they aur Aa'nkhe Aa'nsuo'n se Tar, Maulana ki Daadhi se Pani beh kar gir raha tha aur Logo'n ke qadmo se parnale chal rahe they,*

*★_ Ek bhi Shakhs esa nahi tha jo Hazrat Ji ko is haal me chhod kar Apne ghar ki raah leta, Log Maulana ki Taqreer hamatan gosh ho kar sun rahe they aur rone ki Awaazo se Fiza goonj rahi thi, Baarish barabar Tez ho rahi thi magar Hazrat Ji Maulana is Aalam me bhi Josh Walwala aur Tasalsul se Taqreer farma rahe they, Ka'i ghante ki Taqreer isi tarah hoti rahi aur Majme ne Sabr v Sukoon aur Zoq v Shoq se suni _,"*
  
        ─┄┅━═══ ✦═══━┅┄─
                   *✧_ PART-06 _✧*

✦✧✦✧✦✧✦✧✦✧✦✧✦✧✦✧✦

*❈… Yahi Saathi Ek aur Waqi'a Sunate hai'n:- Garmi ka Mausam tha, Mewaat ke ek gaa'nv me ijtima tha, Dhoop kaafi tez thi, Yu'n bhi Mewaat ki dhoop doosre maqamaat se zyada tez hoti hai, Hazrat ji Maulana ka log Shiddat se intezar kar rahe they, Dopahar ke waqt Maulana pahu'nche, Ye 12 baje ka waqt tha, Eidgaah me majma ikattha ho gaya, Maulana ki Taqreer shuru ho gayi,*

*★_ Mausam ki Tezi aur Dhoop ki Sakhti ki vajah se Pasina Pani ki tarah beh raha tha, Asal ijtima gaah Faasle per thi, isliye Maulana ne majme ko dekh kar Eidgaah hi me Taqreer shuru kar di, Maulana ke Ek Rafeeqe khaas Chhatri le kar aaye aur Maulana ke laga di, Hazrat ji Maulana ne Chhatri hata di aur farmaya beth kar baat suno, Qayamat ki dhoop is dhoop se Kahi'n Zyada Sakht hogi _,"*
       
        ─┄┅━═══ ✦═══━┅┄─
                   *✧_ PART-07 _✧*

✦✧✦✧✦✧✦✧✦✧✦✧✦✧✦✧✦
*❈…_Taqseem E Hind Ke baad Mashriqi Punjab me Kurb v Baala Se Guzarne Wali Jama'at Ki Anokhi Kaarguzari :-1,*

*★_ August 1947 Taqseeme Hind ke baad bahut se Musalman Madhriqi Punjab ki Riyasato me murtad ho gaye they, Jab Hazrat ji Maulana Muhammad Yusuf Sahab Ko in Halaat ka ilm hua to Sakht Sadma hua, Aap March 1950 me Tabligi Markaz Nizamuddin me lagataar 8 Din tak is mozu per bayan farmate rahe aur Targeeb dete rahe k Mujhe Chilla Teen Chilaa nahi chahiye balki ese Aadmiyo'n Ki Zarurat hai Jo ya to mar jaye'n ( yani Allah ke Raaste me Apni jaan de de'n) ya Mashriqi Punjab ke Murtado ko dobara islam me le aaye, Ab jitna waqt bhi lag jaye ..Waqt ki qaid nahi,*

*★_ Chunache is mutalbe per 22 Aadmiyo'n ne naam pesh kiye aur Aapka mutalba manzoor kar liya aur Vaada kiya k in Sha Allah Ta'ala hum Aapke farman ke mutabiq Jaan de denge Ya Mashriqi Punjab ke Murtado ko mehnat kar ke dobara imaan me le aayenge, Chunache in 22 Ahbaab ki 2 jama'ate 11-11 Afraad per mushtamil ki gayi, Ek Jama'at ke Ameer Muhammad Iqbal Sahab aur Doosri Jama'at ke Ameer Haji Kamaluddin Sahab Saharanpur walo ko banaya,*

*★_ Hazrat Ji Maulana Muhammad Yusuf Sahab Reh. ne nange Paa'nv masjid se bahar nikal kar khoob ro ro kar Dua ki aur dono Jama'ato ko rukhsat karte waqt farmaya k jama'ate Panipat pahu'nch kar Maulana Baqaullah Sahab ke Mashware se kaam shuru kare,*

*★_ Jab ye dono Jama'ate Panipat Maulana Baqaullah Sahab ke paas pahu'nchi to Maulana jama'ato ko dekh kar kehne lage Tum Yaha'n kese aa gaye ? Tum humko marwaoge, Jama'at ke Ahbaab ko bura bhala kaha aur Masjid ke andar Jama'ato ko theharne na diya aur bahar nikaal diya, Jama'at ke Saathi Ba Amr Majboori Shehar se bahar nikal gaye aur ek Veeran Masjid me Jo imaam Sahab ki masjid ke naam se Mash'hoor thi me thehar gaye,*

*★_ in dono jama'ato ne mashwara kar ke program banaya k Yaha'n se dono Jama'ate alag alag Rukh per ek ek hafta kaam kar ke Chillapur ke muqaam per ikatthi ho jaye'n, Chunache program ke mutabiq ye Jama'ate kaam karti hui muqarrar waqt per Chillapur pahu'nch gayi'n,*
       
        ─┄┅━═══ ✦═══━┅┄─
                   *✧_ PART-08 _✧*

✦✧✦✧✦✧✦✧✦✧✦✧✦✧✦✧✦
*❈…_Yaha'n Per 5 Madjide thi aur 12 ghar Musalmano ke the Jo sabke sab murtad ho chuke they, Humne unse baat ki Targeeb de kar unko dobara imaan lane ki dawat di to unme se ek Aadmi Bator rehbar ke saath ho gaya aur hume doosre Dehaato me le gaya,*

*★_ Ek gaa'nv me 10-12 Aadmi chhup kar namaz padhte they baqi sabke sab murtad ho chuke they, Humne unko Dawat di, Unme do imaame masjid bhi they, Jinhone Daadhiya'n mundwa li thi, Humne us ilaaqe me ek hafta kaam kiya aur Yaha'n se hamari Jama'ate Riyasat jaid me chali gayi, Riyasat jaid me das masjide thi aur kaafi tadaad Musalmano ki thi, unme se aksar murtad ho gaye they aur baqi chhup kar Namaze padhte they Unme se Paa'nch Saathi hamare saath chale,*

*★_ Us jagah per chaar din kaam kiya bahut se Ahbaab ne Azaan de kar namaz ada karna shuru kar di, us ilaaqe me ye baat Mash'hoor hui, Police ko hamari report kar di gayi Jis per Police ne hamare Saathiyo ke saath maar peet ki aur Ambala ki jail me daal diya,*

*★_ Chothe din Hun Taleem kar rahe they k ek Afsar aaya usne humko dekha to dariyaft kiya k Tum ye kya kar rahe ho ? Humne usko Apni Taleem ka maqsad samjhaya magar uski samajh me na aaya, usne hamare paas se Tabligi Nisaab ki kitaab le li, Thodi der padhta raha aur kehne laga k jab me inqilab se pehle Multan me tha to Hamare Bachcho ko jab koi Takleef ho jati to hum unhe Musalmano ke paas le jate Jo k Tumhari tarah ke they, Tum bhi unhi me se maloom hote ho, Wo log Allah ka Kalaam padh kar Dam kar diya karte they to hamare Bachcho ko Araam aa jata tha, Wo Bahut hi Achchhe log they, Mujhe unse muhabbat ho gayi thi _,"*
  
        ─┄┅━═══ ✦═══━┅┄─
                   *✧_ PART-09 _✧*

✦✧✦✧✦✧✦✧✦✧✦✧✦✧✦✧✦
*❈_ Agar tumhe kisi qism ki Takleef ho to Mai'n Tumhari madad karne ko tayyar hu'n, Humne kaha hume Tang kothri me band kiya hua hai aur humne Qaidiyo ka pakahana uthwaya ja raha hai Jisse hamare kapde napaak ho jate hai'n, Neez Teen din Hume faaqa karte ho gaye hai'n, is per usne Jail ke zimmedar Afsaro ko bulaya aur hukm diya k foran inko bada kamra diya jaye aur Pakhana vagera bilkul na uthwaya jaye aur inka Rashan jaari kiya jaye, Aaj ke baad inko koi Takleef na di jaye, Ye hukm de kar hum sabse musafa kar ke chala gaya,*

*★_ Allah Paak ne hamari gaibi madad farmayi aur iske baad Jail me hume kaafi Asaani ho gayi, Hum Azaan de kar Namaz padhne Lage, Talash karne per maloom hua k is jail me 250 Musalman qaidi aur bhi hai'n, Humne unko Dawat di to unme se qareeban 80 Aadmi hamare saath namaz padhne lag gaye aur Taleem me Aksar unme se shamil hone lage, isi tarah us jail ke andar hamare 18 din guzar gaye fir hume jail se riha kar diya gaya,*

*★_ Jail se riha ho kar hum Riyasat Budhiya me chale gaye, us jagah ke halaat bhi bahut kharab they Jiski vajah se Hamare Saathi ma dono Jama'ato ke Ameer Sahbaan ke chhup kar nikal gaye, baqi 11 Saathi reh gaye, jab hume pata chala k 11 Saathi ja chuke hai'n to baqi Saathiyo Ko bada dukh hua, Magar Allah Paak ne hamari madad ki aur Wo Vaada jo k Hazrat Ji Reh. Ke saath kiya tha yaad dilaya Jiski vajah se Tamaam Saathiyo ke hausle buland ho gaye aur kaam karne ka Ahad kiya,*

*★_ Riyasat Budhiya me Maulana Abdul Kareem Sahab they, Hum Sab Saathi unke paas gaye aur unki khidmat me arz kar ke Darkhwast ki k Aap hamari Kaarguzari Apni maarfat Nizamuddin Markaz me Hazrat Ji Maulana Muhammad Yusuf Sahab Reh ki khidmat me rawana farma de'n, Jisme humne Hazrat Ji ki khidmat me ye bhi arz kiya tha k ab hum kisko Ameer banaye'n ? Aur Aa'inda kaam kese kare ? Is per Hazrat ji ne jawab me farmaya k Ameer Muhammad Suleman Mewati ko banaya jaye aur muqami Ahbaab ko zyada tadaad me saath na rakha jaye aur Qayaam har haal me Masjid me rakha jaye khwah Masjid Abaad ho ya gair Abaad, Jama'at ko aage badhaya jaye,*
  
        ─┄┅━═══ ✦═══━┅┄─
                   *✧_ PART-10 _✧*

✦✧✦✧✦✧✦✧✦✧✦✧✦✧✦✧✦
*❈…_Nizamuddin Markaz se jab ye Paigaam Pahu'ncha to humne Yaha'n se Apna Safar Shuru kiya, Das din mukhtalif muqamaat per kaam karte hue hum Aruqi pahu'nch gaye, us jagah ek bahut badi Masjid thi Jo Veeran padi thi, Hum usme thehar gaye, Us jagah per Pakistan se aaye hue Sikh Abaad they Jab unko hamara pata chala to ye Sikh bandooqe aur Rifle le kar aa gaye,*

*★"_ Humne namaz padhni shuru kar di aur Namaz ke andar hi ro rahe they aur Maalike Haqeeqi se dua maa'ng rahe they k Un Logo'n ne Namaz ki haalat me Bandooqo se goliya'n barsani shuru kar di, Har Saathi ke jism me goliya'n cheer kar paar ho gayi'n thi, Allah ki Shaan khud ba khud Bandooqe chalna band ho gayi'n, Hamare Saathiyo me se kuchh behosh aur kuchh hosh me they,*

*★"_ Jab unhone dekh k Bandooqo se fire band ho gaye hai'n to wo hamare paas aaye aur kehne lage k Tum ye kya mantar padh rahe ho k hamari bandooqe khud ba khud band ho gayi'n hai'n, Hum fire karna chahte hai'n magar bandooqe nahi chalti, Humne kaha hum na koi mantar padh rahe hai'n aur na hum koi mantar jaante hai'n, Hum To us Maalik ka Kalaam padh rahe Hai'n jiske qabze me hamari jaan hai, Wohi jaan ka muhafiz hai, Maut aur Zindgi uske qabze me hai, hum uski ibaadat karte hai'n aur usse Dua maa'ngte hai'n, Wohi hamara Khaaliq hai, Ye sun kar wo sabke sab chale gaye,*

*★_ Hum sab Saathiyo ne kapde jala kar Apne zakhmo ko bhara aur Tamaam Raat isi Haalat me guzar di, Subeh din niklne per Wohi Sikh aaye aur apne saath ek Doctor ko laye, usne hamare zakhmo per marham Patti ki aur ek baalti bhi laye jisme Doodh tha aur hum sabko doodh pilaya aur kehne lage k humse galti hui hai, Ek Sikh hamari Rehbari ke liye hamare saath chala, Jo Musalmano ko bulata aur humse milwata, baat karwata, wo 5 din hamare Saath raha aur Punjabi Zuban me usne 6 number likhe aur yaad bhi kiye, kalma namaz ke mutalliq humse puchhta raha, uske jane ke baad hum us ilaaqe me 5 din kaam karte rahe,*
       
        ─┄┅━═══ ✦═══━┅┄─
                   *✧_ PART-11 _✧*

✦✧✦✧✦✧✦✧✦✧✦✧✦✧✦✧✦
*❈_Yaha'n Se Hamari Jama'at Hazrabaad ki jaama Masjid me pahu'nch gayi, Us Masjid ke ek hisse me Hukumat ne Mahkama Ghar qaa'im kiya hua tha, Us Mahkama walo ne Hamare naam likh liye aur police ko ittela kar di, Unki report per police aa gayi aur usne hum sabko giraftar kar liya aur Hazrabaad se baahar ek haweli me rakha jiski Chaar Diwaari thi aur uske andar ek Ku'nwa tha, Chunache hume Haweli ke andar band kar ke Darwaze me Taale laga diye gaye,*

*★_ Jis Waqt Hume Pyaas ne Sataya to us Ku'nwe Ke andar humne Pani nikaalne ke liye Baalti daali to Baalti me gala sada badbudaar Pani aaya, Humne majboori me usse pyaas Bujhayi, 6 Din ke baad Police Walo ne Haweli ka Darwaza khola to hume Zinda dekh kar hairaan reh gaye, Kyunki Unka gumaan tha k ye bhooke pyaase mar jayenge aur Fir inko bhi usi Ku'nwe me Fai'nk denge,*

*★_ Police Walo ne ird gird ke rehne walo se puchha k Tumme se kisi ne Haweli ka Darwaza to nahi khola ? Maloom hua k kisi ne bhi nahi khola, uske baad unhone Hume Haweli ke andar se nikala aur kehne lage k Hukumat ka hukm hai isliye Humne tumhe Yaha'n band kar diya tha, Humne Tumhare andar koi Burayi ki baat nahi dekhi Lihaza ab tum Yaha'n se Pahadi Nahaan ke ilaaqe me chale jao,*

*★_ Hum Yaha'n se ilaaqa Nahaan me aa gaye, is ilaaqe me humne 15 din kaam kiya aur Murtado ko dobara imaan me dakhil kiya, is ilaaqe ke Murtado ki Hamari baato se badi Hausla Afza'i hui aur kaafi Tadaad me Musalman dobara imaan me dakhil ho gaye, Magar unme jo Munafiq qism ke log they Unhone Police ko Shikayat kar di,*

*★_ Us Report per police aa gayi aur hum sabko giraftar kar ke Dariya Jamna ke pul Muqaam Taaje Wala per le gaye, Raaste me hume maarte peette aur gaaliya'n dete rahe, Jab hum muqaam Taaje Wala ke pul per pahu'nch gaye to police ne hamari talashi li aur Paise vagera sab chheen liye aur Hamare kapde vagera sab utaar liye aur ek ek kar ke Sabko pul se Dariya me Fai'nkna shuru kar diya,* 
   
        ─┄┅━═══ ✦═══━┅┄─
                   *✧_ PART-12 _✧*

✦✧✦✧✦✧✦✧✦✧✦✧✦✧✦✧✦
*❈_ Us waqt Dariya me zabardast tugyani aayi Hui thi, Jab humko Dariya me Fai'nkna jata to Pani me gota kha kar ouper aate to Sivaye Pani aur Aasmaan ke kuchh nazar na aata, Hamare sab Saathi behosh ho gaye, Hum usi behoshi ki haalat me behte chale ja rahe they k Allah Paak ki Shaan Dariya ke andar ek bahut bada Keekar ka darakht pada hua tha, hum Tamaam Saathi us Darakht me ja kar ulajh gaye,*

*★_ Jis Waqt hum Darakht me uljhe hue they, To ek Awaaz sunayi di k koi keh raha hai k Haay Mera Subhan Khan reh gaya, Jab ye Awaaz kaan me padi to dekha k Tamaam Darakht me uljhe pade hai'n aur ye Awaaz hamare ek Saathi ki thi Jo behoshi ki haalat me Apne bete ke keh raha tha, maine ( Miya'n Ji Suleman Ameer Jama'at se ) kaha k ye Waqt Ahlo Ayaal ko yaad karne ka nahi balki us zaat paak ko yaad karne ka hai Jisne hume ab tak in Halaat me bachaya aur zinda rakha _,"*

*★_ Ab is baat ki Dua karo k Allah Paak Maut de to imaan per de aur islam per Qaa'im rakhe, aur Agar us paak zaat ne humse Apne Deen ka kaam Lena hai to Allah Paak humko Apna zariya bana kar Mashriqi Punjab ke Tamaam Murtado ko dobara imaan ki daulat se nawaaz dega, ye hamara imaan v Yaqeen hai, Allah Paak hamare Saath hai, Jis zaat ne ab tak bachaya, Wo hi humse Apne Deen ka kaam lega, Ab Tum Darakht ka Sahara chhodo aur Allah ke bharose per Dariya ke kinaare ki taraf chalo _,"*

*★_ Ye Baat ho rahi thi k Dariya ke andar zabardast lehar aayi Jo hum Sabko Baha kar le gayi aur Wo Darakht bhi Dariya ki Lehro me beh gaya, Fir hume kisi ka koi pata na chala, Allah Paak behtar jaante hai'n k us zaat ne kis tarah bachaya aur hum sabko Dariya se nikaal kar Khushk Zameen per Fai'nk diya,*

*★_ Halaat ye they Jis Jagah Hum ret per pade they Waha'n se Dariya do taraf ko ho jata hai, Yani Dariya ki ek Shaakh Kahdarbaad ki taraf aur Doosri Bijnor ki taraf jaati hai, Darmiyan me Khushk Ret hai is jagah se aage AbdullahPur ke muqaam per ek pul hai, Us pul ke niche Lohe ki jaaliya'n lagi hui hai aur Yaha'n police ki Choki bhi hai aur Ek Hospital bhi hai, Agar koi laash vagera beh kar aaye to un Jaaliyo'n se Atak jaye to usko nikaal liya jaye aur Agar koi Zinda Bach Jaye to usko Hospital me dakhil kar diya jaye, Chunache jis Police ne hume Dariya me Fai'nkna tha usne AbdullahPur ke muqaam per Police ko ittela de di thi k humne 11 Musalmano ko Dariya ke Supurd kar diya hai unki laasho ko mat nikaalna balki aage Dariya me Baha diya jaye,*

        ✦─┄┅━═══ ✦═══━┅┄─
          *❃ Bhopal Aalami Ijtima,*
*❃18,19,20,21(Dau) Nov, 2022,*
*❃_Tarteeb Banaye, Tashkeel Kare, Shirkat Kare,*
       
        ─┄┅━═══ ✦═══━┅┄─
                   *✧_ PART-13 _✧*

✦✧✦✧✦✧✦✧✦✧✦✧✦✧✦✧✦
*❈_ Allah Ki Shaan k Usne Hume Dariya se nikaal kar pehle hi Ret per daal diya tha, Dariya ke Kinaare machhli pakadne wale aur Dhobi Kapde dhone wale mojood they Jo k Hume dekh kar door hat gaye, Jab Suraj ki garmi se hamare Jism garam hue to hosh aaya, Dekha k hamare Aa'nkh Kaan Naak me mitti bhari hui thi aur Hamare Tamaam Saathiyo ke jism Aksar nange they, Humne Apni Ungliyo'n se Apne kaan Naak aur Aankho se mitti nikali aur ek jagah sab ikatthe ho gaye Kyunki hum sab Saathi ek murabba zameen ke faasle se jagah jagah pade hue they,*

*★_ Us Waqt din ke 12 baj chuke they aur Juma ka din tha, Hume Dariya me Jumeraat ko 12 baje Fai'nka gaya tha Goya 24 ghante hum Pani me rahe aur hamare Jismo per zakhmo ke nishaan they Wo pani ki vajah se Safed ho gaye they, Allah Paak ne Gaibi Madad farmayi k Hamare Ek Saathi ne Apne Kapdo ki gathri Apni kamar se baa'ndh rakhi thi, Khuda ki Shaan usko police walo ne Kapdo ki gathri Samet Dariya me Fai'nk diya tha aur gathri ba dastoor uski kamar per bandhi hui thi usme do chaadre ek kurta aur ek pagdi thi,*

*★_ Hum Sab Saathiyo ne un kapdo ko faad faad kar Apne Satar dhaa'nke aur Yaha'n se Hazrabaad ki jaama Masjid me pahu'nch gaye, Juma ka Din tha Us Masjid me Dehaat ke log juma ki Namaz padhne ke liye aaye hue they, Ye log hume dekh kar ghabra gaye aur Masjid ke andar dakhil na hone diya,*

*★_ Kehne lage:- Tum kon log ho? Magar hum Zabardasti Masjid me dakhil ho gaye aur Masjid ke Andar ek Kone me beth kar Zikr v Azkaar me mashgool ho gaye, Un Logo'n ne us Police ko ittela di Jisne hume Taaje Wala muqaam per pul se Dariya me Fai'nkna tha k is qism ke 11 Aadmi hai'n aur Jaama Maajid Hazrabaad me mojood hai'n,*

        ─┄┅━═══ ✦═══━┅┄─
                   *✧_ PART-14 _✧*

✦✧✦✧✦✧✦✧✦✧✦✧✦✧✦✧✦
*❈_ Thodi der ke baad Police aa gayi, Unhone Masjid me dakhil ho kar Tamaam majme ko ek jagah ikatttha kar liya, unme Hum bhi Shamil they, inspector Kartaar Singh ne sabke Saamne Tamaam Halaat bayan kiye k kis tarah humko Dariya me daala gaya, kehne laga k humne inke saath bade zulm kiye they, in sabko nanga kar ke Dariya me daal diya tha taki ye khatm ho jaye'nge aur Dariya me doob kar mar jaye'nge,*

*★_ Ajeeb maajra hai k ye Kese bach gaye ? Maloom hota hai k inke saath koi Zabardast Taaqat hai Jo inko har haal me bacha rahi hai, Aaj hum bhi usi gaibi Taaqat per jo inki muhafiz v nigahbaan hai imaan laate hai'n aur islam me dakhil hote hai'n, humne is Mazhab ke andar khuli gaibi madad dekh li hai,*

*★_ Humne unse kaha k hum Sab Anpadh log hai'n, Hum khud Deen Seekhne ke liye nikle hai'n, Us majme me Panipat ke imaam Masjid aur ilaaqe ke Zimmedar Muhammad Taqi Sahab they unhone Unki Gusl dila kar Kalma padhaya, Unhone humse kaha k Ab Tum bilkul Azaad ho Tum per Aaj se koi pabandi nahi hai _,"*

*★_ Unhone hamare liye Kapde mangwaye aur Doodh mithayi aur khana vagera khoob khilaya, Jis Waqt hum khane per bethe us waqt 6 baj chuke they Goya 30 ghante baad Allah Ta'ala ne hume khana khilaya aur Apni Qudrat se ye 30 ghante ka Waqt Apni Hifazat me rakh kar poora farmaya, aur Hamara ye Ashra bade Aizaaz v ikraam me guzra, Door Daraaz se muslim aur Gair Muslim hamari ziyarat ko aate they aur Duae'n karate they, Bahut se murtad khud ba khud Dobara Imaam me dakhil ho gaye, Yaha'n se humne Apni Kaarguzari Markaz ko rawana ki,*

*★_ Hazrat Ji Maulana Muhammad Yusuf Sahab Reh. ne Miya'n Ji Deen Muhammad Marchuni Sahab ko Raqam vagera de kar hamare paas bheja aur farmaya k Miya'n Ji ke Hamraah waapas Nizamuddin aa jaye'n, Chunache Saade 6 maah ka kamo besh Arsa guzaar kar hum Miya'n Ji ke Saath Markaz Nizamuddin Hazrat Ji ki khidmat me pahu'nch gaye, Hazrat Ji ne Tafseel se Hamari Kaarguzari suni aur khoob Duae'n di_,"*

*★_ Note --( Mazkoora baala Kaarguzari Janab Miya'n Ji Muhammad Suleman Sahab Saaypanki wale Jo us waqt is Mujahid Jama'at ke Ameer they ki bayan farmooda hai aur Muhatram Alhaaj Laad Khan Sahab Ki Zabt v Tehreer hai )*
       
        ─┄┅━═══ ✦═══━┅┄─
                   *✧_ PART-15 _✧*

✦✧✦✧✦✧✦✧✦✧✦✧✦✧✦✧✦
*❈…1951 me Mashriqi Punjab me jane Wali Jama'at Ki Kaarguzari:-*

*★_ 1951 me Hazrat Ji Maulana Muhammad Yusuf Reh. ne ek Jama'at Dehli se Saharanpur bheji, is Jama'at me bahut se purane Zimmedar Hazraat bhi Shamil they, Pehle ye Jama'at Raaypur ko gayi aur Hazrat Maulana Abdul Qadir Raaypuri Reh. ki khidmat me Haazri di,*

*★_ Hazrat Raaypuri Reh. Ke khuddam aur Mutawallen Chu'nki Mashriqi v Magribi Punjab me faile hue they aur in sab per Mashriqi Punjab ki Tabahi ka bada Asar tha aur ye Mutassireen Hazrat Raaypuri ki khidmat me barabar aate jaate rehte they, isliye Hazrat ki Majlis me Tazkira hota rehta tha,*

*★_ Jab Ye Jama'at waha'n pahu'nchi to ek ese Sahab se Mulaqaat hui Jo Mashriqi Punjab ke Fasaad ke Zakhm khorda they, Unhone Mashriqi Punjab ka haal Sunaya aur bade dard se bole k Log Murtad ho gaye, Ye Sun kar poori Jama'at intehayi mutassir hui, Us Waqt Jama'at me 27 Aadmi Shamil they,*.

*★_ Hazrat Shekhul Hadees Maulana Muhammad Zakariya Reh. Ki khidmat me ye Jama'at Haazir hui aur Mashriqi Punjab me jane ka mashwara kiya, Hazrat Shekhul Hadees Reh. ne farmaya- Agar Chand Shara'it per Amal kiya jaye to Allah ka naam le kar jaya ja Sakta hai:-*
*"_ Salatul Hajaat ka poori tarah Ahatmaam kiya jaye, ijtimayi Dua ka Ahatmam kiya jaye, Raat ke pichhle Pahar Namaze Tahajjud ka Ahatmam kiya jaye, To Jis khuda ne Sahaba Kiraam Raziyallahu Ta'ala Anhum Ajma'ien ki madad ki Wo tumhari bhi madad karega _,"* .

        ─┄┅━═══ ✦═══━┅┄─
                  *✧_ PART- 16_✧*

✦✧✦✧✦✧✦✧✦✧✦✧✦✧✦✧✦
*❈_Jama'at me Mashwara hua, 28 Aadmiyo'n me se Sirf 7 Aadmiyo'n ne us Aatish Fasha'n ilaaqe me Dakhil hone per himmat ke saath Aamaadgi Zaahir ki, Halaat bahut naazuk they, maut Moo'nh failaye saamne khadi thi, zinda bachne ki koi ummeed nahi thi, Aksar log "Apne Haatho Apne Aapko Halakat me mat daalo" (Aayat) padh padh kar jane se mana karte they magar in 7 Aadmiyo'n ne himmat kar hi Li,*

*"_ iski ittela Hazrat Ji Maulana Muhammad Yusuf Sahab Ko di, Maulana ne in Hazraat ki himmat Afzaa'i ki aur inke liye Duao'n Khususan Surah Yaseen aur uske baad Khusoosi Dua ka Ahatmam kiya, Ek Sahab Jo is Jama'at ke Saathi they Apne Tassuraat is tarah Zaahir karte hai'n _,"*

*★_ Hamari Jama'at 18 March 1951 ko Juma ki Namaz padh kar Raaypur se Rawana hui, Raaypur walo ne Ashk baar Aa'nkho aur Duao'n ke Saath rukhsat kiya, Jama'at khuda ka zikr karte hue rawana hui aur Jamna ke Shaahi Raaste se Mashriqi Punjab me Dakhil ho gayi aur Khizrabaad me pehla padaav kiya,*

*★_ Sikkho ne is Ajeeb v Gareeb Jama'at ko dekha to Hairat me pad gaye aur gaiz v gazab me aa gaye, Jis Masjid me humne Qayaam kiya tha usko Charo taraf se ghair liya aur Shor v Hungama karne lage, is Soorate Haal ko dekh kar Khuda ke naheef v nazaar Bande khuda per Yaqeen v Aitmaad ke pekar ban gaye aur Apni Shahadat ke intezar me ghadiya'n ginne lage, Ameere Jama'at ne Khuda ka naam le kar Un Logo'n ko mukhatab kar ke Taqreer karni Shuru kar di, Jama'at ke baqi'a log Salatul Hajaat padh kar Zikr v Dua me mashgool ho gaye,*

        ✦─┄┅━═══ ✦═══━┅┄─    
     
                   *✧_ PART-17 _✧*

✦✧✦✧✦✧✦✧✦✧✦✧✦✧✦✧✦
*❈_ Khuda ne Apne Be Saro Samaan Bando ki Dua ko Sun liya, Ameere Jama'at ki Taqreer Jo Haqeeqat me Dard v Asar me doobi hui aur ikhlaas v Lillahiyat se mamoor thi Sunne walo ke Dilo me ghar karne lagi, Muqallibul Quloob ne Dilo ko palat diya_,"*

*★_ Jo Aa'nkhe Surkh aur Khooni thi dekhte hi dekhte Aa'nsuo se tar ho gayi, Uthe hue haath gir gaye, Jo Log maaro maaro ki Sadae'n laga rahe they khud Apni Zubano se kehne lage k ye Molvi to bahut Achchhi Achchhi Baate karte hai'n, Waqa'i hamare andar Haiwaniyat aa gayi thi_,"*

*★_ Ameer Sahab ne Aadhe ghante ke baad Baat khatm ki to ek Laheem Shaheem Aadmi khada ho gaya aur usne Elaan kiya k ye log Delhi se aaye hai'n, Aapas me Aman v Sulah ki Dawat dete hai'n, Zulm v Adawat aur insaan Kashi ke khilaaf Awaaz uthate hai'n, Har Shakhs inki baat sune, Agar Kisi ne inko Takleef di to Mai'n Sabse Pehle inke Saath marne ke liye Tayyar hu'n _,"*

*★_ Aath Roz tak Jama'at Ka Qayaam raha, Khuda ne Har Shakhs ke Dil me Muhabbat v Ulfat daal di, Har muqaam per Police aur Us Shakhs ne Saath diya, Majme me Sab gair muslim hote aur baad me khud Jama'at ko un Musalmano ke paas le jate Jo Murtad ho chuke they aur kehte inko bhi Apne jesa bana lijiye _,"*

*★_ Jama'at Apne Saath in Logo'n ko Devbond, Saharanpur aur Delhi layi, Saare Akaabir Hazraat Jinme Hazrat Raaypuri Reh. Hazrat Shekhul Hadees Reh. Hazrat Maulana Husain Ahmad Madni Reh. aur Qari Muhammad Tayyab Sahab Reh. Vagera Inka Ahwaal sun kar aur Saath Aaye hue Musalmano ko dekh kar bahut khush hue, Unko lipta liya aur Duae'n di, Maulana Muhammad Yusuf Sahab Reh. Ki khushi to bayan se bahar thi, Aaj unko Apna Khwab poora hota nazar aaya, Khushi aur Masarrat se unki Aa'nkhe nam thi,*

*★_ Is Jama'at ke jane se Mashriqi Punjab me Kaam ki Buniyad pad gayi, Un Ahle Azimat ne Apni Zindgi ko khatre me daal kar kaam ka Ek Wasee maidaan paida kar liya, Doosro ki himmat bandhi aur pehle jane walo ko Sabiqoon Awwaleen me Shumar kiya jane laga _,"*
*( Makhooz Az Sawaneh Maulana Muhammad Yusuf Reh.)*
       
        ─┄┅━═══ ✦═══━┅┄─
                   *✧_ PART-18 _✧*

✦✧✦✧✦✧✦✧✦✧✦✧✦✧✦✧✦
*❈_ Meri Hidayat Ka Zariya Ek Dukandaar bana:-*

*★_ Hazrat Maulana Taariq Jameel Sahab Da. B. Muballige islam farmate hai'n k Mujhe jisne Medical College chhodne ki Targeeb di Wo ek Dukandaar tha, Usne Mujhse Tarruf haasil Kiya k tum kon ho ? Kya karte ho ? Maine use bataya k Bhai Maine medical me Jana hai, Baap Zameendaar hai aur ye hamara ilaaqa hai _,"*

*★_ Usne kaha - Tum kyu Doctori padhte ho ? Tum to kuchh bhi na Karo tab bhi Saari Zindgi Asoodgi se Roti kha sakte ho, Tum ilme Deen haasil Karo, Mai'n use ye kehta khud to Aalim hai nahi mujhe kis baat ki Tableeg karta hai, Jo Aaj ka mafhoom hai aur Aaj ke mafhoom ke mutabiq usne bahut bada gunah kiya hai k khud to Aalim hai nahi mujhe kehta hai ilme Deen padho _,"*

*★_ Maine College Chhoda, 8 Mahine Maa'n Baap ki maar khayi pitayi khayi, Rishtedaro ki bado ki chhoto ki laan taan Oye Tu Molvi banna hai ! kitni Aa'nkho per Patti bandhi hui thi wo dekh rahe they k ye ek Aasooda haal ghar ka Bachcha hai agar ye kuchh bhi na kare to bhi Virasat me itni zameen hai k ye ba izzat roti kha sakta hai, fir bhi mujhe keh rahe hai'n - Tu Molvi banna hai tu bhooka marna hai _,"*

*★"_ Aur Maine uski baat maan li aur Allah ne mujhe Tofeeq de di to fir Aakhri Stage kya aayi ? Mai'n Subeh Naashta kar raha tha, mere Waalid ne mujhe farmaya k Nikal ja mere ghar se Agar Tu Molvi banna hai, Mai'n Raiwand aa gaya, Maine kaha Waalid ne nikaal diya hai Ab Aap Dakhil bhi na karo to Mai'n Kahi'n ka nahi _,"*

*★_ Mai'n Raiwand me Dakhil ho gay, 8 saal padha, uske baad Tableeg me 6 Barre Aazam me Allah ne Safar karaya, Mere 15 Saal se har Saal me Do Safar Teen Safar Beroon Mulk ke ho rahe hai'n aur Ye Saara Sawab Mera indallah Qubool na bhi ho k Mai'n riyakaar bhi ho sakta hu'n, Mai'n Mutakabbir bhi ho sakta hu'n, mere andar Ayb bhi aa sakta hai, Badayi bhi aa sakti hai, Sab kuch ho sakta hai lekin Jo kuchh bhi mujhse Amal ho raha hai un sabka Sawab us Dukandaar ko ja raha hai Jiska Naam Kausar hai _,"*
   
        ─┄┅━═══ ✦═══━┅┄─
                   *✧_ PART-19 _✧*

✦✧✦✧✦✧✦✧✦✧✦✧✦✧✦✧✦
*❈_ Rehbari Karne Wale Ko Amal Karne Wale Ka Sawab hota hai:-*

*★_ Is Ummat Ko Allah ne Chuna hai Duniya me Apna Paigaam Pahu'ncha ne ke liye aur Awaaz lagane Ke liye, Agar Hum Allah ki Awaaz nahi lagayenge to Shaitaan ki lagana aur Sunna padegi, gharo me beth kar uski Awaaz aur Naach dekhna padega, Unki Fahashi ke nizaam me Apni Aulaad ko Zehar nigalte dekh kar bhi Aap Chu nahi kar Sakenge,*

*★_ Agar Allah ki taraf na bulaya to ye sab kuchh hoga, Aapki Aulaade wo na karengi Jo aap chahte hai'n balki wo karengi Jo Yahoodi aur iysaai chahte hai'n, Haamari betiya'n Fatima Azzohra ke pichhe nahi chalengi, Hamari betiya'n Fahisha Aurto'n aur Adakaro ke pichhe chalengi _,"*

*★_ Hamare Nojawan Hazrat Abu Bakar ki Zindgi ko Duniya ke Saamne nahi rakhenge wo Faasiqo badmasho Faajiro ko Saamne rakhenge, Ye Haqeeqat koi jhutla nahi Sakta _,"*

*★_ Jiske Liye Raat ki neend kharab ki, Jiske Peshab v Pakhana dhote rahe Lekin jab jawan hue to Walden ko Aa'nkhe nikaalte hai'n, In Nafarman Aulaad ke liye hum Allah ki Nafarmani kyu kare'n?*

*★_ Hum Apni Aulaad ki khair khwahi chahte hai'n k ye bhi jannat me jane wale Bane aur poori Duniya ke insaan Taa'ib ho kar Allah se jud jaye'n, To Tableeg to koi Tabligi Jama'at ka kaam nahi hai ye Allah ka Amr hai, Allah ka Hukm hai, Ye hamari mehroomi hai k Zamana hua hum is baat ko bhool gaye,*
  
        ─┄┅━═══ ✦═══━┅┄─
                   *✧_ PART-20 _✧*

✦✧✦✧✦✧✦✧✦✧✦✧✦✧✦✧✦
*❈…_Deen ke liye Qurbani Dene Wali Misaali Bivi :-*

*★"_ Ek Aadmi ki Saal bhar ki Tashkeel hui wo Tayyar ho gaya, Bivi se ja kar Mashwara kiya, Bivi badi Deendaar thi, Usne kaha tum Allah ke Raaste me jao Bachcho ki Tarbiyat aur unki dekhbhal me karti rahungi, is Tareeqe se Allah ke Raaste me Jana mere liye to Mushkil hai, Tum Allah ke Deen ka kaam karoge to Allah Paak mujhe bhi Sawab dega _,"*

*★_ Shohar Allah Ke Raaste me chale gaye aur Bivi Apne Bachcho ki khair Khabar leti rahi, Eid ka Din aaya to Mohalle ke Bachche us Muballig ke Bachcho ko Chidane lage aur kehne lage k Tumhare Abba to Jama'at me gaye aur Hamare Abba Hamare paas hai'n, Hamari to Eid hai aur dekho kese Achchhe Achchhe Kapde aur dekho kesa Achchha Achchha khana, hum to ghoomne firne jayenge Tumhe kon le jayega ?*

*★_ Ye Chhote Bachche they Rone lage, Hichkiya'n maar maar kar rote rote Maa'n ke paas aaye, Zindgi me ye pehli Eid thi k Bachcho ke Abba Jama'at me chale gaye, Ab ye Bachche Maa'n ko lipat gaye aur lipat kar khoob roye, Maa'n bhi royi _,"*

*★_ Jab Rone se faarig ho gaye to Maa'n ne Bachcho ko bithaya, Yu'n kaha - Dekho Bachcho ! Mohalle ke Bachcho ki Eid Aaj hai aur kal Baasi parso khatm, aur Hamari Eid Jo Jannat me aayegi Wo hamesha Taazi rahegi aur badhti rahegi, aur Jannat me ja kar kya kya milega wo Saari Aayate padh kar Sunayi, Jannat ke Angoor kese ? Jannat ki Khajoor kesi ? Jannat ka Doodh kesa ? Waha'n ka Shehad kesa ? Ye Saari baate sunkar Bachche Ha'ns pade aur Bachcho ne kaha - Bas Amma hamara to kaam ban gaya, Hamari to esi Eid hai Jo kabhi Baasi hogi hi nahi _,"*

*★_ Ye Bachche Bahar gaye, Fir wo Bachche aaye Unhone chidaya, Un Bachcho ne kaha- Betho ! Saare Bachche beth gaye, Bachche bhi Deen ke Daa'i, Unhone Yu'n kaha k dekho Tumhari Eid to kal Baasi parso khatm aur humne Apni Maa'n se suna hai k Humko jannat ki Eid milegi wo Baasi nahi hogi hamesha Taaza rahegi aur fir jannat ki Saari Ni'amate un Bachcho ne ginani shuru ki to wo Saare Bachche Khamoshi se beth kar sunte rahe _,"*

*★_ Ek Taraf Shohar Daa'i, Bivi bhi Daa'i aur Bachche bhi Dawat de rahe, Ye manzar hume poore Aalam ke andar qaa'im karna hai, Karne wali Allah hai'n Hume to haath payr maarne hai'n, Koshish karni hai, To Tableeg koi Tabligi Jama'at ka kaam nahi hai Ye Allah ka Amr hai Allah ka hukm hai, Ye Hamari Mehroomi hai k Zamana hua hum is baat ko bhool gaye _,"*
  
        ─┄┅━═══ ✦═══━┅┄─
                   *✧_ PART-21 _✧*

✦✧✦✧✦✧✦✧✦✧✦✧✦✧✦✧✦
*❈…_Ek Daku ki Tauba aur Charas se Nijaat :-1*

*★"_ Ek Dost ne bataya k Mai'n Ek Masjid me Namaz ke Liye gaya waha'n Jama'at aayi Hui thi, Namaz ke baad unhone Taleem karwayi, Taleem ke baad maine Sabhi Saathiyo se Mulaqaat ki, Ek Bhai ke Chehre per Zakhm ka Nishan tha, Bahut israar ke baad Unhone bataya k Mai'n Gujranwala Ka Daku tha, Muqable ke dauraan Chaaku lag gaya tha _,"*

*★_ Kis Tarah Unka Andhero se Ujaalo ki taraf Safar ka Agaaz hua ? Unhone bataya k Mai'n Daake daalta, jagah jagah Tax leta, Waha'n ek Daadhi wala Aadmi tha Jo mujhe Dawat ilallaah deta aur Chaay bhi pilata aur Biscuit bhi khilata, pehle Mai'n Uska Mazaaq udata tha, baad me uski baate mujh per Asar karne lag gayi'n aur Mai'n uske Paas Aksar jata, Ye baat uske Walid Sahab ko pasand na aayi aur usne mujhe waha'n aane se rok diya Lekin usne mujhe Chaar maah Allah Paak ke Raaste me lagane ki Dawat di aur Mashwara diya k Halaal Maal se Chaar Maah lagao_,"*

*★_ Mere Paas 80 Rupiya Daku banne se pehle Mazdoori ke pade they, Wo Rupiye aur kuchh Samaan le kar Apni Maa'n se ijazat maa'ngi to Wo Rone lagi, Maine kaha Jab Saal Do Saal ke liye Jail jata tha to us Waqt tum roti nahi thi, Ab kyu ro rahi ho, ijazat ke baad Mai'n Gujranwala Markaz chala gaya,*

*★_ Jab Mai'n Masjid me dakhil hone laga to khayal aaya k Ye Allah Paak ka ghar hai isme Charas nahi le jana chahiye, Lihaza maine use Fai'nk diya, Mai'n Do Hazaar Rupiya Udhaar le kar Raaiwand chala gaya, Pehli Tashkeel me mujhe Charas ki Talab hui maine Ameer Sahab ko Saari baat batayi aur Wapas jane ki ijazat chaahi, Lekin Ameer Sahab ne farmaya - Beta garmi se Gusl kar lo, Ameer Sahab ne Saari Jama'at se kaha k Bhai ke liye Dua karo, ek Saathi ko 24 ghante Zikr ke liye bitha diya, Mai'n Taqriban har ghante baad nahata, kuchh din ke baad Allah Paak ne mujhe Sahat de di aur Charas chhot gayi,*
       
        ─┄┅━═══ ✦═══━┅┄─
                   *✧_ PART-22 _✧*

✦✧✦✧✦✧✦✧✦✧✦✧✦✧✦✧✦
*❈…Do maah ke baad meri Raiwand Markaz me meri khidmat lagi, Mai'n Jhaadu de raha tha k ek Bhai aaya usne mujhe kaha k Tumne Daadhi kyu nahi rakhi, Maine usko na munasib baate Kahi'n Jis per us Bhai ko gussa aaya k Tumne Daadhi ki Toheen ki hai, Usne mujhe maara, is per maine bhi use maara, Logo'n ne hume chhudaya,*

*★"_ Mai'n ek Sutoon ke saath so gaya aur wo doosre Sutoon ke saath so gaya, Maine Khwab me dekha k Mai'n ek Maidaan me chal raha hu'n, Chalte chalte andhera badhta chala gaya Yaha'n tak k mera haath nazar nahi aata tha, Achanak ek Roshni Namudaar hui aata tha, Achanak ek Roshni Namudaar hui udhar dekhta hu'n k Ek Moti ka Mahal hai aur usme Haseen v Jameel ladki nazar aati hai, itni khoobsurat k Zindgi bhar na dekhi,*

*★_ Uth kar maine Saath wale ko bataya hum dono Maulana Jamshed Sahab ke paas chale gaye, Unhone bataya k galat Raaste se Sahi Raaste per aane ka inaam Allah paak ne dikhaya hai, Uske baad maine Daadhi rakh li, Chaar Maah laga kar Waapas aaya to mere Daaku Saathi khud ba khud door ho gaye, Maine Mazdoori shuru kar di lekin meri Maa'n kehti rahi isse kya hota hai, Ek Din maine Shabe Juma me Markaz ke Ameer Sahab se kaha k meri Maa'n ye kehti hai, Unhone farmaya k Aaj Mai'n Dua karunga Tum bhi Allah se maango _,"*

*★_ Subeh ke bayan ke baad betha hua tha k ek Buzurg aaye aur kehne lage Aaj meri Beti ke Saath tumhari Shaadi hai, Sunnat ke mutabiq meri Shaadi ho gayi, maine Uniform ki Dukaan khol li, Ab Alhamdulillah meri Walida Namazi hai aur Apni pehli Zindgi per naadim hai, Mere liye aur Apne liye Rozana Tauba karti hai, Hamara gharana Deendaar hai mera ek beta bhi hai, Meri Dukaan per Aaj 12 Mulazim kaam karte hai'n, Alhamdulillah Ye Sab Dawat ilallaah ki Barkat se hua, Allah Ta'ala Saari Ummat ko Apna maqsad Dawat ilallaah banane ki Tofeeq marhamat farmaye _,"*
 
        ─┄┅━═══ ✦═══━┅┄─
                   *✧_ PART-23 _✧*

✦✧✦✧✦✧✦✧✦✧✦✧✦✧✦✧✦
*❈_ Huzoor ï·º ne Khwab me Nusrat Ka Hukm diya:-*

*★_ Hamare Ek Dost Jinhone Abhi Abhi Andruni Mulk Paidal Jama'at ke Saath Ek Saal ka Safar kiya, Muhatram bade Zimmedar Fa'al aur Nek Seerat Saathi hai'n, Mehman Jama'ato ki Nusrat aur Maqami Tor per logo'n Ko Tableeg ke liye Tayyar karna ye Unka mission hai, Wo Apne Safar Ki Kaarguzari Sunate hue farmate hai'n k Hamari Jama'at 10 Aadmiyo'n per mushtamil thi Jo k Ek hi ilaaqe ke Saathi they,*

*★_ Taqriban 600 Meel ke paidal Safar se Taqriban 650 Afraad Alhamdulillah Allah Ke Raaste me Dawat ilallaah ke liye nikle, Us Safar Ka wo Apna ek Ajeeb aur Sachcha Waqi'a bayan karte hai'n k Hamari Jama'at ek jagah Thehri hui thi aur Waha'n ke Chand Maqami Hazraat hamari Nusrat ke liye aaye hue they,*

*★_ Unme se EK Saathi ne Hamara Khusoosi ikraam kiya k Mujhe Khwab me Nabi Kareem ï·º ki Ziyarat hui to Huzoor Ournoor ï·º ne farmaya k Tumhare ilaaqe me meri Jama'at ke Saathi aaye hue hai'n aur tumne abhi tak unki Nusrat nahi ki aur unka ikraam nahi kiya _,"*

*★_ Iske baad kehne lage k Mujhe Teen Din baad Aapki Jama'at mili hai aur Aapki Jama'at ke Saare Saathiyo Ko maine Khwab me dekha hai, Iske baad wo Shakhs hume dobara gaadi me bitha kar Apne muqam per chhod kar chala gaya,*

*★_ Unhone Kaha k Hamari Andruni Mulk Ek Saal Paidal Jama'at ke Saath hone wala ye Ajeeb aur Sachcha Waqi'a hai, is Waqi'e ke Sunne ke baad hume Pukhta aur Mukammal v Akmal Yaqeen tha k Jo Shakhs Dawat ilallaah me lag jata hai to Rab Kareem uski Gaib ke Khazano se madad v Nusrat farmate hai'n _,"*
  
        ─┄┅━═══ ✦═══━┅┄─
                   *✧_ PART-24 _✧*

✦✧✦✧✦✧✦✧✦✧✦✧✦✧✦✧✦
*❈_Allah Ta'ala ki Gaibi Madad Ka Waqi'a:-* 

*★_ Kuchh log Dawat ilallaah ke Silsile me Ek Saal ke liye Allah ke Raaste me Gilgit ke Pahaado me Basti Basti Logo'n ko milte hue Unhe Deen aur Deen ki Mehnat ki taraf Mutavajja kar rahe they k Ek Ajeeb Baat pesh aayi_,"*
.
*★_ Wo Hazraat Ek Pahaadi se Doosri Pahaadi per ja rahe they, Pahaadi Raasta intehayi Dushwar guzra tha, Niche bahut Tez Dariya beh raha tha, jiski Khofnaak Tand v Tez Lehro me gir kar kisi ka zinda bachna intehayi mushkil hai, Chalte Chalte Achanak ek Saathi ka Paa'nv fisla aur wo niche Dariya me ja gira _,"*

*★_ Saathi itni Gehrayi me girte hue aur Lehro me behte hue Apne Saathi ko bebasi se dekhte reh gaye aur wo unki Aa'nkho se oajhal ho gaya, Aage uske saath kya beeti ? wo behte behte ek badi Chattan ke Saath Chimat kar atak gaya aur Hairaan v Pareshan ho gaya k kya karu'n aur kese niklu ? isi Asna me unse dekha ek bahut bada Azdaha ( Saa'np) Moo'nh khole uske Saamne aa gaya aur uska Moo'nh itna bada k poori gaay bhi nigal sake,*

*★_Ab To usne maut ka Yaqeen kar liya aur khof ke maare Aa'nkhe bhee'nch li aur kalma padh liya lekin wo kya dekhta hai k wo Azdaha uske qareeb Peeth kar ke Saamne khada ho gaya aur Zubaan Haal se Apne ouper Sawaar hone ki Dawat dene laga,*

*★_ Uske Dil me bhi Allah ne daal diya aur Ye kood kar us per Sawaar ho gaya, Wo to bahut Naram v Mulayam tha, Azdaha ne bahar ki taraf rengna shuru kar diya, Rengte Rengte use wo ek Chatiyal Maidaan me le aaya, Yaha'n la kar usne use utaar diya aur Waha'n se chala gaya,*
       
        ─┄┅━═══ ✦═══━┅┄─
                   *✧_ PART-25 _✧*

✦✧✦✧✦✧✦✧✦✧✦✧✦✧✦✧✦
*❈_Allah ka pyara Banda is Ajeeb v Gareeb Kashmkash me tha k usne dekha ek Jeep waha'n aayi, Jeep me Sawaar Logo'n ne use bhi Apne Saath Sawaar kiya aur Shehar ke Tabligi Markaz me chhod kar chale gaye, Jaha'n per uske pahaad se gir kar Allah ko pyare ho jane ki ittela pahu'nch chuki thi, Jab Unhone use Zinda Salamat dekha to bahut hairaan hue,*

*★"_ Ye Waqia Ajeeb v Gareeb to Zaroor hai lekin na qabile Yaqeen nahi hai, isse bhi Zyada Ajeeb v Gareeb Waqiaat Allah Ta'ala ke Pyaro ke saath pesh aate rahe hai'n aur Aate rehte hai'n aur aate rahenge, Lekin ese Waqiaat ke baad Mutma'in ho jana chahiye ya nahi? Hargiz nahi ,*

*★"_ Hazraat Sahaba Kiraam Raziyallahu Anhum ke Saath to isse bhi bade bade Allah ki madad ke Waqiaat pesh aaye, Wo fir bhi Allah se darte rahe aur Nekiyo'n me aage badte rahe, Jaha'n Khane ki zarurat pesh aayi Allah ki taraf se lage lagaye Dastar Khwan utar aana, Sawari ki zarurat pesh aayi Gaibi Sawari ka muhayya ho jana, Khana Kam hua Barkat paida ho jana, Jama'at Raasta bhool gayi Parindo ke gol ka aana aur fir unka insaan ban kar Raaste ki Nishan dahi kar ke gayab ho jana _,"*

*★_ is qism ke Sainkdo Waqiaat ye Sab Allah Ta'ala ki meharbani aur uska Fazal v Ahsaan hai lekin ye hume matloob nahi hona chahiye, Balki hamara matloob to Allah ki madad ka wo darja hai jo Sahaba Kiraam Raziyallahu Anhum ko matloob tha, Allah Ta'ala ki madad ka Aala darja k Allah ke Bande Allah ke Deen me Fauj dar Fauj dakhil hone lage_,"*

*★_ Ey kaash ! Jald wo waqt aa jaye k Jin Aa'nkho se Deen mitte dekha Unhi Aa'nkho se marne se pehle pehle Deen ko chamakte bhi dekh le'n, Allah Haq ko poore Aalam me gaalib kar de_,"* 
  
        ─┄┅━═══ ✦═══━┅┄─
                   *✧_ PART-26 _✧*

✦✧✦✧✦✧✦✧✦✧✦✧✦✧✦✧✦
*❈_Tableeg Ki Barkat se Chori Chhoot gayi :-*

*★_ Ek Tabligi Saathi ne ye Waqi'a Sunaya k Jab Mai'n Service me tha to ek Sarkari Meeting huj jisme Mai'n Shareeq hua, Waha'n ke Chief se Mulaqaat hui to usne Deen ki Mehnat ki barkaat batayi, Usne bataya k Uske paas waha'n ka Sabse bada Tel ka Zakhira ( Dipo) hai Jiska Wo incharge hai, Chokidaar uski rakhwali karte hai'n aur Raat ko Choro ke Saath mil kar Tel Chori karwate hai'n, Uski Police ki madad li magar Chori control na hui,*

*★"_ Chokidaar me se ek ki Chaar maah ki Tashkeel hui, Allah ne uske Dil me baat daali aur wo Chhutti le kar Jama'at me chala gaya, Jab Wo chaar maah ka waqt poora kar ke aaya to mujhe ittela mili k ye Chokidaar ab Choro se nahi milta aur Chothayi chori khatm ho gayi hai,*

*★_ Chunache maine us Chokidaar ko jo Chaar Maah laga kar aaya tha Apne Daftar me bulaya aur usse puchha k tumne in Teen chillo me kya kiya ? Usne bataya k Chaar maah tak hum Allah Ta'ala aur uske Rasool ï·º ki baat Sunte aur Sunate rahe, Jisse Hamara Allah Ta'ala ki zaat per Yaqeen Mazboot hua aur Huzoor Aqdas ï·º ke Noorani Tareeqo per Chal kar Dono Jahaano ki Kamyaabi ka Yaqeen aaya _,"*

*★_ Ab Allah ka Khof har Waqt Dil me rehta hai, isliye Choro ki baat nahi maanta balki unko bhi Chaar maah ki Dawat deta hu'n Chunache us Officer ne us Chokidaar ko kaha k baari baari Tamaam Chokidaro ko Allah ke Raaste me nikalo,*

*★"_ Allah ki Shaan ! Ab Chaaro Chokidaar waqt laga chuke hai'n aur Chori bhi khatm hai Jo Barso se hamare liye masla bani hui thi, Iski Vajah Mahol hai Kyu'nki un Chikidaaro ne Us Mahol me Jaam maal aur Waqt laga kar Qurbani kar ke waqt lagaya To unke imaan v Yaqeen me Taraqqi ho gayi aur Chori jesi buri Aadat se Nijaat payi _,"*
    
        ─┄┅━═══ ✦═══━┅┄─
                   *✧_ PART-27 _✧*

✦✧✦✧✦✧✦✧✦✧✦✧✦✧✦✧✦
*❈_Teen Arab Rupya Kaha'n se Aaya ?*

*★"_ Taqriban Teen so Jama'ate Bahar Mulk me jane ke Liye Tayyar hoti hai'n, Teen so Jama'ato ka matalab hai k Taqriban Teen Hazaar Aadmi aur har Jama'at wale kuchh zyada kharch karte hai'n kuchh kam kharch karte hai'n, magar ek Aadmi ka ek laakh ka Rupiya Asaani se kharch hota hai, To teen so Jama'ato ka kharch Taqriban Teen Arab Rupya ban jata hai,*

*★"_ Kisi bhi Markaz se inko Teen paise bhi nahi milte ye Saare Kyu kharch kar ke ja rahe hai'n? Ye log Tablig ko kisi Markaz se nahi jod rahe ya Tabligi Jama'at se nahi jod rahe, Tablig ke kaam ko imaan se jodte hai'n, Khatme Nabuwat se jodte hai'n k Hamare Nabi ï·º Aakhri Nabi hai'n, Aap ï·º ke baad koi Nabi nahi,*

*★_ Fir is kaam ke liye Aalim hona shart nahi, Ek baat bhi aati hai to uski Tableeg karni Shuru karo, itna to pata hai k Allah Ko maanne me Nijaat hai to iski Dawat do, Seekhe bager Gaadi aage nahi chalti to Seekhne ke liye kehte hai'n! Niklo To Sahi Seekho to Sahi, Kaho bhi aur Sikhao bhi aur pahu'nchao bhi,*

*★"_Ye Saare Kaam Ek hi Waqt me hote hai'n, Ye nahi k Seekh lo fir karo, Jo Aadmi Tairna Seekhta hai kya wo bhi ye kehta hai k pehle Tairna Seekh lo fir Tairunga, Wo Tairna aur Seekhna ek hi waqt me karta hai _,"*
       
        ─┄┅━═══ ✦═══━┅┄─
                   *✧_ PART-28 _✧*

✦✧✦✧✦✧✦✧✦✧✦✧✦✧✦✧✦
*❈_Allah Ke Raaste me Kharch Karne Ka Shoq paida Karo :-*

*★"_ Aaj Ke Log Kamate Kamate Jab Baal Safed ho jate hai'n to Ou'nche Ou'nche Bangle khade kar ke Apni Saari Daulat ko barbaad kar ke dikhate hai'n k Hum bade ban gaye, Allah Ta'ala jiske maal ko barbaad Karne ka iraada karta hai aur jiske maal ko mardood karne ka iraada karta hai Uske Maal se Bangle banwata hai, Bade Bade Mahal banwata hai,*
*"_ Hadees me aaya hai k Allah jiske maal ko thukrata hai use gaare mitti me laga kar mahallat banwata hai _,"*

*★"_ Allah ke Liye lagana Seekho, Gaare Mitti ke Makaano me lagaoge to ye Duniya me reh kar bhi mitti hi kehlayenge aur marne ke baad koi kaam nahi denge, Agar Allah Ke Liye lagaoge To ye lagana Tumhari Qabr ko Roshan karega, Tumhe Aakhirat me bade bade Mahallat dilwayega,*

*★_ Zara un Mahallat ka Tasavvur to karo Jinka Shoq Allah dilata hai, Kya Tumhe ese Mahal nahi chahiye Jinke Niche Nehre jaari ho, Sattar Hazaar Khuddam Tumhare Aage Pichhe Khidmat ke Liye Tayyar ho'n, Har Aysh v ishrat ka Samaan usme Tumhare liye mayassar ho,*

*★"_ Kya Tumhe Duniya se kai guna bade ye Mahallat nahi chahiye, Agar in Mahlo ka Shoq rakhte ho to Fir Allah Ke Liye kharch karo,
  
        ─┄┅━═══ ✦═══━┅┄─
                   *✧_ PART-29 _✧*

✦✧✦✧✦✧✦✧✦✧✦✧✦✧✦✧✦
*❈_Maulana Saied Ahmad Khan Reh. Ki Nasihat:-*

*★_ Hazrat Maulana Tariq Jameel Sahab farmate hai'n k 1984 me Hum Engishtan gaye, Mai'n waha'n Bimaar ho gaya Jama'at waapas aa gayi, Mai'n Do Mahine waha'n raha bahut si Cheeze saamne aayi, Fir waapas pe hume ijazat thi Umre ki to mere Saathi Umra karte hue waapas aaye, Mai'n Akela gaya, Maulana Saied Ahmad Khan Sahab Reh. Se Mulaqaat hui, badi Shafqat farmate they, badi Muhabbat farmate they,*

*★_ Maine kaha - Mai'n Englishtaan ki Aapko Kaarguzari Sunana chahta hu'n Waha'n Kaam bahut kharab ho raha hai, Farmane lage - Mai'n nahi suna karta Mai'n nahi Suna Karta, maine kaha - Nahi Mai'ne Aapko Zaroor Sunana hai, Farmaya- Beta Mai'n nahi Suna karta, Tujhe Sunane ka Shoq hi hai To Hazrar Ji ko khat likh de, Mai'n nahi Suna Karta,*

*★_ Khayr ! Humne To kabhi ye Rukh dekha hi nahi tha, Hamara maamla to ye hai k Ye ho raha hai Ja Ke foran bataya, Ye Zahan me hota tha k kaam ka Nuqsaan ho raha hai, To jab Mai'n Pakistan pahu'nch gaya to mujhe khat likha Jo Harf Ba Harf Sunane laga hu'n _,"*

*★_ Banda Baras ha Baras ki Thokre khane ke baad is Natije per pahu'ncha hai k Apne Saathiyo ki Kamiya'n Apne Bado ko na Sunayi jaye, Aaj kal ke bade itne bade nahi hai'n k kisi Saathi ki kami ko Sunne ke baad bhi usse Wahi Sulook rakhe Jo pehle rakha karte they, isliye Maine Saathiyo ka Nuqsaan hote dekha hai Nafa is Rukh per nahi dekha, meri tumhe Nasihat hai k Ho'nt si le _,"*

*★"_ 1984 se Aaj tak kitne saal ho gaye hai'n, mere Ho'nt band hai'n, Maine kabhi Apne Saathiyo ki Burayio ko nahi uchhala kabhi kisi bade ko ja kar nahi bataya, kabhi Apna Difa nahi kiya aur isme badi Halawat payi _,"*
      
        ─┄┅━═══ ✦═══━┅┄─
                   *✧_ PART-30 _✧*

✦✧✦✧✦✧✦✧✦✧✦✧✦✧✦✧✦
*❈_ Gareebo me Mehnat karte raho Allah madad karega :-*

*★_ Ek dafa hamari Jama'at ek Shehar me gayi, Ramzan Sharif ka mahina tha, Ek nek Aadmi tha, usne hamari Aftaari ki Dawat kar di, Uske ghar ke Dalaan me ek taraf Shehar ke Taajir vagera bethe hue they aur doosri taraf hum Miskeeno ki tarah bethe hue they aur wo hume dekh dekh kar Mazaaq udaye aur Ha'nse _,"*

*★_ Ab mujhe gussa bhi chadhe k Unhone kya Samjha hai ? Hume faqeer Samajhte hai'n aur himmat bhi na ho k unse baat kar Saku'n, To Maine Apne Ameer Sahab se kaha - Ameer Sahab ! Kabhi esa bhi din aayega k in Logo'n ko bhi hum Dawat de Sakenge ?*.

*★_ Ameer Sahab mujhse kehne lage - Beta ! Gareebo me kaam karte raho Yahi'n se Awaaz Allah Ta'ala har ghar me pahu'ncha dega, Allah ke Fazal v Karam se Aaj Adna se le kar Aala Tak ko Allah ne is Mehnat per utha diya hai _,"*

        ─┄┅━═══ ✦═══━┅┄─
                   *✧_ PART-31 _✧*

✦✧✦✧✦✧✦✧✦✧✦✧✦✧✦✧✦
*❈_Islam me Khwateen Ka Kirdaar :-*

*★_ Duniya me Aurte'n Zyada hai'n Mard thode hai'n aur Aurto'n ka kaam to Mardo'n se bhi zyada hai, Hazrat Ayesha Siddiqa Raziyallahu Anha ne 1/4 Hissa islam ka ummat ko ata farmaya hai, Saare islam ke chaar hisse karo to Teen hisse Ek Laakh Chobees Hazar Sahaba Kiraam Raziyallahu Anhum se mila aur Ek Chothayi hissa Hazrat Ayesha Siddiqa Raziyallahu Anha se mila hai ,*

*★_ Hamare Chaar Khulfa E Rashideen me se Abu Bakar Siddiq Raziyallahu Anhu aur Ali Raziyallahu Anhu ko Huzoor ï·º ne Musalman kiya, Umar Raziyallahu Anhu ko unki Behan Fatima Raziyallahu Anha ne Musalman kiya aur Usman Raziyallahu Anhu ko unki Foofi Sauda binte Qureza Raziyallahu Anha ne Musalman kiya,*

*★_ Chaar Khulfa me se Do Aurto'n ke haatho Musalman hue, Saari Duniya ke insaan Allah ke Hukmo per aaye'n, Huzoor ï·º ke Tareeqe per aaye'n, Duniya me Aurte'n Zyada hai'n Mard Kam hai'n, isliye Aurto'n me zyada Mehnat ki zarurat hai,*

*★_ Ek Buzurg ka Qaul hai k jab halaat bigadte hai'n to ek bada tabqa Yu'n kehta hai k Bhai ab kuchh nahi ho sakta, Jese Halaat chal rahe hai'n usi dhaare me tum bhi chalo, Ek chhota sa tabqa kehta hai k kuchh Takkar to maaro, kuchh na karne se kuchh karna behtar hai, To ye Chhota sa tabqa Diwangi me aur pagalpan me Majnoon ban kar halaat se takkar leta hai to Aage chal kar bade bade inqilabaat ko vajood deta hai,*
       
        ─┄┅━═══ ✦═══━┅┄─
                   *✧_ PART-32 _✧*

✦✧✦✧✦✧✦✧✦✧✦✧✦✧✦✧✦
*❈_Haqeeqi inqilab hai Dil ka badal Jana, Dil ka palat jana, Ye Asal inqilab hai, Jab Dil Allah ki taraf fir jata hai to khud ba khud inqilab aa jata hai aur jab Dawat chalti hai aur Tableeg ka kaam chalta hai to is tarah Allah Ta'ala dilo ki zameen ko naram karta hai _,"*

*★_ Hum Tableeg Ke kaam ki Gehrayi ko Samjhe'n, Allah ne is Ummat ko bada Azeemus Shan kaam diya hai, Apni guzaar kar to har koi to chala hi jayega Kyu'n na ese Guzare'n k aane wali Naslo per hum Ahsaan Kar ke jaye'n aur Hamare Liye Sawab ke Silsile chalte rahe, isme Apne imaan ki bhi Hifazat hai,*

*★_ Aap khud Apne Tor per Masjid me aaye'n ye Theek hai, Agar Khatme Nabuwat se Munasbat hai to ye Soche'n k aur kitno ko Masjid me Lana hai, Apni gali me Soche'n k kitne log hai'n k jo Masjid me aate hai'n kitne nahi aate, Jo nahi aate unko Dawat dena,*

*★_ Apni Apni gali me Aap dekhe'n, hamare ghar me kitne Namaz padhte hai'n kitne nahi padhte, Unko Namaz per Lao, Meri gali me kitne hai'n Jo Namaz nahi padhte Ye nahi k pehle Apne ghar walo ko Dawat dena hai baad me auro ko, Ye Zaroori nahi Apne gharo me bhi ho, Saath walo per bhi ho, barabar walo per bhi ho, Yahi Sunnat hai,*

*★_ Is Waqt Poori Duniya ke Musalman Qabile Raham hai'n, Baatil mehnat kar raha hai k inki nasl ko kharaab kar do, isliye Sabki zimmedari hai, Mardo'n ki bhi Aurto'n ki bhi, khud bhi Deen per chale'n aur is Deen ko le kar har Kachche Pakke ghar me iski Awaaz lagaye'n _,"*

        ✦─┄┅━═══ ✦═══━┅┄─
     
                   *✧_ PART-33 _✧*

✦✧✦✧✦✧✦✧✦✧✦✧✦✧✦✧✦
*❈_Saabqa Chor ki Tahajjud ki haalat me Sajde me maut :-*

*★_ Ek Mewati chor tha, Ek Allah Wale waha'n Jama'at me gaye, Us Chor ki mannat Samajat Kar ke Usko Teen Din ke liye Tayyar kiya, Wo Teen Din ke liye Tayyar ho gaya lekin Shaitaan to bada Zaalim hai, Usne socha agar ye Tableeg me lag gaya aur Allah Wala ban gaya to meri to barso ki mehnat bekaar ho jayegi, Chuna'che Shaitaan ne use wargalane ki koshish ki aur usme Kamyaab bhi ho gaya,*

*★_ Jab ye us chor ko le kar Allah ke Raaste me gaye to Jama'at ki Tashkeel qareeb hi ek Masjid me hui pata chala k wo chor wapas chala gaya hai, Khair usko dobara dhoo'nd kar wapas Jama'at walo ke paas laye، Is tarah usne teen din lagaye, fir wo Jama'at me waqt lagata raha, is tarah uske Dil me Hidayat ki Shama Roshan hoti chali gayi _,"*

*★_ iske ye Samraat hue k us chor ne logo'n se maafi bhi maa'ng li, jiska maal wapas kar sakta tha uska maal bhi wapas kar diya, Fir us chor ko Allah ne kai Logo'n ki hidayat ka zariya banaya hattaki ek waqt esa aaya k jab uska inteqal hua to wo us waqt Tahajjud ki Namaz padh raha tha aur Sajde ki haalat me tha _,( Subhanallah)*

*★_ Mere Dosto ! Ese Laakho Namoone is Duniya me mojood hai'n, Zameen Tayyar hai lekin hal chalne wala koi nahi, Hazrat Maulana Mufti Mehmood Alhasan gango'i reh. ne farmaya Jo Basharate Sahaba Kiraam Raziyallahu Anhum ko haasil thi'n wesi hi Basharate Tableeg me bhi mojood hai'n _,"*
      
        ─┄┅━═══ ✦═══━┅┄─
                   *✧_ PART-34 _✧*

✦✧✦✧✦✧✦✧✦✧✦✧✦✧✦✧✦
*❈…Jama'at me jane wale Ke Ghar Ki Hifazat Kaise hui:-*

*★_ Ek Buzurg ne Apni imaan Afroz Kaarguzari sunayi k Maine Chille ke liye jane Jana tha ghar me koi Aadmi bhi nahi tha Jo ghar ki dekhbhaal kar sakta, Maine Apni Bivi Bachcho ko Allah ke Supurd kiya aur Apne Dost se baat ki k ghar ke liye Sauda Salf la diya karna, Usne Haami bhar li, Lihaza Mai'n pehli fursat me Allah ke Raaste me nikal gaya,*

*★_ Allah Paak ne Khairo Aafiyat se waqt poora kar diya, Mai'n ghar aaya aur thodi der baad Dost se milne gaya, Wo kuchh uljha uljha sa tha, Thodi der uske paas betha fir ghar waapas aa gaya, Agle Din fir usse Mulaqaat hui to wo mujhse kehne laga Tum Chaukidar rakh kar gaye aur mujhe ittela bhi na ki, Maine kaha Mai'n to koi Chaukidar nahi rakh kar gaya, Wo kuchh pareshan sa ho gaya, maine kaha kya baat hai ? Tum kuchh pareshan se ho gaye ho ? To wo mujhe taal gaya,*

*★_ Maine Thoda sa israar kiya to Wo kehne laga, mujhe Apne kie per Sharm aati hai Kis Moo'nh se baat karu, Maine kaha kya baat Hui tum batao to sahi ? Hichkichate hue kehne laga Tumhare jane ke baad meri niyat kharab ho gayi aur Mai'n Chori ke iraade se tumhare ghar gaya, Darwaze ke Suraakh me se dekha k koi jaag to nahi raha, maine kya dekhta hu'n k Darwaze ke Saath hi Kursi per ek Nojawan betha hua hai aur uske Kandhe per gun latki hui hai, Wo Darwaze ki taraf dekh raha tha, Mai'n Waapas aa gaya,*

*★_ Thode din ke baad Mai'n fir gaya to Fir wahi maajra dekha, Tumhare aane tak Mai'n isi tarah jata raha, Wo Nojawan usi tarah betha hota aur Darwaze ki taraf dekh raha hota, Tum kehte ho k Maine koi Chaukidar nahi rakha, Maine usse kaha k Hadees Paak ka mafhoom hai k Jo Aadmi Allah ke Raaste me jata hai to Allah Apne Farishto ko us Bande ke ghar ki hifazat per mamoor farma deta hai, Mai'n jate hue Apne Bivi Bachcho ko Allah ki Hifazat me de kar gaya tha, Allah Paak ne mere ghar ki Hifazat ki _," ( Sub'hanallah)*
  
        ─┄┅━═══ ✦═══━┅┄─
                   *✧_ PART-35 _✧*

✦✧✦✧✦✧✦✧✦✧✦✧✦✧✦✧✦
*❈_ Haraam Ki Laakho Ki Nokri Thukra di _,"*

*★_ Ek Nojawan Bank Ki Nokri karta aur Ek Laakh Tankhwah leta tha, Uski Teen Din Ki Tashkeel hui aur Usne Teen Din Jama'at me lagaye, Chilla bhi poora na lagaya tha, Abhi Sirf Teen Din lage they, Waapas gaya to jate hi istifa de diya k Sood Haraam hai, Mai'n Bank ki Nokri nahi karunga,*

*★_ Jab Usne Achanak istifa diya, To Bank ne us per Harjana ka Daava dayar kar diya k itne laakh hume Harjana ke de do tab istifa qubool hai ya Apni Service do tab tujhe chhodenge, Usne kaha mujhse Harjana le lo Mai'n Nokri nahi karunga _,"*

*★_ Harjana dene me Kya Qurbani Deni padi, Ghar bik gaya Jaydaad bik gayi, Jo banaya tha Sab bik gaya, Shehar se bahar ek Kachche se ghar me guzar basar karne laga, Nokri chhodi Dehaat me gaya, Waha'n se Bakriya'n khareed ke laya, Shehar ki Mandi ke Wohi Shakhs ab Tijarat kar raha hai, Jo kal tak Qeemti Gaadiyo me ghoomta tha, Aage pichhe Nokro ki qataar thi,*

*★_ Jab Shehar me Pehli baar Mandi me Bakriya'n bechi, 500 Rupiya use nafa hua, ghar le kar aaya Khushi se Foot Foot kar ro pada, Bivi bhi ro rahi hai Miya'n bhi ro Raha hai k Aaj pehla Din hai Halaal Paisa ghar me aaya hai, Ye Duniya bhi Ajeeb jagah hai, Yaha'n khushi me bhi log rote hai'n gam me bhi rote hai'n, Jis Jaha'n ki khushi bhi ro kar ho wo khushiyo'n Ka Jaha'n kese ho sakta hai?*

*★_ Mere Dosto Mujhe batao ! kya Ye Gustakhe Rasool bana ? Ye pehle bhi to jaanta tha k Sood Haraam hai, fir ye kyu Sood khata tha, Fir Allah ki Raah me nikla fir Tableeg me Aaya Fir usne Sood chhoda, Agar Tableeg wale ise Gustakhe Rasool banate to pehle se zyada use Sood me fa'nsate ! Itni badi Qurbani per wo kese aaya ? Kaha'n Ek laakh aur Kaha'n 500 Rupiya, Zara Socho to Sahi ?*
       
        ─┄┅━═══ ✦═══━┅┄─
                   *✧_ PART-36 _✧*

✦✧✦✧✦✧✦✧✦✧✦✧✦✧✦✧✦
*❈_ Sunnat Tareeqe per Khata dekh kar American Habshi Musalman ho gaya:-*

*★_ Ek Jama'at Kaafi Arsa pehle America gayi thi, Saathiyo ne kaam se faarig ho kar khana khane ke liye Dastar Khwan lagaya, Usi Waqt ek American Habshi aaya, Usne Angrezi me kaha k Mai'n Aapse Chand Sawalaat karne aaya hu'n_,"*

*★_ Jama'at Ke Saathiyo ne use khane me Shareek kiya aur Kaafi ikraam kiya, Meetha khilaya, Jab wo khane se faarig hua to kehne laga mujhe Musalman bana de'n, Jama'at ke Saathiyo ne kaha k Aap Sawalaat poochhne aaye they, Usne Jawab diya k Jis Saadgi aur Muhabbat se Aapne mujhe khana khilaya hai Aaj Tak meri Maa'n ne bhi nahi khilaya,*

*★_ Mere ghar me Har ek ki Alhida plate Alhida Chamcha aur Glaas hai, Jisko Mai'n hi haath lagata hu'n aur usme sirf Mai'n hi khata hu'n, Ghar ke Tamaam Afraad Hattaki Walden bhi meri Cheezo se door rehte hai'n, Yaha'n to hum Sabne ek hi plate me khaya aur Ek hi glaas se pani piya, Agar islam yahi hai to mujhe qubool hai,*

*★_ Chunache Usne Musalman ho kar Jama'at ke Saath kuchh waqt lagaya aur bahut khush tha k Allah ki Zaat ne Nabi ï·º ki mil beth kar khane ki Sunnat ki Barkat se imaan ki daulat se nawaaz,*
  
        ─┄┅━═══ ✦═══━┅┄─
                   *✧_ PART-37 _✧*

✦✧✦✧✦✧✦✧✦✧✦✧✦✧✦✧✦
*❈…Shara'i Libaas Ki Azmat :-*

*★_ Tabligi Jama'at ke Kuchh log London gaye, Wo Apne Lambe kurte Ou'nche Pa'nche aur gol Topi me Ba Zaahir Waha'n Ajeeb maloom ho rahe they magar iske Bavjood Angrez unka Bahut Adab karte they,*

*★"_ Ek baar un Logo'n ne kisi Park me Namaz padhi, Wo Namaz padh kar bethe hue they k Ek Angrez aaya aur unki peeth per Apne dono haath fair kar Apne Haatho ko choom liya,*

*★_ Ek Shakhs ne puchha :- Tum in Logo'n ka itna Ahatram kyu karte ho ? Usne jawab diya:- Ye log Apne is Huliye me Humko Iysaa Alaihissalam aur Moosa Alaihissalam ki tarah dikhayi dete hai'n _,"*
       
        ─┄┅━═══ ✦═══━┅┄─
                   *✧_ PART-38 _✧*

✦✧✦✧✦✧✦✧✦✧✦✧✦✧✦✧✦
*❈_France me Jama'at Ki Hairat Angrez Kaarguzari:-*

*★_ France ke Andar ek Jama'at gayi, Paidal Safar tha, Saathi kaafi thake hue they, Mashwara hua k Thodi der Araam karna chahiye, Jama'at ek pul ke niche Beth gayi aur Taleem shuru kar di, Ek Farnacisi Umr Rashida aaya aur Jama'at ke paas beth gaya, Thode waqt ke baad kehne laga k Kya Aap Ambiya hai'n ? Aapke Chehro per Jo Noor mujhko nazar aa raha hai ye Noor to Nabiyo'n Ke Chehro per hota hai,*

*★_ Jama'at ke Saathiyo ne arz kiya - Hum Ambiya v Rasool nahi hai'n, Hum To Khatimul Ambiya Hazrat Muhammad ï·º ke Ummati hai'n, Haa'n itni baat Zaroor hai k Jo kaam Ambiya Alaihissalam kiya karte they Wo hum bhi karte hai'n _,"*

*★_ Is per Wo Jama'at ke Saath chalne ko Tayyar ho gaya aur Ye bhi Jama'at ke Saath paidal chal raha tha, Jab Ek muqam per thehre to usne kaha Mai'n bhi Aapki Tarah banna chahta hu'n, To Jama'at ke Saathiyo ne use Gusl karwaya aur Kalma padhaya aur kaha k Do raka'at Nifl padh lo, Ab Jama'at ke Saathiyo ne nifle shuru kar di To usne Jama'at walo ko dekh kar Do nifle padhi aur beth gaya,*

*★_ Kehne laga Mai'n thak gaya hu'n Araam karna chahta hu'n, Leta to Allah ne use Hamesha Ke liye Araam ki Neend sula diya aur Hamesha Hamesha ke liye Jannat ka mustahiq ban gaya,*
       
        ─┄┅━═══ ✦═══━┅┄─
                   *✧_ PART-39 _✧*

✦✧✦✧✦✧✦✧✦✧✦✧✦✧✦✧✦
*❈_Clubo me jane wali American Ladki ki Shadi :-*

*★"_ Ek Arab Nojawan jiska Naam Faazil tha America me Riha'ish pazeer tha, Uske Dil me Deen ke mitne ka Ahsaas Paida hua aur Khatme Nabuwat ki Zimmedari ka Ahsaas hua, Chuna'che usne Chaar Mahine lagaye, Jab Wo Chaar Mahine laga kar aaya to uska saara vajood sunnat ke mutabiq dhal chuka tha,*

*★"_ Ek din Sadak per Sawari ke intezar me khada hua tha to ek ladki aayi, Usne puchha Aap kon hai'n? Ladke ne kaha - Mai'n Musalman hu'n, Usne kaha - Aapka libaas to bahut Ba Waqaar hai, is tarah doosre Musalman kyu nahi hai'n ? Fir us Nojawan ne us Ladki ko 5 minute islam ki dawat di, Wo Ladki Wahi'n khade khade imaan le aayi,*

https://chat.whatsapp.com/HaVzILyJSFxIYo2lYqyC8d
*👆🏻 What's App Group Link se Join likhiye _,*

*★"_ Ab aage suno ! Kuchh din guzre Faazil aur Chand Nojawan Apne Hotel ke kamre me bethe hue Mashwara kar rahe they, Achanak ek Ladki ka TelePhone aaya, usne bade gusse se kaha k mujhe Faazil se baat karni hai, Faazil ne Telephone kaan se lagaya, Wo Ladki kehne lagi Tune meri Saheli ko barbaad kar diya, Wo jo fala jagah tumko mili thi, Tumne usko islam ki dawat di thi, Ab use pata nahi kya ho gaya hai, pehle wo mere saath Clubo me jati thi aur fala fala jagah jati thi, Ab wo ghar se bahar nahi nikalti, Ye konsi pabandiya'n hai'n Jo tumne us per laga di hai'n? Ye tumhara Deen hai ?*

*★_ Faazil ne kaha - Ari Allah ki Bandi Agar Bahas karni hai to mere paas waqt nahi hai, Samajhna hai to Aadhe ghante ke baad baat karna, Usne Aadhe ghante baad phone kiya, Faazil ne usse kuchh der Deen ki baat ki To wo bhi imaan le aayi, Kuchh Arse ke baad Faazil ki Shadi ki baat chali, Uske Dost ne bataya k ek Ladki Abhi haal hi me Musalman hui hai, Chuna'che waha'n baat cheet hui aur dono ki Shadi ho gayi, Ab dono Miya Bivi me Tarruf hua, Ladki se puchha k Aap kese Musalman hui'n, Usne Telephone wala qissa sunaya, Faazil ne kaha Aap jaanti hai'n k Wo kon tha ? Ladki ne kaha - nahi , Faazil ne kaha wo Aapse mukhatib hai Aapk khadim ( Mai'n hu'n )*

        ─┄┅━═══ ✦═══━┅┄─
                   *✧_ PART-40 _✧*

✦✧✦✧✦✧✦✧✦✧✦✧✦✧✦✧✦
*❈_ Ek Turki Ladki Ki Turk Waapsi:-*

*★_ America me ek Jama'at gayi, Arbi me bayan hua, Mard bhi bethe they aur Aurte'n bhi bethi thi'n, Bayan ke baad ek Tukrki ladki aayi, kehne lagi - ek baat karti hu'n Aap log mujhse nafrat na kare'n, Unhone kaha - nahi hum to muhabbat seekhte hai'n muhabbat failate hai'n,*

*★_ Us ladki ne kaha - Mai'n Turki ki hu'n, Mai'ne bayan suna hai, mujhe kuchh samajh me nahi aaya Kyu'nki Mai'n arbi nahi jaanti, lekin us bayan me imaan ka lafz baar baar aa raha tha, is lafz ne mere dil per hathoda maara hai aur mere imaan ko zinda kar diya hai _,"*

*★_ Mai'n Yaha'n ek Yahoodi Ladke ke saath rehti hu'n aur bager nikah ke rehti hu'n, isliye maine kaha tha k mujhse nafrat na karna, us ladke ko bulao Musalman ho jaye to Mera nikah kar do Musalman nahi hota to Mai'n tum sabko gawah bana kar kehti hu'n k Mai'n Apni pichhli zindgi per Tauba karti hu'n aur Wapas Turki chali jaungi _,"*

*★_ Us Ladke ko bulaya, Teen Din tak use Dawat dete rahe usne inkaar kar diya, Us ladki ko bula kar kaha k ye to nahi maanta, usne purs me se ticket nikaal kar dikhaya k dekho Mai'n istambol ka ticket le kar aayi hu'n, Ek lafz imaan ne uski zindgi ka rukh badal diya, Is ummat per Mehnat kab hui hai ? Kisne mehnat ki hai k ye Bachchi Rabiya Basri bane ? Kisne mehnat ki hai k ye Bachcha Juned Bagdadi reh. ka namoona bane ?*

*★_ Gunaho ke Samandar me unhe daal diya, Charo taraf gane bajane ki Awaaze ho'n, jab Charo taraf Zehar failaya ja raha ho to bachna bhi chahe to nahi Bach sakte, Masjid me bethe hue bhi gano ki Awaaze aati hai'n, ye is Ummat ko mehnat karni hai, Ab koi Nabi nahi aayega, Agar hum Apne Bachcho ko padhne ke liye door Mulk bhej sakte hai'n to fir unko Allah ke Deen ke liye bhi bhejo, Doctor banke Qabr me fayda nahi pahunchega, engineer ban ke Qabr me kya fayda pahunchega, Baap ka janaza saamne pada hai aur use pata nahi k kya padhna hai ? Gusl kese Dena hai ? Ninyanve fisad ko Aaj Namaze janaza nahi aati Gusl to door ki baat hai, Tableeg ki mehnat ka ye khulasa hai k Har Musalman Deen per chale har musalman is Mubarak zindgi ko seekhe isko failaye, Aurte'n Aurto'n me kaam kare'n, Mard Mardo'n me kaam kare'n,*
   
        ─┄┅━═══ ✦═══━┅┄─
                   *✧_ PART-41 _✧*

✦✧✦✧✦✧✦✧✦✧✦✧✦✧✦✧✦
*❈_Itli me Ek Arab Nojawan ki Mehnat:-*

*★_ Is Dafa me Hajj per gaya to itli se Ek Nojawan aaya hua tha Arab, Hazrat Hasan Raziyallahu Anhu ki Aulad me se tha, Marakish ka rehna wala tha, Majboori ki vajah se Use Itli me rehna pad gaya, 22 saal ki umr thi, Us Akele Ladke ne Itli me poore Musalmano ko harkat de di, Waha'n Teen So Masjide ban gayi'n jabki Ek Masjid bhi na thi aur Hajj per Sattar Nojawano ko le kar aaya hua tha,*

*★"_ itni Taaqat Allah ne Musalmano me rakhi hai, Wo Aalim nahi hai koi Duniyavi Digree thi, Economics ya Physics ki mujhe Achchhi tarah yaad nahi lekin usne waha'n Jo is Mehnat ko zinda kiya to poore Itli me Teen So Masjido ka Zariya ban gaya aur Hazaaro Nojawano ki Tauba ka Zariya ban gaya,*

*★_ is Tableeg ki mehnat ke Zariye se Ek to poora Deen Seekhne ki Dawat di ja rahi hai k Hum pehle poore Deen ko Seekhe aur us per Amal kare'n, Agli baat ke zahan banaya ja raha hai k Saari Duniya ke insaano ke paas Allah ka Paigaam le kar Jana pade to hume jana hai,*

*★_ Ye Dawat ilallaah Hamari Zimmedari hai, Isi per to ye Saare Maratib aur Faza'il hai'n, is Waqt islam me Jo der ho rahi hai hamari Vajah se ho rahi hai,*

        ✦─┄┅━═══ ✦═══━┅┄─
                     *✧_ PART-42 _✧*

✦✧✦✧✦✧✦✧✦✧✦✧✦✧✦✧✦
*❈_ Urdun me Aurto'n ki Jama'at Ki Kaarguzari:-*

*★_ Hum Apni Aurto'n ko zaaya na kare, khaali kapde dhone Roti pakane me, isi me unki zindgi khatm ho jayegi, Urdun me koi parde ka Rivaaj nahi tha, Urdun me Mai'n gaya to mujhe Burqe Nazar aaye aur poore Libaas nazar aaye, Aurto'n ke Sar per Scarf yani Ek Rumaal bandha hota tha Sirf Chehra nazar aata,*

*★"_ Maine puchha Ye parda ya Burqa Yaha'n Kaha'n se aaya ? Kehne lage - Poore Urdun me ek Aurat bhi Burqa nahi pehanti thi balki Aadha libaas hota tha, Aurto'n ki ek Jama'at aayi thi, Pathan Aurte'n Anpadh, na koi Aalima na koi Faazila na koi Taqreer jane, Chhe Number bhi na jane bilkul Anpadh, Teen mahine Unhone waha'n Kaam kiya Sattar Aurto'n ko Waha'n Burqa pehna ke aayi'n _,"*

*★"_ Maine kaha - jab wo Anpadh thi'n Unhe Taqreer karna bhi nahi aata tha to fir wo kya karti thi'n? Kaha - Wo kya karti thi'n jab Hamari Aurte'n andar aati ( waha'n scirt pehante hai'n yani Aurto'n ki saari pindliya'n nangi hoti thi'n aur Saare Baazu bhi nange) to Wo Apni chaadre unke ouper daal deti aur beth ke Rona shuru kar deti, kehti k Tum to Sahaba ki Nabi ï·º ki betiya'n ho, isse aage unko kuchh aata nahi tha,*

*★"_ Sattar Aurto'n ne Burqa pehna unki Barkat se, Unke baad Burqe ka Rivaaj ho gaya,*

        ✦─┄┅━═══ ✦═══━┅┄─
   
                   *✧_ PART-43 _✧*

✦✧✦✧✦✧✦✧✦✧✦✧✦✧✦✧✦
*❈_Maleshiya Ke Ek Nojawan ki Mehnat:-*

*★_ Maleshiya me Ek Nojawan jiska naam Haroon tha 40 din lagane aaya tha, Jab wo waqt laga kar Apne mohalle me Waapas pahuncha to use badi fikr hui k mere mohalle ki Aksariyat Allah se Roothi hui hai, Mai'n kisi tarah esi Mehnat Karu k ek ek Aadmi ke dil ka Talluq Allah se jud jaye,*

*★"_ Is Fikr me Din Raat dar dar firta aur hafta me ek din Masjid me bayan ke liye khada ho jata lekin koi uske bayan me na bethta, Aakhirkaar wo jagah Jagah Topiya'n faila kar bayan karta, kai mahine tak ye silsila jari raha magar koi bhi uske saath nahi juda,*

*★_ Aakhir uski mehnat rang layi, Mazeed Chand hafte guzarne ke baad 2 Aadmi uske hum zahan hue, Fir wo bhi uske saath dar dar firne lage, fir Allah ka karna esa hua Ek moqa esa aaya k usi Masjid ko Allah ne poore Maleshiya ka Markaz bana diya, Abhi haal hi me Maleshiya me ijtima hua to lakho Aadmi jama hue aur Hazaro Aadmi Allah ke Raaste me nikle,*

*★_ Alhamdulillah har saal ijtima Hote Hai'n, Sirf waha'n ke ek Shehar Leester ki masjid se 25 Jama'ate Allah ke Raaste me nikli, Hattaki waha'n ke Wazeere Aala ne bhi Tablig me waqt lagaya, is Kaarguzari ko sunane ka maqsad ye tha k us Nojawan ne Huzoor ï·º wale kaam ko Apna kaam samjha, Fir uski Qurbani v Mehnat kya rang layi ye Aapke Saamne hai, Ab Qayamat tak jo log waha'n se Tablig me waqt lagayenge to uske Naama A'amaal me bhi uska Ajar likha jayega Kyu'nki wo un sabke nikalne ka zariya bana,*

        ✦─┄┅━═══ ✦═══━┅┄─
    
                   *✧_ PART-44 _✧*

✦✧✦✧✦✧✦✧✦✧✦✧✦✧✦✧✦
*❈_Roos me Dawat ka kaam :-*

*★_ Muttahid Arab Amaraat se 40 Din ki Jama'at Roos gayi, Jab waha'n Masjid me pahu'nchi to dekha k Masjid me Taala laga hua hai, Taala khulwaya to dekha k Saari Masjid Gardo gubaar se ati hui hai, Masjid Ko Saaf kiya, Fir jab Azaan di to Ek Budhi Aurat Roti hui aayi aur kehne lagi maine 70 saal ke baad Azaan ki Awaaz suni hai,*

*★_ Jama'at walo ne ghar ghar Dukaan Dukaan ja kar Logo'n ko A'amaal E Saliha ki Dawat di, fir chand hafto ki mehnat ke Baad poore ilaaqe me Deen ki fiza ban gayi aur mohalle walo ne Jama'at ki Dawat ki aur 500 gaz lamba Qaleen bichhaya, Us Dawat me Jama'at walo ne Mohalle ke Logo'n ko bataya k hum to sirf 40 Din ke liye aaye hai'n aur fala'n Tareekh ko Waapsi hai,*

*★_ Bas Ye Sunna tha k Logo'n ne dhade maar maar kar Rona Shuru kar diya, Mard kehne lage Tum kyu ja rahe ho? Agar Tumhe Yaha'n per ghar ya Dukaan chahiye wo hum tumhe denge aur Aurte'n kehne lagi'n k Agar Tumhe Biviya'n chahiye to hum Apni Ladkiya'n Nikaah ke liye dengi lekin Tum hume chhod kar mat jao Hume Deen Sikhao _,"*

*★_ Lekin Jama'at walo ne unko Apni Majboori batayi aur ye Waada kiya k hum Waapas jate hi doosri Jama'at bhejenge, is per unhone Jama'at walo ko jane ki ijazat di,*
     
        ─┄┅━═══ ✦═══━┅┄─
                   *✧_ PART-45 _✧*

✦✧✦✧✦✧✦✧✦✧✦✧✦✧✦✧✦
*❈_America me Deen Ki Mehnat:-*

*"★_ America me 52 Soobe hai'n, America wale ( Musalmano) ne Markaz Taqaza rakha k Hume Kam se kam har Soobe ke liye Ek Jama'at de di jaye Jo Waha'n dar dar fir kar Deen ki Mehnat kare,*

*★_ America me ek Jama'at gayi, Jiske do Saathi ek jagah Dawat Dene gaye, To Waha'n per ek Shakhs ne Tabligi Saathi ka gireban pakad liya aur Fir Rote hue kehne laga k Tumhari vajah se mere Baap ki Qabr me pitayi ( Azaab ) ho rahi hogi,*

*★_ Jab us Shakhs ka Dil thanda ho gaya to Saathiyo ne puchha k kya maamla hua ? Kehne laga k Mai'n kuchh arsa pehle imaan laya hu'n aur mere Maa'n Baap ka haal hi me inteqal hua hai, Agar tum log pehle aa jate to mere Maa'n Baap bhi imaan ki haalat me marte ( Yaha'n Tum log se muraad doosre Tabligi Ahbaab hai'n Jo us Nojawan ke paas kuchh Arsa pehle dawat Dene aaye they )*

*★"_ Aur Us Nojawan ki ye Kaifiyat is vajah se thi k Tum Logo'n ko Allah ne itne bade Kalme ki Daulat se Nawaza hai lekin Tum use Hum tak pahu'nchane me Susti karte ho ,*
  
        ─┄┅━═══ ✦═══━┅┄─
                   *✧_ PART-46 _✧*

✦✧✦✧✦✧✦✧✦✧✦✧✦✧✦✧✦
           *❈_ France Ki Kaarguzari:-*

*"★_Bangladesh me ijtima hua to ek Farnacisi Achanak mimbar per aaya aur kehne laga - Ey Logo'n Humne tum tak Chhoti se Chhoti cheez bhi pahu'nchayi magar itna Qeemti kalma tumne Hum tak Pahu'nchane me kanjoosi Akhtyar ki, iska Allah tumse Zaroor Sawal karega _,"*

*★_ France me ek waqt tha k ginti ki Masajid thi, Ab France me Tableeg ki mehnat ki Barkat se Ka'i so Masajid hai'n aur Ka'i laakh Musalman hai'n,*

*★_ Filipine me Chaar So Saal pehle So fisad Musalman they, Jab Dawat Tablig ki mehnat chhooti to iska Nuqsaan ye hua k Musalman Deen se door hote chale gaye Hattaki Murtad ho gaye, Baap Musalman Beta Iysaa'i ye haalat ho gaye, Fir Philpine me Markaz se Jama'ate gayi'n to waha'n Deen ki fiza banti chali gayi,*

*★_ Jab Pehle Pehal 1986 me Jod rakha gaya to Saat So Aadmi jama hue aur 1993 ke jod me Ek Laakh Aadmi jama hue,*
   
        ─┄┅━═══ ✦═══━┅┄─
                   *✧_ PART-47 _✧*

✦✧✦✧✦✧✦✧✦✧✦✧✦✧✦✧✦
*❈_Do Masajid se 1500 Masajid Tak :-*

*★_ England me 1952 me pehli Jama'at gayi us waqt waha'n sirf 2 Masjide thi'n aur Jab Deen ki Mehnat Shuru hui to uski Barkat se Alhamdulillah is Waqt 1500 Masajid hai'n,*

*"★_ Lekin Alhamdulillah Deen Ki Mehnat Ki Kasrat ki vajah se Masajid Kam pad rahi hai'n, is Vajah se Musalmano ne Cinema gharo aur mukhtalif Jagaho ko khareed kar Masjid banaya,*

*★_ Yugoslavia me pehli Jama'at gayi to wo Hotel me Thehri kyunki Masjide bahut kam thi aur door door thi, Ab Alhamdulillah Dawat Tablig ki mehnat ki Barkat se (3500 ) Saade Teen Hazaar Masajid hai'n,*

*★_ Holland ka Tableeg Ka Markaz pehle Padriyo ka Madarsa tha, Jaha'n Padriyo ko Deeni Taleem di jati thi, Aaj wo Tableeg ka Markaz hai, London me Jo Tableeg ka Markaz hai wo pehle iysaaiyo ka girja ghar tha, Aaj wo Tableeg ka Markaz hai, Canada me Padriyo ka ek bahut bada Madarsa tha Aaj waha'n Bukhari v Muslim padhayi jati hai,*
       
        ─┄┅━═══ ✦═══━┅┄─
                   *✧_ PART-48 _✧*

✦✧✦✧✦✧✦✧✦✧✦✧✦✧✦✧✦
*❈_Sharabi ne Sharab Khana Band Kar diya _,"*

*★_ Beljium me Jama'at gayi, jis ilaaqe me Jama'at pahu'nchi waha'n bedeeni bahut zyada thi aur Log Tableeg muta'arif bhi nahi they, Waha'n Logo'n se kaha k gasht karao per koi gasht karane ke liye Tayyar na hua, Fir imaam Masjid ko Tayyar kiya wo gasht karaye, Wo waha'n ke Sharab khane me le gaye,*

*★_ Sharab khane me Chaar Nojawan bethe hue they, ittefaq se Wo Charo Musalman they, Jama'at ne unse Deen ki aur Fikre Aakhirat v Tableeg ki baat ki, To unme se ek ladka jiska Naam Abdullah tha Wo Masjid me aane ke liye Tayyar ho gaya, Usko Masjid me laye, Nehla Dhula kar Namaz padhayi, Fir usse Allah ke Raaste me nikalne ki baat ki to Wo Das Din ke Liye Tayyar ho gaya,*

*★"_ Jab Wo Allah ke Raaste me Das Din laga kar Waapas aaya to uske Dil me Aakhirat ki Fikr aur Allah ko Raazi karne ka Jazba paida ho chuka tha, Das Din Lagane ki ue barkaat hui k usne Apne Mohalle me Deen ki Mehnat Shuru kar di aur Sharab khane ka Maalik uska Dost tha, Uski mehnat se Sharab khane ke Maalik ne Teen Din Allah ke Raaste me lagaye aur Wo bhi Deendaar ban gaya Hattaki usne Sharab khana band kar diya,*,
       
        ─┄┅━═══ ✦═══━┅┄─
                   *✧_ PART-49 _✧*

✦✧✦✧✦✧✦✧✦✧✦✧✦✧✦✧✦
*❈_Thailand, Somaliya aur ShriLanka me Deen Ka Kaam :-*

*★_ Aap Andaza lagaye'n k Tableeg ka kaam Yaha'n se Thailand gaya hai, Waha'n se Somaliya Jiski Assi fisad Abaadi Musalman hai, Waha'n ye haal hai k koi Musalman be Namazi nahi raha, koi Aurat be Parda nahi rahi, Chori khatm ho gayi, Zina khatm ho gaya, Sharab khatm ho gayi, Ladaiya'n khatm ho gayi, Namaz per khuli Dukane Chhod kar Masjid me chale jate hai'n, Band nahi karte,*

*★"_ ShriLanka me Tableeg ki mehnat ho rahi, Das Laakh Aabadi Musalman, Chaar Laakh Baalig Musalman hai'n, Teen Laakh ijtima me mojood they, 600 Jama'ate nikli, Saari Duniya ki Fiza Allah Ta'ala ne badal di hai, Hawai Jahazo me Azaane ho rahi hai'n, Namaze padhi ja rahi hai'n, Pahaad ki Chotiyo'n per Azaane ho rahi hai'n,*

*★"_ Saari Duniya me insaan Mehnat kar rahe hai'n Lekin Mehnat ka Rukh alag hai, Aaj Saari Duniya me insaan Pareshan hai'n, Musalman to zyada pareshan hai'n, Iski Vajah ye hai k Allah ke Nabi ï·º ne hume Khabar di k Allah Ta'ala ne farmaya jo Masjido ko Abaad karega Allah unke Gharo ko Abaad karega _,"*

*"★_Aur Jab Humne Masjido ko Abaad karna chhoda aur Sirf Juma vagera ki Namaz me chale gaye ya Kabhi kisi aur Namaz me aa gaye aur Masjido ko Abaad karna chhoda to Allah ne kya Nizaam chalaya, Jaha'n hamari Nazar nahi jati, Masjide Khali hona shuru hui to Allah ne Hospitalo ko Abaad kar diya, Hospital bharne shuru ho gaye, Bimariyo ki line lagi hui hai,*

        ✦─┄┅━═══ ✦═══━┅┄─
                   *✧_ PART-50 _✧*

✦✧✦✧✦✧✦✧✦✧✦✧✦✧✦✧✦
*❈_Hazrat Maulana Muhammad Ilyas Sahab Reh. Ka Dardo gam :-*

*"_ Hazrat Maulana Ilyas Sahab Reh. Ke Seene me ummat ka kitna Dardo gam tha usse mutalliq Chand baate Arz khidmat hai'n, Hazrat Maulana Ilyas Sahab Reh. ka qad 5 fit aur 6 inch tha, Zuban me luknat thi aur wazan 30 kilo tha, Hattaki Ummat ki fikr me ghulte ghulte Aapke jism ki khaal Haddiyo'n se lag gayi thi,*

*★"_ Aapke bare me suna hai k Aap Tanhaiyo'n me kasrat se rote they, Ummat ke liye Duae'n karte, Ek martaba kisi ne puchha k Hazrar Aap itna kyu rote hai'n? Farmaya koi kehta hai k mere Zimme dukandari hai koi kehta hai k mere Zimme karobaar hai koi kehta hai k mere Zimme kheti baadi hai, fir Agar log Yu'n hi kehte aur karte rahe to is Deen ki Mehnat ko kon karega ?( Kon Maqsade Nabvi ï·º me Apni jaan khapayega )*

*★_ Is per ek Allah Wale ka Malfooz yaad aa gaya k farmate they - Ek moqe per Aapne Dua karte hue irshad farmaya - Ey Allah! Agar Aapne Apne Nafarmano ke liye Jahannam ko Tay kar diya hai to Ey Allah Jaha'n ye baat likhi hai use Mita de _,"*

*★_ Ek moqe per farmaya k Tableeg me laakho log lage hue hai'n, Asal me Wo laga hua hai jise lagi hui hai aur lagi hui usko hai jo Logo'n ko lagane me laga hua hai aur Logo'n ko lagane me wo Shakhs laga hua hai Jisko Huzoor ï·º wala gam Naseeb Ho jaye aur ye gam use Naseeb hota hai jo Qurbani ke darjo me Aage se Aage badhta hai,*
       
        ─┄┅━═══ ✦═══━┅┄─
                   *✧_ PART-51 _✧*

✦✧✦✧✦✧✦✧✦✧✦✧✦✧✦✧✦
*❈_ Maulana per Ek Din esa bhi aaya k Ahle ilm kehne lage k Maulana ne ilm ko zaleel kar diya, Us Waqt Maulana Ilyas Sahab Reh. ne farmaya k - Haay Mera Habeeb to Abu Jahal ke paas baar baar ja kar Dawat deta tha fir Mai'n Musalmano ki Minnat kar ke kese zaleel ho sakta hu'n,*

*★"_ Hazrat Maulana Muhammad Ilyas Sahab Reh. Deen ki Tableeg ke Silsile me bahut bechain rehte, baaz Awqaat Aap is tarah tadap kar farmate mere Allah Mai'n kya karu'n kuchh hota nahi, Kabhi kabhi Deen ke is Dard aur is Fikr me Bistar per karwate badalte aur Bechaini badhti to uth uth kar tehalne lagte,*

*★_ Ek Raat Walida Maulana Muhammad Yusuf Sahab Kandhalvi ne Puchha k Aakhir kya baat hai k neend nahi aati ? Farmaya- Kya batlau'n Agar Tumko wo baat maloom ho jaye to jaagne wala ek na rahe do ho jaye'n,*

*★_ Ek martaba Dauraan Tableeg Hazrat Maulana Muhammad Ilyas Sahab Reh. ne Ek Shakhs ke kaandhe per haath rakh diya, Wo Aag babula ho gaya aur kehne laga k Agar Ab ke tumne haath rakha to Mai'n Lath maarunga, Maulana Muhammad Ilyas Sahab Reh. ne foran uske Paa'nv pakad liye aur farmaya- Paa'nv pakadne per maarne ka to nahi kaha tha, Uska gussa kafoor ho gaya aur Wo foran naram pad gaya,*

*★"_ Hazrat Maulana Ke daur me Jama'ate Aapse Musafa kar ke Allah ke Raaste me nikal rahi thi'n, To ek Mewati ne Maulana ke kaano me kaha - Are Molvi Ilyas ! Kal Raat ko meri Bachchi Ka inteqal ho gaya hai, Mai'n to Allah Ke Raaste me ja raha hu'n kisi ko janaze ke liye bhej dijiyega _,"*

        ─┄┅━═══ ✦═══━┅┄─
                   *✧_ PART-52 _✧*

✦✧✦✧✦✧✦✧✦✧✦✧✦✧✦✧✦
*❈_ Allah Apne Bande se muhabbat karta hai, Poori insaniyat ke Sabse bade Mohsin Hazrat Muhammad ï·º hai'n ، Kyu ? Isliye k unhone insaano ko Unki Zindgi ka maqsad bataya aur Kamyaabi ki raah batayi aur is kaam per Apna sab kuchh laga diya, Fir unke Baad fir unke baad sabse bada Mohsin wo hai jo Wohi kaam kare jo Allah ke Nabi ï·º kar ke gaye,*

*"★_ Roti khilana kisi ki Waqti zarurat ko poora karna hai, Pani pilana kisi ka Waqti zarurat ko poora karna hai, Kapda pehnana kisi ki Waqti zarurat ko poora karna hai, is per bhi Allah Ta'ala itne khush hote hai'n, farmaya k Ey mere bande ! Mujhe Roti ki zarurat thi tune mujhe Roti na khilayi, Mera fala Banda Jo Tumhare paas aaya tha Agar tum usko Roti khila dete to iska Ajar tum mujhse le lete Ese tha jese mere khazane me jama Kara diya,*

*★_Ey mere Bande ! Maine tumse Pani maa'nga tha tune Pani na pilaya, Banda kahega Ya Allah! Aap to Rabbul Aalameen hai'n, Farmaya- fala Banda jo pyasa aaya tha usko Pani pilata to esa tha jese tune mujhe Pani pilaya,* 

*★_ Ey Aadam ke bete ! Mai'n Bimaar hua tha tune Mera haal hi na Puchha, Allahu Akbar ! Musalman ka haal puchhna kitni badi baat hai, Wo kahega ya Allah AAP to har aib se paak hai'n, Allah farmayega - fala Banda Bimaar tha Agar Tu uska Haal puchh lete to esa tha jese tune Mera Haal puchha,*

*"★_ Ye Waqt Zarurat poori karne per Allah itne khush ho rahe hai'n, Zara Socho jab Nabi ï·º wala kaam karenge to kitne khush ho'nge _,"*
       
        ─┄┅━═══ ✦═══━┅┄─
                   *✧_ PART-53 _✧*

✦✧✦✧✦✧✦✧✦✧✦✧✦✧✦✧✦
*❈_ France me Ek Jama'at Paidal chal rahi thi to ek gaadi ruki aur usme se do Ladkiya'n nikli, Unhone jaldi se paise nikale k Ji Aap nek log lagte hai'n, ye paise hai'n, Aap log Sawaar ho jaye'n, Sardi bahut zyada hai, Wo paidal chal rahe they, Paidal Chalti hai'n Europe me Jama'ate,*

*★"_ Unhone kaha - Behan hamare paas paise hai'n, kaha fir paidal kyu chal rahe ho itni zyada Sardi me ? Kaha hum Logo'n ki khair khwahi me aur Allah paak ko Raazi karne ke liye chal rahe hai'n, Allah Apne Bando se Raazi ho jaye aur uske Bande Allah ki maanne wale ban jaye'n, isliye hum chal rahe hai'n aur unke liye Duae'n karte hai'n,*

*★"_ To ladki ne kaha - hamare liye bhi Dua karte ho ? Kaha - Haa'n Aapke liye bhi Dua karte hai'n, us ladki ne kaha - Mai'n batau'n Aap kon hai'n? Kaha - Batao! Kehne lagi Aap Nabi hai'n, Unhone kaha - Aapko kese pata chala k hum Nabi hai'n, Kaha - hamari kitaab me likha hai k ye kaam Nabi kiya karte hai'n,*

*★_To unhone Samjhaya k Behan hum Nabi nahi, Us Nabi ï·º ke Ummati hai'n Jo hamare Zimme Nabuwat wali zimmedari laga gaye they, Ab Mai'n ja raha hu'n Mera Paigaam aage Pahunchana Tumhare Zimme hai, To hum is kaam ki Adaygi ke liye nikle hue hai'n, To dono Ladkiya'n imaan le aayi'n, Ek ne unse Root puchha k fala din Kaha'n ho'nge, Ek hafte ke baad Aath Ladkiyo'n ko le kar aayi'n aur unko bhi imaan Mila,*

*★"_ To Bha'i Ye ummat Muballig E islam Ummat hai, Bha'i islam ka Failana Allah ke Nabi ï·º ne Aapke Zimme lagaya hai, Ye Jo Tableeg ka kaam ho raha hai, ye in teen baato ki mehnat hai k Allah ki maane, uske Nabi ï·º ki tarz per maane, Jisme ek poori zindgi hai, aur usko le kar poore Aalam me fire'n _,"*

        ✦─┄┅━═══ ✦═══━┅┄─
        *★• 🔜 54.in sha Allah ta'ala*, 
 ▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔
*📃 Admin ( Haqq Ka Daayi) Ki Diary-_,*
☞ *Allah Ke Paigam ko Duniya tak Pahunchana aur Apne Per Mehnat Karna Hamare Faraiz me Shamil He*,                           
              ⚀ *Talib e Dua*, 
             ⊙ *Haqq Ka Daayi*, 
   http://www.haqqkadaayi.com
http://haqqkadaayi.blogspot.com
👆🏻 *For all msgs Plz Visit*
https://chat.whatsapp.com/DVebQi8m0ex8pmUPCFetos
*👆🏻 What's app Per Mukammal Posts Ke Liye Link per Click Kijiye _,*
https://chat.whatsapp.com/KWYkxxfUvZDFTWSe9xOGNq
*👆🏻 What's app Per Sirf Roman Posts Ke Liye Link per Click Kijiye _,*
https://t.me/joinchat/AAAAAE4iv6-KBmJ1wsm1pg
*👆 Telegram Join kijiye _,*
https://www.youtube.com/c/HaqqKaDaayi01
*👆🏻Subscribe Our YouTube Channel*
▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔             

Post a Comment

 
Top