*✭ KHILAFAT E RASHIDA.✭*
*✿_ खिलाफते राशिदा _✿*
▪•═════••════•▪
*┱✿_ : * *"_ Khilafate Usmaniya Ka Agaaz_,*
★_ Hazrat Ali Raziyllahu Anhu aur Hazrat Usman Raziyllahu Anhu ne alag alag tanhayi me Hazrat Abdurrahman bin Auf Raziyllahu Anhu se iska iqraar Kar liya ( K Wo Jo Faisla karenge use Khushi Se qubool Kar lenge ), Hazrat Abdurrahman bin Auf Raziyllahu Anhu ne khilafat ki Bayt ke liye Hazrat Usman Raziyllahu Anhu ki taraf Haath badha diya, Unke Bayt Karte hi Hazrat Ali Raziyllahu Anhu ne foran Bayt Kar li ,
★_ Iske baad waha'n mojood Sabne Bayt Kar li, iske baad Aan Musalmano ki baari aayi, Log Hazrat Usman Raziyllahu Anhu se Bayt ke liye toot pade , is Tarah Hazrat Usman Raziyllahu Anhu Musalmano ke Teesre khalifa muntakhab ho gaye,
★_ Khilafat Ka elaan hone ke baad Hazrat Abdullah bin Umar Raziyllahu Anhu ne farmaya - Humne us Shakhs ko khalifa banaya hai Jo Ab zinda logo me Sabse Behtar Hai aur Humne isme koi Galti Nahi ki _,"
Hazrat Abdullah bin Masoud Raziyllahu Anhu ne Apne khutbe me farmaya - Jo log baqi reh gaye Hai'n... Humne un Sabse Behtar Shakhs ko Apna Ameer banaya hai aur Humne isme koi kotaahi Nahi ki _,"
Ye Alfaz Unhone Apne khutbe me Kai Baar dohraye , Yaha'n tak k Madina Munavvara se Koofa gaye to waha'n ke logo ko bhi inhi Alfaz me khutba diya ,
★_ Ye Bayt 23 Hijri ki Aakhri Shab me hui , Yani Yakam Muharram 24 Hijri Aapki khilafat Ka pehla Din tha, Khilafat Milne per Hazrat Usman Raziyllahu Anhu ne Musalmano ke Saamne ye khutba diya :-
"_ Ey logo ! Tum sab Haazir ho , Umar Ka Jo hissa baqi hai bas use Poora Karne wale ho , isliye Tum Jo zyada se zyada Neki Kar sakte ho Kar lo , Bas ye Samjho k maut ab aayi k ab aayi , bahar haal use Aana Zaroor hai , Khoob sun lo Duniya Ka taaro podi hi Marko fareb se Taiyaar hua hai , isliye mohtaat raho , Duniya ki Zindgi tumhe Dhoka na de Jaye aur Allah Ta'ala se tumhe gaafil na Kar de _,"
[10/29, 4:52 PM] Haqq Ka Daayi Official: ★_ Logo ! Jo log guzar gaye unse ibrat haasil Karo , Koshish Karte raho , Gaflat na barto Kyunki tumse Gaflat Nahi barti jayegi , Aaj Kaha'n Hai'n Wo log Jinhone Aakhirat per Duniya ko Tarjeeh Di thi , Unhone Duniya ko Abaad rakha tha aur ek muddat tak usse Lutf Andaz Hote rahe they, Kya Duniya ne Unhe Apne andar se nikaal Baahar nahi Kiya ? Tum Duniya ko us Muqaam per rakho Jis per Allah Ta'ala ne use rakha hai aur Aakhirat ki talab Karo ... Allah Ta'ala ne Duniya ki aur Jo cheez Behtar Hai uski misaal Yu'n Bayan farmayi Hai :-
"_ ( Tarjuma ) Ey Paigambar! Aap Logo ko bata dijiye k Duniya ki Zindgi ki misaal us Pani jesi hai jise hum Aasmaan se Naazil Karte Hai'n _," ( Surah Kahaf)
★_ Hazrat Umar Raziyllahu Anhu ke daur me jo Futuhaat ka Silsila shuru hua tha, Hazrat Usman Raziyllahu Anhu ne us Silsile ko jaari rakha, is Tarah unke Daur me Mazeed Futuhaat hui'n, Jo Futuhaat na Mukammal reh gayi Thi Wo Mukammal hui _, Hazrat Umar Raziyllahu Anhu ke daur me koi bahri Jung nahi hui thi, Hazrat Usman Raziyllahu Anhu Pehle khalifa Hai'n Jinhone Samundar me bhi Jung Ka Agaaz Kiya ,
★_ Iskandriya us Daur me Misr Ka Darul Hukumat tha, Romi Badshaah ki taraf se Iskandriya me governor muqarrar tha Uska Naam Maquqas tha , Hazrat Umar Raziyllahu Anhu ke daur me jab Hazrat Amru bin Aas Raziyllahu Anhu ne Misr Fateh Kiya to us Waqt Maquqas Suleh Karna Chahta tha Lekin Shara'it Tay na ho saki , isliye Jung hui aur Iskandriya Fateh ho gaya,
[10/31, 5:03 PM] Haqq Ka Daayi Official: ★_ Misr Ka doosra Shehar Fastaat Pehle hi Fateh ho chuka tha, (Aaj kal is Shehar Ka Naam Qahira hai ) , Qaisare Rom in Futuhaat ki vajah se bahut Gusse me tha Lekin moqe ki Talash me tha , Ab hua ye k Hazrat Umar Raziyllahu Anhu ki Shahadat ke baad Hazrat Usman Raziyllahu Anhu ne Misr se Hazrat Amru bin Aas Raziyllahu Anhu ko waapas bula liya , Unki Jagah Abdullah bin Sa'ad bin Abi Sarah ko governor muqarrar Kar diya ,
★_ Is Tabdeeli ki vajah se Romi Badshaah ne socha, Ab moqa Achchha hai , Usne 300 Jahazo Ka Bahri beda rawana Kiya , Uska Salaar Menual muqarrar Kiya gaya tha, Musalman is Achanak hamle ke liye Taiyaar nahi they , Muqabla to hua Lekin shikasht kha gaye aur Badi tadad me Shahadat hui , is Tarah Iskandriya per Romiyo Ka Qabza ho gaya, Ye Waqi'a Hazrat Usman Raziyllahu Anhu ki khilafat ke doosre Saal 25 Hijri me hua,
★_ Hazrat Usman Raziyllahu Anhu ko ittela mili to Aapne Hazrat Amru bin Aas Raziyllahu Anhu ko fir se unke Ohde per muqarrar Kar diya aur Unhe Hukm diya k Iskandriya ki taraf pesh qadmi Kare'n_, Hazrat Amru bin Aas Raziyllahu Anhu islami Lashkar ko le Kar Iskandriya ki taraf bade , Nakui ke Muqaam per Dono Lashkaro Ka muqabla hua , Hazrat Amru bin Aas Raziyllahu Anhu ne Zabardast hamla Kiya , Dushman is hamle ki taab na saka aur Paspa hone per majboor ho gaya, Use Zabardast Jaani maali nuqsaan uthana pada , Is Tarah Musalman fir Iskandriya per qaabiz ho gaye,
★_ Hazrat Usman Raziyllahu Anhu ne Abdullah bin Abi Sarah ko hukm bheja k Tyunas ki taraf pesh qadmi Kare'n, Unhone Tunas per hamla Kiya Magar Kamyaab na ho sake , Ab Hazrat Usman Raziyllahu Anhu ne Hazrat Hasan , Hazrat Husain , Hazrat Abdullah bin Umar, Hazrat Amru bin Aas, Hazrat Abdullah bin Jaafar aur Hazrat Abdullah bin Zuber Raziyllahu Anhum Jese bade bade Sahaba ko Abdullah bin Sarah ki madad ke liye bheja ,
[11/1, 8:38 PM] Haqq Ka Daayi Official: ★_ Abdullah bin Sarah in Sab Hazraat ko le Kar Aage bade , Romiyo Ka lashkar muqable per Saamne Aaya Lekin Usne Shikasht Khayi , islami Lashkar Aage bada to Romiyo ke Ek Laakh Bees Hazaar ke lashkar ne Tunas ke Muqaam per hamla Kiya, Aakhir Romiyo ko shikasht hui aur Tunas per Musalmano Ka Qabza ho gaya aur betahasha maale ganimat Haath Aaya,
★_ Tunas ki is Azeemush shaan Fateh ke baad Abdullah bin Abi Sarah Shumali Africa ki taraf bade , Unhone Magrib se mashrik ki taraf pesh qadmi jaari rakhi, Raaste me Jo Shehar ya Qile milte Fateh karte chale gaye, is Tarah Al Jaza'ir Fateh ho gaya Yaha'n tak k Jable Taariq pahunch gaye , is Tarah Misr se le Kar Marakish tak khilafate Usmani Ka parcham lehrane laga , Romi Faujo Ka Yaha'n se Mukammal safaya ho gaya,
★_ Marakish ki Fateh ke baad Spain ki taraf pesh qadmi Asaan ho gayi, 27 Hijri me Hazrat Usman Raziyllahu Anhu ne Abdullah bin Naafe bin Husain aur Abdullah bin Naafe bin Abdul Qais ko Likha k tum Dono Undulus ki taraf pesh qadmi Karo _," is morqe per bhi Musalmano ko Fateh haasil hui aur ye Kamyaabi Bahut badi thi, isse Musalmano ki Shano Shokat aur Taaqat me Bahut izaafa hua ,
★_ Hazrat Mu'awiya Raziyllahu Anhu Shaam Ke governor they , Unhone Hazrat Usman Raziyllahu Anhu se Qubrus per Hamle ki ijazat chahi , Ijazat milte hi Unhone Qubrus per hamla Kar diya Qubrus ke bashindo ne 7 Hazaar Salana per Suleh ki , Ye Suleh Kai Saal tak jaari rahi , 32 Hijri me Qubrus walo ne Romiyo ki madad Kar ke Mu'ahide ki khilaf varzi ki , is per Hazrat Mu'awiya Raziyllahu Anhu ne un per Hamla Kiya aur Qubrus Fateh Kar Ke use nayi Abaadi bana diya,
╨─────────────────────❥
[11/3, 7:01 AM] Haqq Ka Daayi Official: *"_ Jazira Roads Saqliya _,*
★_ Qubrus ki Fateh Bahri Jungo me Musalmano ki Pehli Fateh thi aur Ye Pehla Jazira tha Jo islami Hukumat me Shamil hua , Hazrat Mu'awiya Raziyllahu Anhu aur Abdullah bin Abi Sarah Dono Tareekhe islam me Pehle Ameer Al Bahar Hai'n, Bahri bede ki shandaar qayadat inka Azeem Karnaama hai ,
★_ Qubrus ki Fateh ke doosre Saal Jazira Ardaad Fateh hua , Ye QustunTuniya ke qareeb Samundar me Ek Jazira hai , iske alawa Jazira Roads bhi Fateh hua , Ye Aham Jazira tha , iske bare me Khud Hazrat Ameer Mu'awiya Raziyllahu Anhu ne Hazrat Usman Raziyllahu Anhu ko in Alfaz me khat Likha :- "_ Samandar ( Bahira Rom) me Ek aur Jazira hai , Uska Naam Roads hai , use bhi Fateh Karne ki ijazat di Jaye _,"
★_ Hazrat Usman Raziyllahu Anhu ne Majlise Shura se Mashwara kar ke ijazat de di, Ijazat milte hi Ameer Mu'awiya Raziyllahu Anhu Bahri beda le Kar rawana hue , Jazira Roads ke logo ne Samandar me Musalmano Ka muqabla Kiya , Nihayat Sakht Jung hui , Yaha'n maale ganimat to Bahut Mila Lekin Abaadi nahi Mili , Roads ke Jo log Jung se Bach Gaye they Unhone bhi khudkushi Kar li , Jazira Agarche Fateh ho gaya tha lekin Veeran tha ,
★_Aakhir Hazrat Mu'awiya Raziyllahu Anhu ne Apne Daur me is Jazire ko Abaad Kiya , Waha'n Musalmano ko basaya , Unke liye Masjide tameer ki , is Tarah ye Jazira Musalmano ke liye ek mazboot chhavni ban gaya , Bahira Rom ke darmiyaan me Ek Jazira Saqliya hai , Islam Se Pehle Duniya ki badi hukumate is Jazire ke liye ladti rahi , Hazrat Mu'awiya Raziyllahu Anhu ne Teen so Kadiyo'n Ka beda le Kar rawana hue , Yaha'n ke Badshaah ne Suleh ki pesh kash ki leki koi Baat Tay na ho saki , Aakhir Jung shuru hui , Lekin Baaz Khofnaak ittelaat ke peshe Nazar islami Bahri bede ko Saqliya ko Fateh kiye bager Pichhe aa Jana pada ,
[11/3, 8:57 PM] Haqq Ka Daayi Official: ★_ Romi Saltnat ke Bahri Markaz bhi jab unke Haatho se nikalne lage to Qaisare Rom Hirakkal 34 Hijri me Ek Azeem Bahri bede ke Saath Musalmano per Hamle ki niyat se rawana hua , Uska Bahri beda Ek hazaar Kashtiyo per Mushtamil tha , Ye Tamaam Jahaz Aslaha aur Jungi Saazo Samaan se lade hue they ,
★_ Hazrat Usman Raziyllahu Anhu ko jab ye ittela mili to unhone foran Hazrat Ameer Mu'awiya Raziyllahu Anhu ko Likha - Tumhare Paas Jo Shaami Lashkar hai , Use le Kar Romiyo ke muqable ke liye rawana ho jao _,,"
Hazrat Mu'awiya Raziyllahu Anhu us Waqt Poore Shaam ke governor they , Unke alawa Hazrat Usman Raziyllahu Anhu ne Misr ke Governor Abdullah bin Abi Sarah ko hukm bheja k Tum Misr Ka lashkar le Kar Samandar me utro _,"
★_ Ek Teesra khat Hazrat Usman Raziyllahu Anhu ne Hazrat Amru bin Aas Raziyllahu Anhu ko bhi likha k Tum Dono Lashkaro ki madad Karo _,"
In Ahkamaat ke mutabiq Misr aur Shaam ki Fauje bade Saazo Samaan ke Saath Pehle Akka pahunchi , Waha'n se Islami behriya ki ye Dono namoor Commander Hazrat Mu'awiya Raziyllahu Anhu aur Abdullah bin Abi Sarah Paanch so Jahazo Ka beda le Kar Samundar me utre ,
★_ Islami Fauj Samundar me utri hi thi k Qaisare Rom Ka Jungi beda Saamne aa gaya, Us Waqt Hawa Bahut tez chal rahi thi, Islami lashkar ne Saamne Dekha to Qaisare Rom Ka Azeemush shaan lashkar Kaali Ghata ki Tarah khada Nazar Aaya , Samundar bhi pur Sukoon nahi tha , Mauje uthti Nazar aa rahi thi , Musalman ye dekh Kar Allah Ke Huzoor gidgidane lage , Duae'n Karne lage , Us Poori Raat Musalman ibaadat Karte rahe Jabki Doosri Taraf Romi lashkar Tamaam Raat Sharaab noshi aur gaane bajane me masroof raha,
[11/3, 7:02 AM] Haqq Ka Daayi Official:
╨─────────────────────❥
*"_ Bilkhayr Ke Shaheed _,*
★_Hazrat Usman Raziyallahu Anhu ke daure khilafat ke 12 saalo me Maraqis se le kar Kaabul tak islami Hukumat qaaim ho gayi, Poora Faaras, Khurasaan, Siyastaan aur iraan ki Badshahat ka khatma hua,
★_ Salman bin Rabi'a Apni iraaqi fauj ke saath aage badhe, Raaste me jitne chhote mote qile ya shehar aate gaye , ye un sabko fateh karte gaye, Yaha'n tak k Bilkhayr naami Shehar tak pahunch gaye, in ilaaqo ka Badshah Khaqaan naami shakhs tha , Wo musalmano ke muqale me teen laakh fauj le aaya aur musalman das hazaar they ,
★_ Teen laakh ka Das hazaar se koi muqabla nahi tha , Fir bhi musalmano ne zindgi per Shahadat ko tarjeeh di , Sabke sab badi bejigri se lade , is qadar saabit qadmi dikhayi k ladte ladte sabke sab Shaheed ho gaye, in sabki qabre Aaj bhi Bilkhayr me mojood hai'n ,
★_ Hazrat Usman Raziyallahu Anhu ko jab is waqie ka ilm hua to Aap bahut gamgeen ho gaye, Aapki bechaini me neend ud gayi,
╨─────────────────────❥
: *"_ Saazish ki ibtida _,*
★_ Hazrat Usman Raziyallahu Anhu ki khilafat me beshumar futuhaat hui , islami mumlikat ko zabardast wusat haasil hui , Daulat bhi betahasha aayi , Lekin Aapki khilafat ke Aakhri chand saal zabardast pareshaniyo me guzre, Saazish karne walo ne fitne ka bazaar garam kar diya,
★_ Musalmano me munafiqo ka ek giroh shuru se chala aa raha tha, Allah ta'ala ne qurane Kareen me in logo se khabardaar farmaya hai, Ye log Aan'Hazrat Sallahu Alaihi wasallam ke zamane me bhi Saazishe karte rehte they, Lekin us waqt unki daal nahi galti thi ,
★_ Hazrat Abu Bakar Siddiq Raziyallahu Anhu ke zamane me ye log achanak uth khade hue , Ye Teen tarah ke log they , Nsbuwat ka Daava karne wale , Murtad yani islsm se nikal jane wale aur Zakaat ka inkaar karne wale,
★_ Hazrat Abu Bakar Siddiq Raziyallahu Anhu ne foran inke khilaf lashkar kashi ki aur Kaamyaabi se inka khaatma kiya , Aapki Kaamyaabi per Hazrat Abu Huraira Raziyallahu Anhu ne ye Jumla kaha - Agar Abu Bakar na hote to Zameen per Allah ta'ala ki ibaadat karne wala koi na hota _,"
[11/5, 7:54 PM] Haqq Ka Daayi Official: ★_ Hazrat Abu Bakar Siddiq Raziyallahu Anhu ke baad Hazrat Umar Raziyallahu Anhu ka daur aaya, Saazishi giroh moqe ki talash me raha aur Aakhir is giroh ki Saazish se Hazrat Umar Raziyallahu Anhu ko shaheed kar diya gaya , Shahadat se pehle khud Hazrat Umar Raziyallahu Anhu ne ye khayal zaahir farmaya tha k un per Hamla ek Saazish ke tahat hua hai,
★_ In waqiaat se saaf zaahir hai k Saazishi Anasir pehle se kaam kar rahe they , Ab Hazrat Usman Raziyallahu Anhu ke zamane me unhone aur zor pakad liya , Teeno khulfa ke daur me jo futuhaat hui , un futuhaat ke natije me beshumar gair muslim to musalman ho gaye aur Pakke Sachche Musalman hue they ,
★_Lekin in logo ki badi tadaad gair muslim hi thi , Ye log Jizya dene wale they ya fir gulam they, Bahut se sirf zaahiri tor per musalman hue they, Ye logo ko bhadkane ka kaam karte they ,
★_ Hazrat Usman Raziyallahu Anhu ke khilaaf Saazish karne walo me sabse Aham naam Abdullah bin Saba ka hai , Ye Asal Saazish karne wala tha , YE Shakhs Yahoodi tha, Yaman ka Badshah tha , Isne Hazrat Usman Raziyallahu Anhu ke daur hi me musalman hone ka elaan kiya tha , iska ye elaan dar asal is Saazish ka Agaaz tha, Musalman hone ka elaan karne ke baad ye Musalmano me Apne Ajeebo gareeb khayalaat failane laga,
[11/8, 9:46 PM] Haqq Ka Daayi Official: ★_ Abdullah bin Saba kehta - Ek waqt aayega jab Aan Hazrat Sallallahu alaihi wasallam ka fir Duniya me Zahoor hoga , Yani Aap Sallallahu alaihi wasallam fir Duniya me aayenge , kyunki ye kese ho sakta hai k Hazrat Iysa to dobara duniya me aaye aur Aan Hazrat Sallallahu alaihi wasallam na aaye'n ?
Uska ye bhi kehna tha - Hazrat Ali ki zaat me Allah ta'ala mojood hai ( Na'uzubillah )_,
★_ iske alawa usne Hazrat Usman Raziyallahu Anhu ki khilafat ke khilaf bhi baate shuru kar di , Wo kehta tha - Khilafat ke haqdaar to Ali they ,.. unke hote hue Hazrat Usman ko Khilafat ka koi haq nahi pahunchta _,"
Hazrat Usman Raziyallahu Anhu ki khilafat per aur bhi kai tarah ke aitrazaat karta tha, Lekin ye saara kaam wo khufiya tor per karta tha, Elaniya tor per nahi karta tha,
★_ is silsile me ye Sabse Pehle Hijaaz gaya fir koofa aur Basra gaya , uske baad Damishk pahuncha, Damishk me logo ne uske khayalaat sune to use Damishk se nikaal diya , Ab usne misr ka rukh kiya, Misr me use kaamyaabi hone lagi , Uske giroh ne ba qayda Saazishe shuru ki,
★_ Hazrat Usman Raziyallahu Anhu ke khilaaf Saazish karne walo me se ek giroh khaarji tha , Ye Khaarji log bhi Abdullah bin Saba ki qism ke log they , Hazrat Usman Raziyallahu Anhu aur Hazrat Ali Raziyallahu Anhu dono ke khilaf they , inka kaam bhi Saazish karna tha,
[11/8, 10:15 PM] Haqq Ka Daayi Official: ★_ Saazish karne wale Baagiyo me kuchh log wo they Jinhone Hazrat Usman Raziyallahu Anhu se Apne liye koi Ohda talab kiya , Lekin Aapne unhe Ohda nahi diya to ese log bhi Saazishiyo ka saath dene lage they, kuchh wo log they Jinhe Hazrat Usman Raziyallahu Anhu ne Kisi zurm per koi saza di thi , is qism ke logo ko jab maloom hua k un jese log Misr me Jama ho rahe Hai'n to wo bhi waha pahunch gaye , is tarah Misr in logo ki Saazisho ka Markaz ban gaya,
★_ Saazish karne walo me numaya Naam ye they - Jundub bin Kaab, Sa'asa bin hunabi aur Ameer bin Hunabi, Ye log Koofe ke rehne wale they , Ye log Koofa me nit nayi Sharaarte karte rehte they, Shar aur Fitna failana inka kaam tha, Koofa ke log inse bahut tang they , Logo unki shikayat Hazrat Usman Raziyallahu Anhu se ki aur Darkhwast ki unhe Koofa se nikaal diya jaye , Hazrat Usman Raziyallahu Anhu ne unhe Koofa se nikaal kar Shaam bhijwa diya , Waha'n Hazrat Ameer Mu'awiya Raziyallahu Anhu governor they,
★_ Is qism ke sab logo ne mil kar pehle afwahe failayi , Fir dabi zabaan me aitrazaat shuru kiye , Jab inka giroh bada ho gaya to ye log khullam khulla aitrazaat karne lage , in aitrazaat ka charcha karne lage , in logo ke bade bade aitrazaat ye they -
1_Hazrat Usman Raziyallahu Anhu ne Akaabire Sahaba ko mazool kar ke Apne Azeezo aur Rishtedaro ko Ohdo per muqarrar kar diya hai ,
2_ Apne Ohde Daaro ki bad unwaniyo per unhe kuchh nahi kehte ,
3_ Hakam bin Aas Raziyallahu Anhu Hazrat Usman Raziyallahu Anhu ke Chacha they , Unse koi raaz zaahir karne ka jurm sarzad ho gaya tha, us Jurm ki saza ke tor per Aan Hazrat Sallallahu alaihi wasallam ne unhe Madina Munawwara se jala watan kar ke Taa'if bhej diya tha , Lekin Hazrat Usman Raziyallahu Anhu ne unhe Waapas Madina bula liya aur un per inaam v ikraam ki baarish kar di,
╨─────────────────────❥
[11/10, 9:46 PM] Haqq Ka Daayi Official: *"_ Aitrazaat Ke Jawabaat _,*
★_ 4_ Abdullah bin Saad bin Abi Sarah Hazrat Usman Raziyallahu Anhu ke Doodh shareek bhai they , ye Fateh Makka se pehle Islam laye , Aan Hazrat Sallallahu alaihi wasallam ne unhe Wahi ki kitaabat supurd farmayi , Lekin ye Quran me Tehreef karne laga aur Murtad ho gaya, Fateh Makka ke moqe per Aan Hazrat Sallallahu alaihi wasallam ne use qatl karne ka hukm farmaya, Lekin Hazrat Usman Raziyallahu Anhu ne Sifarish kar ke uski jaan bakhshi karayi , baad me ye dobara islsm le aaya aur Hazrat Usman Raziyallahu Anhu khalifa muqarrar hue to use Misr ka governor Bana Diya ,
★_5 _ Hazrat Usman Raziyallahu Anhu Baitul maal se Apne Khandaan Bani Umayya ke logo ko badi badi raqame Bager kisi Shara'i haq ke inaam me de dete Hai'n,
In bade ilzamaat ke alawa ka'i ilzamaat aur hai'n lekin wo aitrazaat fiqhi qism ke they, maslan Hazrat Usman Raziyallahu Anhu Mina me Qasar namaz ke bajaye Chaar raka'ate padhte hai'n, .. vagera ..,
Hazrat Usman Raziyallahu Anhu tak ye aitrazaat pahunche to Aapne tamaam aitrazaat ke waaze jawabaat irshad farmaye,
★_ Pehla aitraz ye tha k Aapne bade bade Sahaba ko mazool kar ke Apne Azeezo ko aur Rishtedaro ko un Ohdo per faa'iz kiya , Hazrat Amru bin Aas Raziyallahu Anhu Misr ke governor they, Hazrat Umar Raziyallahu Anhu ko unse shikayat rahi k Misr bahut Sarsabz Shadaab ilaaqa hai, Zarkhaiz mulk hai Uska Kharaj jitna hona chahiye utna nahi aa raha hai, Hazrat Usman Raziyallahu Anhu Khalifa hue ti Aapko bhi ye shikayat paida hui, Aapne Hazrat Amru bin Aas Raziyallahu Anhu ko is taraf Tavajjo dilayi lekin Kharaaj fir bhi zyada na hua, is per Hazrat Usman Raziyallahu Anhu ne Hazrat Amru bin Aas Raziyallahu Anhu ko Misr se mazool kar diya aur unki jagah Abdullah bin Saad bin Abi Sarah ko muqarrar kar diya,
[11/11, 6:44 PM] Haqq Ka Daayi Official: ★_ Doosra aitraza ye tha k Hazrat Usman Raziyallahu Anhu ne Hazrat Abu Bakar Siddiq Raziyallahu Anhu aur Hazrat Umar Raziyallahu Anhu ke tareeqe se hat kar Shumali Africa ke maale ganimat Ke Khums ka Khums ( 5 va hissa ) Abdullah bin Saad ko Bator inaam de diya Jiska unhe koi haq nahi pahunchta , Yani maale ganimat ki ye taqseem Quran, Hazrat Abu Bakar aur Hazrat Umar Raziyallahu Anhum ke hukm ke khilaaf hai ,
★_ is Aitraz ka jawab mulahiza farmaye'n :- Abdullah bin Saad bin Abi Sarah Fateh Makka se pehle islam laya tha Lekin Murtad ho gaya tha, Fateh Makka ke moqe per Aan Hazrat Sallallahu alaihi wasallam ne Jin Chaar Afraad ko qatl ka hukm saadir farmaya tha unme ek ye bhi tha , Lekin Hazrat Usman Raziyallahu Anhu use le kar Aap ﷺ ki khidmat me haazir hue to usne Tauba ki, Naye sire se islam qubool kiya, is tarah unki jaan bakhshi ho gayi,
★_ Is shakhs ko Hazrar Usman Raziyallahu Anhu ne Misr ka governor muqarrar nahi kiya tha balki Hazrat Umar Raziyallahu Anhu ke daur me bhi ye Misr ke balaayi hisse ka governor tha, Us waqt Misr ke do hisse they, Balaayi hisse ka governor ye tha aur zeri hisse ke governor Hazrat Amru bin Aas Raziyallahu Anhu they, Jab Kam Kharaaj ka masla paida hua to Hazrat Usman Raziyallahu Anhu ne Hazrat Amru bin Aas Raziyallahu Anhu ko mazool kiya to use Misr ke baqi hisse ki governori bhi soa'np di ,
★_ Ab is poore maamle me Hazrat Usman Raziyallahu Anhu per is aitraz ki bhala kya gunzaish hai, Hazrat Usman Raziyallahu Anhu ek Murtad ko Aan Hazrat ﷺ ki khidmat me laye aur usne islam qubool kiya, ye to bahut bada Neki ka kaam hai k ek Murtad ko islam ki taraf le aaya jaye, Tauba karne se islam saabqa gunaah maaf kar deta hai ya nahi ?
[11/12, 10:17 PM] Haqq Ka Daayi Official: ★_ Islam ki tareekh me esi beshumar misaale mojood hai'n, beshumar logo ne islam se dushmani me koi kasar utha nahi rakhi , musalmano per tarah tarah ke zulm dhaye lekin jab wo log islam le aaye musalman ho gaye to unke sab gunaah maaf ho gaye aur, iski misaal Hazrat Abu Bakar Siddiq Raziyallahu Anhu ke daur me mulahiza farmaye'n :-
★_ Ash'as bin Qais ne nabuwat ka Daava kiya, Hazrat Abu Bakar Siddiq Raziyallahu Anhu ne jab Murtado ke khilaf Jung shuru ki to ye giraftar hua , Use Hazrat Abu Bakar Siddiq Raziyallahu Anhu ke saamne pesh kiya gaya, Aapne na sirf use maaf kar diya, balki Apni behan Umme Farwa ka nikah bhi uske saath kar diya,
★_ Isi tarah Abdullah bin Saad ko maafi mili, Hazrat Umar Raziyallahu Anhu ke zamane me use Misr ke ek hisse ka governor muqarrar kiya yani governor ke ohde per to pehle hi tha, Hazrat Usman Raziyallahu Anhu ne to sirf itna kiya tha k Hazrat Amru bin Aas Raziyallahu Anhu ki mazooli ke baad use Saare misr ka governor muqarrar kar diya tha aur ye baat bhi saabit hai k usme Salahiyate mojood thi, Usne Bahri junge ladi, Ab Agar ye Shakhs Hazrat Usman Raziyallahu Anhu ka Rishtedar tha to kya is buniyad per uski Salahiyato se fayda nahi uthaya ja sakta tha,
★_ Doosra aitraza ye tha k Maale ganimat ke Paanchve hisse ka Paanchva hissa Bator inaam Hazrat Usman Raziyallahu Anhu ne use de diya, iski tafseel ye hai k Africa ko fateh karna us waqt mushkil tareen muhim thi, Hazrat Usman Raziyallahu Anhu ne hausla Afzaa'i ke liye Abdullah bin Saad se vaada kiya tha k Africa fateh ho gaya to mai'n maale ganimat ke Khums ka Khums tumhe dunga , Chunache Africa ki fateh ke baad Abdullah bin Saad ne ye hissa maale ganimat se apne paas rakh liya aur baqi Medina Munawwara bhej diya, Jab logo ne is per aitrazaat kiye to Hazrat Usman Raziyallahu Anhu ne jawab me farmaya - Abdullah bin Saad ne jo kuchh Kiya wo mere hukm se kiya hai lekin Agar Aap logo ko is per aitraz hai to Mai'n ye maal waapas le lunga _,"
★_ Chunache Aapne Abdullah bin Saad ko is bare me likha , Usne maale ganimat ka wo hissa waapas kar diya, ( dekhiye Tareekh Tibri -2/ 253)
[11/13, 8:25 AM] Haqq Ka Daayi Official: ★_ Ab gor kijiye is waqie me Hazrat Usman Raziyallahu Anhu per aitraz wali koi baat ?
Aan Hazrat Sallahu Alaihi wasallam se iski misaal mulahiza farmaye'n - Hazrat Usman Raziyallahu Anhu Gazwa Badar me shareek na ho sake, Unki Joza Mohatrama shadeed bimaar thi, Aan Hazrat Sallallahu Alaihi wasallam ne unhe Maale ganimat se ek mujahid ka poora hissa ata farmaya, is misaal ke hote hue kya un logo ko Hazrat Usman Raziyallahu Anhu per is aitraz ka koi haq tha ? Hargiz nahi, iske bavjood jab logo ne aitraz kiya to Aapne wo Raqam waapas le li aur Baitul maal me jama kara di,
★_ Doosra ilzam ye laga k Aapne bade bade Sahaba ko mazool kar ke Apne Rishtedaro ko un Ohdo per muqarrar kar diya, iska jawab mulahiza farmaye'n -
"_ 24 Hijri me Hazrat Usman Raziyallahu Anhu ne mugira bin Shoba ko koofe ki governori se mazool kar ke waha Hazrat Saad bin Abi waqaas Raziyallahu Anhu ko muqarrar farmaya, Lekin do saal baad hi halaat kuchh ese paida hue k Aapne Hazrat Saad bin Abi waqaas Raziyallahu Anhu ko bhi Ohde se hata diya aur unki jagah Banu Umayya ke ek Nojawan Waleed bin Uqba ko koofe ka governor muqarrar kar diya,
★_ Aitraz karne walo ne is per Do tarah ke aitraz kiye, Ek ye k Jaldi Jaldi governoro ko mazool karna intezami mamlaat me nakaami ki daleel hai, Doosre ye k Jaleelul Qadr Sahabi ko mazool kar ke unki jagah Apne Khandaan ke ek Nojawan ko muqarrar kiya , in dono aitrazaat ke jawabaat mulahiza farmaye'n :-
★_ Koofa aur Basra in dono Shehro ke log Ajeeb mizaaj ke log they, Shikayat per Shikayat karte rehna inki aadat thi, in dono Shehro ke halaat Hazrat Umar Raziyallahu Anhu ke daur se hi kharab chaie aa rahe they, Jo Shakhs bhi Yaha'n governor ban kar aata ye kuchh din to unki ita'at karte fir kisi na kisi bahane se uske khilaf aitraz shuru kar dete, ye goya in logo ka shoq tha, Hazrat Umar Raziyallahu Anhu tak inse tang aa gaye they, Ek martaba to Aapne nihayat gusse me aa kar farmaya tha -
"_ Allah panaah me rakhe ! Koofe ke log bhi Ajeebo gareeb log hai'n, Agar in per koi mazboot haakim muqarrar karta hu'n to ye log usme Keede nikaalne lagte hai'n aur agar kisi Kamzor ko haakim banata hu'n to ye use zaleel karte hai'n_,"
[11/14, 10:19 PM] Haqq Ka Daayi Official: ★_ Koofa ki tarah Basra ka haal bhi esa hi tha, Chunache Jis zamane me Mugira bin Shoba yaha'n ke governor they us waqt bhi Yaha'n ke logo ne un per zina ka ilzaam laga diya, Unhone Hazrat Umar Raziyallahu Anhu tak ye muqadma pahunchaya lekin Hazrat Umar Raziyallahu Anhu ne ye Shikayat pakad li thi, iske bavjood intezami mamlaat ki vajah se Aapne Mugira bin Shoba ko Waha'n se hata diya,
★_ Matlab ye tha k Hazrat Umar Raziyallahu Anhu un logo se naraaz they, Aapne Mugira bin Shoba ki jagah Hazrat Abu Moosa Ash'ari Raziyallahu Anhu ko governor muqarrar karne ka iraada farmya to unse kaha - Abu Moosa ! Mai'n tumhe ek ese Shehar ka governor Bana kar bhejna chahta hu'n Jahan's Shaitan ne gh'onsla Bana rakha hai ,
★_ in waqiaat se maloom hua k Hazrat Usman Raziyallahu Anhu ka kya zikr hai Koofa aur Basra ke halaat to Hazrat Umar Raziyallahu Anhu ke zamane se kharab chale aa rahe they k koi governor Waha'n zyada dino tak nahi reh sakta tha, isi buniyad per Hazrat Umar Raziyallahu Anhu tak mazboor they k jald se jald governor tabdeel Kare'n , Agar Hazrat Usman Raziyallahu Anhu ko esa karna pada to isme aitraz wali konsi baat hai ,
★_ Aapne Waleed bin Uqba ko Waha'n ka governor muqarrar kiya isliye k Ye Bahut Sakht mizaaj they, Ye Hazrat Usman Raziyallahu Anhu ke Maa'n Shareek Bhai they, Jis Din Makka Fateh hua us Roz islsm laye, Aan Hazrat ﷺ ne inhe hi Bani Mustalaq ke Sadqaat ka incharge bana kar bheja tha , Bahut Soojh boojh wale they, iraade ke pakke they, inki inhi khoobiyo ki vajah se Hazrat Umar Raziyallahu Anhu ne bhi inhe Jaziratul Arab ka A'ala Afsar muqarrar kiya tha, Ab Agar Hazrat Usman Raziyallahu Anhu ne inhe koofa ka governor muqarrar kiya to ilzaam lagaya gaya k Aapne Apne qareebi Rishtedaro ko ohde diye , Kis tarah durust ho sakta hai ?
[11/15, 6:21 PM] Haqq Ka Daayi Official: ★_ Ab Hakam bin Aas ke bare me bhi padh lijiye , Ye Haszat Usman Raziyallahu Anhu ke Chacha they, Fateh Makka ke moqe per musalman hue aur Madina Munawwara me rehne lage, inke bare me Aan Hazrat ﷺ ko maloom hua k .,..... Ye baat ko raaz nahi rakh sakte, Raaz ki baato ko bayan kar dete hain, isliye Aan Hazrat ﷺ ne inhe Taa'if bhej diya, Hazrat Umar Raziyallahu Anhu ki khilafat tak ye wahi'n rahe, Hazrat Usman Raziyallahu Anhu Khalifa hue to inhe Madina waapas bula liya, Ye Aakhir Umar me Nabeena ho gaye they,
★_ is per aitraz kiya jata hai k Jis Shakhs ko Aan Hazrat ﷺ ne Madina Munawwara se Taa'if jaja watan kar diya tha, Use Hazrat Usman Raziyallahu Anhu ne waapas Madina bula liya, isme bhala aitraaz ki kya baat thi, Aan Hazrat ﷺ ki wafaat ke baad Aap ﷺ ka konsa raaz faash kar sakte they bhala, un per ilzam to yahi tha k wo Aan Hazrat ﷺ ke raaz faash kar diya karte they,
★_ Ek ilzaam ye tha k Hazrat Usman Raziyallahu Anhu Apne Rishtedaro ko Baitul maal se badi badi raqame aur jaagire Bator inaam de dete Hai'n, is silsile me Abdullah bin Saad ko maale ganimat ke Paanchve hisse ka Paanchva hissa dene ka ilzaam lagaya tha, iska jawab pehle aa chuka hai k un logo ke aitraz karne per Aapne wo maal unse waapas le kar Baitul maal me jama kara diya tha,
★_ Marwan bin Hakam ke bare me ilzaam lagaya gaya tha k Hazrat Usman Raziyallahu Anhu ne unhe Africa ke maale ganimat ka Paanchva hissa diya lekin tareekh ki rivayaat is baat ko galat qaraar deti hai'n , Mashhoor tareen Mo'rakh ibne Khaldun ne likha hai k wo hissa Marwan bin Hakam ne Paanch laakh dinaar me khareed liya tha, baaz log jo kehte Hai'n k Hazrat Usman Raziyallahu Anhu ne unhe Bator atiya diya tha, kehna sahi nahi hai, *( Tareekh ibne Khaldun- 2/129)*
[11/16, 9:03 PM] Haqq Ka Daayi Official: ★_ Yaha'n ye baat bhi qabile gor hai k Hazrat Usman Raziyallahu Anhu khud bahut zyada daulatmand they,.. aur ye daulatmandi unhe Islam se pehle se haasil thi, Fir sakhi bhi bahut they, Unki sakhawat ki rivayaat beshumar hai'n, Esa shakhs Baitul maal ka khazana kyu bila vajah doosro ko dene laga.. Wo to Apne paas se bhi de sakte they, Chunache Jab Mulk me fasaad badha to Aapne logo ke majme me farmaya :-
"_ Aur ye log kehte hai'n k mai'n Apne Ahle khana se muhabbat karta hu'n aur unhe deta hu'n, Haa'n mai'n unse muhabbat karta hu'n, Lekin unki Muhabbat mujhe na insaafi per Amaada nahi karti balki mere Ahle Bait per Jo doosro ke huqooq hai'n, mai'n unse dilwata hu'n, Raha unhe kuchh dena to mai'n unhe Apne maal se deta hu'n aur musalmano ka maal to na mai'n Apne liye halaal samajhta hu'n na kisi aur shakhs ke liye, Mai'n Aan Hazrat ﷺ ke zamane me aur Hazrat Abu Bakar aur Hazrat Umar Raziyallahu Anhum ke zamane me bade bade atiyaat apni kamayi se deta raha hu'n,
★_ Ye log Jo ji me aata hai keh daalte hai'n, Allah ki qasam ! Maine kisi Shehar per Kharaaj ka koi esa bojh nahi daala aur Jo kuchh bhi vasool hua hai wo sabka sab maine musalmano per kharch kiya hai , Fir mere paas Jo kuchh aaya hai wo maale ganimat ka paa'nchva hissa aaya hai, is maal me se mere liye koi cheez halaal nahi thi, Musalmano ko akhtyar tha k mere mashware ke bager jaha'n chahe kharch kare'n, Allah ta'ala ke maal me se ek paise ke barabar bhi koi cheez idhar udhar nahi hui aur maine usme se koi cheez hadap nahi ki, mai'n Jo kuchh khaata hu'n Apne maal me se khaata hu'n_,"
*( Tarekh Tibri - 4/ 347)*
★_ Sabne ye taqreer suni aur kisi ne koi aitraaz na kiya , balki Sabne un baato ko Tasleem kiya, Sabne kaha - Hum Tasleem karte hai'n, Aapne Sach kaha _,"
Koi ek Awaaz bhi mukhalfat me na uthi aur iska saaf matlab ye hai k Hazrat Usman Raziyallahu Anhu per kisi tor per bhi kisi bhi aitraaz ki koi zara si bhi gunza'ish nahi thi _,
[11/17, 8:02 PM] Haqq Ka Daayi Official: ★_ Aitraaz karne walo ne ek Aitraaz ye kiya tha k Hazrat Usman Raziyallahu Anhu Madina Munavvara ki Charagaaho me Apne Jaanwar charate hai'n, Doosre Logo ke Maweshi un Charagaaho me nahi ja sakte, Hazrat Usman Raziyallahu Anhu ne Apne khutbe me is Aitraaz ka jawab bhi diya, Chunache Farmaya :-
★_ Ye log Charagaaho me Apne Jaanwar charane ka ilzaam lagate hai'n, Sun lo ! Maine wohi Charagaahe Makhsoos ki hai'n Jinko Hazrat Abu Bakar Siddiq aur Hazrat Umar Raziyallahu Anhum ne kiya tha, Un Charagaaho ko Sadqaat ke jaanwaro ke liye muqarrar kar diya hai taki Sadqaat vasool karne walo me aur doosre logo me koi jhagda na ho, iske bavjood agar doosre logo me se koi Apne Jaanwar le kar un Charagaaho me aa jata hai to use mana nahi kiya jata hai, na unke Jaanwaro ko hataya jata hai, bahar haal ye jo bhi intezamaat hai'n Sarkari Jaanwaro ke liye hai'n, Mere zaati Jaanwaro ke liye nahi hai'n, Mera haal to ye hai k Jab mai'n khalifa hua tha us waqt ou'nt Bakriya'n sabse zyada mere paas they lekin Aaj Aalam ye hai k le de kar ab mere paas sirf ek Bakri aur Do ou'nt hai'n, Ye ou'nt bhi mere Hajj ke liye hai _,"
★_ Ye farmane ke baad Hazrat Usman Raziyallahu Anhu ne logo se puchha, Kya esa nahi hai ?
Saara Majma ek Awaaz ho kar bola, Beshak esa hi hai,
Aap gor Kare'n, Hazrat Usman Raziyallahu Anhu ke paas to us waqt Apne do ou'nt aur ek Bakri ke alawa koi Jaanwar tha hi nahi to wo Madina Munavvara ki Charagaaho ko Apne Jaanwar charane ke liye kis tarah muqarrar kar sakte they _,"
★_ Ek Aitraaz ye tha k Nojawano ko bade bade Ohde diye ja rahe hai'n, Hazrat Usman Raziyallahu Anhu ne is Aitraaz ka jawab dete hue farmaya - isme Aitraaz ki konsi baat hai, Agar ek Nojawan me Salahiyat hai to use Ohda milna chahiye, Kya Nabi Kareem Sallallahu Alaihi Wasallam ne bade bade Sahaba Per Osama bin Zaid Raziyallahu Anhu ko No Umri ke bavjood Lashkar ka Salaar muqarrar nahi farmaya tha,
Ye farma kar Aapne puchha - Kya esa nahi hai ?
Sabne ek zubaan ho kar kaha - Beshak esa hi hai ,
★_ Ek Aitraaz ye tha k Arab se baahar Apne logo ko Aapne Zameen ke tukde de diye hai'n, is Aitraaz ke jawab me Aapne Khutbe me farmaya :-
"_ Jo Zameene fateh hoti gayi Wo Muhajireen aur Ansar me mushtaraka rahi, fir unme se jo Hazraat Fateh ki gayi zameeno me Abaad ho gaye wo wahi'n rehne lage lekin unme se jo Hazraat Bilaad ( Shehar ) Arab me waapas aa gaye, Maine Fateh kiye gaye ilaaqo me unki khaali padi zameeno se tabaadla kara diya Jo waha'n ja kar Abaad hona chahte they, Badti hui Abaadi ke liye esa karna zaroori tha, isliye isme Aitraaz ki konsi baat hai, Matlab ye hai k unhe Zameene tabaadle me di gayi hai _,"
╨─────────────────────❥
[11/18, 9:14 PM] Haqq Ka Daayi Official: *"_ Jaali Khat Ka Masla _,*
★_ in Aitrazaat me sabse bada aur Aham jo Aitraaz lagaya gaya, Uska pashe Manzar mulahiza ho :-.
Aitraaz karne wale Misri logo ka ek wafad Madina Munavvara ki taraf rawana hua, Usme Koofe aur Basra ke log bhi shamil they, Unke kuchh mutalbaat they, Ye Apne mutalbaat zabardasti manwane ke liye aaye they, They bhi Muslah ( Hathiyarband ), Ye log Madina Munavvara ke nazdeek pahunch gaye they, Hazrat Usman Raziyallahu Anhu ko unke bare me pata chala to Aapne Hazrat Ali Raziyallahu Anhu ko unki taraf bheja k unhe Samjhaye, Hazrat Ali ne un logo se mulaqaat ki , unhe Samjhaya bujhaya aur Aakhir wo waapas jane per Amaada ho they, Yani Madina Munavvara me Dakhil hone se pehle hi waapas rawana ho gaye,
★_ Abhi ye Raaste me they k un logo ko ek Shakhs mila, Unhone usse puchha - Tum kon ho aur Kaha'n ja rahe ho ? Usne bataya - mere paas khalifa ka ek khat hai ye Khat Misr ke governor ko pahunchana hai_,
Wafad ne uski talashi li aur wo khat baramad kar liya, Us khat per Marwaan bin Hakam ka naam tha, Yani wo khat Marwaan bin Hakam ne Hazrat Usman Raziyallahu Anhu ke hukm se likha tha, Us khat me likha tha jab ye Wafad Misr pahunche to in Sabki gardane uda di jaye_,"
★_ ye khat padh kar Wafad ko bahut gussa aaya lihaza waapas jane ke bajaye fir Madina Munavvara ki taraf lot pade aur Madina Munavvara me Dakhil ho kar Hazrat Usman Raziyallahu Anhu ke ghar ko ghair liya, Matlab ye tha k in logo ka Aitraaz ye tha k Hazrat Usman Raziyallahu Anhu ne humse bad Ahadi ki hai aur unhe dhoke se qatl karne ka mansooba banaya hai, Jab unhone is khat ka maamla Hazrat Usman Raziyallahu Anhu ke Saamne rakha to Aapne foran kaha - Allah ki qasam ! Ye khat maine nahi likha na mujhe iske bare me koi ilm hai ?
★_ Is khat ka maamla bahut aham hai, Marwaan bin Hakam Hazrat Usman Raziyallahu Anhu ki taraf se Sarkaari khutoot likhta tha aur us khat per usi ka naam tha, Hazrat Usman Raziyallahu Anhu ne use ye khat likhne ka koi hukm nahi diya tha, Ab sawal ye hai k khat kisne likha, Agar Marwaan ne likha tab bhi usne ye Hazrat Usman Raziyallahu Anhu ke hukm se nahi likha tha aur Agar khat Marwaan ne nahi likha to fir kisne likha tha, iski tehqeeq ki zarurat thi,
[11/20, 6:52 AM] Haqq Ka Daayi Official: ★_ Baat dar Asal ye thi k wo khat bilkul jaali tha, is Saazish ka ek hissa tha, Abdullah bin Saba ne ya uski jama'at ke kisi Aadmi ne likha tha aur Marwaan se us khat ka koi talluq nahi tha,
★_ Iska Saboot is baat se milta hai k isi qism ka ek khat un logo ko Hazrat Ali Raziyallahu Anhu ka bhi mila tha, Us khat me un logo ko waapas madina ki taraf lot aane ki dawat di gayi thi aur Hazrat Usman Raziyallahu Anhu ke saamne Apne mutalbaat pesh karne ke liye likha gaya tha, Chunache jab ye Log Madina waapas aa kar Hazrat Ali Raziyallahu Anhu se mile aur unse darkhwast ki k Aap bhi hamare saath khalifa ke paas chale'n, to Hazrat Ali Raziyallahu Anhu ne farmaya - Allah ki qasam mai'n Tum logo ke saath hargiz nahi jaunga , Ye Sun kae ye log bigad gaye aur bole - Agar Aap hamare saath chalne per Amaada nahi hai'n to fir Aapne hume khat kyu likha tha, Unki ye baat sunkar Hazrat Ali Raziyallahu Anhu hairatzada reh gaye, Aapne farmaya - Nahi ! Allah ki qasam ! Maine tum logo ko koi khat nahi likha_,"
★_ Is Waqi'e se saaf zaahir hai k Jin logo ne Marwaan ke naam wala khat likha unhi logo ne ek khat in logo ko Hazrat Ali Raziyallahu Anhu ki taraf se bhi likha tha, Ye baat bilkul saaf nazar aa rahi hai kyunki ek taraf to Hazrat Usman Raziyallahu Anhu ne ye farmaya k Allah ki qasam mai'ne esa koi khat nahi likha, Doosri taraf Hazrat Ali Raziyallahu Anhu ne bhi yahi farmaya , Ab ye dono Sakhsiyat esi hai'n jinke bare me hum soch bhi nahi sakte k ye jhoot bol sakti hai'n, Saaf zaahir hai k ye Saazish Abdullah bin Saba ke giroh ki thi,
★_ Mash'hoor Mo'rikh Allama ibne Kaseer Reh. Likhte hai'n - is jama'at ne Hazrat Talha Raziyallahu Anhu aur Hazrat Zuber Raziyallahu Anhu aur Doosre Akaabir Sahaba ki taraf se bhi isi qism ke khutoot mukhtalif Shehro me bheje they, isi jama'at ne yahi chaal Hazrat Ali Raziyallahu Anhu ke Daur me chali thi aur Hazrat Ayesha Raziyallahu Anha aur Hazrat Ali Raziyallahu Anhu me jung kara di thi,
[11/20, 8:55 AM] Haqq Ka Daayi Official: ★_ Un dino me ek Aham waqia Hazrat Usman Raziyallahu Anhu ki muhar lagane wali Anguthi ka Ku'nwe me girna hai, Hazrat Usman Raziyallahu Anhu ek Roz "Arees " ke munder per Khade they Anguthi Aapki ungli se nikal kar Ku'nwe me gir gayi, Aapne Ku'nwe me Anguthi ko khoob talash karaya lekin Anguthi na mili, Aapne us per inaam bhi muqarrar kiya magar Anguthi na mil saki,
★_ Ye Waqia Hazrat Usman Raziyallahu Anhu ki khilafat ke Saatve saal pesh aaya, Us Zamane me Fasaad karne wale Apni Saazish shuru kar chuke they, Lihaza is baat ka zabardast imkaan hai k Anguthi Ku'nwe se nikale jane wale pani me se kisi Saazishi ne chura liya ho aur is tarah ye Anguthi Abdullah bin Saba ke paas pahunch gayi ho,
★_ Hazrat Usman Raziyallahu Anhu se logo ne puchha tha k Agar ye khat Aapne nahi likha to is khat per muhar kese lagi hui hai, is sawal ka jawab Anguthi wala waqia de raha hai, Muhar lagane wali Anguthi zaroor kisi Saazishi ke haath lagi thi aur Jaali khutoot per Muhar usse lagayi gayi thi,
★_ Hazrat Usman Raziyallahu Anhu ne is sawal ka jawab ye farmaya tha :- Un logo ne us jesi Anguthi bana li hai _,"
Iski misaal Hazrat Umar Raziyallahu Anhu ke zamane me mulahiza farmaye'n, Aapke Daur me ek Shakhs Muin bin Za'idah ne Muhare Khilafat jesi ek Muhar bana li, Wo uske zariya Kharaaj ki badi badi raqame Vasool kiya karta tha, Hazrat Umar Raziyallahu Anhu ko uske Fareb ka pata chala to Aapne Koofa ke governor Hazrat Mugira bin Shoba Raziyallahu Anhu ko hukm bheja k us Shakhs ko foran giraftar kiya jaye aur saza di jaye,
★_ in baato se ye saabit ho jata hai k wo khat Marwaan ne nahi likha tha, na hi khilafat ke Amle me se kisi ka ye kaam tha balki ye sab kuchh Abdullah bin Saba ki Saazish thi,
╨─────────────────────❥
★_ Fitno Ki Aag _,*
: ★_ Garz Baagiyo ke tamaam Aitrazaat bilkul be Buniyaad they aur Hazrat Usman Raziyallahu Anhu ki naram mizaaji ki vajah se diler ho rahe they, Aap bahut Suleh Pasand they, Koofa se Saied bin Aas aur Abdullah bin Saad bin Abi Sarah Misr se in logo ke bare me barabar ittela Aapko bhejte rahe aur inke khilaf kaarwayi talab karte rahe they lekin Aap jawab me yahi hidaayat bhejte rahe k fitna pasando ko ek shehar se doosre shehar bhej de'n, Lekin unhe saza ki ijazat Aapne kabhi na di, Mukhtalif zariyo se unhe samjhane ki koshish karte rahe, us waqt bade bade Sahaba ya to Madina Munavvara me rahe nahi they, Mukhtalif Shehro me ja base they ya fir bahut budhe ho gaye they, iske alawa halaat se dil bardashta ho kar unhone gosha nasheeni akhtyar kar li thi,
★_ Un Baagiyo me mukhtalif giroh Shamil they, Misr ke log Hazrat Ali Raziyallahu Anhu ke Aqeedatmand they, Basra ke log Talha bin Abdullah Raziyallahu Anhu ko pasand karte they, aur Koofa ke log Hazrat Zuber bin Awaam ko khalifa banana chahte they, Ek jama'at sire se Arab hukumat hi ke khilaf thi, Matlab ye k unme Aapas me agarche ikhtilafaat they lekin sabhi giroh is per ikatthe they k Hazrat Usman Raziyallahu Anhu ko Mazool kiya jaye,
★_ Basra Koofa aur Misr fitno ka markaz tha, Abdullah bin Saba inki Saazisho ka sardaar tha, Usne Sabko Hidayat di thi k , Hazrat Usman Raziyallahu Anhu ko har mumkin Tareeqe se badnam karo, Ruswa karo, Uski Hidayato per sakhti se Amal kiya gaya, Uske is propagande ne teeno jagah Aag bhadka di,
★_ Ye Khabar jab Madina Munavvara pahunchi to logo ne Hazrat Usman Raziyallahu Anhu ko mashwara diya k Soorate haal maloom karne ke liye waha'n kuchh log bheje jaye'n, Hazrat Usman Raziyallahu Anhu ne Muhammad bin Salma Raziyallahu Anhu ko Koofa, Osama bin Zaid Raziyallahu Anhu ko Basra, Ammar bin Yassir Raziyallahu Anhu ko Misr aur Abdullah bin Umar Raziyallahu Anhu ko shaam rawana kiya,
[11/22, 10:36 AM] Haqq Ka Daayi Official: ★_ Hazrat Usman Raziyallahu Anhu ne tamaam Shehro me ek hukm bheja jisme likha tha :- Mujhe maloom hua hai k logo ko Ohdedaaro se shikayat hai k baaz governor ya doosre Ohdedaaro se Zyadti karte hai'n, Agar waqai esa hai to Mai'n elaan karta hu'n k Hajj ke moqe per sab hukkam makka me jama honge, Jis jis shakhs ko bhi koi shikayat ho wo aa kar mujhse mile , mere ya me Aamilo ke zimme Jo nikalta ho wo wasool kar le'n _,"
★_ Jab logo ko ye paigam mila to wo ro pade aur Hazrat Usman Raziyallahu Anhu ko Duae'n dene lage, Logo ko to Aapne ye paigam bheja, Doosri taraf tamaam Ohdedaaro ko ye paigam bheja :- Aap sab iwaane ( Ghar ) khilafat me haazir ho'n _,"
★_ Ye hukm milne per Abdullah bin Aamir, Hazrat Ameer Mu'awiya, Abdullah bin Sa'ad bin Abi Sarah Raziyallahu Anhum waha'n pahunch gaye, Hazrat Amru bin Aas aur Hazrat Saied bin Aas ko bhi Madhware me shareek kiya gaya, Hazrat Usman Raziyallahu Anhu ne unse kaha k Tum Mashwara do k in halaat me karna kya chahiye ?
★_ Hazrat Saied bin Aas ne kaha - Wo Sirf chand Aadmi hai'n, Jo boshida tor per galat baate Mash'hoor kar ke seedhe Saade Awaam ko vargala rahe hai'n, Behka rahe hai'n, unka ilaaj ye hai k Aap un logo ko aur jo unka sargana ho unke Sar qalam kara dijiye _,"
[11/22, 10:50 AM] Haqq Ka Daayi Official: ★_ Hazrat Usman Raziyallahu Anhu Hazrat Amru bin Aas Raziyallahu Anhu ki taraf mutavajjah hue aur farmaya :- Amru Tumhari kya raay hai ?
Unhone jawab me kaha - Aap un fitna Parwaaz logo ke saath Narmi ka maamla kar rahe hai'n, Aapne unhe bahut dheel de rakhi hai, Aap Hazrat Abu Bakar Siddiq aur Hazrat Umar Raziyallahu Anhum ke Tareeqe per Amal Kare'n, Sakhti ki jagah Sakhti aur Narmi ki jagah Narmi ko Apnaye'n _,"
★_ Is per Hazrat Usman Raziyallahu Anhu ne farmaya :- Aap Hazraat ne jo Madhware diye hai'n Wo maine sune, Asal baat ye hai k har maamle ka ek darwaza hota hai, Usse wo andar dakhil hota hai, Ye Fitna jo ummat ko pesh aane ko hai Usko Narmi aur muwafqat hi se band kiya ja sakta hai, Albatta Sazao'n ki baat aur hai, Sazao'n wala darwaza band nahi kiya ja sakta,
"_ Mujh per koi shakhs ye ilzaam Aa'id nahi kar sakta k maine logo ke saath aur Apne saath bhi bhalayi karne me kotahi nahi ki hai, Fitne ki chakki to ab ghoom kar rahegi lekin mai'n khud ko is soorat me khush naseeb khayal karunga k mai'n is haalat me is duniya se rukhsat ho jau'n k is chakki ko maine harkat nahi di, Pas Aap in Hazraat ko fitna Parwaazo se roke'n Jo unke huqooq hai'n wo ada karne me susti na Kare'n, Unke liye Allah Ta'ala se magfirat maange,
★_ Hazrat Usman Raziyallahu Anhu ne jo ye paigam tamaam Shehro me bheja tha usse logo ko bahut khushi hui thi aur sabka khayal tha k 35 Hijri ka saal Aman v Amaan aur Sukoon se guzrega, Lekin ye khayal galat Saabit hua, Wo ese k Koofe me sakht fasaad ho gaya, ( iski tafseel Agle part me )
[11/22, 11:15 AM] Haqq Ka Daayi Official: ★_ Koofa ke governor Saied bin Aas they, Ye nihayat layaq soojh boojh wale aur mujahid Nojawan they, Lekin they Qureshi, Koofe ke log shuru me to inse khush rahe, inki tareef karte rahe lekin ek martaba unke moonh se ye Jumla nikal gaya - Koofa Quresh ka Chaman hai _,"
★_ Us majlis me doosre qabilo ke alawa Yamani log bhi they, Unka Sardaar Quresh ka Shadeed mukhalif tha, Qureshiyo se bahut bugz rakhta tha, Ye Jumla sunte hi Saied bin Aas per bigad gaya aur bol utha - Quresh me esi konsi khususiyat hai k Koofa unka hi Chaman ho, Wo to sab musalmano ka hai _,"
Us waqt waha'n Police ka ek Afsar bhi mojood tha, Usne gusse me kaha - Governor Sahab se Tehzeeb me reh kar baat Kare'n_,"
★_ Is per Yamani logo ne us Afsar ko itna maara k wo behosh ho gaya, Unhone itna hi nahi kiya balki isse aage badh kar Hazrat Usman Raziyallahu Anhu, Saied bin Aas aur Quresh ki khoob buraiya'n ki, iske saath hi un logo ne Faisla kiya k Ab Saied bin Aas ko governor nahi rehne denge, Chunache un logo ne mutalba kiya k Unki jagah Abu Moosa Ash'ari ko governor muqarrar kiya jaye, is mitalbe ki vajah ye thi k Abu Moosa Ash'ari Raziyallahu Anhu Qureshi nahi they aur unki Rishtedariya'n Yaman se thi, Hazrat Usman Raziyallahu Anhu ne Shar door karne ke khayal se unki baat maan li aur Hazrat Abu Moosa Ash'ari Raziyallahu Anhu ko governor muqarrar kar diya,
★_ Is Faisle ka Asar ulta hua, Ab un logo ke Hausle bad gaye, Unke Saath hi Misr aur Basra ke log bhi khilafat ke khilaf uthne ke liye taiyaar ho gaye, Un logo ne ek Jalsa kuya, Usme Apna ek numainda Hazrat Usman Raziyallahu Anhu ki taraf bhejne ka faisla kiya gaya, Chunache Abdullah bin Tayyami ko Apna numainda bana kar bheja, Ye Shakhs Hazrat Usman Raziyallahu Anhu se mila, Sakht kalami ki aur Khilafat se dast bardaar hone ka mutalba kiya,
[11/22, 11:31 AM] Haqq Ka Daayi Official: ★_ Us waqt Hazrat Ameer Mu'awiya Raziyallahu Anhu bhi Shaam se waha'n aaye hue they, Unhone Hazrat Usman Raziyallahu Anhu se darkhwast ki k Aap mere Saath Shaam chale'n Waha'n ke halaat theek hai'n_,"
Hazrat Usman Raziyallahu Anhu ne farmaya - Chahe meri gardan uda di jaye Mai'n kisi qeemat per bhi Rasulullah ﷺ ka qurb aur Hamsaygi nahi chhod sakta _,"
★_ Is per Hazrat Ameer Mu'awiya Raziyallahu Anhu bole - Agar Aapko ye baat manzoor nahi to mujhe ijazat dijiye k Mai'n Shaam ka ek Lashkar bhej du'n, Wo Madina ke Pichhle hisse me thehra rahega, Agar un logo ne koi shararat karne ki koshish ki to wo Lashkar Aapki madad karega _,"
Hazrat Usman Raziyallahu Anhu ne ye Tajveez bhi manzoor na farmayi aur Farmaya - is tarah Madina Munavvara ke log pareshani me mubtila honge, Mai'n is baat ko hargiz pasand nahi karta _,"
★_ Ab Ameer Mu'awiya Raziyallahu Anhu bole - Tab fir Ey Ameerul Momineen ! Aapke saath gadar wala maamla ho jayega _,"
Hazrat Usman Raziyallahu Anhu ne jawab me irshad farmaya :- Hasbiyallahu wa ni'amal Wakeel _,"
( Allah hi mere liye kaafi hai aur Wohi Behatreen madadgar hai )
★_ Chunache Hazrat Ameer Mu'awiya Raziyallahu Anhu ne ijazat li aur shaam ki taraf rawana ho gaye, Saazish karne walo ko ab munasib waqt ka intezar tha aur unke liye sabse Behatreen waqt Hajj ke din they, Kyunki zyadatar log Hajj ke liye chale jate they, Madina Munavvara me un dino bahut kam log hote they, Un dino me unke khilaf koi badi rukawat pesh nahi aa sakti thi, Chunache ek Khufiya qaraar ke mutabiq Koofa, Basra aur Misr teeno Shehro se fitna Parwaazo ki jamaate ek hi waqt me madina me rawana hui ,
╨─────────────────────❥
★_ Baagiyo Ka Madina Pahunchna _,*
: ★_ Un Teeno Jamato ki Tafseel is tarah hai ... Misr ke logo ki tadaad 600 se 1000 ke darmiyan thi, Ye 4 Toliyo me Taqseem they, Koofe ke log bhi Tadaad me Misr ke barabar they aur ye bhi 4 Toliyo me Taqseem they, Basra ke baagi giroh ki tadaad bhi qareeb qareeb itni hi thi, Ye bhi 4 Toliyo me Taqseem tha,
★_ Jab ye Qaafila rawana hua to Raaste me in logo ke Hum Khayal log bhi shamil hote chale gaye, Madina Munavvara se Teen Kilometre ke faasle per pahunch kar ye log 3 Hisso me bat gaye, Yaha'n pahunch kar in logo ne mashwara kiya k Aage badne se pehle behtar hai k is silsile me Madina ke logo ke khayalaat aur Ahsasaat maloom kar liye jaye'n, Chunache is maqsad ke liye inhone Apne Do numainde Ziyaad bin Nazar aur Abdullah bin Asam Madina Munavvara pahunche,
★_ In dono ne Azwaaj Mutaharaat, Hazrat Talha , Hazrat Zuber aur Hazrat Ali Raziyallahu Anhum se mulaqaat ki, Apne aane ka maqsad bayan kiya, inhone kaha - Hum chahte hai'n Hazrat Usman Raziyallahu Anhu khilafat chhod de'n kyunki unke baaz maamlo ne Andher macha rakha hai_,"
Is per in sab Hazraat ne inki shadeed mukhalfat ki aur ye bhi kaha K Hum tum logo ko Madina Munavvara me dakhil nahi hone denge _,"
★_ Ye jawab Sun kar dono waapas lot gaye aur Apne Baagi Saathiyo ko Soorate haal Bata di, Ab in logo ne in Hazraat se Alag Alag mulaqaat karne ka program banaya, Chunache Misr ke logo ne Hazrat Ali Raziyallahu Anhu se mulaqaat ki aur unse kaha k Hum Hazrat Usman Raziyallahu Anhu ko Mazool kar ke Aapko unki jagah Khalifa banana Chahte hai'n _,"
Hazrat Ali Raziyallahu Anhu un per khoob bigde, Unhe bura bhala kaha aur Farmaya - Chale jao yaha'n se _,"
[11/27, 10:13 PM] Haqq Ka Daayi Official: ★_ isi tarah Basra ke log Hazrat Talha Raziyallahu Anhu se aur Koofa ke log Hazrat Zuber Raziyallahu Anhu se mile, Unhone bhi Unhe khoob bura bhala kaha aur Farmaya - Nabi Kareem ﷺ ke Sahaba ko maloom hai k Aan Hazrat ﷺ ne in Raaston se aane wale lashkaro per laanat bheji hai, yani Tum logo ke bare me Aan Hazrat ﷺ ne pehle hi hume khabar daar kar diya tha lihaza foran waapas chale jao _,"
★_ Har taraf se laanat malamat Sun kar in logo ne waapas lot jane me hi khayr jaani, Ye us jagah lot gaye jaha'n unke Teeno Lashkar padaav daale hue they, Yaha'n aa kar unhone fir mashwara kiya aur Tay kiya k is muqaam se kuchh door hat kar ruk jate hai'n aur Ahle Madina ke Hajj ke liye Rukhsat ho jane ka intezar karte hai'n, Jab sab log Hajj ke liye chale jayenge tab Hamla Aawar honge ,
★_ Idhar Baagiyo ke chale jane ke baad Hazrat Ali Raziyallahu Anhu Hazrat Usman Raziyallahu Anhu ke paas aaye aur unhe mashwara diya :- Aapke khilaf logo me Jo baate ho rahi hai'n behtar hoga Aap logo ke saamne ek taqreer Kare'n, Apne Khilaf lagaye jane wale ilzamaat ki wazahat Kare'n, Varna mujhe dar hai Jin logo ko humne waapas bhej diya hai wo fir waapas na aa jaye'n _,"
★_ Ye Mashwara sun kar Hazrat Usman Raziyallahu Anhu bahar Tashreef laye, Logo ke saamne Khutba diya, Us Khutbe me Aapne Vaada farmaya k Aa'inda kisi ko shikayat ka moqa nahi denge , Aapne farmaya - Mera darwaza har shakhs ke liye har waqt khula hai, Jis shakhs ko bhi koi shikayat ho wo bila takleef mere paas aa jaye aur Apni shikayat bayan kare, Yahi nahi jab Mai'n Mimbar se utru to Aap logo me Jo buland martaba Hazraat hai'n wo mere paas aaye'n, is masle me mujhe mashwara de'n _,"
[11/28, 8:47 PM] Haqq Ka Daayi Official: ★_ Aapne Ye khutba is qadar dard bhare andaz me diya k log Ro pade baaz logo ki to hichki bandh gayi Lekin jo log Fasaad barpa karne per Tule hue they un per bhala kya Asar hota, Chunache Abhi is khush gawaar Khutbe ke Asraat logo ke zehno per baqi they k ek din Achanak Madina Munavvara ghodo ki Taapo se goonj utha, Ek Shor goonja - Baagi Madina Munavvara me ghus aaye _,"
★_ Baagiyo ne Shehar me dakhil hote hi Hazrat Usman Raziyallahu Anhu ke ghar ko ghair liya, Hazrat Ali Raziyallahu Anhu, Hazrat Talha Raziyallahu Anhu aur Hazrat Zuber Raziyallahu Anhu ko ye ittela mili to ye Teeno Hazraat Madina Munavvara ke aur bahut se logo ke saath un Baagiyo se mile, Unhone Koofa, Basra aur Misr ke logo se bari bari mulaqaat ki lekin Un logo per koi asar na hua, Ab ye log Hazrat Usman Raziyallahu Anhu ke ghar ka ghaira daal kar wahi'n pade rahe,
★_Shuru Shuru me ye ghaira Naram tha, Hazrat Usman Raziyallahu Anhu Masjid Nabvi me aa jate they aur Namaz ki imaamat karate they, Khud ye Fasaadi log bhi Aapke pichhe namaz ada karte they, Ek Din in Fasadiyo ne Hazrat Ali aur Hazrat Muhammad bin Muslima Raziyallahu Anhum se kaha k Hum Aapki mojoodgi me Khalifa se baat karna chahte hai'n _,"
★_ Dono Hazraat ne Zuhar ke baad ka waqt Tay kar liya aur Theek waqt per unke saath Hazrat Usman Raziyallahu Anhu ke paas pahunch gaye aur Hazrat Usman Raziyallahu Anhu se Khilafat se dast bardaar hone ka mutalba kiya, Hazrat Usman Raziyallahu Anhu ne jawab me irshad farmaya - Mai'n wo Qameez nahi utarunga jo Allah Ta'ala ne mujhe pehnayi hai _,"
Ye kehne se Aapka matlab ye tha k Mai'n ye khilafat nahi chhodunga Jo Allah Ta'ala ki taraf se ata hui hai ,
[11/29, 9:22 PM] Haqq Ka Daayi Official: ★_ Misr ke logo ne kaha - Hum yaha'n se us waqt tak nahi jayenge jab tak hum Aapko khilafat se alag na kar de'n ya Qatl na kar de'n, Agar Aapke Saathiyo ne hamare Raaste me aane ki koshish ki to hum unse jung karenge, Yaha'n tak k hum Aap tak pahunch jayenge _,"
★_ Unki baat ke jawab me Hazrat Usman Raziyallahu Anhu ne farmaya - Mujhe Qatl ho jana manzoor hai, Khilafat ke Raaste se dast bardaar hona manzoor nahi , Tumhara ye kehna k tum mere Saathiyo se jung karoge to sun lo, Mai'n unhe Jung karne hi nahi dunga _,"
★_ Is per ye baat cheet khatm ho gayi aur Wo log unke paas se lot gaye, Unke Jane ke Baad Ameerul Momineen Hazrat Usman Raziyallahu Anhu ne Hazrat Ali Raziyallahu Anhu ko bulaya, Unse farmaya - Aap misriyo ko meri taraf se mutma'in Kare'n k unki jaa'iz shikayat aur mutalbaat per gor kiya jayega _,"
Hazrat Ali Raziyallahu Anhu ne jawab me arz kiya - Ab iska koi fayda nahi.. ye log mutma'in nahi honge _,"
★_ Is dauran ek aur Sakht na khush gawaar Waqi'a pesh aa gaya, Hazrat Usman Raziyallahu Anhu Jume ki namaz ke liye masjid Nabvi me Tashreef laye, Yaha'n Misri Wafad mojood tha, Namaz mamool ke mutabiq Hazrat Usman Raziyallahu Anhu ne padhayi, Namaz se faragat ke baad Aap Mimbar per Tashreef farma hue aur Misri Wafad se mukhatib hue ,
★_ Ey Dushmano ! Allah Ta'ala ke Qahar aur gazab se daro, Ahle Madina khoob jaante hai'n k Rasulullah ﷺ ne tum logo per laanat ki hai ( Yani Aap ﷺ pehle hi tum logo ke bare me pesh goi farma chuke Hai'n aur tum per laanat bhej chuke Hai'n ) pas tumne jo khataye'n ki hai'n, Unki talafi Nek A'maal se karo, Kyunki Allah Ta'ala ki sunnat ye hai k Nekiyo'n ke zariye gunaho ko mitata hai _,"
╨─────────────────────❥
*★_ Baagiyo Ka Hamla _,*
: ★_ Aapne abhi ye Alfaz farmaye hi they k Hazrat Muhammad bin Muslima Radiyallahu Anhu bol uthe :- Aapne bilkul sach kaha, Mai'n iska gawah hu'n_,"
★_ Jo'nhi Hazrat Muslima Radiyallahu Anhu ne ye farmaya, Misri wafad un per hamla karne ke liye bada, is per Madina Munawwara ke log bhi uth khade hue, Dono giroh me jhadap ho gayi, Misri Kankar Patthar utha kar un per fai'nkne lage, Yaha'n tak k is ladayi me Hazrat Usman Radiyallahu Anhu bhi zakhmi ho gaye balki behosh ho gaye, Behoshi ki haalat me Aapko ghar pahunchaya gaya,
★_ Sahaba Kiraam me se us waqt Hazrat Zaid bin Saabit, Sa'ad bin Maalik, Abu Huraira aur Hasan bin Ali Raziyallahu Anhum mojood they, Unhone Misriyo ko saza dene ka iraada kiya, Misri us waqt masjid se nikal chuke they, Ese me Hazrar Usman Radiyallahu Anhu ko hosh aa gaya, Unhe bataya gaya k Sahaba Kiraam un logo per Hamla karne ka program bana rahe hai'n to foran kehla bheja - Misriyo ka ta'aqub na kiya jaye _,"
★_ Is waqie se is baat ka saboot milta hai k Misri log Fitna aur Fasaad barpa karne ki qasam kha chuke they, Hazrat Usman Radiyallahu Anhu ne Apne governoro aur Fauj ke salaaro ko in halaat ki ittela di aur unhe hidayat di k wo Yaha'n aa jaye'n ,
[11/30, 7:14 PM] Haqq Ka Daayi Official: ★_ Yaha'n ye baat bhi jaan leni chahiye k Hazrat Usman Radiyallahu Anhu ne jo Apne governoro aur Salaaro ko paigamaat bheje uska maqsad ye nahi tha k wo Aaye'n aur Fasaad barpa karne walo se Jung kare'n, Ji nahi ! Hazrar Usman Raziyallahu Anhu ko to hargiz hargiz kisi musalman ka khoon bahana gawara nahi tha, Is Aqdaam se Aapka maqsad sirf itna tha k Baagi Apni jaane bachane ke khayal se bhaag jaye'n,
★_ Aapki taraf se paigam milne ke baad Hazrat Ameer Mu'awiya Raziyallahu Anhu baaz mamlaat ki vajah se foran rawana na ho sake, Albatta Shaam se Habeeb bin Muslima, Basra se Mujasha bin Masoud logo ki badi tadaad ke saath rawana hue, Ye Hazraat Abhi Madina Munawwara se Teen meel door they k inhe Hazrat Usman Raziyallahu Anhu ki shahadat ki khabar mili ( ibne Kaseer )
★_ Hazrat Usman Raziyallahu Anhu ke ghar ka muhasra taqriban Ek maah tak jari raha, is dauran Hazrat Usman Raziyallahu Anhu Masjid me aate rahe, Namaz padhate rahe, Uske baad Bagiyo ne Aapko Masjid me aane se rok diya, Ab unka ek saathi Ameer Gaafqi namaz padhane laga,
★_ Baagiyo ne ye jo sakhti Akhtar ki uski vajah ye bayan ki jati hai k Hazrat Usman Raziyallahu Anhu ne jo Apne governoro aur Ameero ko paigamaat bheje unhe iska pata chal gaya tha, is Sakhti ki doosri vajah ye thi k Hajj ke Din khatm hone ke qareeb they, Unhone socha Haajiyo ke aane se pehle Pehle unhe Apne mansoobe ko poora kar daalna chahiye, Varna fir Apne mansoobe per Amal nahi kar sakenge,
[11/30, 7:37 PM] Haqq Ka Daayi Official: ★_ Ab Hazrat Usman Raziyallahu Anhu Apne ghar me qaid ho kar reh gaye, is haalat me Baagiyo ne ghar me ghusne ki koshish ki, Lekin Aapke ghar per 600 ke qareeb jaa'nisaar pehra de rahe they, Unme Bade bade Sahaba ke alawa Hazrat Hasan, Hazrat Husain, Abdullah bin Zuber aur Abdullah bin Umar Raziyallahu Anhum Shamil they, in Hazraat ne Baagiyo ko andar aane na diya,
★_ In halaat ki vajah se Hazrat Usman Raziyallahu Anhu Hajj ke liye bhi nahi ja sake they, Aap isse pehle har saal jate rahe they, Waha'n Aap Apne governoro se mulaqaat karte they, Har ek se unke ilaaqe ke halaat maloom karte they, Awaam se unke Sukh dukh maloom karte they, is tarah halaat se logo ke masa'il se ba khabar rehne ki poori koshish karte they, Ab chunki is martaba Aap nahi ja sake isliye Aapne Hazrat Abdullah bin Abbaas Raziyallahu Anhu se farmaya tha - is martaba Aap meri taraf se Hajj ko chale jaye'n_,"
★_ Hazrat Abdullah bin Abbaas ne arz kiya - Ey Ameerul Momineen ! Un Baagiyo se Jihaad karna mere nazdeek Hajj karne se zyada pasandida hai _,"
Hazrat Usman Raziyallahu Anhu ne israar kiya aur unhe jane per majboor kiya tab Hajj ke liye gaye, Jab Baagiyo ne Aapko ghar me qaid kar diya to ek Din Aap apni chhat per aaye aur Baagiyo se yu'n khitaab kiya :-
★"_ Tum logo ko qasam de kar puchhta hu'n, Sach kaho, Maine Rasulullah ﷺ ke irshad per Ba'ir Ruma khareed kar uska pani tamaam musalmano ke liye waqf nahi kar diya tha _," is per sabne kaha - haa'n ! Ye theek hai, Aapne fit irshad farmaya - Masjide Nabvi ki jagah Tang ho gayi thi, Usme Namazi nahi aa sakte they to kya maine uske saath wali zameen khareed kar masjid me shamil nahi ki thi ? Sabne jawab diya - Haa'n ! Yahi baat hai ,
Aapne farmaya - Gazwa Tabook ke moqe per Jab Allah ke Rasool ﷺ ne imdaad ki apeal ki thi to kya maine lashkar ke liye samaan nahi diya tha aur kya is per Rasulullah ﷺ ne khush ho kar mujhe jannat ki Basharat nahi di thi ?
Sabne kaha - Haa'n ! Esa hi hai ,Ab Aapne farmaya - aur fir Allah ke Rasool ne teen baar farmaya tha - Ey Allah tu gawah reh ..,"
★_ iske alawa Aapne farmaya - Kya tum logo ko maloom nahi k ek martaba Hira pahaad per Rasulullah ﷺ, Hazrat Abu Bakar Siddiq Raziyallahu Anhu aur Mai'n, Hum teeno Khade they, Ese me Pahaad larazne laga tha to Rasulullah ﷺ ne irshad farmaya tha - Ey Hira thehar ja , is waqt teri pusht per ek Nabi Ek Siddiq aur ek Shaheed hai , Bata'o.. Bata'o .. Nabi Kareem ﷺ ne ye farmaya tha ya nahi ?
Un sabne ek Awaaz ho kar kaha - Beshak ,
★_ Is Taqreer se Hazrat Usman Raziyallahu Anhu unke Zameer ko jagana chahte they, Unhe Ye Sochne per Amaada karna chahte they k wo kese Shakhs ke khilaf uth Khade hue hai'n, Lekin unke Zameer to mar chuke they, Har Sawal ka jawab Unhone Haa'n me diya lekin Apne mutalbe per fir bhi date rahe , Unka kehna yahi tha ;- Ya to Aap Khilafat chhod de'n, Varna hum Aapko qatl kar denge _,"
★_ Aapne Baagiyo se ye bhi farmaya - Tum mujhe qatl karna chahte ho, Tumhare paas iska kya jawaz hai, Maine to islam se pehle bhi kabhi Sharab nahi pi, Zina nahi kiya, Kisi ko qatl nahi kiya, Yaad rakho ! Agar Tumne mujhe qatl kar diya to fir iske baad kabhi tum me baham muhabbad nahi rahegi, Tum hamesha Aspas me ladte hi rahoge , Tumhari ijtimaiyat khatm ho jayegi _,"
★_ Un per Aapki baat ka koi asar na hua, Us waqt Halaat bahut nazuk ho chuke they, Vajah ye thi k Hazrat Usman Raziyallahu Anhu Baagiyo se farma chuke they k wo kisi soorat kisi shakhs ko bhi ye ijazat nahi denge k unki taraf se jung Kare'n, Waha'n us waqt jitne bhi Jaanisaar mojood they, Un sab hi ne baar baar ye darkhwast ki thi k hume Baagiyo se jung karne ki ijazat di jaye, lekin Aapne unhe ijazat nahi di,
╨─────────────────────❥
: *"_ Shahadat Ki Tayyari _,*
★_ Ab Unhone muhasra is qadar Tang kar diya k koi makaan ke andar nahi ja sakta tha aur na makaan se bahar aa sakta tha, Yaha'n tak k Makaan me Pani ka dakhila bhi band kar diya, Ummul Momineen Hazrat Umme Habiba Raziyallahu Anha ko is baat ka ilm hua to Aap Hazrat Usman Raziyallahu Anhu ki madad ke liye aayi'n, Lekin Baagiyo ne unhe bhi andar jane se rok diya aur Unke Saath bhi sakht gustakhi se pesh aaye, Yaha'n tak k Aapki Sawari ke khachchar ko bhi zakhmi kar diya, Chand Aadmi jo waha'n mojood they Unhone Aapko waha'n se nikala _,
★_ Madina Munavvara me is waqt Khof ka Aalam tha, Bahut se kamzor aur Budhe Ashaab to Gosha Nasheen ho gaye, Kuchh Madina Chhod kar idhar udhar chale gaye, Aakhri martaba Hazrat Usman Raziyallahu Anhu ne Hazrat Ali Raziyallahu Anhu ko bulaya to Baagiyo ne unka bhi Raasta rok liya, Aapne Qaasid ko Apna Amama utaar kar diya aur Farmaya - Jo Haalat Tum dekh rahe ho ja kar bayan kar dena _,,
★_ Ese me khabar Pahunchi k Iraq se Hazrat Usman Raziyallahu Anhu ki madad ke liye jo log rawana hue they wo Madina Munavvara ke qareeb pahunch gaye hai'n aur Shaam se rawana hone wale bhi Madina Munavvara ke nazdeek Waadi Alqura ke nazdeek pahunch gaye hai'n, Un lashkaro ke aane ki khabar Pahunchi to Josh aur bechaini me izafa ho gaya aur Hazrat Zaid bin Saabit Raziyallahu Anhu makaan ke paas aaye aur pukare - Ansar darwaze per mojood hai'n aur arz karte hai'n k hum madad ke liye mojood hai'n, Hukm farmaye'n _,"
Hazrat Usman Raziyallahu Anhu ne iske jawab me farmaya - Agar maqsad jung karna hai to Mai'n ijazat nahi dunga _,"
Ek Rivayat ke mutabiq Aapne farmaya - Mera sabse madadgaar wo hoga Jo Apna haath aur Hathiyar roke rahe _,"
★_ Hazrat Abu Huraira Raziyallahu Anhu ne bhi arz kiya - Ameerul Momineen ! Jung ki ijazat dijiye _,"
Hazrat Usman Raziyallahu Anhu ne farmaya - Abu Huraira ! Kya tum is baat ko pasand karoge k tum mujhe aur sab logo ko qatl karo ? Hazrat Abu Huraira Raziyallahu Anhu ne jawab diya - Nahi ,
is per Hazrat Usman Raziyallahu Anhu ne farmaya - Agar tum ek Aadmi ko bhi qatl karoge to goya sab hi ko qatl kar diya_,"
Unke baad Hazrat Abdullah bin Zuber Raziyallahu Anhu haazir hue aur zor daal kar kaha - Aap Baagiyo se jung Kijiye Allah ki qasam Allah Ta'ala ne Aapke liye un logo se jung karna Halaal kar diya hai _,"
Hazrat Usman Raziyallahu Anhu ne unhe bhi wohi jawab diya aur jung ki ijazat na di , *( Tabqaat ibne Sa'ad -3/48 )*
: ★_ Isi tarah Hazrat Mugira bin Shoba bhi aaye, unhone kaha - Ey Ameerul Momineen ! Aap imaam hai'n khalifa e Barhaq hai'n, Is waqt jo halaat hai'n Unme Teen Soorte hai'n Aap inme se koi ek akhtyar kar le'n, Ek ye K Aapke paas kaafi Taaqat hai, Uske Saath Dushmano ka muqabla kijiye, Aap Haq per hai'n aur Wo baatil per, Doosri Soorat ye hai k Aapke makaan ke darwaze per is waqt Baagiyo ka hujoom hai Hum pichhli taraf ek darwaza nikaal dete hai'n, Aap usse nikal kar sawari per Beth jaye'n aur Makka Mukarram chaliye, Waha'n haram me ye log jung nahi kar sakenge, Teesri Soorat ye hai k is darwaze se nikal kar shaam chale jaye'n, Waha'n Ameer Mu'awiya Raziyallahu Anhu hai'n aur Shaam ke log wafadaar hai'n,
★_ Hazrat Usman Raziyallahu Anhu ne ye teeno Tajveeze Manjoor na farmayi, Jawab me farmaya - Mai'n Muqabla nahi karunga kyunki Mai'n Rasulullah ﷺ ka wo Khalifa nahi banna chahta Jiske Haatho ummat me khoon Rezi ka Agaaz ho, Doosre ye k Mai'n Makka bhi nahi jaunga Kyunki ye Fasaadi waha'n bhi khoon Rezi karne se baaz nahi aayenge aur Rasulullah ﷺ ki pesh goi hai k Quresh ka ek shakhs Makka ki hurmat uthayega, Mai'n wo Shakhs nahi banna chahta, Raha Shaam jana waha'n ke log zaroor Wafadaar hai'n aur Mu'awiya bhi waha'n hai'n lekin Rasulullah ﷺ ka pados aur Darul Hijrat se Judayi aur doori mujhe kisi soorat me manzoor nahi _,"
★_ Udhar Jitna waqt guzarta ja raha tha Hasrat Usman Raziyallahu Anhu ko Huzoor Nabi Kareem ﷺ ki pesh goiyo ki roshni me Apni shahadat ka Yaqeen ho chala tha aur Aapne Apni Shahadat ki Tayyari shuru kar di thi, Chunache jis din ye Saanha ( Haadsa) pesh aaya Us Roz Aapne Roza rakha, Wo Din Jume ka tha, Aap per is haalat me neend ki kaifiyat taari ho gayi, Us kaifiyat se hoshiyar hue to farmaya - Maine Neem khwabi ke Aalam me Rasulullah ﷺ aur Hazrat Abu Bakar v Umar Raziyallahu Anhum ko dekha, Aap farma rahe they - Usman Aaj ka Roza tum hamare Saath Aftaar karna _,"
★_ Us Roz Aap Roze se to they hi, Aapne 20 gulam bhi Azaad farmaye, Aapke paas ek Pajama tha us Pajame ko Aapne Kabhi pehna nahi tha, Us Roz Aapne wo Pajama pehna _,
★_ Aap apne Jaanisaaro ko Hathiyar Uthane se mana kar chuke they lekin Baagiyo ne jab Madina ke nazdeek Lashkaro ki aamad ki khabar suni to wo gusse ke Aape se bahar ho gaye, Aapke makaan ke darwaze ki taraf bade aur usko Aag Laga di, Andar Jo Hazraat mojood they bahar nikal aaye, Unki Fasadiyo se jhadap hui, is jhadap me Hazrat Abdullah bin Zuber Raziyallahu Anhu aur Marwaan bin Hakam zakhmi hue, Kuchh log Shaheed bhi hue _, *( Tareekh Tibri - 4/352 )*
: *"_ Hazrat Usman Raziyallahu Anhu ki Shahadat_,*
★_ Aapke Makaan Ke pados me Hazrat Amru bin Hazm Raziyallahu Anhu ka makaan tha, Us Makaan Ki ek khidki Hazrat Usman Raziyallahu Anhu ke makaan me khulti thi, Darwaze per jab ye jhadap hui to Fasadiyo me se kuchh us khidki ke zariye andar aa gaye,
★_ Aur Wo waqt Asr ke baad ka tha, Aapki Zoja Muhatrama Hazrat Naa'ila Aapke paas bethi thi, Hazrat Usman Raziyallahu Anhu ke Saamne Qur'an khula hua tha aur Aap uski tilawat kar rahe they, Isi haalat me ek Fasaadi ne Aage bad kar Aapki Daadi mubarak ko pakad liya aur Sakht bad kalami se pesh aaya, Uske haath me khanjar tha, Wo khanjar usne Aapki peshani per maara, Peshani se khoon ka favvara beh nikla, Khoon se Aapki Daadi mubarak tar ho gayi, Us waqt Aapki zuban mubarak se nikla -"_ ... Bismillahi Tawakkaltu Alallaahi ..," ( Tarjuma - Allah ke Naam se Allah hi per bharosa hai ),
★_ Saath hi Aap baa'nyi Karwat gir gaye, Qur'an Majeed Aapke Saamne Khula hua tha, Aap us waqt Surah Baqrah ki tilawat kar rahe they, Peshani se nikal kar khoon Daadi tak aaya aur Daadi se Qur'an Kareem per behne laga, Yaha'n tak k is Aayat per pahunch kar ruk gaya,
( Tarjuma- pas An qareeb Allah Ta'ala un logo se Aapko be niyaaz kar dega aur wohi Sunne wala aur Jaanne wala hai ) *( Surah Al Baqrah - 137)*
★_Ab sab mil kar Aap per toot pade, Kanata bin Bashar bin Itaab ne lohe ki Salaakh maari, Sodaan bin Hamraan ne talwaar ka waar kiya aur Amru bin Humaq ne Seene per Beth kar Neze se musalsal ka'i waar kiye ,.. iske saath hi Aapki Rooh Jism Mubarak se Juda ho gayi , "_inna lillahi wa inna ilaihi Raaji'oun _,"
[ *"_ Shahadat Ke baad _,*
★_ Shahadat Ke waqt Aapki Umar 82 Saal thi, Aap 12 baras tak khalifa rahe, Sahaba Kiraam Un Baagiyo ki vajah se Apne gharo me band they, Unhe Fori tor per is Saanha ka pata bhi na chal saka, Dar Asal unhe ye ummeed nahi thi k nobat Yaha'n tak pahunch jayegi, Jo'nhi Sahaba ko ye holnaak khabar mili wo rone lage, Beqaraar ho gaye,
★_Hazrat Ali Raziyallahu Anhu ko khabar mili to unhone Asmaan ki taraf haath utha kar Farmaya - Ey Allah ! Tu gawah reh, Mai'n Usman ke khoon se bari hu'n _,"
Aapne ye bhi farmaya - Hazrat Usman ki shahadat se meri kamar toot gayi _,"
Hazrat Ayesha Siddiqa Raziyallahu Anha us waqt Hajj ke liye gayi hui thi, Wo Hajj ke baad waapas aa rahi thi k is Saanha ki ittela mili, Unhone farmaya - Allah ki qasam ! Usman Mazloom qatl kiye gaye hai'n, Mai'n unke Qaatilo se badle ka muqabla karungi _,"
★_ Hazrat Huzefa bin Yamaan Raziyallahu Anhu ne ye khabar sun kar Farmaya - Ab islam me itna bada Ashgaaf paida ho gaya k Pahaad bhi use band nahi kar sakta _,"
Sumama bin Adi Raziyallahu Anhu ko maloom hua to Aapne farmaya - Ummate Muhammadiya ke khilafate Nabuwat ka khaatma ho gaya, Ab Malukiyat aur Zabardasti ki hukumat ka Daur daura hoga, Jo Shakhs jis cheez per gaalib aayega, Use hadap kar lega _,"
★_ Hazrat Abu Hameed Sa'adi Raziyallahu Anhu Badri Sahabi hai'n, Aapne ye khabar sun kar Farmaya - Mai'n ab kabhi nahi hasunga aur Tamaam Umar fala fala kaam nahi karunga _,"
Hazrat Abu Huraira aur Hazrat Zaid bin Saabit Raziyallahu Anhum ko logo ne betahasha rote dekha, Abdullah bin Salam Raziyallahu Anhu ne ye khabar sun kar Farmaya - Aaj Arab Tabaah ho gaya _,"
Hazrat Zaid bin Somaan Raziyallahu Anhu ne farmaya - Ab musalmano ke Dil Qayamat tak ek doosre se nahi mil sakte _,"
: ★_ Umme Saleem Raziyallahu Anha ek sahabiya hai'n, Unhone farmaya- Ab musalmano me khoon kharabe ke siva kuchh nahi hoga,
Hazrat Saied bin Zaid Raziyallahu Anhu ne farmaya - Tumne Hazrat Usman Raziyallahu Anhu ke saath kya kiya hai, Haq ye hai k is per Uhad pahaad ko gir Jana chahiye _,"
Abu Muslim kholani Raziyallahu Anhu ne ye alfaz farmaye - Qatileen Usman ka Anjaam wohi hoga Jo Qaume Samood ka hua tha Kyunki khalifa ka qatl ek ou'ntni ke qatl se kahi'n zyada bada gunaah hai _,"
★_ Hazrat Hassan bin Saabit Raziyallahu Anhu aur Doosre Shayar Hazraat ne Apne Ash'aar me gam ka izhaar Kiya, Unme se ek Shayr ka tarjuma ye hai :- Usman Duniya ke Sabse zyada Aman Pasand they, .. to kya Ab unke baad bhi ummat Khayr ki ummeed kar sakti hai _,"
★_ Hazrat Usman Raziyallahu Anhu ka pehla Nikaah Huzoor Nabi Kareem ﷺ ki Sahabzaadi Hazrat Ruqayya Raziyallahu Anha se hua, Unse ek ladka paida hua, Uska Naam Abdullah rakha gaya, Ye Kamsini me hi faut hi gaya tha, Uski Nisbat se Hazrat Usman Raziyallahu Anhu ki Kunniyat Abu Abdullah thi,
★_ Hazrat Ruqayya Raziyallahu Anha ki wafaat ke baad Aapka nikaah Huzoor Nabi Kareem ﷺ ki doosri Sahabzaadi Hazrat Umme Kulsum Raziyallahu Anha se hua, Unka inteqal gazwa badar wale din hua, Chunki Aapke nikaah me Aan Hazrat ﷺ ki do Sahabzaadiya'n aayi'n isliye Aapko Zul Nooren ka laqab mila, Zul Nooren ka matlab Do Noor Wale ,
╨─────────────────────❥
*"_ Fazaile Hazrat Usman Raziyallahu Anhu_,*
★_ Unke baad bhi Aapne nikaah kiye, Unse Aulaad bhi hui, Hazrat Naa'ila bint Al Qura se Aapne Sabse Aakhir me Nikaah kiya, Shahadat ke waqt Yahi Aapke saath mojood thi, Shahadat ke waqt Unki bhi ungaliya'n Talwaar ke waar se kat gayi thi, Ye Bahut Haseen thi'n, Hazrat Usman Raziyallahu Anhu ke baad inse nikaah ki khwahish zaahir ki gayi lekin Aapne inkaar kar diya,
★_ Sahaba Raziyallahu Anhum me Aapka kya Muqaam tha ? Is bare me Bukhari ki ek rivayat ye hai k :-
"_ Hazrat Abdullah bin Umar Raziyallahu Anhu farmate hai'n, Hum Nabi Kareem ﷺ ke zamane me logo ke darjaat bayan karte they to Hazrat Abu Bakar, Hazrat Umar aur Hazrat Usman Raziyallahu Anhum ko tarteeb vaar darja diya karte they_,"
★_ Hazrat Allama Zohni ne Hazrat Usman Raziyallahu Anhu ke fazail in alfaz me bayan kiye hai'n :-
*"_ Hazrat Usman Zul Nooren they, Unse Farishto ko haya aati thi, Unhone Saari Ummat ko ikhtilafat paida ho jane ke baad ek Qur'an per jama kiya, Unke Ohdedaaro ne Mashriq me khurasan aur Magrib me Aqsa tak sab Fateh kar dala, Wo bilkul sachche aur Khare they, Raato ko jaagne wale aur Din me Roza rakhne wale they, Allah Ta'ala ke Raaste me be dareg kharch karne wale they, Wo Un logo me se they Jinke bare me Allah ke Rasool ﷺ ne jannat ki Basharat di hai _,"
★_ Huzoor Nabi Kareem ﷺ ne ek moqe per Apni Beti Umme Kulsum Raziyallahu Anha se farmaya :-
"_ Beti ! Tera Shohar wo hai Jisse Allah aur Uska Rasool dono muhabbat karte hai'n aur Wo bhi Allah Ta'ala aur uske Rasool se muhabbat karte hai'n, Kya Tumhe Ye pasand nahi k jab Tum jannat me dakhil ho to dekho k waha'n tumhare Shohar ka makaan sab logo ke makaan se ou'ncha hai _," ( Al Bidaya An Nihaya )
★_ Aan Hazrat ﷺ ne Aapke bare me ye bhi irshad farmaya :- Ey Allah ! Usman Teri Raza ka Talabgar hai Tu usse Raazi ho ja _,"
╨─────────────────────❥ KhilafateKhilafate _Qadam Ba Qadam Writer- Abdullah Farani )
╨─────────────────────❥ *📕_ खिलाफते राशिदा _ क़दम बा क़दम (मुसन्निफ- अब्दुल्लाह फारानी)-
╨─────────────────────❥
*💕ʀєαd, ғσʟʟσɯ αɳd ғσʀɯαʀd 💕,*
╨─────────────────────❥
_ *✍🏻 Haqq Ka Daayi_*
http://www.haqqkadaayi.com
*Telegram*_https://t.me/joinchat/AAAAAFT7hoeE_C8b71KBPg ╚═════════════┅┄ ✭✭
⚀
Post a Comment