Tablig Raahe Nijaat He_,16



    ▁▁▁▂▂▂▃▃▄▄⚀▄▄▃▃▂▂▂▁▁▁
     вɪѕмɪʟʟαнɪʀʀαнмαռɪʀʀαнɪм
              ▔▔▔▔▔▔▔▔▔▔▔▔▔▔▔▔                                                          ♛TABLIG●RAAHE●NIJAAT●HE♛

            ─┄┅━═══ ✦═══━┅┄─

PART-241

✦✧✦✧✦✧✦✧✦✧✦✧✦✧✦✧✦

❈…… ..ISLAM ME WUS'AT HE ,

↬• KISI MUSALMAN KO KISI ALLAH KE LIYE MUHABBAT HO YA USSE KISI MUSALMAN KO ALLAH KE LIYE SACHCHI MUHABBAT HO TO YE MUHABBAT AUR NEK KHAYAL HI AKHIRAT KE LIYE ZAKHIRA HE ,

★• APNE KHALI HAATH HONE KA YAQEEN HI KAMYAABI HE , KOI BHI APNE AMAL SE KAMYAAB NAHI HOGA , SIRF ALLAH KE FAZAL SE KAMYAAB HOGA ,

★• MUJHE APNE OUPER ISTIDRAAJ ( DHEEL DENA ) KA DAR HE , MAINE ARZ KIYA K YE DAR AIN IMAAN HE ,( HASAN BASRI REH. KA IRSHAD HE K APNE OUPER NIFAAK KA DAR MOMIN HI KO HOTA HE ),

★ • MAGAR JAWANI ME DAR KA ZYADA HONA ACHCHHA HE AUR BUDHAPE ME ALLAH SE NEK GUMAAN AUR UMMEED KA ZYADA HONA ACHCHA HE, FARMAYA -HAA'N SAHI HE ,

★. ISLAM ME EK TO WUS'AT KA DARJA HE , YE WUS'AT TO ITNI HE K MUSALMAN KE GHAR ME PAIDA HO JANA DARUL ISLAM ME PAIDA HO JANA HE ,

★• KISI KI BAAT ME NINYANVE KUFR KI VAJAH MOJOOD HO AUR EK VAJAH ISLAM KI HO TO USKO MUSALMAN HI KAHA JAYEGA ,MAGAR YE HAQEEQI ISLAM NAHI RASMI HE ,

★• ISLAM YE HE K MUSALMAN ME LAA- ILAAHA - ILLALLAAH KI HAQEEQAT PAYI JAYE , AUR USKI HAQEEQAT YE HE K USKA BHAROSA KARNE KE BAAD ALLAH TA'ALA KI BANDGI KA PAKKA IRADA DIL ME PAIDA HO , MABOOD KO RAAZI KARNE KI FIKR DIL KO LAG JAYE ,HAR WAQT YE DHUN RAHE K HAAY WO MUJHSE RAAZI HE YA NAHI ?

------- Baqi hidayaat agle part me,

★•  242 , in sha Allah ta'ala,
▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔


PART-242

✦✧✦✧✦✧✦✧✦✧✦✧✦✧✦✧✦

❈…… ..ILM SE AMAL , AMAL SE ALLAH KI YAAD PAIDA HO,

↬• DO CHEEZO KI MUJHE BADI FIKR HE , UNKA AHATMAM KIYA JAYE, EK ZIKR DOOSRE MAAL WALO KO ZAKAAT KA SAHI MASRAF SAMJHAYA JAYE, UNKI ZAKATE SAHI JAGAH KHARCH NAHI HOTI , AKSAR BARBAAD JA RAHI HE'N ,

★• JO ALLAH KE BHAROSE TABLIG ME LAGE HUE HE'N UNKI IMDAAD BAHUT ZAROORI HE ,UNKO ZAKAAT DI JAYE TO UNME HIRS V LALACH PAIDA NA HOGI ,

★• MAAL WALO KO ESE LOGO KO TALASH KARNA CHAHIYE K KISKO KITNI ZARURAT HE , YE JO PESHAWAR MAANGNE WALO KO AUR AAM CHANDA MAANGNE WALO KO ZAKAAT DETE HE'N, AKSAR ISSE UNKI ZAKAATE MASRAF ME NAHI KHARCH HUA KARTI ,

★ • ILM SE AMAL PAIDA HONA CHAHIYE, AUR AMAL SE ZIKR PAIDA HONA CHAHIYE , TABHI ILM HE AUR AGAR ILM SE AMAL PAIDA NA HO TO SARASAR ZULM HE AUR AMAL SE ALLAH KI YAAD PAIDA NA HUI TO FUSFUSA HE AUR ZIKR BILA ILM BHI FITNA HE ,

★. LOGO KO HADIYA , SADQA AUR KARZ KE FAZAAIL SAHABA KE WAQIYAAT SE BATANA CHAHIYE, SAHABA MAZDOORI KAR KARKE SADQA KARTE THE,

★• UNME SIRF MAALDAR HI SADQA NAHI KARTE THE, GAREEB BHI MAZDOORI KARKE KUCHH NA KUCHH SADQA KIYA KARTE THE, KYUKI SADQA KE FAZAIL UNKI NAZAR ME THE, AUR JAB SADQA KA YE DARJA HE TO HADIYA TO USSE BHI AFZAL HE ,

★• ISI TARAH KARZ DENE KE BHI BAHUT FAZAIL HE , JESE JIS WAQT KARZ KI MUDDAT POORI HO JAYE USKE BAAD TANGDAST KARZ LENE WALE KO AGAR MOHLAT DI GAYI , TAQAZA NA KIYA GAYA TO HAR DIN SADQE KA SAWAB MILTA HE ,

------- Baqi hidayaat agle part me,

★•  243 , in sha Allah ta'ala,
▔▔▔▔▔▔▔▔▔▔▔▔▔▔▔▔▔▔

PART-243

✦✧✦✧✦✧✦✧✦✧✦✧✦✧✦✧✦

❈…… ..YAQQEN KE SAATH KAAM ME LAGNA HE ,

↬• TABLIG ME HISSA LENE WALO KO CHAHIYE. K QURAN V HADEES ME DEEN KI DAWAT V TABLIG PER JO AJR V SAWAB KE JO VAADE KIYE GAYE HE'N AUR JIN INAMAAT. KI KHUSH KHABRI SUNAYI GAYI HE UN PER POORA YAQEEN HO ,

★• POORA YAQEEN KARTE HUE UNHI KI CHAHAT V UMMEED ME IS KAAM ME LAGE ,

★• AUR ISKA BHI DHYAN KIYA KARE K HAMARI IS HAKEER KOSHISHO KE ZARIYE ALLAH PAAK JITNO KO DEEN PER LAGA DENGE AUR FIR IS SILSILE SE JITNE LOG QAYAMAT TAK DEEN PER CHALENGE AUR JO BHI NEK AMAL KARENGE TO UNKE AMAAL KA JITNA SAWAB UNKO MILEGA IN SHA ALLAH UN TAMAAM SAWABO KE MAJMUE KE BARABAR ALLAH TA'ALA APNE VAADO KE MUTABIQ HUMKO BHI ATA FARMAYENGE ,

★ • BA-SHARTE K HAMARI NIYAT KHAALIS AUR HAMARA KAAM QABILE QUBOOL HO ,

★. LOGO KO JAB IS TABLIG KE KAAM KE LIYE TAIYAAR KARNA HO TO ACHCHHI TARAH IS KAAM ME LAGNE KE FAAYDE AUR AKHIRAT ME MILNE WALA USKA AJRO. SAWAB BHI KHOOB TAFSEEL SE UNKO BATAO ,

★• AUR IS TARAH BAYAN KARNE KI KOSHISH KARO K THODI DER KE LIYE TO JANNAT KA KUCHH SAMAA'N. UNKI AANKHO KE SAAMNE AA JAYE ,JESA K QURAN MAJEED KA TAREEQA HE ,

★• ISKE BAAD IN SHA ALLAH UNKE LIYE YE ASAAN HOGA K IS KAAM ME MASHGOOLI KI VAJAH SE THODE BAHUT DUNIYA KE KAAMO KE HARAJ AUR NUKSAAN KA JO DAR UNHE HOGA WO USKO NAZAR ANDAZ KAR SAKENGE ,

------- Baqi hidayaat agle part me,

★•  244 , in sha Allah ta'ala,
▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔


PART-244

✦✧✦✧✦✧✦✧✦✧✦✧✦✧✦✧✦

❈…… .. MADARIS KE TALBA SE KHITAAB ,

↬• BATAO TUM KON HO ? ( FIR KHUD HI FARMAYA ) TUM KHUDA AUR RASOOL KE MEHMAN HO ,MEHMAN AGAR MEZBAN KO TAKLEEF PAHUNCHAYE TO USKI TAKLEEF DOOSRO KI TAKLEEF SE BAHUT ZYADA TAKLEEF DEH HOTI HE,

★• PAS AGAR TUM " TALIBE ILM " HO KAR KHUDA AUR RASOOL KI RAZA KE KAAM NA KARO AUR GALAT RAAHO PER CHALO TO SAMAJH LO K TUM ALLAH V RASOOL KO SATANE WALE HO ,

★• DEKHO ,! SHAITAAN BADA CHALAAK AUR MAKKAR HE , WO TAAK KAR DAULAT PER GIRTA HE ,

★ • AAP LOG DEEN KA ILM SEEKHNE GHARO SE NIKAL PADE TO SHAITAN ISSE TO NA UMMEED HO GAYA K AAP NIRE JAAHIL RAHE , ISLIYE USNE JAAHIL RAKHNE KI KOSHISH CHHOR KAR AB YE TAY KAR LIYA K UNKO PADHNE DO MAGAR KAAM ME APNE LAGANE KI KOSHISH KARO ,

★. HAMARI YE TEHREEK ( DAWAT- TABLIG) SHAITAN KI IS KOSHISH KE MUQABLE " ZARRE SAQEEL " ( BHAARI BOJH UTHANE KA ALAA ) HE , JISKA MAQSAD YE HE K KHUDA KE BANDO KO SHAITAN KI RAAH SE UTHAA KAR ALLAH KI RAAH PER DAAL DU AUR ALLAH KE KAAM ME LAGA DU ,

★• JIN LOGO KI KHIDMAT KE HUQOOQ TUM PER HE AUR JINKI ITA'AT KARNA TUMHARE LIYE ZAROORI HE UNKI KHIDMAT V ARAAM KA INTEZAM KARKE AUR UNKO MUTMA'IN KARKE IS KAAM ME NIKLO ,

★• AUR APNA RAWAYYA ESA RAKHO K TUMHARE ILM V SALAAH KE SHOK ME TARAQQI DEKH KAR TUMHARE SARPARAST IS KAAM ME TUMHARE LAGNE SE NA SIRF YE K MUTMA'IN HO BALKI CHAHNE WALE AUR PASAND KARNE WALE HO JAYE ,

------- Baqi hidayaat agle part me,

★•  245 , in sha Allah ta'ala,
▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔


PART-245

✦✧✦✧✦✧✦✧✦✧✦✧✦✧✦✧✦

❈…… ..ZABAN KA ISTEMAL BHALAAI ME KARO ,

↬• INSAAN KA FARK APNE ALAWA DOOSRI MAKHLOOQ SE ZABAN KI VAJAH SE HE ,

★• HONA TO YE CHAHIYE THA K YE FARK BHALAAI HI ME HO , LEKIN HOTA HE YE BURAAI ME BHI ,

★• YANI JIS TARAH ZABAN KE SAHI ISTEMAL AUR USSE ALLAH KA AUR DEEN KA KAAM LENE KI VAJAH SE BHALAAI V NEKI ME FARISHTO SE BHI BADH JATA HE ,

★ • ISI TARAH IS ZABAN KA BEZA ISTEMAL KARNE SE SUWAR AUR KUTTE SE BHI BADTAR HO JATA HE ,

★. HADEES PAAK ME IRSHAD HE K LOGO KO UNKI NAAK KE BAL GHASEETNE WALI JAHANNAM KI TARAF ZABAN SE ZYADA KOI CHEEZ NAHI ,

------- Baqi hidayaat agle part me,

★•  246 , in sha Allah ta'ala,
▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔
✍ Hazrat Maulana Manjoor Nomani Reh.( Malfoozaat Maulana ilyaas Reh.)

 Malfuzaat Maulana Ilyaas Reh.

☞ Allah Ke Paigam ko Duniya tak Pahunchana aur Apne Per Mehnat Karna Hamare Faraiz me Shamil He,

              ⚀ Talib e Dua,
             ⊙   Haqq Ka Daayi,

▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔▔ ------------ ━═─────────────────═━
☆

Tablig Raahe Nijaat He_,16

Post a Comment

Admin

Tablig Raahe Nijaat He_,16

Next

Newer Post

Previous

Older Post

Post a Comment