0
A+ A-
★       
        ╓━════◐◐◑════━╖
                 
                     بسم الله الرحمن الرحيم
       ╙━════◐◐◑════━╜
               
                        ⚄  NIKAAH ⚄
⇛ Shiyaa  Aurat  aur  Mard  se  Nikaah,
            ▩•﹏•▩•﹏•▩•﹏•▩
✪ Jo  sakhsh  Hazrat  Ali  Raziyallahu  Anhu  ki  khudayi  ka  qaa’il  ho  ya  Qurane  kareem  ko  Tehreef  shuda  maanta  ho,  Ya  Ummul  momineen  Hazrat  Aayesha  Raziyallahu  Anha  per  zina  ki  tohmat  rakhta  ho  Ya  Hazrat  Abu  Bakar  Siddiq  Raziyallahu  Anhu  ki  Sahabiyat  ka  munkir  ho,  Ya  Hazrat  Jibra’iyl  Alaihissalam  ki  wahi  laane  me  galti  ka  aqeeda  rakhta  ho,  Ya  koi  aur  Kaafirana  aqeeda  rakhta  ho,  Wo  kaafir  he,  Daayra e islam  se  khaarij  he,
⇛ Lihaza  agar  koi  Shiya  ladki  in  aqaa’id  ki  haamil  ho  to  usse  Sunni  musalman  Ka   Nikaah  halaal  nahi,
⇛ Agar  kufriya  aqaa’id  na  rakhti  ho  to  fi nafsa  Nikaah  mun’aqd  ho  ja’ega  fir  bhi  usse  Nikaah  se  Mard  ke  aqeeda  kharaab  ho  Jane  ka  zyada  andesha  he,  isliye  isse   bachna  laazim  he,
Ba- Hawala, Durre Mukhtar, 3/46, Al Bahrur Ra’iq, 3/121
★ Agar  koi  Shiya  kufriya  aqaa’id  rakhta  he  to  uske  saath  Sunni  Ladki  ka  Nikaah  Kaafir  hone  ki  Vajah  se  mun’aqd  nahi  hoga,
→ Aur  agar  Kufriya  aqaa’id  na  rakhta  ho  tab  bhi  wo  mubtda’a  aur  Faasiq  he,  Us  Sunni  Ladki  ka  Nikaah  nahi  ho  sakta  kyuki  wo  Faasiq  hone  ki  Vajah  se  Sunni  Ladki  ka  Kafu  nahi,
Aalamgiri, 1/Kitabun Nikaah,
 
⇛ Gair  Muqallid  se  Nikaah,
            ▩•﹏•▩•﹏•▩•﹏•▩
✪  Jo ladki Aqidah e Ahle Sunnat val Jama’at ki haamil aur Fiqah ko maanne wali khususan Imaam Abu Hanifa Rh ke maanne wali ho uska Nikaah Gair Muqallid ( Ba qoal khud Ahle hadees) ladke se fi nafsa mun’aqd ho jata he, Kyuki wo bhi Muslim he,
fir bhi esi jagah Rishta karne me amuman khandano ke aapas me ikhtilaf payda ho jata he, Kyuki Ahadees ki roshni me Mard v Aurat ki Namaz me 13 maqamaat me farq he, aur bhi kai buniyadi masail he’n  Jinme Ahle sunnat aur Gair Muqallideen ka ikhtilaf he,
⇛ To unke yaha’n Shadi ki soorat me Mard aur uske khandan wale ladki ko unke masail me Gair Muqallideen ki per I karne per majboor karte he’n, Jisse aapas me na chaqi payda hoti he, isi tarah baaz digar masail me bhi tashaddud karte he’n,
⇛ isliye unko ladki dene se hattal imkaan ahatraaz kiya jaye,
                   ▩•﹏•▩•﹏•▩•﹏•▩

⇛  Gair Muslim ka quboole islam aur uska Nikaah,
✪ Agar koi kaafira Aurat islam qubool kare, to agar wo Aurat esi ho k uska koi shohar nahi, to usse fora Nikaah durust he,
⇛ Agar uska Shohar mojood he to fir uska hukm ye he k agar wo bhi musalman ho jaye tab to ba dastoor ye Aurat uski Bivi rahegi, dono ka Nikaah barqarar he,
⇛ Agar Shohar islam qubool karne se inkaar kare to unme tafreeq kar di jaye, Ye tafreeq ba hukm Talaaq hogi,
✪ Agar ye Aurat Darul Harb me ho to islam qubool karne ke waqt se teen haiz guzaar kar uska Nikaah khatm hoga,  Agar haamla ho to vaza hamal per uska Nikaah khatm hoga, uske baad iddat guzaar kar Nikaah karna chahiye, Yahi ahoot he,
Ba- Hawala, Durre Mukhtar, 3/188
✪ Agar Aurat islam qubool karke Darul Harb se Darul islam hijrat karke aa jaye to Darul islam me dakhil hote hi uska Nikaah khatm ho jayega,  is per vajoob e iddat me ikhtilaf he, qoal e vajoob arjah aur ahoot he,
Ba- Hawala, Durre Mukhtar, 3/193
⇛ Nav Muslima ke liye Kaafir Shohar ke Nikaah se nikalne ka Tareeqa,
            ▩•﹏•▩•﹏•▩•﹏•▩
✪ Agar koi kaafir Aurat islam qubool kare to asal Hukm to yahi he k uske Shohar per islam pesh kiya jaye, Agar qubool kare to dono ka Nikaah barqarar rahega, Agar inkaar kare ya khamoshi akhtyar kare to qazi unme tafreeq kar de to ye tafreeq ba-hukm talaaq hogi, aur iske baad iddat waajib hogi,
✪ Lekin agar Shohar per islam pesh karne me mushkilaat ho ya isme shadeed khatra he, Esi majboori ki soorat me kaafir Shohar se khalasi haasil karne ke liye Mazhab Shafai per amal karne ki gunzaish he,
✪ Unke yaha ( Shafai ) Aurat ke quboole islam ke baad Shohar ke islam qubool karne se pehle agar Aurat ki iddat guzar jaye to Nikaah fasikh ho jata he aur uske baad foran doosra Nikaah ho sakta he,
✪ Shohar ke islam qubool karne ke baad doosri iddat ki zarurat nahi,
Ahsanul fatawa, 5/28
✪ Hazrat Maulana Mufti Taqi Usmani Sahab likhte he’n,
" K Agar mulki qanoon me koi esa tareeqa mojood na ho jiske zariye Shohar ko Adalat me bulakar us per islam pesh kare, to is soorat me iddat guzaar kar doosri jagah Nikaah ki gunzaish hogi,"
Fatawa Usmani, 2/ 266
 
⇛ Teliphone per Nikaah ka Hukm,
            ▩•﹏•▩•﹏•▩•﹏•▩
✪ Nikaah me chunki ye zaruri hota he k 2 gawaah majlise Nikaah me haazir ho aur iyjaab v qubool dono sune, isliye Teliphone per Nikaah durust nahi hota,
✪ Agar doosre Shahar Ya Mulk me Nikaah karna ho to iska sahi tareeqa ye he k us Shahar me ( Yani jisme Ladki he ) kisi shakhs ko apne Nikaah ka Vakeel muqarrar kare, Vakeel uski taraf se doosre fareeq ke saath gawaho ki mojoodgi me iyjaab v qubool Kare, is tarah Nikaah sahi ho jayega,
Fatawa Usmani, 2/304
⇛ Tehreeri Nikaah ka Hukm,
            ▩•﹏•▩•﹏•▩•﹏•▩
✪ Tehreer ke zariye bhi Nikaah ho sakta he, magar ye zaruri he k tarfeen me se ek ki jaanib se Nikaah ke qubooliyat ka zabani izhaar ho aur sirf ek hi tarah se Tehreer ho,
✪ Qubuliyat ka izhaar 2 gawaaho ke saamne kiya jaye, aur wo Tehreer bhi un gawaho ke saamne padhkar suna di jaye,
⇛ Maslan Zaid Hindah ko likhe k mene tumse ek Tola Sona Mahar per Nikaah kiya, Hindah ke paas jab ye Tehreer pahunche to wo avval 2 gawaaho ko talab kare, Unko ye Tehreer suna de aur fir unke saamne kahe k me ise qubool karti hu’n, Ab Nikaah mun’aqd ho jayega,
⇛ Agar Hindah Tehreer padh kar gawaho ko na sunaye balki sirf apni qubooliyat ka izhaar unke saamne kare ya zabani izhaar ki bajaye sirf Tehreer likh de, aur usi per gawaho ke dastkhat karaye, ya gawaho ke dastkhat bhi na karaye, in tamaam soorato me Nikaah na ho sakega,
Khulasa Fatawa Ashrafi,
▔▔▔▔▔▔▔▔▔▔▔▔▔▔▔▔▔
★     
⇛ Nikaah ke Waqt Waldiyat galat batana,
            ▩•﹏•▩•﹏•▩•﹏•▩
✪ Baaz log doosre ki Aulaad ladka ya ladki lekar parvarish karte he’n, Ab kisi jagah unki waldiyat batani pade to apni taraf mansoob kar dete he’n,
( Yani apna naam bata ya likha dete he’n)
⇛ Nikaah ke waqt bhi ye maamla pesh aata he to hukm ye he k apni waldiyat hamesha apne asal waalden ki batani chahiye, Sotele baap ki taraf nisbat karna jaa’iz nahi, Hadees me is per sakht wa’ied aayi he,
⇛ Lekin agar Nikaah ke waqt galat waldiyat bata di gayi magar Aurat ya uska Vakeel Jaanta tha, k isse muraad konsa Mard he ya konsi Aurat he to Nikaah durust ho jayega,
✪ Rasulullah Sallallahu Alaihivasallam ne irshad farmaya k,
” Jisne apne Baap ke alawa kisi gair ki taraf nisbat ki halanki wo jaanta he k uska Baap koi aur he, Us per jannat Haraam he, ”
Ravaah Bukhari v Muslim v Abu Daoud v ibne maaja, Targeeb v Tarheeb, 3/75
⇛ Galti se Ladki ka Naam Badal gaya,
            ▩•﹏•▩•﹏•▩•﹏•▩
✪ Agar galti se Nikaah ke waqt naam badal gaya maslan Zenab bint Bakar ka naam Khalida bint Bakar keh diya ya Zenab bint Umar keh diya vagera, ab Agar shadi ke gawaah ladki ko pehchante ho k fala’n Zenab bint Bakar ka hi nikaah ho raha he, Ya wo ladki majlise Nikaah me khud mojood he aur uski taraf ishara karke Nikaah padhaya aur gawaah bhi pehchan rahe he’n k isi ladki ka Nikaah ho raha he, To naam galat batane ke bavjood ye Nikaah mun’aqd ho jayega,
⇛ Aur agar ladki majlise Nikaah me mojood na ho aur na hi uski taraf ishara hua aur gawaaho ko mutaiyan tor per maloom nahi k fala’n Zenab bint Bakar hi ka Nikaah ho raha he, in sab soorto me Nikaah mun’aqd na hoga, dobara shara’it ke saath Nikaah padhana zaruri he,
  
⇛ Goonge Ke Nikaah ka Tareeqa,
            ▩•﹏•▩•﹏•▩•﹏•▩
✪ Goonge ka Nikaah is tarah padhaya jayega k do gawaho ki mojoodgi me Goonge se Nikaah qubool karne ka ishara kara diya jayega, Jisse iyjaab qubool mafhoom ho,
⇛ Aur sunne walo ko iski muraad maloom ho jaye, Yani usse talaffuz bhi karwaya jaye,
     Izdwaji Zindgi ke Shara’i Masail aur Unka Hal,
                
          ▔▔▔▔▔▔▔▔▔▔▔▔▔▔▔▔▔
★     
⇛ Tajdeed Nikaah kab laazim he?
            ▩•﹏•▩•﹏•▩•﹏•▩
✪ Baaz alfaz kufriya hote he’n, Kabhi qasdan aur kabhi la ilmi me ya kabhi gusse me ese alfaz moonh se nikal jaye, maa’ani v matlab ke lihaaz se Ulma ke nazdeek uska qaail kaafir thehre,
✪ isi tarah Rasulullah Sallallahu Alaihivasallam ki kisi Sunnat ki qasdan toheen ki jisse wo shakhs tehqeeq haal ke baad kaafir thehra,
✪ Ya koi aur esa masla pesh ho jiski vajah se Ulema muhaqqeen ne us shakhs ke kaafir ka fatwa saadir farmaya,
⇛ Esa shakhs agar apni nazeba harkat aur fayl se tauba kare aur islaam me dakhil ho jaye to us per laazim hoga k tajdeed imaan ke saath tajdeed Nikaah bhi kare,
⇛ Aur jis masle me ikhtilaf ho k isse kufr saadir hua ya nahi hua, waha ahatyatan tajdeed imaan v tajdeed Nikaah ka hukm kiya jata he,
Fatawa Alamgeer, 2/283
⇛ Tajdeed e Nikaah ka Tareeqa,
            ▩•﹏•▩•﹏•▩•﹏•▩
✪ Chunki shar’an har Nikaah me Gawaho ka mojood hona zaruri he, aur Mahar bhi laazim hota he, isliye Tajdeed e Nikaah ke waqt ye Tareeqa akhtyar kiya ja sakta he k
agar Shohar ke paas gunzaish he to naye Mahar ke tor per kuchh muqarrar kare
ya gunzaish nahi to Bivi Shohar ko Mahar ka kuchh hissa Hadiya kar de aur Shohar ko is naye Nikaah ka vakeel bhi bana de,
✪ Fir Shohar Do gawaho ki mojoodgi me baqa’ada qubool kare,
✪ Alfaz is tarah istemal kare k ” Fala’n bint Fala’n ko itne Mahar ke avaz me apne Nikaah me laya ”
⇛ Aur dono gawaah is majlis ko majlise Nikaah samjhe aur Nikaah ko haqeeqat per hi mamool kare,
⇛ Yani wo dono gawaah ye samjhe k in dono Miya Bivi ke darmiyan naya Nikaah ho raha he, Sirf mazaaq ya dillagi na samjhe varna Nikaah mun’aqd na hoga,
-Wallahu Ta’ala Aalam-
,
     Izdwaji Zindgi ke Shara’i Masail aur Unka Hal, 101
   
⇛ Khutba e Nikaah Sunna Waajib he,
            ▩•﹏•▩•﹏•▩•﹏•▩
✪ Nikaah se pehle Jo Khutba padha jata he, isi tarah jab taqreer se pehle jab Khutba Masnoona padha ja raha ho, is dauran Haazreen ka aapas me baat cheet karna jaa’iz nahi, balki Khutba sunna Waajib he,
✪ is dauran baat cheet karne wale gunahgaar honge, Tauba laazim he,
✪ Is zamane me log isme bahut gaflat karte he’n, Koi dulha ko dekh raha hota he aur koi to sheerni ki fikr me he, koi Milne julne walo ke Khush gappiyo me mashgool he,
⇛ isliye is Masle ki isha’at karni chahiye k Nikaah ka Khutba bhi gor se sine, is dauran khamoshi akhtyar kare,
,
     Izdwaji Zindgi ke Shara’i Masail aur Unka Hal, 102
          ▔▔▔▔▔▔▔▔▔▔▔▔▔▔▔▔▔
★    
⇛ Do Eido’n ke darmiyan Nikaah bila Shubha Jaa’iz he,
            ▩•﹏•▩•﹏•▩•﹏•▩
✪ Baaz logo me ye galat baat chal padi he k Dono Eido’n ke darmiyan Nikaah jaa’iz nahi, Ye bilkul be-asal baat he,
✪ Jamhoor Ummat ke nazdeek dono Eido’n ke darmiyan Nikaah jaa’iz he,
✪ Khud Aap Hazrat Sallallahu Alaihivasallam ka Nikaah Hazrat Siddiqa Raziyallahu Anha se Shawwal ke mahine me hua,,
Ba- Hawala Mishkaat, 2/271
⇛ Ba waqte zarurat doosri Shadi waajib he,
            ▩•﹏•▩•﹏•▩•﹏•▩
✪ Agar pehli Bivi ka inteqaal ho gaya ya Talaaq ho gayi aur Nafs me Shadi ka taqaza mojood he,
Aur Shadi per qudrat haasil he yani naan nafqa bardast kar sakta he to esi soorat me doosra Nikaah karna waajib he, Aur iske tark se gunahgaar hoga,
,
     Izdwaji Zindgi ke Shara’i Masail aur Unka Hal, 104
                
  
⇛ Nikaah nifli ibaadat se Behtar he,
            ▩•﹏•▩•﹏•▩•﹏•▩
✪ Jo shakhs Bivi ke naan nafqa ki taaqat rakhta ho, aur haalate a’atdaal me ho, uske liye nifli ibaadat me mashgool rehna Shadi ko tark karna afzal he?
ya k Shadi karna afzal he?
⇛ is baare me Fuqha e Hanfiya ki raay yahi he k ese shakhs ke liye Nikaah karna nifli ibaadat me mashgool rehne se afzal aur behtar he,
Ba- Hawala, Sharah Bidayatul Mubtdi , 3
             ▩•﹏•▩•﹏•▩•﹏•▩
 
⇛ Court Marriage, ( Adalati Nikaah )
            ▩•﹏•▩•﹏•▩•﹏•▩
✪ Islam me Shadi ka pasandida tareeqa ye he k Walden sarparast hazraat Rishta tay kare’n, aur Elaaniya tor per Shadi ho, Walden ki Razamandi se ho,
✪ iske bar khilaf aaj ke daur me bahut se ladke ladkiya’n, Walden ko be khabar rakh kar khud Nikaah kar lete he’n, iske liye Adalat ka sahara lete he’n k humne Court Marriage ( Adalati Nikaah) kiya,
✪ Adalati Nikaah ka Hukm ye he k agar gawaho’n ki mojoodgi me ba-qa’ada iyjaab o qubool ke alfaz nahi kehalwaye balki sirf Adalati form bharkar de diya tab to ye Nikaah mun’aqd hi nahi hua,
⇛ Sirf kaagzi kaarwahi ke baad agar dono Miya Bivi ki haisiyat se zindgi guzaare to khaalis zina ke hukm me hoga, aur Aulaad bhi Haraam ki hogi,
⇛ Fuqha Ahnaaf ke yaha’n Hukm ye he k Baaliga ladki agar Walden ki ijazat ke bager gair kafu me Nikaah kare to ye Nikaah mun’aqd na hoga,
Aur agar Kafu me Nikaah kare, Digar Sharayat mukammal ho’n to Nikaah mun’aqd ho jayega, lekin shar’an ye tareeqa napasandida he aur Be hayaai samjha jata he,
Is zamane me Court Marriage amuman gair kafu me Shadi ke liye ye tareeqa akhtyar kiya jata he, lihaaza aam hukm Ahnaaf ke yaha bhi yahi he k uska Nikaah mun’aqd na hoga,
,
     Izdwaji Zindgi ke Shara’i Masail aur Unka Hal, 104
                
          ▔▔▔▔▔▔▔▔▔▔▔▔▔▔
⇛ Shadi ke Moqa per Chhuwhara Fainkna Sunnat he,
            ▩•﹏•▩•﹏•▩•﹏•▩
✪ Nikaah ke Moqe per amuman chhunwhare taqseem karte he’n aur Fard Afraad haatho me dete he’n,
⇛ is bare me asal Sunnat tareeqa ye he k Majlise Nikaah me Shirkat karne walo me chhunwhare taqseem karne ki bajaye fainkkar diya jaye, Chhidka jaye,
Khairul Fatawa, 4/585
          ▔▔▔▔▔▔▔▔▔▔▔▔▔▔▔▔▔
★

               ⚄ MANGNI ⚄
⇛ Mangni ki Shara’i haisiyat,
            ▩•﹏•▩•﹏•▩•﹏•▩
✪ Shar’an Mangni ki haisiyat ek Vaade ki he, Yani agar Mangni ki majlis me baqaada iyjaabo qubool na ho balki sirf Rishta tai hone ke baad aainda Nikaah ka Vaada ho to iski haisiyat vaade ki hui,
✪ Ab iska hukm ye he k jab tak koi maqool uzr pesh na aaye us vaade ko poora karna zaruri he,
✪ Albatta agar koi maqool uzr pesh aaye ,
⇛ Mangni ki Rasm aur Dawat,
            ▩•﹏•▩•﹏•▩•﹏•▩
✪ Baaz ilaaqo me Mangni ne ek mustqil Rasm ki haisiyat akhtyar kar li, isme do taraf ke azeezo aqarib ke alawa milne julne walo aur mohalle walo ki ek badi tadaad ko bulayi jati he, is moqe per Dawat bhi hone lagi he, balki Waleema ki tarah Dawat hoti he,
✪ Khoob samajh Lena chahiye k Mangni ki haqeeqat sirf itni he k Dono taraf ke chand zimmedar hazraat Jama hokar Rishta tai kar le, Mahar, Shadi aur Rukhsati ki tareekh tai kar le,, is moqe ki munasbat se halki si ziyafat ho jaye to bhi koi harj nahi, iske liye baqaada Dawat ka ahatmam karna, isko sunnat qaraar dena bilkul galat he, Balki sunnat samajhkar esa karna Bid’at aur waajibul tark he,
✪ is baat ko malhooz rakha jaye k Shariyat ka mizaaj ye he k ese moqe per saadgi se kaam liya jaye, Takalluf se ijtnaab kiya jaye, to duniya aakhirat dono lihaaz se khushi naseeb hogi,
Fatawa Usmani, 2/232
⇛ Ek Jagah Mangni ke Baad Doosri Jagah Nikaah,
            ▩•﹏•▩•﹏•▩•﹏•▩
✪ Baaz jagah dastoor he k Mangni ke moqe per baqayda iyjaab v qubool ho jata he, ladka aur ladki nabalig ho to walid ya Dada, Chacha vagera se  gawaho ke rubaru iyjaab v qubool karwa liya jata he,
✪ Esi soorat me is Majlis ka naam agarche Mangni ki hoti he, lekin jab Nikaah ke qasd se iyjaab v qubool ho gaya to Nikaah mun’aqd ho gaya, ab is Rishte ko toda nahi ja sakta,
✪ Jab tak ye Nikaah barqarar he doosri jagah Nikaah nahi ho sakta, Agar doosri jagah Nikaah kar diya to wo Nikaah baatil he, mu’aqd nahi hoga,
⇛ Agar Mangni ki Majlis me gawaho ke rubaru iyjaab v qubool nahi ho to ye Vaada Nikaah he, agar koi maqool uzr pesh aaye to Mangni tod kar doosri jagah Nikaah karna durust he,
⇛ Mangni  ke Moqe per di hui Cheezo ki waapsi,
            ▩•﹏•▩•﹏•▩•﹏•▩
✪ Mangni ke moqe per Ladke walo ki taraf se Ladki ko kuchh samaan diya gaya, maslan Ghari, Anguthi aur digar saaz o samaan vagera, kuchh khane peene ka samaan, Baad me Ladki walo ne Rishte se inkaar kar diya,
✪ Esi soorat me Jo samaan mojood ho unko waapas liya ja sakta he aur Jo halaak ho chuke ho yo kha pi liya unki waapsi nahi ho sakti,
✪ Haa agar Ladki walo ne inkaar nahi kiya balki khud Ladke walo ne inkaar kar diya to kuchh bhi waapas nahi liya ja sakta,
,
     Izdwaji Zindgi ke Shara’i Masail aur Unka Hal, 110
                
          ▔▔▔▔▔▔▔▔▔▔▔▔▔▔▔▔▔
★ 
               ⚄  NIKAAH ⚄
⇛ Shadi ke Moqe par Ladke ( Ya Ladki Walo se ) se Raqam Vasool karna,
            ▩•﹏•▩•﹏•▩•﹏•▩
✪ Baaz ilaaqo me Ye Rivaaj he k Ladki wale Dulha se Raqam ka mutalba karte he’n, ( Aur Aaj aksar dekha jata he k Ladke wale Ladki walo se Raqam ka mutalba karte he’n,) aur fir Rishta karte he’n,
✪ Hazrat Mufti Mehmood Hasan Sahab Rh farmate he’n k Agar ye Raqam bator qarz liya jata he to hasbe zarurat tarfayn ki razamazndi se qarz ka Len den durust he,
⇛ Magar isme bhi ye lihaaz rahe k Shadi ka dabaav aur Asar na ho,
⇛ Agar ye Qarz nahi balki Shadi hi ki Vajah se liya jata he to ye Rishwat he aur Haraam he, iski waapsi zaruri he,
Farawa Mehmudiya,
,
     Izdwaji Zindgi ke Shara’i Masail aur Unka Hal, 125
             
         ⇛ Baraat ka Hukm,
            ▩•﹏•▩•﹏•▩•﹏•▩
✪ Baraat ka Maqsad Majlise Aqde Nikaah me logo ki shirkat ki dawat Dena he,
✪ Fi nafsa ye Baat Rasulullah Sallallahu Alaihivasallam ke Amal se saabit he, isliye Shara’i hudood me rehkar esa karna durust he,
✪ Albatta iska zyada ahatmam karna, Riya Namood aur Fakhro Guroor me mubtila hona, zarurat se zyada bada Majma bulane ki koshish karna, israaf se kaam Lena,  ….ye saare umoor khilafe Shara he, inse bachna laazim he,
,
     Izdwaji Zindgi ke Shara’i Masail aur Unka Hal, 126
                
          ▔▔▔▔▔▔▔▔▔▔▔▔▔▔▔▔▔
★
: ▔▔▔▔▔▔▔▔▔▔▔▔▔▔▔▔
     
⇛ Mahar Khalis Aurat ka Haq He,
            ▩•﹏•▩•﹏•▩•﹏•▩
✪ Muqarrah Mahar Naqdi ki shakl me ho ya Sona chandi ya Jaaydad ki shakl me, Chahe Nikaah ke waqt Ada kar diya gaya ho ya Shohar ke zimme baqi ho …….Ye khalis Aurat ka haq he,
✪ Isme Aurat ko har tarah ke tasarruf ka mukammal akhtyar he  .isme Ladke ke Walden, Azizo aqarib me se kisi ka koi haq nahi,
✪ Balki Shohar ko bhi akhtyar nahi k Aurat ki ijazat ke bager Mahar Farokht kare ya usme kisi tarah ka tasarruf kare,
    ,
     Izdwaji Zindgi ke Shara’i Masail aur Unka Hal, 126
                
          ▔▔▔▔▔▔▔▔▔▔▔▔▔▔▔▔▔
★   
⇛ Mahar Ki Adaygi Kab laazim he,
            ▩•﹏•▩•﹏•▩•﹏•▩
✪ Nikaah ke waqt tay shida Mahar ya Mahare Misl waajib ho jata he Jab Rukhsati hokar Miya Bivi tanhayi me ek doosre se mulaqaat karle, ya isse pehle hi kisi ek ka inteqal ho jaye, Dono hi soorto me Ye Mahar Ada karna laazim aur Mokada ho jata  he,
✪ Aurat ko mutaalba karne ka poora poora haq ho jata he,
✪ Albatta agar Khilwate Sahih se pehle talaaq waq’a ho jaye to mukarrara Mahar ka adha hissa saaqit ho jayega aur aisi soorat me Mahar tay shuda na ho tab ab Mahar laazim nahi hoga, Albatta darmiyana darje ka ek Joda laazim hoga,
,
     Izdwaji Zindgi ke Shara’i Masail aur Unka Hal, 134
                
          ▔▔▔▔▔▔▔▔▔▔▔▔▔▔▔▔▔
★
⇛ Mahar ki Kam se Kam Miqdaar,
            ▩•﹏•▩•﹏•▩•﹏•▩
✪ Shariyat e Mutahara ne Nikaah ke liye Mahar ko zaruri qaraar Diya he, iski kam se kam Miqdaar Fuqha e Ahnaaf ke nazdeek 10 Dirham Chaandi ya iski qeemat he
✪ 10 Dirham Chaandi ka Vazan : –
1 Dirham Chandi  = 3.402 Gram,
10 Dirham Chaandi = 3.402 × 10
                     = 34.020 Gram Chaandi,
⇨Taqriban 3 Tola chandi,
    ,
     Izdwaji Zindgi ke Shara’i Masail aur Unka Hal, 135
⇛ Mahar ki Zyada Miqdaar Kitni ?
            ▩•﹏•▩•﹏•▩•﹏•▩
✪ Shariyate Mutahara ne Mahar ki miqdaar mutayyan karke waajib qaraar nahi diya k har Mard  ko Shadi ke waqt itna Mahar Ada karna har soorat me laazim he,
✪ Aur iski zyada se zyada Miqdaar ki bhi koi had muqarrar nahi ki gayi he, balki ise Shohar ki haisiyat aur iateta’at par moqoof rakha he, K Jo shakhs jis qadar Mahar dene ki isteta’at rakhta ho usi qadar muqarrar kare,
✪ Albatta Mahar ki kam se kam had zaroor muqarrar ki gayi he take koi Shakhs isse kam Mahar na baandhe, Chunache Hanfiya ke Maslak me  kam se kam Miqdaar 10 Dirham he,
    ,
     Izdwaji Zindgi ke Shara’i Masail aur Unka Hal, 135
▔▔▔▔▔▔▔▔▔▔▔▔▔▔▔▔▔
★
▔▔▔▔▔▔▔▔▔▔▔▔▔▔▔▔▔
★
⇛ Bhari Mahar ki Muman’at,
            ▩•﹏•▩•﹏•▩•﹏•▩
✪ Albatta bahut zyada Mahar muqarrar karna Shar’an pasandida baat nahi he,
✪ Chunache Rasulullah Sallallahu Alaihivasallam ki Azwaje Mutaharat neez Banate Taiyyabaat ke liye Jo Mahar Muqarrar hua he wo nihayat Mo’atdal aur munasib he, Aaj ke halaat me isi par amal kiya jaye to behtar he,
✪ Hazrat Umar bin Khattab Raziyallahu Anhu ke bare me mankool he k unhone farmaya,
” Khabardar Aurto’n ka bhari Mahar na baandho, agar bhari Mahar baandhna duniya me buZurgi aur azmat ka sabab aur Allah ta’ala ke nazdeek taqwe ka mojib hota to yaqeenan Nabi kareem Sallallahu Alaihivasallam iske zyada mustahiq the, ( Aap Sallallahu Alaihivasallam bhari se bhari Mahar baandhte ),
Magar me nahi jaanta k Rasulullah Sallallahu Alaihivasallam ne 12 auqiya chandi se Sallallahu Alaihivasallam ne 12 auqiya chandi se zyada Mahar par apni Azwaaj Mutaharat se Nikaah kiya ho, Ya isse zyada Mahar par apni Sahabzadiyo ka Nikaah karaya ho: ”
Ahmad, Tirmizi, Abu Daoud, ibne maaja,,Nasa’i,
⇛ Kam Mahar wali Aurat Ba Barkat he,
            ▩•﹏•▩•﹏•▩•﹏•▩
✪ Hazrat Aayesha Raziyallahu Anha se marvi he k Rasulullah Sallallahu Alaihivasallam ne farmaya k,
Ba barkat Aurat wo he k Jiska kharcha kam ho,
Iski sharah me Mulla Ali Qari Rh ne farmaya,
” Us Aurat ka Mahar kam ho aur wo Aurat qana’at pasand ho, Jiski vajah se zyada kamane ke liye shohar ko pareshani na uthana padti ho, Qana’at ek laazim daulat he, ”
Mirkaat Sharah Mishkaat, 6/270
✪ Khulasa Kalaam ye he k is Hadees me Aurat ka Mahar kam hone ko qabile tareef qaraar diya he, isi par Amal hona chahiye,
    ,
     Izdwaji Zindgi ke Shara’i Masail aur Unka Hal, 136
⇛ Mahar Faatmi ki Tafseel,
            ▩•﹏•▩•﹏•▩•﹏•▩
✪ Mahar Faatmi se murad Mahar ki wo miqdaar he Jo Hazrat Fatima Raziyallahu Anha ke liye Tay Hui thi, isliye isko Mahar Faatmi kaha jata he,
✪ Nikaah me Mahar Faatmi muqarrar karna Shar’an  zaruri nahi, isse kam ya zyada muqarrar kiya ja sakta he,
✪ Kyuki khulfa e Rashedeen aur Sahaba ikraam ne Mahar Faatmi se zyada muqarrar karna saabit he aur kam muqarrar karna bhi saabit he,
⇨ Hazrat Fatima Raziyallahu Anha ke Mahar ki miqdaar Kya thi, isme Sahi Rivayat ke mutabik iski miqdaar 480 Dirham ya 1632 Gram bhi keh sakte he’n,
To is lihaaz se 1632 Gram taqriban 140 Tola hua,
Ahsanul fatawa, 17/5,
Hazrat Mufti Shafi Sahab Rh ki tehqeeq ke mutabik 131 Tola 3 masha Chandi,
Hashiya Bahisti zever,
,
     Izdwaji Zindgi ke Shara’i Masail aur Unka Hal, 136
                
          ▔▔▔▔▔▔▔▔▔▔▔▔▔▔▔▔▔
★ 
⇛ Mahar Maaf Karwana -Kist -
            ▩•﹏•▩•﹏•▩•﹏•▩
✪ Ek rivaaj ye chala he k Shuru me badi miqdaar me Mahar Tay kar liya jata he, Nikaah form me bhi likha jata he aur Nikaah ke waqt sabke saamne iyjaab v qubool me is bhari Mahar ka zikr kiya jata he k itne Mahar ki avaz me Nikaah qubool kiya,
✪ Lekin baad me mukhtalif heele bahano ke zariye Mahar Maaf karwane ki koshish ki jati he,
✪ Pehle guzar chuka he k Mahar khalis Aurat ka haq he, Usko haq mahar me tasarruf ka mukammal akhtyar he, Shohar ya kisi aur ko Mahar waapas lene ya Aurat ki razamandi ke bager usme tasarruf karne ka bilkul akhtyar nahi, aur zabadasti maaf karwane se maaf bhi nahi hoga,
✪ Aur ye bhi yaad rahe k zabardasti maaf karwana ye dar haqeeqat maafi nahi balki ek tarah ka gasab he k zabardasti Aurat ke haq per qabza kar liya,
✪ Shar’an isko maaf karna bhi nahi kaha ja sakta isse Shohar ka zimma faarig na hoga, Zindgi me Ada karna laazim rahega, Agar zindgi me Ada nahi kiya to Marne ke baad unke tarke se Mahar ka qarz vasool karke Bivi ke hawale kiya jayega,
 ,
     Izdwaji Zindgi ke Shara’i Masail aur Unka Hal, 137
                         
       ▔▔▔▔▔▔▔▔▔▔▔▔▔▔▔▔▔
★
⇛ Shohar ko Mahar Hadiya karna,
            ▩•﹏•▩•﹏•▩•﹏•▩
✪ Aurat Bager kisi Jabro Karah ke apni razamandi v ragbat se Mahar ka kuchh hissa ya Kul Mahar Shohar ko Hadiya kar de, Ye Shohar ke liye halaal he,
✪ Surah An-Nisa, Aayat- 4:
وَآتُوا النِّسَاءَ صَدُقَاتِهِنَّ نِحْلَةً فَإِن طِبْنَ لَكُمْ عَن شَيْءٍ مِّنْهُ
✪ Tum log Biviyo ko unke Mahar khushdili se de diya Karo, Agar wo Biviya’n khushdili se chhod de tumko us Mahar me koi Jabro ( aur yahi hukm kul ka bhi he ) to ( is haalat me ) tum usko khao ( kaam me lo ) mazedar khushfawar samajhkar,
    ,
     Izdwaji Zindgi ke Shara’i Masail aur Unka Hal, 140
 
             ⇛ Mahar e Misl,
            ▩•﹏•▩•﹏•▩•﹏•▩
✪ Mahar e Misl ka matlab ye he k Aurat ke Baap ke gharane me se Jo Aurat uske misl ( Barabar ki ) ho,
✪ Yani agar ye kam umar he to wo bhi Nikaah ke waqt kam umar ho, agar ye khoobsurat he to wo bhi khoobsurat ho, Jis ilaaqe ki ye rehne wali he usi ilaaqe ki wo bhi ho, Agar ye Deendar hoshiyar ya saliqamand, Padhi likhi he to wo bhi esi hi ho,
✪ Garz Walid ke khandan me Jo Aurate’n in baato me uski tarah thi, unka Jo Mahar Tay hua tha wohi uska Mahar e Misl he,
— Baap ke gharane ki Aurto’n se muraad uski Fufi, Chachazad Behne vagera he,
,
     Izdwaji Zindgi ke Shara’i Masail aur Unka Hal, 141
               
               ▔▔▔▔▔▔▔▔▔▔▔▔▔▔▔▔▔
✿ ▣ TALIBE DUA▣
▍▍✧Haqq Ka Daayi ✧
▔▔▔▔▔▔▔▔▔▔▔▔▔▔▔▔▔
Posted by
Share to:

Post a Comment

Subscribe to: Post Comments (Atom)
 
Top