Aaj Ka Sabaq

Aaj ka Sabaq No. MYP-AKS-823

100% Free Offer :
5 Gunaah Par 5 Aazaab Muft !!

1) Jab kisi Qaum mein Maal e Ghaneemat (poor fund) mein Khullam khulla Khayaanat hone lage toa uunke DiLo mein Dushman ka Roob daal diya jata hai...

2) Jab kisi Qaum mein Zina Aam taur par hone lage toa uus Qaum mein Amvaat ki Kasrat (jawaano ki mavt) ho jaati hai...

3) Jab koi Qaum NaapTool mein kami karne lage toa uuska Rizq (rozi mein barkat) uutha liya jata hai..
.
4) Jab koi Qaum Faisaloh ke karne mein Naa Insaafee karti hai toa uunmein KhoonRehzee fail jaati hai...

5) jab koi Qaum Ahad (waada/commitment) toodney lage toa uuspar uuske Dushman Musallat kar diye Jaatey hai...

(Moataa e Imaam Maalik Shareef/Raavi-Hazrat abduLLAAH ibn e Abbaas Razi.)

Note :
Agar hum ye 5 Gunaah Zaati taur par (Personalised) karenge toa bhi uuskee Saza/Azaab mil sakta hai...Qaum bachey ya Naa Bachey, Humey Bachna hoga...

Qual

Logon ke DiLo mein Apna Makaam es Tarah bana lo ke jab tak Zinda ho toa log tumhaari Mulaaqaat ki Aarzu Karey aur jab Mar jaao toa Tumhaarey liye hamesha DuAa e maghfirat karey...!!

---------------/---------------------------/--------------------

Surah Ikhlaas

BismiLLAAHir Rahmaanir Raheem Qul huwALLAHu Ahad.
ALLAHus Samad. Lam Yalid walamYulad. Walam Yakullahu Kufuwan Ahad.

Fazilatey :

• Raat mey apney Bistar par sooney ke liye aaye, Daahni (right) karwat par soye aur phir Surah Ekhlaas 100 Martaba padh le, Phir Hashr ke Maidaan mey ALLAH tAala khud Kahenga ke “aye merey Bande (bandi) ye Dahni Taraf teri Jannat hai, Daakhil ho Jaa...

(baaHawaala Tirmizi Shareef)

•10 Martaba Surah Ekhlaas padh lijiye aur Jannay mey Ek Mahal Book karwa Lijiye...
(baaHawaala Musnad e Ahmad Shareef)

•3 Martaba Surah Ekhlaas padhkar Tamaam Marhumo ko iska Sawaab Aaj/Abhi pahochaane ki Darkhwaast hai.

•3 Martaba Surah Ekhlaas padhene ka Sawaab purey QurAan shareef padhne ke barabur hai...

Note :
Uuparwali baaton ko Sabaq No. 467 aur 510 ki Audio mey bhi Zarur Suniye...

(baaHawaala JamUul Jawamil)

Composition Approved by / Tasdeekshuda :Mufti Muhammad Ebraheem Qaasmee sb. db., NYC, USA

Note :
Aaj ka Sabaq ki Simaaet (audio) aur Aqs e Barqee (electronic image) mein Quraan ki Aayaat aur Hadees ka Mafhumi (gisty) Tarjama bataya/likha jata hai lihaza Lafzee-Word by Word Tarjame aur mukammal Tafseel-Tafseer ke liye Hakim ul Uummat-Mujaddeed e Millat Hazrat Shah AshrafAlee Sahib Thaanvee rh ka Bayaan ul QurAan, Hazrat Mufti Shafee Sahib Deobandi rh ka mAareef ul QurAan aur Hazrat Manzur Noomaani rh ka mAareef ul Hadees ka mutaala kijiye.

---------------------------------/-----------------------/-----

AAJ KA SABAQ No. MAL-AKS-139
Huquq ul Ibaad/Human Rights -127
Fateh Makkaah...
Peace for Peace...!!

kal Aaj Ka Sabaq mein Hazrat Mufti Asif Laapuri sb db ne ye Bataayaa tha ke Zaleem ko Zulm se Rookna, Zaaleem ko Zulm karne mein saath Naa dena, Zulm ke kaamo mein uuskee Himaayat Naa karna Chahey wo Humaaree Biraadari ka Kyu Naa ho ye bhi Huqul ul Ibaad mein shameel hai..Election mein Vote Deney mein 90% log Apnee Biraadari ke Insaan ko Vote detey hai chaahe uussey Achchha ya Kam Bura Insaan uuskey Muqabley mein Khada kyu Naa ho !! Aisee Jhuthee Himaayat se Bachna aur Ghalat Insaan ko Vote Naa dena bhi Huquq ul Ibaad mein Shaameel hai !!

Ab AAge Padhiye...

Dunya ka ye Dastur hai ke jab bhi koi Faateh (successor) bankar koi Mulk ya Saher mein Daakhil hota hai toa Khoon/izzat Rehzee, Loot, Tabaahee karta hai lekin jab RasulALLAH صلی اللہ علیہ وسلم Fateh bankar Makkaah mein Daakhil hue toa Aap ne Sab ke liye Aman (Peace) ka Ailaan karke Ek Misaal Qaayam kar dee thee, Natije mein Saarey Mulk ke Logon ne Islaam (Peace) Qubuul kar diya tha...!!

• Point...Nukta...•

Be-izzatee, Zulm aur Badley ka Faaydaah Waqtee (Temporary) hota hai aur MuAafee ka Faaydaah Daayamee (permanent) hota hai !!

-----------------------------------/------------------/-----------